Media Lens

18/09/2025

ہنزہ کے علاقے حسن آباد میں بجلی بحران شدت اختیار کر گیا ہے، جہاں 1.5 میگاواٹ ہائیڈرل منصوبے کی توسیع اور مرمت کا کام کافی عرصہ سے شدید تاخیر کا شکار ہے۔ منصوبے کی ذمہ داری محکمہ تعمیرات ہنزہ کے سپرد ہے مگر مقامی رہنماؤں اور عوامی نمائندوں کے مطابق بدعنوانی اور افسران کی غفلت کے باعث ہزاروں افراد بجلی سے محروم ہیں۔

سابق صدر پیپلز پارٹی ہنزہ و امیدوار حلقہ 6 ظہور کریم ایڈووکیٹ نے کہا کہ سیکریٹری واٹر اینڈ پاور اور ضلعی انتظامیہ خرگوش کی نیند سو رہے ہیں جبکہ عوام اندھیروں میں زندگی گزارنے پر مجبور ہیں۔ انہوں نے یاد دلایا کہ گزشتہ برس محکمہ برقیات اور اعلیٰ حکام نے منصوبے کی جلد تکمیل کی یقین دہانی کرائی تھی مگر تاحال کوئی پیش رفت نہیں ہو سکی۔

انہوں نے خبردار کیا کہ اگر فوری طور پر منصوبے پر پیش رفت نہ ہوئی تو ہنزہ کی تمام سیاسی جماعتیں، سول سوسائٹی اور انجمن تاجران عوام کے ساتھ مل کر شدید احتجاج پر مجبور ہوں گے۔ ظہور کریم نے چیف سیکریٹری گلگت بلتستان سے فوری نوٹس لینے کا مطالبہ کیا۔

18/09/2025

سکردو: حلقہ نمبر دو، حوطو گاوٴں دریائے سندھ کے کٹاؤ سے شدید نقصانات

سکردو : حلقہ نمبر دو کے علاقے حوطو گاوٴں میں دریائے سندھ کے کٹاؤ کا سلسلہ دوبارہ شدت اختیار کر گیا ہے، جس کے باعث قیمتی زرعی زمینیں متاثر ہو رہی ہیں اور اب رہائشی املاک اور جگلوٹ–سکردو روڈ کو بھی شدید خطرات لاحق ہیں۔

اس سے قبل عوامی شکایات اور میڈیا رپورٹس کے بعد این ایچ اے، ایف ڈبلیو او، ضلعی انتظامیہ اور کمشنر بلتستان نے علاقے کا وزٹ کیا اور یقین دہانی کرائی تھی کہ جلد حفاظتی بند تعمیر کیے جائیں گے، تاہم عملی طور پر کوئی کام شروع نہیں کیا گیا۔

علاقہ مکینوں کا کہنا ہے کہ اگر فوری طور پر دریائی کٹاؤ کو روکنے کے لیے ٹھوس اقدامات نہ کیے گئے تو صورتحال مزید خراب ہو سکتی ہے اور اسکردو روڈ سمیت اہم املاک کے متاثر ہونے کا خدشہ ہے۔

عوام حوطو نے حکومت اور متعلقہ اداروں سے مطالبہ کیا ہے کہ فوری طور پر نقصانات کا ازالہ کیا جائے اور مؤثر حفاظتی اقدامات کیے جائیں، بصورت دیگر وہ جگلوٹ–سکردو شاہراہ بند کرکے احتجاج کرنے پر مجبور ہوں گے ۔

18/09/2025

سکردو (پریس ریلیز) صدر پاکستان پیپلز پارٹی بلتستان ڈویژن بشارت ظہیر نے کہا ہے کہ آئندہ انتخابات کے لیے پارٹی ٹکٹ کا فیصلہ ڈسٹرکٹ اور ڈویژنل تنظیمیں باہمی مشاورت سے میرٹ کی بنیاد پر کریں گی۔ لہٰذا کسی کارکن یا رہنما کو اس حوالے سے پریشان ہونے کی ضرورت نہیں ہے۔

انہوں نے کہا کہ پارٹی کے تمام ذمہ داران اور عہدیداران کو اپنی ذمہ داریوں کا بھرپور ثبوت دینا ہوگا۔ سوشل میڈیا پر غیر ذمہ دارانہ رویہ اختیار کرنے یا کارکنوں کے خلاف ہرزہ سرائی کرنے والوں کے خلاف سخت کارروائی عمل میں لائی جائے گی۔

بشارت ظہیر نے کہا کہ اگر کوئی الیکٹیبل یہ سمجھتا ہے کہ وہ پیشگی طور پر ٹکٹ کا حقدار ہے تو یہ اس کی بھول ہے۔ ابھی وقت ہے اور ہر ایک کو محنت کرنے کا پورا حق حاصل ہے۔ پارٹی ٹکٹ کسی فرد کو تنظیموں کی مشاورت کے بغیر نہیں دیا جائے گا۔

انہوں نے مزید کہا کہ وہ دور گزر گیا جب اسلام آباد یا پارٹی کی ہائی کمانڈ سے براہ راست ٹکٹ حاصل کیے جاتے تھے۔ اس بار تمام تنظیمیں مل کر میرٹ کی بنیاد پر فیصلہ کریں گی اور جو بھی خواب بغیر محنت اور مشاورت کے ٹکٹ حاصل کرنے کا دیکھا جا رہا ہے، وہ چکنا چور ہو جائے گا۔

18/09/2025

گلگت بلتستان کی اینٹ اینٹ گواہ ہے، اس میں اگر کسی کا خون پسینہ شامل ہے تو وہ صرف حافظ حفیظ الرحمان کا ہے
گلگت بلتستان میں پہلا امراض قلب ہسپتال حفیظ الرحمان
گلگت بلتستان میں پہلا کینسر ہسپتال حفیظ الرحمان
گلگت بلتستان میں پہلا گیس کا پروجیکٹ حفیظ الرحمان
گلگت بلتستان میں ویسٹ منیجمنٹ کا نظام حفیظ الرحمان
گلگت بلتستان میں پہلا ٹروما سنٹر حفیظ الرحمان
گلگت بلتستان میں پہلا ایم آر آئی حفیظ الرحمان
گلگت بلتستان پہلا ایکسپریس وے حفیظ الرحمان
گلگت بلتستان میں پہلا بلڈ اسکریننگ سنٹر حفیظ الرحمان
گلگت بلتستان میں پہلا ہائے وے حفیظ الرحمان۔
گلگت بلتستان سے دہشت گردی کا خاتمہ حفیظ الرحمان ۔۔
ایمان انصار ترجمان سوشل میڈیا سابق وزیر اعلی گلگت بلتستان حافظ حفیظ الرحمان

18/09/2025

ریسکیو 1122 غذر نے واٹر اینڈ پاور کے عملے کو ریسکیو کشتی کے ذریعے بحفاظت منتقل کیا تاکہ ایس کام ٹاور کی بجلی بحال کی جا سکے۔ چونکہ کھمبا جھیل میں ڈوبا ہوا تھا اور کسی اور ذریعے سے وہاں پہنچنا ممکن نہ تھا، اس بروقت آپریشن نے عملے کو محفوظ رسائی فراہم کی اور ایس کام ٹاور کی پاور سپلائی کامیابی سے بحال کر دی گئی۔

18/09/2025

گلگت کے نواحی علاقے دنیور سے 13 سالہ ارشاد کو لاپتہ ہوئے 23 روز گزر گئے، مگر قانون نافذ کرنے والے ادارے ابھی تک اسے ڈھونڈنے میں کامیاب نہیں ہو سکے۔ والدین کا کہنا ہے کہ وہ شدید کرب اور بے بسی میں ہیں اور حکام سے اپیل کرتے ہیں کہ ان کے بیٹے کو فوری طور پر بازیاب کرایا جائے۔

18/09/2025

ہنزہ: فری لانسنگ ہب کے آئی یو کیمپس کریم آباد کا قیام
ڈائریکٹر جنرل SCO میجر جنرل عمر احمد شاہ نے کریم آباد ہنزہ میں KIU کیمپس کا وزٹ کیا۔اس موقع پر انہوں نے KIU کریم آباد میں SCO فری لانسنگ ھب کا افتتاح کیا۔افتتاحی تقریب سے خطاب کرتے ہوئے ڈی جی SCO نے کہا کہ GBکی یوتھ بہت باصلاحیت ہے ان میں بہت ٹیلنٹ ہے۔محنت کرتے ہوئے آگے بڑھنے کا جو لگن یہاں کے نوجوانوں میں ہے وہ ملک کے کسی اور حصے میں نہیں۔ضلع ہنزہ کے مرکز کریم آباد میں FLH کا قیام SCO کے IT کے شعبے میں کامیابیوں میں سے ایک ہے جو کہ ان علاقوں کے یوتھ کے لیے کسی نعمت سے کم نہیں۔یہاں آئی ٹی سینٹر کا قیام سینٹرل ہنزہ کے یوتھ کو فری لانسنگ اور آن لائن بزنس کے لیے ایک بہترین پلیٹ فارم مہیا کرے گا جس سے نہ صرف آپ اپنی کفالت کر سکیں گے بلکہ اپنے خاندانوں کی ترقی اور علاقے کی معیشت پر بھی مثبت تبدیلی کا باعث بنیں گے۔یہ ہمارا عزم ہے کہ نوجوانوں کو ڈیجیٹل پلیٹ فارم کے ذریعے ایمپاور کریں۔

18/09/2025

تاجر اتحاد سے عاجزانہ گزارش ہے کہ اگر آپ گلگت بلتستان کی عوام کو سستی اشیاء کی فراہمی کیلۓ یہ جدوجہد کر رہے ہیں تو پھر

" وزیراعظم پاکستان جناب محمد شہباز شریف نے گلگت بلتستان کو ٹیکس فری صوبہ بنانے کیلۓ وفاقی کمیٹی کا جو تاریخی سنہری موقع فراہم کیا ہے اس سے فوری فائدہ اٹھاتے ہوۓ پہلے مرحلے میں گلگت بلتستان کو ٹیکس فری صوبے کا (Statutory Regulator Order) SRO جاری کرنے کا مطالبہ کریں اور پھر بارذر ٹریڈ کھول دیں۔

آئندہ سال
دوسرے مرحلے میں

- Limited Import یا
- No limit Import

کے مسلۓ کو
Confidence Building Measure CBM کے
Principle,

Sost Boarder Trade Dialogue Forum

کے آئندہ ایجنڈے میں رکھیں۔ اس سے
- سوست بارڈر پر بے یقینی کی کیفیت ختم ہوگی۔
- گلگت بلتستان کو ٹیکس فری اشیأء کی سستی فراہمی کا آغاز ہو گا۔
- تاجروں' سیاحوں اور شہریوں کی نقل و حمل شروع ہوگی۔
- ریاست اور ٹریڈ باڈیز کے درمیان اعتماد سازی بڑھے گی۔
- ڈیڈ لاگ نہیں ہوگا اور ٹریڈ باڈیز وفاق سے ہر سال ٹریڈ ایشوز پر ڈائیلاگ کی پوزیشن میں ہونگی۔

اور اگر چند مخصوص افراد اپنے مخصوص مفادات اور ملک کے بزنس مافیاز کیلۓ گلگت بلتستان کو باڑا مارکیٹ اور سمگلنگ کا صوبہ بنانا چاہتے ہیں تو پھر ٹیکس فری کا ایجنڈا بھی خطرے سے دوچار ہو سکتا ہے۔

بصورت دیگر
ہماری شنا مثال کے مطابق اس پوری سیریز کا END شائد یہ بھی ہوسکتا ہے:

( دادئ ولونس تھے مالئ گا ہررے یت)
یعنی'
" دادے کی جائیداد کے حصول کی دوڑ میں باپ کی جائیداد سے بھی ہاتھ دھو بیٹھے۔"

شکریہ۔

شمس میر
قائم مقام سیکریٹری جنرل
پاکستان مسلم لیگ ن
گلگت بلتستان۔

18/09/2025

وزیر اعظم کو سعودی حکومت غیر معمولی پروٹوکول دے رہی ہے ۔ ایسا کیوں ہے؟

18/09/2025

وسائل کی شراکت، ترقی کی ضمانت

ساٹھ دن سے ہمارے بھائی سوست بارڈر پر کھڑے ہیں۔ ان کی یہ قربانی ذاتی فائدے کے لئے نہیں بلکہ گلگت بلتستان کی عزت اور بہتر مستقبل کے لئے ہے۔ یہ احتجاج صرف ٹیکسوں یا تجارت تک محدود نہیں بلکہ ہمارے اجتماعی وجود اور بقا کے سوالات کو اجاگر کرتا ہے۔

ہمارا خطہ قدرتی وسائل سے مالا مال ہے۔ ہماری وادیوں کے چشمے، برف پوش چوٹیوں کے گلیشیئر اور دریائے سندھ جو یہیں سے نکل کر پورے پاکستان کو زندگی بخشتا ہے، ان سب پر ہمیں فخر ہے۔ ان دریاؤں سے سندھ کی زمینیں آباد ہوتی ہیں، پنجاب کی صنعتیں چلتی ہیں اور کراچی جیسے بڑے شہروں کو سہارا ملتا ہے۔ یہ ہمارے لئے باعثِ عزت ہے کہ ہماری سرزمین پاکستان کی ترقی اور خوشحالی کا ذریعہ ہے۔

ہماری گزارش بڑی سادہ ہے: جس طرح دوسرے صوبے اپنے وسائل سے رائلٹی حاصل کرتے ہیں، گلگت بلتستان کو بھی یہ حق دیا جائے۔ وفاقی حکومت ہمیں بجٹ میں گرانٹ دیتی ہے، لیکن اصل انصاف یہ ہوگا کہ ہمارے وسائل سے حاصل ہونے والی آمدنی میں ہمیں بھی شراکت ملے۔ یہ شراکت داری نہ صرف گلگت بلتستان بلکہ پاکستان کی مجموعی ترقی کے لئے بھی ایک مضبوط بنیاد ثابت ہوگی۔

ہم ملک کے ساتھ ہیں، اپنی قربانیاں بھی دیتے ہیں اور اپنا کردار بھی ادا کرتے ہیں۔ ہماری خواہش ہے کہ اسی جذبے کے ساتھ ہمارے عوام کو بھی حقوق اور نمائندگی دی جائے تاکہ ہم سب مل کر ایک خوشحال پاکستان کی تعمیر کریں۔

ہمارا پیغام نفرت یا تقسیم کا نہیں بلکہ انصاف، شراکت اور بھائی چارے کا ہے۔ سوست کا احتجاج اس بات کی علامت ہے کہ گلگت بلتستان کے عوام پُرامن اور مثبت انداز میں اپنے جائز حقوق کی آواز بلند کر رہے ہیں۔ ہمیں یقین ہے کہ ریاست پاکستان ہماری اس آواز کو سن کر ہمیں ساتھ لے کر آگے بڑھے گی۔

وسائل ہماری پہچان ہیں، ہماری دولت ہیں اور ہمارا مستقبل ہیں۔ اور آج ہم پورے احترام کے ساتھ کہتے ہیں: وسائل کی شراکت، ترقی کی ضمانت

18/09/2025

وزیر اعلیٰ گلگت بلتستان حاجی گلبر خان نے مختلف محکموں میں کنٹریکٹ پر فرائض سرانجام دینے والے لیگل ایڈوائزرز کو مستقلی کے تقرر نامے دینے کے حوالے سے منعقدہ تقریب کے موقع پر گفتگو کرتے ہوئے کہا کہ آپ سے امید کی جاتی ہے کہ عدالتوں میں سرکاری مقدمات کی پیروی محنت اور خلوص کے ساتھ لاء آفیسرز کے ساتھ مل کر آگے بڑھائیں گے تاکہ بروقت انصاف کی فراہمی ممکن ہوسکے۔ ماضی میں سرکاری محکموں کے کیسز کی پیروی بہتر انداز میں نہ ہونے کی وجہ سے سرکاری امور اور گورننس کے حوالے سے بھی مشکلات کا ساما ہوتا تھا۔ محکموں میں مستقل لیگل ایڈوائزرز کی تعیناتی سے زیر التواء کیسز کی بہتر انداز میں پیروی ہونے کے مثبت اثرات کی وجہ سے گڈ گورننس میں بھی معاونت ملے گی۔واضح رہے کہ لیگل ایڈوائزرز 16 نومبر 2022 کو ٹیسٹ اور انٹرویو کے ذریعے شفاف طریقہ کار اپناتے ہوئے کنٹریکٹ پر تعینات کیے گئے تھے۔ بعد ازاں گلگت بلتستان قانون ساز اسمبلی نے 15 مئی 2025 کو“گلگت بلتستان ریگولرائزیشن آف (کنٹریکچوئل سروسز آف لیگل ایڈوائزرز) ایکٹ، 2025منظور کیا تھا۔وزیر اعلیٰ کی جانب سے جاری کردہ نوٹیفکیشن کے بعد لیگل ایڈوائزرز اب مستقل سرکاری ملازمین کی حیثیت اختیار کر گئے ہیں۔تقریب میں سکریٹری برائے وزیر اعلی اور صوبائی سکریٹری ورکس اینڈ کمیونکش شریک تھے۔

18/09/2025

گواہان کے بیانات کے بعد کیا عمران خان اپنے آپ کو بے گناہ ثابت کر سکیں گے؟

تفصیلات اس لنک میں
https://wenews.pk/news/360822/

خبر کی تفصیل پہلے کمنٹ میں