Ghizer Yasin Valley

Ghizer Yasin Valley "🌄 Ghizer Yasin Valley - A place of beautiful scenery and a peaceful environment! 🌲
Here you will find fascinating views, clean water, and refreshing air.

Our aim is to explore this beautiful valley and share its beauty with everyone. Join us

15/08/2026

🇵🇰 14 اگست گزر گئی، مگر ایک بات یاد رکھیں… ❤️

آزادی صرف ایک دن منانے کا نام نہیں،
بلکہ ہر دن اپنے ملک، اپنے کردار اور اپنے مستقبل کو بہتر بنانے کا عہد ہے۔ ✨

پاکستان ہماری پہچان ہے،
اب اسے بہتر بنانا ہماری ذمہ داری ہے۔ 🇵🇰💚

اللہ پاکستان کو ہمیشہ امن، خوشحالی اور ترقی عطا فرمائے۔ آمین 🤲🏻

14/08/2026

٫رکنِ گلگت بلتستان اسمبلی، جنیفر بہادر صاحبہ جشن آزادی پاکستان کے سلسلے میں منعقدہ تقریب سے خطاب کر رہی ہیں۔
— غذر یاسین ویلی ✨

الیکشن کمیشن گلگت بلتستانپریس ریلیز14 اگست 2026گلگت بلتستان میں بلدیاتی انتخابات کا انتخابی پروگرام سات روز کے لیے موخرح...
14/08/2026

الیکشن کمیشن گلگت بلتستان
پریس ریلیز
14 اگست 2026

گلگت بلتستان میں بلدیاتی انتخابات کا انتخابی پروگرام سات روز کے لیے موخر

حکومت کو لوکل گورنمنٹ ایکٹ میں مجوزہ ترامیم مکمل کرنے کے لیے سات روز کی مہلت

بلدیاتی انتخابات کے تمام متاثرہ مراحل کی نئی تاریخیں شیڈول میں شامل ہوں گی

سات روزہ مدت مکمل ہونے کے بعد الیکشن کمیشن انتخابی پروگرام جاری کرے گا

تمام ڈسٹرکٹ ریٹرننگ افسران اور ریٹرننگ افسران انتخابی پروگرام کے مطابق امور انجام دیں گے

گلگت
چیف الیکشن کمشنر گلگت بلتستان راجہ شہباز خان (تمغۂ شجاعت) نے حکومت گلگت بلتستان کی جانب سے گلگت بلتستان لوکل گورنمنٹ ایکٹ 2014 کی متعلقہ شقوں میں مجوزہ ترامیم و تبدیلیوں کے لیے مزید وقت فراہم کرنے کی درخواست پر غور کرتے ہوئے بلدیاتی انتخابات کے جاری انتخابی پروگرام/شیڈول کو سات روز کے لیے موخر کرنے کا حکم جاری کردیا ہے۔
الیکشن کمیشن گلگت بلتستان کی جانب سے 3 جون 2026 کو جاری کردہ نوٹیفکیشن کے تحت بلدیاتی انتخابات کا انتخابی پروگرام جاری کیا گیا تھا، جبکہ 15 جون 2026 کے نوٹیفکیشن کے ذریعے پولنگ ڈے 27 ستمبر 2026 بروز اتوار مقرر کیا گیا تھا۔ تاہم حکومت گلگت بلتستان نے 13 اگست 2026 کو چیف الیکشن کمشنر گلگت بلتستان سے درخواست کی تھی کہ گلگت بلتستان لوکل گورنمنٹ ایکٹ 2014 کی متعلقہ شقوں میں مجوزہ ترامیم/تبدیلیوں پر غور اور ضروری قانون سازی کا عمل مکمل کرنے کے لیے صوبائی حکومت کو تقریباً سات روز کا وقت دیا جائے۔
الیکشن کمیشن گلگت بلتستان نے حکومت کی مذکورہ درخواست اور انتخابی عمل کو منظم انداز میں آگے بڑھانے کی ضرورت کو مدنظر رکھتے ہوئے فیصلہ کیا ہے کہ بلدیاتی انتخابات کا باقی ماندہ انتخابی پروگرام فوری طور پر سات روز کے لیے موخر رہے گا۔ اس دوران حکومت گلگت بلتستان کو مجوزہ ترامیم اور متعلقہ قانون سازی کا عمل مکمل کرنے کا موقع فراہم کیا جائے گا۔
الیکشن کمیشن کے حکم کے مطابق مذکورہ سات روزہ مدت کے دوران انتخابی پروگرام کے تحت آنے والے تمام مراحل بھی اسی تناسب سے سات روز کے لیے آگے بڑھ جائیں گے، جبکہ ان کی تاریخیں نئے انتخابی پروگرام میں شامل کی جائیں گی۔
سات روزہ مدت مکمل ہونے کے بعد الیکشن کمیشن گلگت بلتستان، حکومت کی جانب سے گلگت بلتستان لوکل گورنمنٹ ایکٹ 2014 کی متعلقہ شقوں میں کی جانے والی ترامیم و تبدیلیوں کو مدنظر رکھتے ہوئے نظرثانی شدہ انتخابی پروگرام جاری کرے گا۔
الیکشن کمیشن گلگت بلتستان نے تمام ڈسٹرکٹ ریٹرننگ افسران، ریٹرننگ افسران اور دیگر متعلقہ انتخابی حکام کو ہدایت کی ہے کہ وہ آئندہ تمام انتخابی امور الیکشن کمیشن کی جانب سے جاری کیے جانے والے نظرثانی شدہ انتخابی پروگرام کے مطابق انجام دیں۔
چیف الیکشن کمشنر گلگت بلتستان راجہ شہباز خان کا اس حوالے سے کہنا ہےکہ بلدیاتی انتخابات کا عمل قانون، آئین اور مقررہ انتخابی ضابطہ کار کے مطابق شفاف، منظم اور غیر جانب دارانہ انداز میں مکمل کیا جائے گا، جبکہ انتخابی پروگرام اور نئی تاریخوں سے متعلق تمام ضروری معلومات بروقت عوام اور متعلقہ انتخابی اداروں تک پہنچائی جائیں گی۔

شعبہ تعلقات عامہ
الیکشن کمیشن سیکریٹریٹ گلگت بلتستان

*پاکستان کی آزادی 1947:*"خواب سے حقیقت تک: قیادت، علماء اور طلبہ کا کردار"*14 اگست 1947 محض ایک سیاسی واقعہ نہیں تھا۔ یہ...
14/08/2026

*پاکستان کی آزادی 1947:

*"خواب سے حقیقت تک:
قیادت، علماء اور طلبہ کا کردار"*

14 اگست 1947 محض ایک سیاسی واقعہ نہیں تھا۔ یہ برصغیر کے مسلمانوں کی تین نسلوں کی فکری، سیاسی اور سماجی جدوجہد کا حاصل تھا۔ اس تحریک کی کامیابی کے تین ستون تھے: *فکر، قیادت اور عوامی تحریک*۔ اور ان تینوں ستونوں کو مضبوط کرنے میں علماء اور طلبہ نے فیصلہ کن کردار ادا کیا۔

*1. فکری بنیاد: علامہ محمد اقبالؒ "مفکرِ پاکستان"*

پاکستان کا تصور سب سے پہلے ایک شاعر کے دل میں جاگا۔
- *1930 کا خطبہ الہ آباد*: اقبالؒ نے کہا کہ شمال مغرب میں مسلمانوں کے لیے ایک الگ ریاست ناگزیر ہے۔
- انہوں نے "دو قومی نظریے" کو فلسفیانہ جواز دیا۔ ان کے نزدیک اسلام ایک مکمل نظامِ حیات ہے جو کسی دوسرے نظام میں ضم نہیں ہو سکتا۔
- ان کا کلام "ضربِ کلیم" اور "بالِ جبریل" تحریکِ پاکستان کا نصاب بن گیا۔
اقبال نے قوم کو منزل دکھائی، لیکن اس منزل تک پہنچانے کے لیے ایک مدبر کی ضرورت تھی۔

*2. سیاسی قیادت: قائدِ اعظم محمد علی جناحؒ "بابائے قوم"*
اگر اقبال روح تھے تو جناح اس تحریک کا دماغ اور ارادہ تھے۔
- *تنظیمی مہارت*: انہوں نے 1913 سے 1947 تک مسلم لیگ کو ایک بے جان جماعت سے قومی تحریک بنایا۔
- *آئینی جنگ*: 1940 کی قراردادِ لاہور، 1946 کے کابینہ مشن اور 3 جون کے منصوبے میں انہوں نے انگریزوں اور کانگریس کو آئینی دلائل سے شکست دی۔
- *دو ٹوک موقف*: "ہندو اور مسلمان دو الگ قومیں ہیں" - اس ایک جملے نے تحریک کو سمت دی۔
- *ریاست سازی*: قیام کے بعد 13 ماہ میں انہوں نے انتظامیہ، فوج اور خارجہ پالیسی کی بنیادیں رکھیں۔

*3. علماء کا کردار: دین کو سیاست سے جوڑنا*

علماء نے تحریک کو عوام کی سطح پر مقبول کیا اور اسے دینی رنگ دیا۔

- *علامہ شبیر احمد عثمانی رحمہ اللہ*:

دارالعلوم دیوبند کے فاضل۔ 1945 میں مسلم لیگ میں شامل ہوئے۔ انہوں نے "پاکستان کا مطلب کیا؟ لا الہ الا اللہ" کا نعرہ عام کیا۔ 14 اگست کو پہلا خطبہ جمعہ دیا اور 1949 میں مقاصدِ پاکستان قرارداد کے معمار بنے۔

- *مولانا ظفر احمد عثمانی رحمہ اللہ*:

مسلم لیگ علماء بورڈ کے صدر۔ انہوں نے فتویٰ دیا کہ پاکستان کے حق میں ووٹ دینا شرعی فریضہ ہے۔ مدارس کے ہزاروں طلبہ کو انہوں نے تحریک میں جھونک دیا۔

- *مولانا جوہر علی اور سرحد کے علماء*:

1947 کے ریفرنڈم میں ان کی محنت سے NWFP نے 99 فیصد ووٹ سے پاکستان کا انتخاب کیا۔ انہوں نے "خدائی خدمتگار" تحریک کے مقابلے میں مسلم لیگ کا بیانیہ گھر گھر پہنچایا۔

*4. طلبہ اور نوجوان: تحریک کا دھڑکتا دل*

تاریخ گواہ ہے کہ کوئی بھی تحریک طلبہ کے بغیر کامیاب نہیں ہوتی۔ مسلم لیگ کے طلبہ ونگ نے گلی گلی، گاؤں گاؤں یہ پیغام پہنچایا۔

*اہم سٹوڈنٹس رہنما:*
- *نوابزادہ نصراللہ خان*:
پنجاب مسلم سٹوڈنٹس فیڈریشن کے صدر۔ انہوں نے پورے پنجاب میں مسلم لیگ کے جلسے منظم کیے۔

- *راجہ غضنفر علی خان*:
آل انڈیا مسلم سٹوڈنٹس فیڈریشن کے جنرل سیکرٹری۔ انہوں نے دہلی، لکھنؤ اور علی گڑھ کے طلبہ کو ایک پلیٹ فارم پر جمع کیا۔

- *خان عبدالقیوم خان*:

NWFP کے طلبہ رہنما۔ ریفرنڈم مہم میں سب سے آگے تھے۔
- *بیگم رعنا لیاقت علی خان*: خواتین طلبہ کی قیادت کی۔

"آل پاکستان ویمن سٹوڈنٹس ایسوسی ایشن" بنائی اور پردے میں رہ کر تحریک چلائی۔

- *چوہدری خلیق الزمان*: آل انڈیا مسلم سٹوڈنٹس فیڈریشن کے صدر۔ انہوں نے "پاکستان زندہ باد" کے نعرے کو مقبول کیا۔

یہ طلبہ ہی تھے جنہوں نے دیواروں پر "پاکستان کا مطلب کیا" لکھا، جلسوں میں نظمیں پڑھیں، اور ہجرت کے دوران کیمپ لگائے۔

*5. تجزیہ: کامیابی کے اسباب*
پاکستان کیوں بنا؟

1. *واضح نظریہ*:
دو قومی نظریہ
2. *متفقہ قیادت*:
قائدِ اعظم کی بلا شرکتِ غیرے قیادت
3. *عوامی شمولیت*:
علماء اور طلبہ نے اسے عوامی تحریک بنایا

4. *بین الاقوامی حالات*:
دوسری جنگِ عظیم کے بعد انگریزوں کی کمزوری

*نتیجہ: ایک عہد*
پاکستان اقبالؒ کا خواب، جناحؒ کی جدوجہد، عثمانی برادران کی دعاؤں اور لاکھوں علماء ،عوام ،طلبہ کی قربانیوں کا نتیجہ ہے۔

آج سوال یہ ہے کہ کیا ہم نے اس امانت کا حق ادا کیا؟ "نظریہ پاکستان" صرف کتابوں میں نہیں، ہمارے نظام میں نظر آنا چاہیے۔

*"یہ ملک تمہارا ہے، اسے سنوارو" - قائدِ اعظم*
*پاکستان پائندہ باد* 🇵🇰

راجہ اصغر کالم نگار گلگت بلتستان

اسسٹنٹ کمشنر یاسین نے چارج سنبھال لیااسسٹنٹ کمشنر یاسین (ڈی ایم ایس) سحرش رحمت نے آج اپنے عہدے کا باقاعدہ چارج سنبھال لی...
13/08/2026

اسسٹنٹ کمشنر یاسین نے چارج سنبھال لیا
اسسٹنٹ کمشنر یاسین (ڈی ایم ایس) سحرش رحمت نے آج اپنے عہدے کا باقاعدہ چارج سنبھال لیا۔ اس موقع پر انتظامی امور اور عوامی مسائل کے حل کے حوالے سے اپنی ذمہ داریاں سنبھالنے کا آغاز کیا۔
یاسین کی عوام کی جانب سے سحرش رحمت کو نئی ذمہ داری سنبھالنے پر نیک خواہشات اور کامیابی کے لیے دعائیں۔

11/08/2026

صوبائی وزیر گلگت بلتستان اسمبلی آمان علی آمر پنجاب ہائر ایجوکیشن کمیشن سے خطاب کر رہے ہیں

*الیکشن کمیشن گلگت بلتستان**پریس ریلیز**09 اگست 2026*گلگتچیف الیکشن کمشنر گلگت بلتستان راجہ شہباز خان (تمغہ شجاعت) نے بل...
10/08/2026

*الیکشن کمیشن گلگت بلتستان*
*پریس ریلیز*
*09 اگست 2026*

گلگت
چیف الیکشن کمشنر گلگت بلتستان راجہ شہباز خان (تمغہ شجاعت) نے بلدیاتی انتخابات کے حوالے سے تمام ریٹرننگ آفیسرز کوہدایت دی ہے کہ انتخابی شیڈول کے مطابق 10 آگست 2026 سے کاغذاتِ نامزدگی کی جانچ پڑتال کا عمل شروع کریں،جبکہ اپیلیں 18 سے 21 اگست تک دائر کی جا سکیں گی۔ اپیلوں پر فیصلے 22 سے 28 اگست کے دوران کیے جائیں گے اور امیدواروں کی حتمی فہرست 29 اگست کو جاری ہوگی۔ انتخابی نشانات کی الاٹمنٹ یکم ستمبر کو کی جائے گی۔
واضح رہے کہ انتخابی شیڈول کے تحت کاغذاتِ نامزدگی کی جانچ پڑتال 10 اگست تا 17 اگست 2026،ریٹرننگ افسران کے فیصلوں کے خلاف اپیلوں کا اندراج 18 اگست تا 21 اگست 2026،اپیلوں پر فیصلہ 22 اگست تا 28 اگست 2026،نظرثانی شدہ فہرست امیدواران کی اشاعت 29 اگست 2026،دستبرداری اور حتمی نظرثانی شدہ فہرست کی اشاعت 31 اگست 2026،انتخابی نشانات کی الاٹمنٹ اور حتمی فہرست امیدواران کی اشاعت یکم ستمبر 2026،پولنگ ڈے 27 ستمبر 2026 (اتوار) ہوگا۔
الیکشن کمیشن نے واضح کیا ہے کہ اس نوٹیفکیشن کے اجراء سے قبل انتخابی پروگرام کے تحت مکمل کیے گئے تمام مراحل اور اقدامات بدستور موثر اور قانونی طور پر درست تصور کیے جائیں گے۔
چیف الیکشن کمشنر گلگت بلتستان راجہ شہباز خان نے کہا کہ بلدیاتی نظام ایک نیا انتخابی ڈھانچہ ہے، اس لیے عوام اور امیدوار قانون کے مطابق انتخابی عمل میں بھرپور حصہ لیں اور جمہوری نظام کے استحکام میں اپنا کردار ادا کریں۔

*شعبہ تعلقات عامہ*
*الیکشن کمیشن سیکریٹریٹ گلگت بلتستان*

غوجلتی روڈ کا کام کب مکمل ہوگا؟ عوام کے صبر کا امتحان آخر کب تک؟غوجلتی روڈ کا کام شروع نہ ہونا اور شروع ہونے کے باوجود آ...
08/08/2026

غوجلتی روڈ کا کام کب مکمل ہوگا؟ عوام کے صبر کا امتحان آخر کب تک؟

غوجلتی روڈ کا کام شروع نہ ہونا اور شروع ہونے کے باوجود آج تک مکمل نہ ہونا ایک بڑا سوالیہ نشان ہے۔ جناب غلام محمد صاحب! الیکشن سے پہلے غوجلتی کے لیے تقریباً 2 کلومیٹر روڈ کا کام شروع کیا گیا تھا، جس سے علاقے کے لوگوں میں امید پیدا ہوئی تھی کہ اب ان کا ایک اہم مسئلہ حل ہو جائے گا۔

لیکن افسوس کہ کافی وقت گزرنے کے باوجود یہ کام ابھی تک مکمل نہیں ہو سکا۔ عوام روزانہ اسی روڈ سے سفر کرتی ہے اور انہیں مشکلات کا سامنا کرنا پڑتا ہے۔ اگر کسی منصوبے کا کام شروع کیا جائے تو اسے وقت پر مکمل کرنا بھی متعلقہ اداروں اور ٹھیکیدار کی ذمہ داری ہے۔

ہم ٹھیکیدار صاحب سے بھی مطالبہ کرتے ہیں کہ غوجلتی روڈ کا کام مزید تاخیر کے بغیر جلد از جلد مکمل کیا جائے۔ عوام نے بہت انتظار کیا ہے، اب مزید انتظار کی بجائے عملی کام نظر آنا چاہیے۔

جناب غلام محمد صاحب سے بھی گزارش ہے کہ اس معاملے کا نوٹس لے کر متعلقہ ٹھیکیدار سے روڈ کا کام مکمل کروائیں، کیونکہ عوام نے آپ سے صرف وعدے نہیں بلکہ عملی کام کی امید رکھی ہے۔

عوام کے مسائل کو سنجیدگی سے لیا جائے۔ ترقیاتی منصوبے عوام کے لیے ہوتے ہیں، کسی کے ذاتی فائدے کے لیے نہیں۔

فاروق حسین

ڈپٹی کمشنر/ڈسٹرکٹ مجسٹریٹ عنایت اللہ کی زیر صدارت یوم آذادی کے حوالے سے محکموں کے سربراہان کے ساتھ میٹنگ منعقد ہوئی۔
07/08/2026

ڈپٹی کمشنر/ڈسٹرکٹ مجسٹریٹ عنایت اللہ کی زیر صدارت یوم آذادی کے حوالے سے محکموں کے سربراہان کے ساتھ میٹنگ منعقد ہوئی۔

‏دشمنان اسلام کے لئیے آج کا دن اور آج کی رات یقیناًبہت اذیت ناک ہوگی۔مسلمانوں کو الگ کرنے اور ان میں پھوٹ ڈلوانے کی ساری...
07/08/2026

‏دشمنان اسلام کے لئیے آج کا دن اور آج کی رات یقیناًبہت اذیت ناک ہوگی۔مسلمانوں کو الگ کرنے اور ان میں پھوٹ ڈلوانے کی ساری انوسٹمنٹ غرق ہوتی نظر آرہی ہے۔الحمدللہ مسلمان پھر متحد ہوتے ایک ہوتے نظر آرہے ہیں۔

‏مکہ جوائنٹ ڈیفینس اگریمنٹ پر دستخط ہوگئے۔

سعودی عرب۔پاکستان۔ترکیہ میں سے کسی بھی ملک پر حملہ اسے تینوں ممالک پر حملہ تصور کیا جائے گا۔
‏تینوں ممالک اجتماعی سلامتی کو مزید مظبوط بنائیں گے۔

‏ایک ہوں مسلم حرم کی پاسبانی کے لئیے
‏نیل کے ساحل سے لیکر تابہ خاک کاشغر۔

Address

Gilgit–Baltistan
Gilgit

Website

Alerts

Be the first to know and let us send you an email when Ghizer Yasin Valley posts news and promotions. Your email address will not be used for any other purpose, and you can unsubscribe at any time.

Shortcuts

Share

Category