29/11/2025
پاکستان میں یکم دسمبر 2025 سے اگلے 15 روز کے لیے پیٹرولیم مصنوعات کی قیمتوں میں نمایاں کمی کا امکان ظاہر کیا گیا ہے۔
صنعتی اور سرکاری ذرائع کے مطابق یکم دسمبر سے پیٹرولیم مصنوعات میں فی لیٹر 6.35 روپے تک کمی کا امکان ظاہر کیا جا رہا ہے۔
متوقع ریلیف کا سبب عالمی سپلائی میں اضافہ بتایا جا رہا ہے، جو خلیجی خطے کے سب سے بڑے ریفائننگ کمپلیکس میں سے ایک، کویت کی الزور ریفائنری کی متعدد یونٹس کی بحالی کے بعد ممکن ہوا ہے۔
یہ بھی پڑھیں
پنجاب حکومت کا پیٹرول سے چلنے والے موٹر سائیکل رکشوں کی پیداوار پر پابندی کا فیصلہ
پیٹرول پرلیوی میں ایک روپے 60 پیسےفی لیٹرکا اضافہ
13 دن کے ڈیٹا پر مبنی ابتدائی حساب کے مطابق پیٹرول کی قیمت میں 3.70 روپے فی لیٹر کمی کا امکان ہے، جس کے بعد فی لیٹر پیٹرول کی قیمت 265.45 روپے سے کم ہوکر 261.75 روپے فی لیٹر ہو سکتی ہے۔
دوسری جانب ہائی ا سپیڈ ڈیزل کی قیمت میں 4.28 روپے فی لیٹر کمی کا امکان ظاہر کیا جا رہا ہے، جس کے بعد قیمت 284.44 روپے سے کم ہو کر تقریباً 280.16 روپے فی لیٹر ہوسکتی ہے۔
مٹی کے تیل (کيروسین) کی قیمت میں معمولی کمی متوقع ہے، یعنی 0.73 روپے کی کمی کے بعد مٹی کے تیل کی قیمت 194.34 روپے سے کم ہو کر اندازاً 193.61 روپے فی لیٹر ہو سکتی ہے۔
ذرائع کے مطابق لائٹ ڈیزل آئل کی قیمت میں سب سے زیادہ کمی متوقع ہے، 6.35 روپے فی لیٹر کمی کے بعد اس کی قیمت 170.80 روپے سے کم ہو کر 164.45 روپے فی لیٹر ہو جائے گی۔
