27/11/2025
ورکس ڈویژن ایجوکیشن ڈیپارٹمنٹ کے سینئر افسران سمیت دیگر ملزمان گرفتار
اینٹی کرپشن اسٹیبلشمنٹ پولیس گلگت بلتستان کی اہم کارروائی.
اینٹی کرپشن اسٹیبلشمنٹ پولیس گلگت بلتستان نے ایک مؤثر اور اہم کارروائی کے دوران ورکس ڈویژن ایجوکیشن ڈیپارٹمنٹ سے تعلق رکھنے والے چیف انجینئر سمیت دیگر افسران جن میں اکیسئن، سینئر اکاونٹنٹ، سائٹ انجینیئر اور دو کنٹریکرز شامل ہیں، کو گرفتار کر لیا ہے۔
ملزمان کی عدالت سے ضمانت منسوخ ہونے کے بعد ڈی ایس پی اینٹی کرپشن اسٹیبلشمنٹ بہرام شاہ کی سربراہی میں خصوصی پولیس ٹیم نے بروقت کارروائی کرتے ہوئے انہیں حراست میں لے لیا۔
یاد رہے کہ کچھ عرصہ قبل مذکورہ ملزمان کے خلاف انکوائری کے بعد ایف آئی آر کا اندراج ہوا تھا۔ ملزمان پر انتہائی اہم منصوبوں میں بدعنوانی کے علاوہ غیر قانونی بھرتیوں کا بھی الزام ہے۔
ان اہم گرفتاریوں کے بعد کیس کی تحقیقات میں تیزی آئے گی اور اس سلسلے میں مزید حقائق سامنے آنے کی توقع ہے۔ اینٹی کرپشن اسٹیبلشمنٹ کرپشن کے خاتمے اور شفافیت کے فروغ کے لیے اپنی کارروائیاں جاری رکھے ہوئے ہیں۔
