29/08/2026
شیرقلعہ میں چوری کی وارداتوں پر قابو پانے کے لیے پولیس کی کارروائی، عوام کا خراجِ تحسین
غذر کے علاقے شیرقلعہ میں آئے روز ہونے والی چوری کی وارداتوں سے عوام عاجز آ چکے تھے۔ متعدد وارداتوں میں لوگوں کو مالی اور نفسیاتی نقصان کا سامنا کرنا پڑا، تاہم چوری کی وارداتوں میں ملوث افراد کا سراغ نہیں مل سکا تھا۔
29 اگست کو چیک پوسٹ پر تعینات پولیس کے جوان محمد نظام نے کارروائی کرتے ہوئے چوروں کے ایک ٹولے کو گرفتار کر لیا، جس کے بعد عوام میں اطمینان اور راحت کی لہر دوڑ گئی۔
عوامِ شیرقلعہ نے پولیس جوان محمد نظام کی بہادری اور فرض شناسی کو سراہتے ہوئے محکمہ پولیس کے اعلیٰ حکام سے مطالبہ کیا ہے کہ گرفتار ملزمان سے جامع تفتیش کی جائے اور چوری کی وارداتوں میں مزید ملوث افراد اور ان کے نیٹ ورک کے خلاف بھی کارروائی عمل میں لائی جائے۔
عوام نے مزید اپیل کی کہ محمد نظام جیسے بہادر اور مخلص پولیس جوانوں کی حوصلہ افزائی کی جائے تاکہ عوام کا اپنے اداروں پر اعتماد مزید مضبوط ہو۔
