Himalayan News Network

Himalayan News Network Real News + information +entertainment +vlogs + blogs

گلگت: ویمن پولیس اسٹیشن گلگت کی کامیاب کارروائی، ملزمہ گرفتار، 7 لاکھ 12 ہزار روپے مالیت کا مسروقہ سامان برآمدگلگت: ویمن...
05/09/2026

گلگت: ویمن پولیس اسٹیشن گلگت کی کامیاب کارروائی، ملزمہ گرفتار، 7 لاکھ 12 ہزار روپے مالیت کا مسروقہ سامان برآمد

گلگت: ویمن پولیس اسٹیشن گلگت نے پیشہ ورانہ مہارت، جدید تفتیشی تکنیک اور سیف سٹی گلگت کے جدید کیمروں کی مدد سے کامیاب کارروائی کرتے ہوئے چوری کے مقدمے میں مطلوب ملزمہ کو گرفتار کرلیا، جبکہ اس کے قبضے سے 7 لاکھ 12 ہزار روپے مالیت کا مسروقہ سامان بھی برآمد کرلیا گیا۔

گلگت بلتستان پولیس شہریوں کے جان و مال کے تحفظ، جرائم کے تدارک اور جرائم پیشہ عناصر کو قانون کے کٹہرے میں لانے کے لیے پرعزم ہے۔

(ترجمان گلگت بلتستان پولیس)

04/09/2026

براڈ پیک سمیت حالیہ کوہ پیمائی حادثات پر وزیراعلیٰ گلگت بلتستان کا سخت نوٹس، ٹریکنگ و کوہ پیمائی قوانین اور ایس او پیز پر جامع نظرِثانی کا فیصلہ

پریس ریلیز
گلگت، ستمبر 2026

براڈ پیک سمیت حالیہ کوہ پیمائی حادثات پر وزیراعلیٰ گلگت بلتستان کا سخت نوٹس، ٹریکنگ و کوہ پیمائی قوانین اور ایس او پیز پر جامع نظرِثانی کا فیصلہ

وزیراعلیٰ گلگت بلتستان جناب امجد حسین نے رواں سال کوہ پیمائی کے دوران پیش آنے والے متعدد حادثات، بالخصوص براڈ پیک کے حالیہ واقعے پر گہری تشویش کا اظہار کرتے ہوئے متعلقہ اداروں کو ہدایت کی ہے کہ کوہ پیماؤں، ٹریکنگ گروپس، گائیڈز، پورٹرز اور دیگر متعلقہ افراد کی جان و سلامتی کو ہر صورت یقینی بنایا جائے۔

وزیراعلیٰ کی ہدایت پر گلگت بلتستان حکومت نے 1999 کے ٹریکنگ رولز اینڈ ریگولیشنز، متعلقہ طریقہ کار، شرائط و ضوابط اور ایس او پیز کا جامع ازسرنو جائزہ لینے اور حالیہ حادثات میں ممکنہ غفلت یا انتظامی کوتاہی کی ذمہ داری کا تعین کرنے کے لیے تین رکنی کمیٹی تشکیل دی ہے۔

کمیٹی کی سربراہی سیکریٹری فاریسٹ، وائلڈ لائف اینڈ پارکس سبطین احمد کریں گے جبکہ سیکریٹری انفارمیشن ٹیکنالوجی ضمیر عباس بطور ممبر/کنوینر اور کمشنر بلتستان ڈویژن کمال خان بطور ممبر شامل ہوں گے۔

وزیراعلیٰ نے واضح کیا ہے کہ کمیٹی براڈ پیک حادثے میں ہونے والی ممکنہ کوتاہیوں کی ذمہ داری کا تعین کرنے کے ساتھ ساتھ موجودہ ٹریکنگ قوانین کا شق وار جائزہ لے گی اور ان میں موجود فرسودہ، غیر مؤثر یا نامکمل شقوں کی نشاندہی کرے گی۔

انہوں نے کہا کہ پرمیٹ اور رجسٹریشن، بریفنگ و ڈی بریفنگ، لائژن آفیسرز اور ماؤنٹین گائیڈز کی ذمہ داریوں، حفاظتی سامان، پورٹرز کی اجرت و فلاح و بہبود، انشورنس، طبی سہولیات و انخلاء، مواصلاتی نظام اور ہنگامی رسپانس کے طریقہ کار کو موجودہ حالات اور بین الاقوامی حفاظتی تقاضوں سے ہم آہنگ کرنا ناگزیر ہے۔

وزیراعلیٰ نے خاص طور پر لائژن آفیسرز، ماؤنٹین گائیڈز اور پورٹرز کے لیے موجودہ انشورنس کوریج کا ازسرنو جائزہ لینے اور موجودہ خطرات اور اخراجات کو مدنظر رکھتے ہوئے حقیقت پسندانہ اور مؤثر انشورنس کوریج تجویز کرنے کی ہدایت کی ہے۔

انہوں نے مزید ہدایت کی کہ دور دراز اور محدود علاقوں میں سرچ اینڈ ریسکیو، ہیلی کاپٹر ایویکوایشن، موسم کی پیش گوئی اور ارلی وارننگ، مواصلات اور ہنگامی امداد کے انتظامات کا بھی جائزہ لے کر ایسے لازمی حفاظتی پروٹوکول وضع کیے جائیں جن سے مستقبل میں جانی نقصان کے امکانات کم سے کم ہوں۔

وزیراعلیٰ نے کہا کہ گلگت بلتستان میں ٹریکنگ اور کوہ پیمائی کے بڑھتے ہوئے رجحان کے پیش نظر اوپن اور ریسٹرکٹڈ زونز اور مختلف ٹریکس و پاسز کی موجودہ درجہ بندی کو بھی زمینی حقائق کے مطابق اپ ڈیٹ کیا جانا چاہیے۔

انہوں نے کہا کہ ٹریکنگ اور کوہ پیمائی کے شعبے میں ڈیجیٹل پرمیٹ و رجسٹریشن نظام، اداروں کے مابین مؤثر رابطہ کاری اور قوانین کا باقاعدہ وقفوں سے جائزہ وقت کی اہم ضرورت ہے۔

وزیراعلیٰ نے اس عزم کا اظہار کیا کہ گلگت بلتستان حکومت خطے کی کوہ پیمائی اور سیاحت کو فروغ دینے کے ساتھ ساتھ سیاحوں، کوہ پیماؤں، گائیڈز اور پورٹرز کے تحفظ اور سلامتی پر کوئی سمجھوتہ نہیں کرے گی۔

کمیٹی کو ہدایت کی گئی ہے کہ وہ 15 دن کے اندر جامع رپورٹ، سفارشات اور مجوزہ ترمیم شدہ قوانین و ایس او پیز کا مسودہ مجاز اتھارٹی کو پیش کرے۔

🔥 ریسکیو 1122 غذرآگ سے بچاؤ کے حوالے سے آگاہی مہمڈائریکٹر جنرل ریسکیو 1122 گلگت بلتستان محترمہ شہانہ خلیل صاحبہ کی ہدایا...
04/09/2026

🔥 ریسکیو 1122 غذر

آگ سے بچاؤ کے حوالے سے آگاہی مہم

ڈائریکٹر جنرل ریسکیو 1122 گلگت بلتستان محترمہ شہانہ خلیل صاحبہ کی ہدایات کی روشنی میں ریسکیو 1122 غذر کے اہلکاروں کی جانب سے گاہکوچ میں پیٹرول پمپس، کارخانوں، گیس کی دکانوں اور مساجد کا دورہ کیا گیا۔

اس دوران شہریوں اور متعلقہ افراد کو آگ بجھانے والے آلات کے درست اور بروقت استعمال کے حوالے سے عملی آگاہی فراہم کی گئی۔

اہلکاروں نے ہنگامی صورتحال میں حفاظتی اقدامات، فوری ردِعمل اور آگ پر قابو پانے کے بنیادی طریقۂ کار سے بھی آگاہ کیا۔

🚒 ریسکیو 1122 غذر
محفوظ معاشرہ — ہماری ذمہ داری

04/09/2026

گورنر گلگت بلتستان سید مہدی شاہ نے گلگت بلتستان اسمبلی کا چوتھا اجلاس 8 ستمبر کو طلب کر لیا
گلگت (پریس ریلیز):
گورنر گلگت بلتستان سید مہدی شاہ نے گلگت بلتستان آرڈر 2018ء کے سیکشن (1)53 کے تحت تفویض شدہ اختیارات کا استعمال کرتے ہوئے گلگت بلتستان اسمبلی کا چوتھا اجلاس (4th Session) طلب کر لیا ہے۔
اسمبلی کا اجلاس بروز منگل، 08 ستمبر 2026ء کو سہ پہر 3:00 بجے گلگت بلتستان اسمبلی بلڈنگ جتیال، گلگت میں منعقد ہوگا۔
اس سلسلے میں سیکرٹری گلگت بلتستان اسمبلی عبد الرزاق کے دستخط سے باضابطہ نوٹیفکیشن (No.Session-3(2)/2026) جاری کر دیا گیا ہے۔
-

فلائنگ اور ڈرائیونگ میں فرق جان کر چلائیں!جگلوٹ؛واپڈا موڑ کے قریب موٹر سائیکل کار کی زد میں آگئ،خوش قسمتی سے کوئی جانی ن...
04/09/2026

فلائنگ اور ڈرائیونگ میں فرق جان کر چلائیں!

جگلوٹ؛واپڈا موڑ کے قریب موٹر سائیکل کار کی زد میں آگئ،خوش قسمتی سے کوئی جانی نقصان نہیں ہوا

انسدادِ دہشتگردی عدالت نمبر 1 گلگت بلتستان نے تین افراد منظور ولد غلام محمد ساکن مجینی محلہ توصیف حیدر ولد احسان علی س...
04/09/2026

انسدادِ دہشتگردی عدالت نمبر 1 گلگت بلتستان نے تین افراد منظور ولد غلام محمد ساکن مجینی محلہ توصیف حیدر ولد احسان علی ساکن خومر اور فیصل عباس والد نائب شاہ ساکن محمد اباد کی ضمانت منظور کرتے ہوئے ان کی رہائی کا حکم جاری کر دیا واضح رہے کہ مرکزی انجمن امامیہ گلگت نے آغا راحت حسین الحسینی کی قیادت میں ان تین افراد کی رہائی کے لیے احتجاجی دھرنا دیا تھا, ذرائع

پریس ریلیزگلگت، 3 ستمبر 2026ء:حکومتِ گلگت بلتستان کے احکامات کی روشنی میں گلگت شہر میں شہری انفراسٹرکچر کی بہتری اور ٹری...
03/09/2026

پریس ریلیز

گلگت، 3 ستمبر 2026ء:
حکومتِ گلگت بلتستان کے احکامات کی روشنی میں گلگت شہر میں شہری انفراسٹرکچر کی بہتری اور ٹریفک کے بڑھتے ہوئے دباؤ کو کم کرنے کے لیے سکوار کے کے ایچ سے سیوریج ٹریٹمنٹ پلانٹ (STP) تک بائی پاس روڈ منصوبے کے ٹینڈر کی بڈ اوپننگ میٹنگ آج منعقد ہوئی۔ جس میں ملک بھر سے 17 بولی دہندگان نے شرکت کی۔

مجوزہ بائی پاس روڈ منصوبہ گلگت شہر میں ٹریفک مینجمنٹ، رابطہ کاری میں بہتری اور شہری انفراسٹرکچر کی ترقی کے حوالے سے اہمیت کا حامل ہے۔

03/09/2026

استور؛ ذاتی دشمنی کا شاخسانہ!
پریشنگ رامکھہ میں چلاس تھور کا ایک شخص قتل

03/09/2026

پاکستان ٹیلی کمیونیکیشن اتھارٹی (پی ٹی اے) بطور ریگولیٹر گلگت بلتستان میں مستحکم انٹرنیٹ کنیکٹیویٹی کی فراہمی کے لیے اپنا متحرک کردار ادا کرے،وزیراعلیٰ گلگت بلتستان امجد حسین کا سینیٹ کی قائمہ کمیٹی برائے مواصلات کے اجلاس سے خطاب

وزیراعلیٰ گلگت بلتستان امجد حسین نے سینیٹ کی قائمہ کمیٹی برائے مواصلات کے اجلاس سے خطاب کرتے ہوئے کہا ہے کہ پاکستان ٹیلی کمیونیکیشن اتھارٹی (پی ٹی اے) بطور ریگولیٹر گلگت بلتستان میں مستحکم انٹرنیٹ کنیکٹیویٹی کی فراہمی کے لیے اپنا متحرک کردار ادا کرے۔گلگت بلتستان کے صرف شہری علاقوں میں آپٹک فائبر کا استعمال ممکن ہے، جبکہ دیگر پہاڑی اور دشوار گزار علاقوں کے لیے یہ محدود آپشن ہے۔ خطے میں گلیشیرز کی مانیٹرنگ اور قدرتی آفات پر نظر رکھنے کے لیے سیٹلائٹ کنیکٹیویٹی اشد ضروری ہے، جس کی اہمیت کو سمجھنے کے لیے نیپال میں آنے والی قدرتی آفت کی مثال سامنے موجود ہے۔وزیراعلیٰ نے کہا کہ گلگت بلتستان میں سیلولر کنیکٹیویٹی کی ابتر صورتحال کے باعث سیاحت کے علاوہ ہنگامی صورتحال میں امدادی سرگرمیاں بھی شدید متاثر ہوتی ہیں۔ انہوں نے واضح کیا کہ اسپیشل کمیونیکیشن آرگنائزیشن (ایس سی او) محض ایک سروس پرووائیڈر ہے، لہٰذا پی ٹی اے کو بطور ریگولیٹر اپنی ذمہ داریاں پوری کرنی چاہئیں۔وزیراعلیٰ نے کہا کہ گلگت بلتستان میں واقع 7,000 گلیشیرز کی مسلسل نگرانی اور ڈسائسٹر مینجمنٹ انتہائی ضروری ہے تاکہ خطے کو کسی بھی بڑے حادثے سے محفوظ رکھا جا سکے، اور تمام متعلقہ اداروں کے باہمی اشتراک سے ہی آفات سے مؤثر انداز میں نمٹا جا سکتا ہے۔ اس موقع پر وزیر اعلیٰ نے نیشنل ڈیزاسٹر مینجمنٹ اتھارٹی (این ڈی ایم اے) کے اقدامات کی مکمل حمایت کی۔ وزیر اعلیٰ نے کہا کہ گلگت بلتستان کو قومی گرڈ سے جوڑنے کے لیے گلگت سے دیامر تک منصوبے کے تیسرے مرحلے کا آغاز کیا جا رہا ہے۔ اس موقع پر سپیکر گلگت بلتستان اسمبلی عمران ندیم، اپوزیشن لیڈر حافظ حفیظ الرحمن، صوبائی وزیر سیاحت نیکنام کریم،صوبائی وزیر تعلیم امان علی عامر اور صوبائی وزیر بلدیات ذوالفقار علی مرادبھی موجود تھے۔

03/09/2026

گلگت؛محکمہ خوراک کی نگرانی کے باوجود ناقص آٹا فراہم؟
بسین کے لوگ آٹے کے نام پر چوکر نما غیر معیاری مربہ کی روٹیاں کھانے پر مجبور ہیں،محکمہ خوراک،سول سپلائی اپنا کردار ادا کرے، بسین کے باشندے کی دھائی، آٹا چھاننے کے بعد کےصورت حال کی ویڈیو بھجوادی
#آٹا #ناقص #خوراک

Address

Gilgit
5100

Telephone

+923555355305

Website

Alerts

Be the first to know and let us send you an email when Himalayan News Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Himalayan News Network:

Shortcuts

Share

Category