GB Express News, Gilgit (2025)

11/10/2025

میری طرف سے دنیا بھر کے اور بالخصوص گلگت بلتستان کے شیعہ امامیہ اسماعیلی بہن بھائیوں کو آغا خان پنجم پرنس رحیم آغا خان الحسینی کی سالگرہ بہت بہت مبارک ہو۔
منظور حسین
جنرل سکریٹری گلگت بلتستان نیوز پیپرز سوسائٹی

11/10/2025

میری طرف سے دنیا بھر کے اور بالخصوص گلگت بلتستان کے شیعہ امامیہ اسماعیلی بہن بھائیوں کو آغا خان پنجم پرنس رحیم الحسینی آغا خان کی سالگرہ بہت بہت مبارک ہو!
گوہرایوب قریشی
سابق صدر
GBNS

11/10/2025

وزیر اعلی گلگت بلتستان حاجی گلبر خان نے ہز ہائنس پرنس رحیم آغا خان کو ان کے 54 ویں یوم پیدائش کے موقع پر اپنی حکومت گلگت بلتستان اور عوام کی جانب سے دلی مبارکباد پیش کی ہے۔ اپنے خصوصی پیغام میں وزیر اعلیٰ نے کہا کہ ہز ہائنس پرنس رحیم آغا خان نے اپنے عظیم والد، ہز ہائنس پرنس کریم آغا خان چہارم کی قیادت اور رہنمائی میں آغا خان ڈویلپمنٹ نیٹ ورک کے انسانی خدمت کے مشن کو نہ صرف جاری رکھا بلکہ جدید تقاضوں کے مطابق اسے مزید وسعت دی ہے۔ وزیر اعلیٰ نے کہا کہ ہنر ہائنس پرنس رحیم آغا خان کی فلاحی خدمات نہ صرف عالمی سطح پر تسلیم شدہ ہیں بلکہ پاکستان خصوصاً گلگت بلتستان کے عوام کے لیے ان کی خدمات انتہائی قابلِ قدر ہیں۔ آغا خان ڈویلپمنٹ نیٹ ورک کے تحت گلگت بلتستان میں تعلیمی اداروں، صحت عامہ، صاف پانی، زراعت، ماحولیات، مواصلات اور خواتین کی ترقی کے متعدد منصوبے جاری ہیں، جنہوں نے خطے کی سماجی و معاشی ترقی میں نمایاں کردار ادا کیا ہے۔ وزیر اعلیٰ کہا کہ گلگت بلتستان جیسے دور دراز اور دشوار گزار خطے میں آغا خان ہیلتھ سروسز، آغا خان ایجوکیشن سروسز، آغا خان رورل سپورٹ پروگرام اور آغا خان فاؤنڈیشن جیسے اداروں نے عوام کو سہولتوں کی فراہمی میں وہ کارہائے نمایاں انجام دیے ہیں جنہیں کبھی فراموش نہیں کیا جا سکتا۔ تعلیم کے فروغ کے لیے قائم آغا خان اسکولز، ہسپتالوں اور کلینکس کا جال عوام کو جدید سہولتیں فراہم کر رہا ہے۔ ہز ہائنس پرنس رحیم آغا خان کی ذاتی دلچسپی کے باعث نو جوانوں کے لیے جدید تعلیمی مواقع پیدا ہوئے ہیں اور خواتین کو ترقی کے میدان میں شمولیت کے زیادہ مواقع ملے ہیں، جس سے گلگت بلتستان کی معاشرتی ساخت میں مثبت تبدیلیاں آئیں۔ وزیر اعلیٰ نے کہا کہ ہز ہائنس پرنس رحیم آغا خان کی خدمات دراصل انسانیت، امن، رواداری اور ترقی کے فروغ کی علامت ہیں۔ ان کے وژن کے تحت آغا خان ڈویلپمنٹ نیٹ ورک کے ادارے دنیا بھر میں خصوصاً ترقی پذیر علاقوں میں غربت کے خاتمے، معیار زندگی کی بہتری اور پائیدار ترقی کے لیے شاندار کردار ادا کر رہے ہیں۔ وزیر اعلیٰ نے دعا کی کہ اللہ تعالیٰ ہز ہائنس پرنس رحیم آغا خان کو صحت، خوشحالی اور طویل عمر عطا فرمائے تا کہ وہ ہنر ہائنس پرنس کریم آغا خان کے وژن کے مطابق انسانیت کی خدمت اور ترقی کے اس عظیم مشن کو مزید کامیابی سے آگے بڑھاتے رہیں۔

Aga Khan Development Network Aga Khan University Institute for Educational Development, Pakistan

11/10/2025

دنیا بھر میں بسنے والے بالعموم اور گلگت بلتستان کے تمام شیعہ امامی اسماعیلی بہن بھائیوں کو 50ویں امام، مولانا شاہ رحیم الحسینی کے یومِ ولادت کے پرمسرت موقع پر دلی مبارکباد پیش کرتا ہوں۔

گلگت بلتستان میں تعلیم، صحت، انسانی ترقی اور فلاحِ عامہ کے میدان میں اسماعیلی مسلمان برادری کے 49ویں امام، مولانا شاہ کریم الحسینی کی رہنمائی میں جو تاریخی اور مثالی سفر شروع ہوا، وہ آج بھی ترقی و خدمت کی روشن مثال ہے۔

مجھے یقین ہے کہ مولانا شاہ رحیم الحسینی کی قیادت میں یہ سفر مزید کامیابیوں، انسانی خدمت، ترقی اور خوشحالی کے نئے باب رقم کرے گا۔

— عتیق پیرزادہ
سابق صوبائی صدر، انصاف یوتھ ونگ گلگت بلتستان

09/10/2025

گلگت : دہشت گردی کے واقعے کے بعد مختلف چھاپہ مار کارروائیوں میں پکڑے جانے والا اسلحہ

08/10/2025

گلگت:
ڈسٹرکٹ فوڈ کنٹرولر گلگت تسنیم کوثر نے فوڈ انسپکٹر سلیم برچہ، ملک رازق حسین اور دیگر اہلکاروں کے ہمراہ ضلع گلگت کی مختلف فلور ملوں کا دورہ کیا۔
معائنے کے دوران ٹیم نے آٹے کے معیار، صفائی ستھرائی اور حفاظتی اقدامات کا تفصیلی جائزہ لیا۔
اس موقع پر ڈسٹرکٹ فوڈ کنٹرولر نے واضح ہدایت کی کہ عوام کو معیاری اور صاف ستھرا آٹا فراہم کرنے میں کسی قسم کی غفلت یا کوتاہی برداشت نہیں کی جائے گی

07/10/2025

گلگت، پاکستان مسلم لیگ ن کے رہنما اکرم خان نے شہید سیف الرحمن ہسپتال میں مولانا قاضی نثار احمد صاحب کی عیادت کی اور ان پر ہونے والے دہشت گردی کے واقعہ پر مختصر گفتگو ہوئی اللہ تعالیٰ نے قاضی صاحب کو اس حملے میں معجزانہ طور پر محفوظ رکھا ہے
اس واقعے کے بعد قاضی صاحب نے فوراً عوام کو پرامن رہنے کا پیغام دے کر ایک مثالی کردار ادا کیا جس نے فرقہ وارانہ کشیدگی پھیلانے کی کوششوں کو ناکام بنا دیا۔
گلگت بلتستان کے تمام مکاتبِ فکر نے اس واقعہ کو کھلی دہشت گردی قرار دیا اور نہ صرف اس کی بھرپور مذمت کی بلکہ مجرموں کی فوری
گرفتاری کا مطالبہ بھی کیا۔

تمام لوگوں نے مل کر امن کو سبوتاژ کرنے والے منصوبہ سازوں کے عزائم کو یکسر مسترد کر دیا۔
قاضی نثار احمد صاحب کا حوصلہ آج بھی جواں ہے اور وہ اپنی کوششوں کے ذریعے آج بھی خطے میں امن کا درس دے رہے ہیں۔
پولیس اور قانون نافذ کرنے والے اداروں کو واقعہ میں ملوث کرداروں کو کیفر کردار تک پہچانے کیلئے اقدامات تیز کرنے کی ضرورت ہے تاکہ پرامن گلگت بلتستان میں آئندہ کوئی ایسا واقعہ رونما نہ ہوسکے۔۔۔۔

07/10/2025

گلگت، پاکستان تحریک انصاف،
اِنصاف سٹوڈنٹ فیڈریشن گلگت بلتستان کے صوبائی نائب صدر حنیف گولڈن،
سیف الرحمن ہسپتال میں مولانا قاضی نثار احمد صاحب کی عیادت کی اور ان پر ہونے والے دہشت گردی کے واقعہ پر مختصر گفتگو ہوئی اللہ تعالیٰ نے قاضی صاحب کو اس حملے میں معجزانہ طور پر محفوظ رکھا ہے
اس واقعے کے بعد قاضی صاحب نے فوراً عوام کو پرامن رہنے کا پیغام دے کر ایک مثالی کردار ادا کیا جس نے فرقہ وارانہ کشیدگی پھیلانے کی کوششوں کو ناکام بنا دیا۔
گلگت بلتستان کے تمام مکاتبِ فکر نے اس واقعہ کو کھلی دہشت گردی قرار دیا اور نہ صرف اس کی بھرپور مذمت کی بلکہ مجرموں کی فوری
گرفتاری کا مطالبہ بھی کیا۔

تمام لوگوں نے مل کر امن کو سبوتاژ کرنے والے منصوبہ سازوں کے عزائم کو یکسر مسترد کر دیا۔
قاضی نثار احمد صاحب کا حوصلہ آج بھی جواں ہے اور وہ اپنی کوششوں کے ذریعے آج بھی خطے میں امن کا درس دے رہے ہیں۔
پولیس اور قانون نافذ کرنے والے اداروں کو واقعہ میں ملوث کرداروں کو کیفر کردار تک پہچانے کیلئے اقدامات تیز کرنے کی ضرورت ہے تاکہ پرامن گلگت بلتستان میں آئندہ کوئی ایسا واقعہ رونما نہ ہوسکے۔۔۔۔

07/10/2025

کرن قاسم – امید کی نئی کرن۔
✍️ تحریر: [امتیاز گلاب بگورو]
"تاریخ ساز لمحات خاموشی سے نہیں آتے، وہ دروازے پر دستک دیتے ہیں اور معاشروں کو جگا دیتے ہیں 4 اکتوبر 2025 کا دن گلگت بلتستان کی تاریخ میں ایک ایسے ہی لمحے کے طور پر درج ہو چکا ہے، جب پہلی بار ایک خاتون صحافی — کرن قاسم — گلگت یونین آف جرنلسٹس کی صدر منتخب ہوئیں۔ بظاہر یہ خبر صرف ایک تنظیم کے انتخابات کی ہے، لیکن اس کی معنویت کہیں زیادہ گہری ہے۔ یہ ایک سماجی تبدیلی کی نشاندہی کرتی ہے۔ یہ اس خواب کی جھلک ہے جو برسوں سے گلگت بلتستان کی خواتین آنکھوں میں سجائے ہوئے تھیں، کہ وہ صرف پیچھے نہیں، آگے بھی بڑھ سکتی ہیں، وہ صرف آواز نہیں، قیادت بھی بن سکتی ہیں۔قارئین کرام گلگت یونین آف جرنلسٹس کے انتخابات ہمیشہ سے اہم رہے ہیں، لیکن اس بار اس میں کچھ خاص تھا۔ نہ صرف اس بار قیادت کے لیے ایک خاتون میدان میں اتریں، بلکہ انہیں واضح اکثریت سے کامیابی بھی حاصل ہوئی۔ 52 رجسٹرڈ ووٹرز میں سے 46 نے حقِ رائے دہی استعمال کیا، جس میں کرن قاسم کو 24 ووٹ اور ان کے مدمقابل زوہیب اختر کو 19 ووٹ ملے، جبکہ 3 ووٹ مسترد ہوئے یہ نتائج اس بات کی علامت ہیں کہ اب صحافی برادری صرف "چہرے" نہیں دیکھتی، بلکہ وژن، خدمات، اور اہلیت کو ترجیح دیتی ہے۔پاکستان بھر میں، اور خاص طور پر گلگت بلتستان میں، صحافت کا شعبہ عرصہ دراز تک مردوں کا میدان سمجھا جاتا رہا ہے۔ خواتین کو یا تو رپورٹرز کے طور پر محدود کیا گیا، یا انہیں صرف "نرم موضوعات" (soft beats) جیسے ثقافت، صحت، یا تعلیم تک محدود رکھا گیا کرن قاسم کی کامیابی اس روایتی سوچ کو توڑنے کا نام ہے۔ انہوں نے نہ صرف ایک مرد اکثریتی فیلڈ میں جگہ بنائی، بلکہ اس کے سب سے اہم منصب تک پہنچ کر یہ واضح پیغام دیا کہ قیادت کا تعلق صنف سے نہیں، صلاحیت سے ہے۔"
محترم قارئین کرام
یہ صرف اُن خواتین کے لیے نہیں جو پہلے سے صحافت میں ہیں، بلکہ اُن لڑکیوں کے لیے بھی ایک روشن مثال ہے جو دیہی علاقوں میں، اسکولوں یا گھروں میں خواب دیکھتی ہیں، لیکن ان خوابوں کو حقیقت میں بدلنے کا حوصلہ نہیں پاتیں اپنی وکٹری اسپیچ میں کرن قاسم نے جو باتیں کیں، وہ محض رسمی دعوے نہیں تھے، بلکہ ایک فکری منشور کی نمائندگی کرتی تھیں۔ انہوں نے واضح کیا کہ ان کی ترجیحات میں درج ذیل شامل ہوں گی صحافیوں کے تحفظ کو یقینی بنانا صحافی خواتین کے لیے سہولیات اور نمائندگی بڑھانا پیشہ ورانہ تربیت اور ورکشاپس کا انعقادمیڈیا کی خودمختاری کا تحفظ یونین کو ایک فعال اور متحرک ادارہ بنانا یہ وژن صرف ایک تنظیمی ایجنڈا نہیں، بلکہ ایک سماجی خدمت ہے — کیونکہ صحافت صرف خبر رسانی نہیں، سماج سازی کا عمل بھی ہے کرن قاسم کی کامیابی پر گلگت بلتستان کی سیاسی قیادت، خواتین رہنماؤں، اور سول سوسائٹی نے جس جوش و خروش سے مبارکباد پیش کی، وہ ایک نیا کلچر متعارف کروا رہا ہے۔ وزیر اعلیٰ گلبر خان سے لے کر اپوزیشن لیڈر کاظم میثم، اور خواتین رہنما ثریا زمان، کلثوم فرمان، امنہ علی، ثروت صبا تک سب نے نہ صرف کرن قاسم کو سراہا، بلکہ اس بات کا بھی اعتراف کیا کہ یہ کامیابی پورے معاشرے کے لیے باعثِ فخر ہے یہ ردعمل اس بات کا ثبوت ہے کہ گلگت بلتستان کا سیاسی و سماجی کلچر اب صنفی مساوات کی طرف بڑھ رہا ہے۔ وہ مزاحمت جو کبھی خواتین کی پیش قدمی کے خلاف تھی، اب معاونت میں تبدیل ہو رہی ہے۔قارئین کرام لیکن یہ کامیابی صرف مبارکبادوں تک محدود نہیں۔ کرن قاسم اور ان کی ٹیم کے سامنے ایک طویل، کٹھن اور مسلسل محنت طلب راستہ ہے۔ گلگت بلتستان جیسے خطے میں جہاں صحافیوں کو جان کے خطرات لاحق رہتے ہیں ذرائع کم ہیں تربیت کے مواقع محدود ہیں
ادارہ جاتی تحفظ کا فقدان ہے
وہاں یونین کی ذمہ داری ایک "کاغذی یونین" سے آگے بڑھ کر ایک "ایکشن پلیٹ فارم" بننے کی ہے اگر کرن قاسم اپنی ٹیم کے ساتھ مل کر اس وژن کو عملی جامہ پہنا سکیں، تو یہ کامیابی گلگت بلتستان کی صحافت کی تاریخ کا اہم موڑ ثابت ہو گی۔
یہ کہنا غلط نہیں ہوگا کہ سوشل میڈیا نے کرن قاسم کو "گلگت بلتستان کی بیٹی" کے طور پر گلے لگا لیا ہے۔ صحافیوں، کارکنوں، اور عام شہریوں کی جانب سے جن محبت بھرے الفاظ اور دعاؤں کا اظہار کیا گیا، وہ اس بات کی علامت ہے کہ معاشرہ اب تبدیلی کو نہ صرف قبول کر رہا ہے بلکہ اس کا جشن بھی منا رہا ہے کرن قاسم کی صدارت صرف ایک کامیاب انتخابی مہم کا نتیجہ نہیں، بلکہ ایک معاشرتی سوچ کی تبدیلی کا مظہر ہے۔ یہ وہ لمحہ ہے جب گلگت بلتستان کی صحافت نے اپنی تاریخ میں پہلی بار خواتین کو قیادت کے منصب پر براجمان دیکھا، اور خوشی سے تسلیم کیا۔اب اصل امتحان اس خواب کی تعبیر میں ہے کیا کرن قاسم ان امیدوں پر پورا اتریں گی؟کیا یونین صحافیوں کی حقیقی آواز بنے گی؟کیا یہ لمحہ تحریک میں بدلے گا؟وقت ان تمام سوالات کا جواب دے گا۔ لیکن آج، ہم صرف یہ کہہ سکتے ہیں یہ گلگت بلتستان کی بیٹی کی نہیں، پورے خطے کی جیت ہے۔"

07/10/2025

*سیکریٹری ہائیر، ٹیکنیکل اینڈ اسپیشل ایجوکیشن ڈیپارٹمنٹ گلگت بلتستان کا ضلع غذر کے تعلیمی اداروں کا خصوصی دورہ*
گلگت (پ-ر): سیکریٹری ہائیر، ٹیکنیکل اینڈ اسپیشل ایجوکیشن ڈیپارٹمنٹ گلگت بلتستان فرید احمد نے جمعہ اور ہفتہ کے روز ضلع غذر کے تعلیمی اداروں کا خصوصی دورہ کیا۔ انہوں نے گورنمنٹ بوائز انٹر کالج یاسین اور گورنمنٹ گرلز کے دورے کے دوران مسائل کے بارے میں پرنسپل، اساتذہ اور طلبہ سے تبادلہء خیال کیا۔ پرنسپل بوائز کالج یاسین پروفیسر سلیمان علی اور گرلز انٹر کالج یاسین پروفیسر حُسن آرا نے سیکریٹری کو کالج کے بارے میں بریفننگ دی۔ بوائز کالج میں کلاس رومز کی کمی اور زیرِ تعمیر sick پروجیکٹس کے مسائل حل کرنے کی سیکریٹری نے یقین دہائی کرائی، اساتذہ اور طلبہ نے بی ایس بلاک کی زیرِ تعمیر عمارت کو جلد مکمل کرنے کا مطالبہ کیا۔ جس پر سیکریٹری نے عمارت مکمل کرنے کے لیے ضروری اقدامات کرنے کا وعدہ کیا۔ دورے کے دوران دونوں کالجز کے اساتذہ اور طلبہ نے دونوں کالجز میں فیکلٹی کی کمی، کلاس رومز کی کمی اور فرنیچر کے فقدان کے فوری حل کی گزارش بھی کی۔ جس پر انہوں نے ان مسائل کے حل کی یقین دہائی کرائی۔ سیکریٹری نے طلبہ و طالبات سے خطاب کیا اور اساتذہ کی teaching methodology چیک کی۔ جس پر اسٹوڈنٹس اور سیکریٹری نے اطمینان کا اظہار کیا۔ انہوں نے گرلز کالج کی زیرِ تعمیر عمارت کا بھی معائنہ کیا اور جلد تعمیر مکمل کرنے کے لیے عملی اقدامات کرنے کا وعدہ کیا۔
بعد ازاں سیکریٹری فرید احمد نے گورنمنٹ انٹر کالج، گوپس کا دورہ کیا۔ وائس پرنسپل پروفیسر عبد الکریم نے انہیں خوش آمدید کہا۔ جہاں انہوں نے حالیہ دنوں میں آنے والے انٹر کے رزلٹ کو مذید بہتر کرنے پر زور دیا۔ انہوں نے سیلاب سے متاثرہ اسٹوڈنٹس میں کتابیں بھی تقسیم کیں اور طلبہ سے خطاب کیا اور اسٹوڈنٹس کے نمائندہ وفد سے ملاقات بھی کی اور کالج کے جملہ مسائل، معیارِ تعلیم، بہتر رزلٹ پر تبادلہ خیال کیا اور مسائل کے جلد حل کے لیے اقدامات کرنے کا وعدہ کیا۔
ہفتہ کے روز انہوں نے گورنمنٹ کالج، ہاتون کا دورہ کیا۔ جہاں پرنسپل پروفیسر شیر نادر نے انہیں خوش آمدید کہا۔ انہوں نے کلاس رومز، لیبارٹریز، لائبریری کا دورہ کیا اور اساتذہ اور اسٹوڈنٹس کی حاضری چیک کی اور حاضری کو مذید بہتر کرنے کی سخت ہدایت کی۔
سیکریٹری نے گورنمنٹ گرلز انٹر کالج، گاہکوچ کا بھی دورہ کیا۔ جہاں انہوں نے عالمی یومِ اساتذہ کی خصوصی تقریب میں بحیثیتِ مہمانِ خصوصی خطاب کیا اور مجموعی طور پر کالج کے بہتر تعلیمی نظام پر پرنسپل پروفیسر ساجدہ بانو کی تعریف کی۔ انہوں نے مزید بہتری کے لیے ہدایات کے ساتھ ساتھ اہم تجاویز بھی دیں۔ معیاری طریقے سے سیلبس مکمل کرنے کے لیے سیکریٹری نے طالبات کو ٹِپس بھی دئیے۔ انہوں نے لائبریری کا بھی معائنہ کیا اور بہتر انتظامات کو سراہا۔

سیکریٹری نے مذکورہ پرنسپلز اور پرنسپل گورنمنٹ انٹر کالج، چٹور کھنڈ پروفیسر شاہ رئیس اور پرنسپل اسپیشل ایجوکیشن سینٹر، گاہکوچ منظور خان کے ساتھ ایک اہم میٹنگ بھی کی۔ جس میں مذکورہ اداروں کے مسائل پر تفصیلی تبادلہء خیال کیا گیا اور اس عزم کا اعادہ کیا گیا کہ معیارِ تعلیم کو عصری تقاضوں کے مطابق پروان چڑھائے جائے گا۔ سیکریٹری نے پرنسپلز کو ضلعی سطح پر آپس میں کوآرڈینشن بہتر کرنے اور مسائل کو آپس میں مؤثر کوآرڈینیشن سے حل کرنے پر زور دیا۔

06/10/2025

ہمارے حقیقی ہیروز ینگ ڈاکٹرز گلگت بلتستان کی طرف سے قوم کے نام اہم پیغام!

06/10/2025

گلگت
انسپکٹر جنرل آف پولیس گلگت بلتستان ،افضل محمود بٹ ،ھوم سیکریٹری گلگت بلتستان کی پریس کانفرنس
مولانا قاضی نثار احمد پر قاتلانہ حملے میں
8 مشتبہ سہولت کار گرفتار مذید تفتیش جاری ہے بہت جلد مجرمان گرفتار ہونگے ۔

GB Express News

11/10/2025

11/10/2025

11/10/2025

11/10/2025

09/10/2025

08/10/2025

07/10/2025

07/10/2025

07/10/2025

07/10/2025

06/10/2025

06/10/2025

Address

Telephone

Website

Alerts

Shortcuts

Share

Category

DPN