Awami Report

10/06/2026

10/06/2026

?

10/06/2026

سندھ میں تیزی سے عوامی مقبولیت حاصل کر نے والے
اشفاق سرھندی

10/06/2026

سندھ کے وزیراعلے کی تبدیلی کا فیصلہ؟

10/06/2026

ریفرنس میں ملزمان پر انتہائی قیمتی 1170 کنال اراضی نجی ہاؤسنگ سوسائٹی کو دینے کا الزام ہے

09/06/2026

28 آئینی ترمیم نیا کھیل

09/06/2026

ٹنڈو محمد خان: زرعی زمین کے تنازع پر فائرنگ، نوجوان شدید زخمی، مقدمہ درج نہ ہونے پر احتجاج کی دھمکی

ٹنڈو محمد خان کے گاؤں محمد حسن وگھامل میں رات زرعی زمین کے تنازع پر مسلح افراد کی فائرنگ کے نتیجے میں نوجوان میر حسن وگھامل شدید زخمی ہو گیا۔ زخمی کو ابتدائی طبی امداد کے بعد ٹنڈو محمد خان سول اسپتال سے سول اسپتال حیدرآباد منتقل کر دیا گیا، جہاں اس کا علاج جاری ہے۔

متاثرہ خاندان کے مطابق واقعے کے بعد پولیس نے مقدمہ یا این سی درج کرنے کے بجائے زخمی کو علاج کے لیے ریفرل لیٹر جاری کرکے روانہ کر دیا، جبکہ واقعے میں ملوث کسی بھی ملزم کو گرفتار نہیں کیا گیا۔

اس حوالے سے ٹنڈو محمد خان پریس کلب میں گاؤں محمد حسن وگھامل کے رہائشی غلام حیدر وگھامل، ایڈووکیٹ آکاش رند، صدام زئور اور دیگر افراد نے پریس کانفرنس کرتے ہوئے الزام عائد کیا کہ علاقے کے بااثر شخص محمد حسن وگھامل کی سرپرستی میں زرعی زمین پر غیر قانونی قبضہ کرنے کی کوشش کے دوران نوجوان میر حسن وگھامل پر قاتلانہ حملہ کیا گیا، جس کے نتیجے میں وہ شدید زخمی ہو گیا۔

انہوں نے کہا کہ ٹنڈو محمد خان تعلقہ تھانے کے ایس ایچ او اور دیگر پولیس اہلکار بااثر افراد کے دباؤ اور مداخلت کے باعث واقعے کا مقدمہ درج کرنے میں ناکام رہے ہیں۔ نہ صرف ایف آئی آر درج نہیں کی گئی بلکہ این سی تک کا اندراج نہیں کیا گیا، جس سے متاثرہ خاندان میں شدید بے چینی پائی جاتی ہے۔

پریس کانفرنس کے شرکاء نے مطالبہ کیا کہ واقعے میں ملوث ملزمان کو فوری طور پر گرفتار کرکے ان کے خلاف قانونی کارروائی عمل میں لائی جائے اور واقعے کی شفاف تحقیقات کی جائیں۔

انہوں نے خبردار کیا کہ اگر ملزمان کی گرفتاری اور مقدمے کے اندراج کو یقینی نہ بنایا گیا تو وہ احتجاج کا دائرہ وسیع کرتے ہوئے سخت احتجاجی تحریک چلانے پر مجبور ہوں گے، جس کی تمام تر ذمہ داری متعلقہ انتظامیہ اور پولیس پر عائد ہوگی۔

08/06/2026

بلڑی شاہ کریم: ایم پی اے خرم کریم سومرو اور ڈپٹی کمشنر ٹنڈو محمد خان کا رورل ہیلتھ سینٹر کا دورہ، طبی سہولیات بہتر بنانے کی یقین دہانی

بلڑی شاہ کریم: پاکستان پیپلز پارٹی کے رکن سندھ اسمبلی خرم کریم سومرو اور ڈپٹی کمشنر ٹنڈو محمد خان دھرمون بھوانی نے رورل ہیلتھ سینٹر بلڑی شاہ کریم کا تفصیلی دورہ کیا۔ اس موقع پر انہوں نے اسپتال کے مختلف شعبوں کا معائنہ کیا اور اسپتال انتظامیہ و ڈاکٹرز سے ملاقات کرکے درپیش مسائل اور عوام کو فراہم کی جانے والی طبی سہولیات کے بارے میں آگاہی حاصل کی۔

دورے کے دوران میڈیا نمائندوں کی جانب سے اسپتال کو درپیش مختلف مسائل کی نشاندہی کی گئی، جنہیں ایم پی اے خرم کریم سومرو اور ڈپٹی کمشنر دھرمون بھوانی نے سنجیدگی سے نوٹ کیا۔ انہوں نے یقین دلایا کہ عوام کو معیاری اور بہتر طبی سہولیات کی فراہمی کے لیے تمام مسائل کو ترجیحی بنیادوں پر حل کیا جائے گا۔

اس موقع پر ایم پی اے خرم کریم سومرو نے ریسکیو 1122 ایمبولینس سروس کی باقاعدہ فراہمی، اسپتال کے سامنے موجود گڑھے کی فوری بھرائی اور اسپتال کے لیے بجلی کا ٹرانسفارمر فراہم کرنے کی ہدایات جاری کیں۔ انہوں نے متعلقہ اداروں کے ذمہ داران سے فوری رابطہ کرتے ہوئے سختی سے تاکید کی کہ مذکورہ سہولیات بلا تاخیر فراہم کی جائیں تاکہ علاقے کے عوام کو درپیش مشکلات کا خاتمہ ممکن بنایا جا سکے۔

خرم کریم سومرو نے کہا کہ پاکستان پیپلز پارٹی عوامی خدمت پر یقین رکھتی ہے اور عوامی فلاح و بہبود کے لیے عملی اقدامات کیے جا رہے ہیں۔ انہوں نے کہا کہ صحت، تعلیم اور بنیادی سہولیات کی فراہمی حکومت کی اولین ترجیحات میں شامل ہے اور عوامی مسائل کے حل کے لیے ہر ممکن اقدامات اٹھائے جائیں گے۔

دورے کے موقع پر پی پی ایچ آئی کے ڈسٹرکٹ منیجر محسن کلہوڑو، ایڈمنسٹریٹر محسن بھٹی، میڈیکل سپرنٹنڈنٹ ڈاکٹر زبیدہ سموں، ضلعی وائس چیئرمین حاجی غلام مصطفیٰ جٹ، اسسٹنٹ کمشنر بلڑی جنید شاہ، میونسپل چیئرمین سید دانی شاہ، پیپلز پارٹی سٹی صدر محمد حسن عرف پپو میمن، سید منصوب کاظمی، حارث صبح پوٹو، آزاد بُردی، میر محمد سومرو اور دیگر معزز شخصیات بھی موجود تھیں۔

رپورٹ: لال بخش سٹھیو

08/06/2026

تجزیہ: کیا گلگت بلتستان میں پاکستان پیپلز پارٹی کی کامیابی کے پیچھے آغا خان پنجم کی ملاقات ایک اہم عامل ہے؟
سیاسی حلقوں میں یہ تجزیہ کیا جا رہا ہے کہ گلگت بلتستان کے حالیہ سیاسی منظرنامے میں پاکستان پیپلز پارٹی کی نمایاں کامیابی کے پس منظر میں صدر آصف علی زرداری، بلاول بھٹو زرداری اور آصفہ بھٹو زرداری کی آغا خان پنجم سے ملاقات بھی ایک اہم پیش رفت ثابت ہوئی ہے۔
مبصرین کے مطابق اس ملاقات نے نہ صرف قومی یکجہتی اور باہمی اعتماد کے فروغ کا پیغام دیا بلکہ گلگت بلتستان سمیت شمالی علاقوں میں پاکستان پیپلز پارٹی کے لیے ایک مثبت سیاسی ماحول پیدا کرنے میں بھی کردار ادا کیا۔ تجزیہ نگاروں کا کہنا ہے کہ عوامی رابطوں، ترقیاتی وژن اور مختلف طبقات کے ساتھ مؤثر روابط نے پارٹی کی سیاسی پوزیشن کو مزید مستحکم کیا۔
تاہم سیاسی ماہرین اس بات پر بھی زور دیتے ہیں کہ کسی ایک ملاقات کو انتخابی کامیابی کی واحد وجہ قرار نہیں دیا جا سکتا۔ ان کے مطابق مقامی سیاسی عوامل، امیدواروں کی عوامی مقبولیت، پارٹی تنظیم اور انتخابی حکمت عملی بھی کامیابی کے اہم عناصر میں شامل ہیں۔
سیاسی مبصرین کے نزدیک آغا خان پنجم اور پیپلز پارٹی کی اعلیٰ قیادت کے درمیان ہونے والی ملاقات کو ایک مثبت سفارتی اور سماجی پیش رفت کے طور پر دیکھا جا رہا ہے، جبکہ گلگت بلتستان میں پارٹی کی کامیابی متعدد سیاسی اور عوامی عوامل کا مجموعی نتیجہ قرار دی جا رہی ہے۔

06/06/2026

سندھ پبلک پارٹی مظلوم عوام کی حقی م نمائندہ جماعت ہے، عوام مسائل کا حل چاہتے ہں ، کھوکھلے وعدے نہںت: اشفاق سرہندی

ٹنڈو محمد خان (رپورٹ: عبدالوقار سولنگی)
سندھ پبلک پارٹی کے کنوینر اشفاق سرہندی نے کہا ہے کہ مسلسل اقتدار پر قابض سا سی قوتوں نے جمہوریت کی روح کو مجروح کرتے ہوئے اسے عملی طور پر بادشاہت مںا تبدیل کر دیا ہے، جبکہ عوام آج بھی اپنے بناندی آئیاق، معاشی اور سماجی حقوق سے محروم ہو کر انصاف کے حصول کے لےم دربدر کی ٹھوکریں کھانے پر مجبور ہںر۔
ان خاھلات کا اظہار انہوں نے راحلس سٹی سچل آباد، ٹنڈو محمد خان مںا نعمق نواز جٹ، حاجی شاہ نواز جٹ اور محمد یاسنح جٹ کی جانب سے منعقدہ عوامی رابطہ مہم کی تقریب سے خطاب کرتے ہوئے کاا۔
اشفاق سرہندی نے کہا کہ سندھ پبلک پارٹی مظلوم، محروم اور پسے ہوئے طبقات کی آواز ہے۔ عوام کی بڑی تعداد مںش شرکت اس امر کا واضح ثبوت ہے کہ لوگ رواییج سا ست، جھوٹے دعوؤں اور کھوکھلے نعروں سے تنگ آ چکے ہںن اور اب اپنے مسائل کا حقی پ حل چاہتے ہںج۔ انہوں نے کہا کہ سندھ پبلک پارٹی عوام کے دکھ درد مں شریک رہنے اور ان کے حقوق کی جدوجہد جاری رکھے کے عزم پر قائم ہے۔
انہوں نے مزید کہا کہ ہم یہ اعلان کرتے ہں کہ سندھ پبلک پارٹی ہر مشکل گھڑی مںر عوام کے شانہ بشانہ کھڑی رہے گی اور عوام کی پکار پر لبیک کہنے والے مخلص اور متحرک کارکنان ہر وقت مدہانِ عمل مں موجود ہںی۔
تقریب سے حاجی شاہ نواز جٹ، نعمں نواز جٹ، یاسنس سموں اور زبرش شخ نے بھی خطاب کاک اور سندھ پبلک پارٹی کے منشور اور عوامی خدمات کو سراہتے ہوئے عوام سے پارٹی کا ساتھ دینے کی اپلو کی۔
تقریب کے انتظامی فرائض سدیر ملاح نے انجام دیے، جبکہ پارٹی آرگنائزرز عبدالحق، زیور محمد، یعقوب گاہو، راوت ٹھاکر، اجمل ٹھاکر، سلمان تھیم اور ساجد بھٹی سمتے دیگر کارکنان اور معززین نے بھی شرکت کی۔