GB Express News

GB Express News گلگت بلتستان کی آواز جی بی ایکسپریس نیوز

گلگت کے نوجوان کی پاکستان انڈر 16 فٹبال ٹیم میں شمولیتگلگت کے علاقے پری بنگلہ سے تعلق رکھنے والے نوجوان محمد زیدان شاه ن...
10/08/2026

گلگت کے نوجوان کی پاکستان انڈر 16 فٹبال ٹیم میں شمولیت

گلگت کے علاقے پری بنگلہ سے تعلق رکھنے والے نوجوان محمد زیدان شاه نواز کو پاکستان انڈر 16 فٹبال ٹیم کے لیے منتخب کر لیا گیا ہے۔

محمد زیدان چین میں منعقد ہونے والے پیس کپ 2026 میں پاکستان کی نمائندگی کریں گے۔ میڈیا لینز ۔ گلگت بلتستان کی وادیوں سے نکل کر بین الاقوامی میدان تک پہنچنے والے اس نوجوان کھلاڑی کی کامیابی کو علاقے کے لیے باعثِ فخر قرار دیا جا رہا ہے۔

09/08/2026

فخر دیامر ،فرزند دیامر ، جماعت ہشتم کا طالبعلم سعید احمد جنت نظیر وادی داریل کی خوبصورتی کے حوالے سے انگریزی میں اپنے خیالات کا اظہار کررہے ہیں ۔

اب آپ کے شہر گلگت جٹیال میں 100%خالص گائے کا دودھ دستیاب ہے خالص دودھ ۔۔۔۔۔۔۔بہتر صحت۔۔۔بہتر زندگی
09/08/2026

اب آپ کے شہر گلگت جٹیال میں 100%خالص گائے کا دودھ دستیاب ہے
خالص دودھ ۔۔۔۔۔۔۔بہتر صحت۔۔۔بہتر زندگی

استور کے ظہور حسین امیر نے امریکہ سے سول انجینئرنگ میں پی ایچ ڈی مکمل کرلیاستور (مظاہرمنتظری): استور سے تعلق رکھنے والے ...
08/08/2026

استور کے ظہور حسین امیر نے امریکہ سے سول انجینئرنگ میں پی ایچ ڈی مکمل کرلی

استور (مظاہرمنتظری): استور سے تعلق رکھنے والے ظہور حسین امیر نے امریکہ کی نارتھ ڈکوٹا اسٹیٹ یونیورسٹی (North Dakota State University) سے سول انجینئرنگ میں پی ایچ ڈی کی ڈگری مکمل کرلی۔

ظہور حسین امیر کو استور سے سول انجینئرنگ کے شعبے میں پی ایچ ڈی مکمل کرنے والے پہلے شخص ہونے کا اعزاز حاصل ہوا ہے۔ انہوں نے اپنی اس کامیابی کو استور کے عوام کے نام کرتے ہوئے کہا کہ ان کی کامیابی میں والدین کی دعاؤں، قربانیوں اور خاندان، بہن بھائیوں اور دوستوں کی بھرپور حمایت کا بنیادی کردار ہے۔

انہوں نے کہا کہ استور کی سرزمین نے انہیں محبت، حوصلہ اور شناخت دی، جس پر انہیں ہمیشہ فخر رہے گا۔ ان کا کہنا تھا کہ یہ کامیابی صرف ان کی ذاتی کامیابی نہیں بلکہ ان تمام افراد کی مشترکہ کامیابی ہے جنہوں نے ان پر اعتماد کیا اور ان کے تعلیمی سفر میں ساتھ دیا۔

ظہور حسین امیر کی اس کامیابی پر استور کے مختلف حلقوں کی جانب سے انہیں مبارکباد پیش کی گئی ہے۔

گلگت : وزیر اعلی گلگت بلتستان امجد حسین مختلف وفود کے مسائل سن رہے ہیں اور ان مسائل کے حل کیلئے موقع پر احکامات دے رہے ہ...
07/08/2026

گلگت : وزیر اعلی گلگت بلتستان امجد حسین مختلف وفود کے مسائل سن رہے ہیں اور ان مسائل کے حل کیلئے موقع پر احکامات دے رہے ہیں۔

گلگت : چیف جسٹس چیف کورٹ جسٹس علی بیگ صاحب معزز ججز صاحبان کے ہمراہ چیف کورٹ کے احاطے میں نصب شدہ بنک الحبیب کے اے ٹی...
07/08/2026

گلگت : چیف جسٹس چیف کورٹ جسٹس علی بیگ صاحب معزز ججز صاحبان کے ہمراہ چیف کورٹ کے احاطے میں نصب شدہ بنک الحبیب کے اے ٹی ایم کا افتتاح کررہے ہیں

سولر ترقی کو جاری رکھنے کے لیے بیٹری اسٹوریج ناگزیر قرار، اسلام آباد میں عالمی کانفرنساسلام آباد: (روخانہ وزیر سے) ماہری...
06/08/2026

سولر ترقی کو جاری رکھنے کے لیے بیٹری اسٹوریج ناگزیر قرار، اسلام آباد میں عالمی کانفرنس

اسلام آباد: (روخانہ وزیر سے) ماہرینِ توانائی نے اس بات پر زور دیا ہے کہ پاکستان اپنی تیزی سے بڑھتی ہوئی سولر توانائی کی ترقی کو برقرار رکھنے کے لیے بیٹری اسٹوریج سسٹمز، بہتر منصوبہ بندی، لچکدار گرڈ انفراسٹرکچر، اصلاح شدہ توانائی مارکیٹ اور جامع مالیاتی ماڈلز کو ترجیح دے۔ ان خیالات کا اظہار وفاقی دارالحکومت سرینا ہوٹل میں منعقدہ دو روزہ “سولر، اسٹوریج اینڈ فلیکسیبلٹی 2026 کانفرنس” کے دوران کیا گیا، جس کا انعقاد رینیوایبلز فرسٹ، گلوبل سولر کونسل اور پاکستان سولر ایسوسی ایشن نے مشترکہ طور پر کیا۔کانفرنس میں وفاقی وزیر توانائی (پاور ڈویژن) اویس لغاری، سینیٹر شیری رحمٰن، گلوبل سولر کونسل کی چیف ایگزیکٹو آفیسر سونیا ڈنلوپ، ایشیا پیسیفک رینیوایبل انرجی کونسل کے چیف ایگزیکٹو آفیسر جان گرائمز سمیت دیگر بین الاقوامی و مقامی ماہرینِ توانائی نے شرکت کی۔ اپنے خطاب میں وفاقی وزیر اویس لغاری نے سولر اور بیٹری اسٹوریج کو ایک دوسرے کے تکمیلی ذرائع قرار دیتے ہوئے کہا کہ پاکستان کا توانائی مکس پہلے ہی تقریباً 50 فیصد صاف توانائی پر مشتمل ہے، جسے 2035 تک 90 فیصد تک بڑھانے کا ہدف مقرر کیا گیا ہے۔ انہوں نے کہا کہ اس مقصد کے لیے پیداوار، ترسیل اور اسٹوریج کے نظام کو مزید لچکدار بنانا ناگزیر ہے۔ ان کا کہنا تھا کہ بیٹری اسٹوریج سسٹمز کی مقامی سطح پر تیاری (لوکلائزیشن) نہایت اہم ہے تاکہ درآمدات پر انحصار کم کیا جا سکے۔ انہوں نے مزید کہا کہ حکومت دن کے اوقات کے لیے ٹائم آف یوز (ToU) ٹیرف متعارف کرانے کی تیاری کر رہی ہے، تاہم آئی ایم ایف پروگرام کے باعث اس پر عمل درآمد محدود ہے۔ سونیا ڈنلوپ کی زیرِ نظامت ایک خصوصی مکالمے میں سینیٹر شیری رحمٰن نے پاکستان کی ماحولیاتی کمزوری، صارفین کی قیادت میں سولر ترقی اور توانائی کی منتقلی کے لیے درکار سیاسی و پالیسی ڈھانچے پر تفصیل سے روشنی ڈالی۔ انہوں نے کہا کہ پاکستان میں سولر انقلاب نے عوامی سطح پر توانائی کے شعبے میں بڑی تبدیلی کو ممکن بنایا ہے، تاہم اگلا مرحلہ ایسے جدید اور تقسیم شدہ گرڈ سسٹم کا متقاضی ہے جو مستقبل کی ضروریات سے ہم آہنگ ہو۔ ان کے مطابق سرمایہ کاری کا رخ اب گرڈ کی جدید کاری، بیٹری اسٹوریج اور اسمارٹ سسٹمز کی جانب ہونا چاہیے تاکہ گھروں، کمیونٹیز اور کاروباروں کو بااختیار بنایا جا سکے۔ سینیٹر شیری رحمٰن نے مزید کہا کہ فوسل فیولز کا دور اختتام کی جانب بڑھ رہا ہے اور توانائی پالیسی کو زمینی حقائق اور مساوات کے اصولوں کے مطابق ترتیب دینا ہوگا۔ انہوں نے بتایا کہ پاکستان میں ہر پانچ میں سے ایک گھر میں سولر سسٹم نصب ہو چکا ہے، تاہم اس کے باوجود لاکھوں افراد سستی اور قابلِ اعتماد بجلی سے محروم ہیں، جس سے ظاہر ہوتا ہے کہ مسئلہ پیداوار نہیں بلکہ مؤثر منصوبہ بندی اور بہتر انتظام ہے۔ ایشیا پیسیفک رینیوایبل انرجی کونسل (RECAP) کے چیف ایگزیکٹو آفیسر جان گرائمز نے کہا کہ پاکستان سولر انقلاب میں ایک نمایاں مقام حاصل کر چکا ہے اور دنیا اس کے تجربے سے سیکھ سکتی ہے۔ ان کے بقول پاکستان کی سولر ترقی عالمی سطح پر ایک روشن مثال ہے۔ کانفرنس کے افتتاحی سیشن میں سہیب آر۔ ملک سینئر انرجی ٹرانزیشن فیلو، رینیوایبلز فرسٹ، جان گرائمز چیف ایگزیکٹو آفیسر، رینیوایبل انرجی کونسل ایشیا پیسیفک، کوستانتسا رانگیلووا گلوبل الیکٹرسٹی اینالسٹ، ایمبر نے خطاب کیا، جبکہ ایم۔ باسط غوری مینیجر اسپیشل انیشی ایٹوز اینڈ چائنا پروگرام، رینیوایبلز فرسٹ نے بطور موڈریٹر فرائض انجام دیے۔ مقررین نے توانائی کے عالمی رجحانات، پالیسی چیلنجز اور سولر انرجی کے مستقبل پر گفتگو کی۔ پلینری سیشن میں ڈاکٹر گیبریئل کویپر ڈسٹری بیوٹڈ انرجی ریسورسز ایکسپرٹ، فضا فرحان چیف ایگزیکٹو آفیسر، ORA گلوبل ڈیولپمنٹ ایڈوائزرز، زین مولوی ڈائریکٹر ریسرچ، آلٹرنیٹو لا کلیکٹو، ژیاؤجون (ٹام) وانگ بانی و ایگزیکٹو ڈائریکٹر، پیپل آف ایشیا فار کلائمیٹ سلوشنز جبکہ محمد مصطفیٰ امجد پروگرام ڈائریکٹر، رینیوایبلز فرسٹ نے بطور موڈریٹر شرکت کی اور توانائی کے نظام میں اصلاحات اور بین الاقوامی تعاون پر تبادلہ خیال کیا۔ سیشن 2 کے مختلف ٹریکس میں سید فیضان علی شاہ انرجی ایڈوائزر ٹو دی منسٹر فار انرجی، امتیاز بلوچ ڈائریکٹر جنرل (لائسنسنگ)، نیپرا، ڈاکٹر خالد وحید ریسرچ فیلو، SDPI، عمر فاروق سینئر انرجی اینالسٹ، لمز انرجی انسٹیٹیوٹ، ماساؤ اشٹائن سینئر مینیجر، کاربن ٹرسٹ (برطانیہ)، نگوین ہوانگ لونگ پاور سسٹمز ایکسپرٹ، XanhTerra، طلحہ خالد پاور پلاننگ اینڈ مانیٹرنگ کمپنی، محمد کامل قدوس کنسلٹنٹ، یو این ڈی پی، سلمان گل پاور سسٹم ایکسپرٹ، آئی ایس ایم او، عبد الرحمن مینیجر پاور مارکیٹس، رینیوایبلز فرسٹ، محمد طہٰ علی ایسوسی ایٹ پاور مارکیٹس، رینیوایبلز فرسٹ، یمنا فرفیری سینئر اسٹریٹجک پارٹنر، INSPIRE، اینجلو کائیروس ڈیلا کروز ایگزیکٹو ڈائریکٹر (فلپائن)، مریم خالد فاؤنڈنگ ممبر، ویمن اِن انرجی سمیت دیگر ماہرین نے شرکت کی، جہاں توانائی مارکیٹ، پالیسی، ٹیکنالوجی اور سماجی پہلوؤں پر تفصیلی گفتگو کی گئی۔ بعد ازاں سیشن 3 اور 4 میں ہائیڈی لی ڈگلس سی ای او، سولر سٹیزنز، وقاص موسیٰ چیئر، پاکستان سولر ایسوسی ایشن، محمد بدر عالم سی ای او، PRIED، سکینہ شیخ پولیٹیکل اسٹریٹجسٹ، ندیم افضل چن سیکرٹری اطلاعات، پاکستان پیپلز پارٹی، اویس عابد گڈ تھنکرز آرگنائزیشن، حسین جروار سی ای او، انڈس کنسورشیم، شاہد ستار انرجی ایکسپرٹ، ضیغم عباس پروگرام ہیڈ، APMDD، سیدہ کشمالہ سوسن ڈاکیومنٹری پروڈیوسر، اینڈریو چانگ سی ای او، نیو انرجی نیکسس اور دیگر مقررین نے توانائی کے مستقبل، پالیسی سازی، سرمایہ کاری اور عوامی آگاہی پر گفتگو کی۔ اختتامی سیشن میں عمار حبیب خان چیف ایگزیکٹو آفیسر، نیشنل کریڈٹ گارنٹی کمپنی، بی بی گو وائس پریزیڈنٹ، GF60، جہانزیب امین پارٹنر، PwC، خولہ شعیب ہیڈ آف اسٹریٹیجی اینڈ سسٹینیبلٹی، موبی لنک بینک، ہنّا وانگومبے پروگرام مینیجر، سن رائز انٹرنیشنل جبکہ شہزاد عبداللہ ایڈوائزر، PFAN نے شرکت کی اور توانائی کے شعبے میں سرمایہ کاری اور پالیسی اقدامات کی اہمیت پر زور دیا۔ ماہرین کے مطابق پاکستان میں تقریباً 38 گیگاواٹ تقسیم شدہ سولر توانائی نصب ہو چکی ہے، جبکہ 2025 کے دوران لیتھیم آئن بیٹری اسٹوریج سسٹمز کی درآمدات میں 220 فیصد اضافہ ریکارڈ کیا گیا، جو اس بات کا واضح ثبوت ہے کہ ملک میں بیٹری ٹیکنالوجی کی اہمیت تیزی سے بڑھ رہی ہے۔ کانفرنس کے اختتام پر اس بات پر اتفاق کیا گیا کہ پاکستان کی سولر ترقی کو برقرار رکھنے کے لیے فوری طور پر بیٹری اسٹوریج پالیسی کی منظوری، مقامی سطح پر ٹیکنالوجی کی تیاری اور ایک مؤثر ریگولیٹری فریم ورک کا قیام ناگزیر ہے۔

چلاس: اسٹنٹ کمشنر چلاس منظور پیام اور اسٹنٹ ڈائریکٹر ڈیزاسٹر منیجمنٹ دیامر امتیاز احمد سیلاب سے متاثرہ جگہوں ( گینی )کا...
06/08/2026

چلاس: اسٹنٹ کمشنر چلاس منظور پیام اور اسٹنٹ ڈائریکٹر ڈیزاسٹر منیجمنٹ دیامر امتیاز احمد سیلاب سے متاثرہ جگہوں ( گینی )کا دورہ کر رہے ہیں۔

06/08/2026

پاکستان زندہ باد
*پاکستان کی بنیاد رکھنے والوں کی قربانیاں آج بھی ہمیں اتحاد، محنت اوروطن سے وفاداری کا پیغام دیتی ہیں*


06/08/2026

براڈ پیک پر 31 جولائی کو برفانی تودہ گرنے کے بعد لاپتہ کوہ پیماؤں کی تلاش کے لیے پاکستان آرمی ایوییشن اور زمینی سرچ ٹیموں کی جانب سے جاری سرچ اینڈ ریسکیو آپریشن کے بعد لا پتہ 10 میں سے7 جاں بحق غیر ملکی کوہ پیماؤں کی میتیں اور ایک امریکی خاتون کوہ پیما کی جزوی باقیات اسکردو منتقل

لا پتہ کوہ پیماؤں میں امریکہ، چین، نیپال ، عمان اور پاکستان سے تعلق رکھنے والے کوہ پیما شامل تھے۔

پاکستان آرمی ایوی ایشن کے ذریعے تمام میتیں اور باقیات اسکردو منتقل کی گئیں، جہاں اعلیٰ سول و عسکری حکام، ضلعی انتظامیہ، متعلقہ اداروں کے نمائندگان، سفارتی نمائندوں اور مقامی معززین نے انہیں خراجِ عقیدت پیش کیا۔

بعد ازاں تمام میتوں اور باقیات کو CMH اسکردو منتقل کر دیا گیا، جہاں ضروری قانونی کاروائیوں کے بعد متعلقہ ممالک کے سفارتی حکام کی حوالے کیا جائے گا تاکہ ان کی آبائی ممالک روانہ کیا جا سکے۔

شدید موسمی حالات اور مزید برفانی تودے گرنے کے خدشات کے باعث ایک پاکستانی اور ایک نیپالی کوہ پیما کی میتیں جبکہ امریکی خاتون کوہ پیما کی باقی ماندہ باقیات تا حال نہیں مل سکیں۔

پاک فوج، پاکستان کے عوام اور عالمی کوہ پیمائی برادری اس المناک سانحے پر جاں بحق کوہ پیماؤں کے اہلِ خانہ کے غم میں برابر کی شریک ہے اور ان سے دلی تعزیت اور ہمدردی کا اظہار کرتی ہے۔

Address

Gilgit

Telephone

+92514455166

Website

Alerts

Be the first to know and let us send you an email when GB Express News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category