DaduExpress

01/03/2026

خيرپورناٿن شاھ(رپورٽر)
ڪي اين شاهه ۾ بدامني جي باھ ڀڙڪي پئي، ڪيترائي علائقا غير محفوظ، مختلف رستن تان ڏينھن ڏٺي جو موٽرسائيڪلون ڦرجڻ لڳيون! ماڻھن ۾ خوف حراس ڇائنجي ويو، پوليس سواليہ نشان،

متاثرن نوجوانن پاران نيشنل پريس ڪلب پھچي احتجاج ڪيو، پوليس جي غلفت تي نوٽيس وٺڻ جو مطالبو ڪيو ويو آهي!

ڪولاچي کان ڪي اين شاهه طرف ايندي ٽن ھٿياربند انڊس ھاءِ وي تي سري عام ھٿيارن جي زور تي ڳوٺ لڌاڻ واسي رئيس آفتاب چانڊيو ۽ ڪي اين شاهه واسي علي اصغر چانڊيو کان سي ڊي موٽر سائيڪل پرس ڪيش رقم موبائيل فون سميت ٻٽون ڦر ڪري فائرنگ ڪندي فرار ٿي ويا،
متاثر نيشنل پريس ڪلب ۾ پھچي انصاف جي فراهمي لاءِ احتجاج ڪندي دانھيو آھي ته
خيرپور ناٿن شاهه ۾ ڌاڙيلن وارو دور واپس ٿيو آھي، ماڻھون روز ڦرجي رھيا آھن، شھرين جي عزت نفس مجروح ٿي رھي آھي ، پوليس جي نااھلي سبب سڀ ڪجھ ٿي رھيو آھي، ھنن اعلي آئي جي سنڌ ڊي آئي جي حيدرآباد ۽ وس وارن اختيارين کان مطالبو ڪيو ته پوليس جي غفلت خلاف قانوني ڪارروائي ڪري اسان سان انصاف ڪيو وڃي!

01/03/2026

خيرپورناٿن شاھ//
آمريڪا ۽ اسرائيل پاران ايران تي حملي ۽ سپريم ليڊر آيت الله خامنائي جي شھادت واري عمل خلاف ڪي اين شاهه ۾ مختلف مذھبي تنظيمن پاران احتجاجي ريلي، آمريڪا ۽ اسرائيل خلاف سخت نعريبازي،

01/03/2026

خيرپورناٿن شاھ//
ڳوٺ ٻيڙو خان گاڏھي واسين عورتن پاران ايس ايڇ او ڪي اين شاهه جي مبينا ظلمن ۽ زيادتين خلاف نيشنل پريس ڪلب پھچي احتجاج ڪيو، پوليس جي ظلمن زيادتين خلاف نعريبازي ڪئي!
پوليس محمد حسن گاڏھي کي سخت تشدد ڪري مرڻينگ ڪري ڇڏيو آهي، اعلي اختياريون واقعي جو نوٽيس وٺي انصاف ڏيارين//
نوجوان جي امڙ مسمات رشيدان خاتون گاڏھي ۽ ٻين جو مطالبو//

ڳوٺ ٻيڙو خان گاڏھي واسين عورتن پاران ايس ايڇ او ڪي اين شاهه جي ظلمن ۽ زيادتين خلاف نيشنل پريس ڪلب پھچي احتجاج ڪيو، مسمات رشيده گاڏھي، مسمات گلشاد، مسمات بيگم ۽ خالد حسين گاڏھي نيشنل پريس ڪلب پھچي پوليس جي وحشياڻي تشدد ظلم زيادتين خلاف احتجاج ڪندي دانھيو آھي ته
ايس ايڇ او ڪي اين شاهه اسان جي مخالفن کان ڳري رقم وٺي اسان جي گھرن ۾ گھڙي چادر چوديواري جو تقدس پائمال ڪيو، گھران موبائيلون بيٽريون، لک روپيا روڪ رقم سميت قيمتي سامان کڻي ويو آھي،ھنن پوليس تي الزام لڳائيندي چيو ته نوجوان محمد حسين گاڏھي کي بنا جواز گھران کنڀي کڻي پوليس جي وحشياڻي تشدد سبب بيھوشي حالت ۾ کيس سرڪاري اسپتال ۾ ڦٽو ڪري ويا،
جيڪو ٻن ڏينھن کان سيوھڻ اسپتال ۾ داخل آھي،
ھنن آئي جي سنڌ، ڊي آئي جي حيدرآباد ايس ايس پي دادو ۽ وس وارن کان مطالبو ڪيو ته اسان سان ٿيل زيادتين جو نوٽيس وٺي پوليس عملدارن خلاف قانوني ڪارروائي ڪري اسان سان انصاف ڪيو وڃي، ٻي صورت ۾ ھنن عدالت جو دروازو کڙڪائڻ جو چتاءُ ڏنو آھي،

25/02/2026

خيرپورناٿن شاھ(رپورٽ: ممتاز ملاح)
رمضان المبارڪ مھيني ۾ سبزي, فروٽ، مرغي، گوشت، مڇي سميت عام واهپي جي شين ۾ مهانگائي جي عوامي شڪايتن تي مختيار ڪار ڪي اين شاهه زاھد علي ابڙو پاران افطاري ڪرڻ بعد شھر جي مختلف ھنڌن تي ڇاپا،ريٽ لسٽون چيڪ ڪيون ويون، رمضان آرڊيننس جي ڀڃڪڙي ڪندڙن خلاف ڪارروائي ڪئي وئي،
مختيارڪار ڪي اين شاهه زاھد حسين ابڙو ميڊيا وارن سان ڳالھائيندي چيو ته ڊپٽي ڪمشنر دادو سيد مرتضي علي شاھ صاحب جي ھدايتن تي رمضان آرڊيننس جي ڀڃڪڙي ڪندڙن خلاف ڪارروائي ڪري رھيا آھيون،
سبزي فروٽ سميت عام واهپي جي شين جي سرڪاري ريٽ لسٽ تحت عمل نہ ڪندڙن دڪاندارن خلاف ايڪشن کنيو پيو وڃي، ھن چيو ته مقدس مھيني ۾ عشاء نماز تراويح وقت ھوٽلن ۾ فلمن جي بلند آواز اسپيڪرن کي بند ڪرڻ جون کين ھدايتون ڪيون آھن، عوام جون شڪايتون آهن ته ھوٽلن اڳيان روڊن تي بيئچون رکڻ ۽ کير جي واپارين کي چونڪن تي کير جا ڊرم رکڻ سان ٽريفڪ جام ٿي وڃي ٿي، اھڙين حددخلين جي آزار کي ختم ڪرڻ لاء کين سخت ھدايتون جاري ڪيون آھن، عملدرآمد نہ ڪندڙن خلاف سخت قانوني ڪارروائي ڪئي ويندي،

21/02/2026

21/02/2026

خيرپورناٿن شاھ//
ڪي اين شاهه ۾ ٻورڙي واسين پاران ايس ايڇ او ٻورڙي خلاف نيشنل پريس ڪلب اڳيان احتجاجي مظاهرو،
ڳوٺ ٻورڙي واسي ڊاڪٽر فياض جوڻيجو نظير احمد جوڻيجو، سيف الدين جوڻيجو، جان محمد جوڻيجو، شرف الدين جوڻيجو، قربان علي جوڻيجو، ذوالفقار جوڻيجو ۽ ٻورڙي واسين پاران ھٿن ۾ پلي ڪارڊ کڻي ايس ايڇ او ٻورڙي خلاف سخت نعريبازي ڪئي، ايس ايڇ او محمد سومرو کي ھٽايو جي اڀ ڏاريندڙ نعريبازي ڪئي،
مظاھرين جو چوڻ ھو ته ايس ايڇ او ٻورڙي محمد سومرو پاران ٻورڙي جي شريف ماڻھڻ تي بي گناھ ڪوڙا ڪيس ڪري تر تپائي ڇڏيو آھي، ٻورڙي پوليس رٽائرڊ رينجرز عملدار مشتاق احمد جوڻيجو، توت خان جي گھرن ۾ گھڙي چادر چوديواري جو تقدس پائمال ڪري گھرن ۾ ڀڃ ڊاهه ڪئي، 12 سالا نينگر ذوالفقار جوڻيجو کي مختلف بھانن سان ڇيڙ ڇاڙ ڪرڻ تنگ ڪرڻ تان ايس ايڇ او محمد سومرو سندس والد مشتاق احمد جوڻيجو کي گرفتار ڪري ڪوڙو ڪيس داخل ڪري ڇڏيو آهي جيڪا سراسر ناانصافي پڻ آھي،
مظاھرين پاران آئي جي سنڌ، ڊي آئي جي حيدرآباد ، ايس ايس پي دادو ۽ وس وارن ادارن کان پر زور مطالبو ڪيو ته ايس ايڇ او ٻورڙي محمد سومرو خلاف قانوني ڪارروائي ڪري مشتاق احمد جوڻيجو خلاف داخل ڪوڙو ڪيس ختم ڪري انصاف فراهم ڪيو وڃي، ٻي صورت ۾ احتجاج جو دائرو وڌايو ويندو

17/02/2026

خيرپور ناٿن شاھ(رپورٽ: ممتاز ملاح)
ڊپٽي ڪمشنر دادو جي ھدايتن تي ڪي اين شاهه ۾ اسسٽنٽ ڪمشنر جي واپاري اڳواڻ سان ملاقات، رمضان المبارڪ مھيني ۾ عام واھپي شين جي سرڪاري ريٽ لسٽ تي عملدرآمد تي اتفاق،

خبرموجب: خيرپور ناٿن شاھ ۾ واپاري اتحاد ڪي اين شاهه جي صدر اعجاز علي سومرو جي اسسٽنٽ ڪمشنر ڪي اين شاهه ميڊم عشاء تزھرا سان سندس آفيس ۾ ملاقات ڪئي، ملاقات دوران رمضان شريف جي آمد کان پھريان عام واهپي شين جي اگهن متعلق ڳالھ ٻولھ ڪئي، اسسٽنٽ ڪمشنر عشاء تزھرہ ٻڌايو ته ڊي سي دادو سيد مرتضي علي شاھ جي خاص هدايتن تحت رمضان المبارڪ مھيني ۾ عام واهپي شين جي ريٽ لسٽ لڳائڻ لازمي ھوندو، واپارين کي ھدايت ڪئي ته عام واھپي واريون شيون سرڪاري ريٽ لسٽ مطابق ئي وڪرو ڪن، سبزي، فروٽ، گوشت، مڇي وڪرو ڪندڙ واپارين کي سرڪاري ريٽ لسٽ تي عملدرآمد ڪن، ڀڃڪڙي ڪندڙن خلاف قانوني ڪارروائي ڪئي ويندي. هن وڌيڪ چيو ته ريٽ لسٽ دڪان جي نمايان هنڌ تي لڳايو وڃي ته جيئن خريدار آساني سان ريٽ لسٽ ڏسي سگهن، واپاري اتحاد ڪي اين شاهه جي صدر اعجاز علي سومرو پاران اسسٽنٽ ڪمشنر کي بريفنگ ڏيندي کيس ٻڌايو تہ ڪي اين شاهه جا واپاري ڀائر ھر وقت سرڪار سان سھڪاري ڪردار ادا ڪيو آهي، رمضان المبارڪ ڀلاري مھيني ۾ سرڪاري لسٽ تي عملدرامد ڪرائڻ لاءِ لاڳاپيل ذميوارين کي بھتر نموني سان نڀائينداسين، سرڪار سان ڀرپور سھڪار ڪرڻ تي اتفاق ڪيو ويو آهي،

08/02/2026

ڪراچي//
پاڪستان پيپلز پارٽي ڊجيٽل ميڊيا سنڌ پاران دادو ضلعي لاءِ 16 ڪوآرڊينيٽر مقرر،

ممتاز علي ملاح کي پاڪستان پيپلز پارٽي ڊجيٽل ميڊيا ضلع دادو لاء ڪوآرڊينيٽر مقرر ڪري ڇڏيو،
پاڪستان پيپلز پارٽي ڊجيٽل سنڌ ھيڊ سينيٽر نديم احمد ڀٽو پاران نوٽيفڪيشن جاري ڪري ڇڏيو،

08/02/2026

خيرپورناٿن شاھ(رپورٽر)
ڪي اين شاهه ۾ جي ڊي اي پاران 8 فيبروري تي ڏنل احتجاجي سڏ تي ڪارڪنن پاران جھنڊا ۽ پلي ڪارڊ کڻي احتجاجي ريلي ڪڍي وئي،
ريلي جي اڳواڻي ايڊووڪيٽ شعبان ملاح، فقير محمد شيخ، مولانا انور کوھارو ۽ ٻين جي اڳواڻي ۾ ڪميونٽي سينٽر کان نيشنل پريس ڪلب تائين ريلي ڪڍي نعريبازي ڪئي،

01/02/2026

خيرپورناٿن شاهه//
ضلع ڪائونسل دادو پاران ڪي اين شاهه جي 15 رجسٽرڊ ماھيگيرن ۾ 75 ھزار روپين جا چيڪ ورهايا ويا،
ملاح برادري ۾ خوشي جي لھر ڇانيل ،
ملاح ڪميونٽي پاران ضلع ڪائونسل دادو چيئرمين سيد محمد شاھ صاحب جو شڪريو ادا ڪيو ويو...!!

ضلع ڪائونسل دادو چيئرمين محترم سيد محمد شاھ صاحب پاران سوشل ويلفيئر اسٽينڊنگ ڪميٽي پاران سنڌ فشرمين ويلفيئر آرگنائيزيشن پاران ملاح برادري کي ماھيگيري سامان جي مد ۾ مالي سهائتا جا چيڪ سنڌ فشرمين ويلفيئر آرگنائيزيشن صدر ممتاز علي ملاح جي حوالي ڪيا ويا ،

ان موقعي تي سنڌ فشرمين ويلفيئر آرگنائيزيشن صدر ممتاز علي ملاح چيو آھي ته ملاح ڪميونٽي جي بھبود ڀلائي بھتري لاءِ ڪم ڪري رهيا آهيون ،
ھن چيو ته ملاح قبيلو سنڌ جي اوائلي دور جا رھواسي آھن، حڪومت کين بنيادي حقن ڏيارڻ لاءِ ڪوشان آهي، ان سلسلي ۾ فشريز کاتي حڪومت سنڌ پاران ماھيگيري شعبي کي ھٿي ڏيارڻ لاءِ رجسٽريشن ماھيگيرن کي ماھيگيري سامان جنھن ۾ رڇ ڄار آئي سي باڪس ، وغيره ڏنا ويا آھن، وڌيڪ فراھمي جي يقين دھاني ڪرائي وئي آهي ،
ضلع ڪائونسل دادو چيئرمين سيد محمد شاھ صاحب کي بہ درخواست ڪئي ھئي تہ غريب ماھيگيرن جي فنانشلي مدد ڪئي وڃي، سنڌ فشرمين ويلفيئر آرگنائيزيشن صدر ممتاز علي ملاح جي ڏنل درخواست تي ضلع ڪائونسل دادو چيئرمين سيد محمد شاھ صاحب پاران ڪي اين شاهه تعلقي جي 15 ماھيگيرن کي 75000 روپين جا چيڪ ڏنا ويا ، جيڪي سنڌ فشرمين ويلفيئر آرگنائيزيشن صدر ممتاز علي ملاح پاران رجسٽرڊ ملاحن ۾ چيڪ ورھايا ويا آهن ،
ضلع ڪائونسل دادو چيئرمين سيد محمد شاھ صاحب پاران مالي امداد چيڪ تقسيم ڪرڻ تي ماھيگير ڪميونٽي پاران ضلع ڪائونسل دادو چيئرمين سيد محمد شاھ صاحب جو شڪريو ادا ڪيو ويو آهي ،

26/01/2026

خيرپورناٿن شاهه(رپورٽر)
ڪي اين شاهه ۾ ڳوٺ حيدر پنڙ واسي عورتن پاران احتجاجي مظاھرو، وڪيل شعبان ملاح جي ڀائيٽن خلاف احتجاج ڪيو ويو،
سولنگي برادري جي عورتن شھزانہ، راڻي، نصرت، حاجل خاتون سولنگي ۽ ٻين نيشنل پريس ڪلب پھچي احتجاج ڪندي صحافين اڳيان دانهيندي چيو ته وڪيل شعبان ملاح، ڀائيٽن قربان ملاح، عبدالستار ملاح، قاسم ملاح ، منير ملاح ۽ ٻين پاران آصف سولنگي، ذوالفقارسولنگي ديدار سولنگي ساجد سولنگي سميت اسان جي 6 ڄڻن تي ڪوڙا ڪيس داخل ڪرايا آھن، اسان جا رستا بند ڪيا ويا آھن، جيڪا اسان سان ناانصافي آهي، ھنن انصاف جي فراهمي جو مطالبو ڪيو،
ٻي طرف وڪيل شعبان ملاح نيشنل پريس ڪلب پھچي پريس ڪانفرنس ڪندي لڳايل الزامن کي رد ڪندي چيو ته سولنگي برادري منھنجي ڳوٺ جا آھن، صدين کان وڏڙن سميت گڏ رھيا آھيون، جن کي ٻاھرين ماڻھن مون خلاف ڀڙڪائي مون خلاف من گھڙت الزام بازي ڪري منھنجي سياسي سماجي ساک کي نقصان پھچائڻ جي ناڪام ڪوشش ڪئي پئي وڃي، ھن چيو ته سولنگي برادري جي ماڻھن منھنجن ڀائيٽن سان جھيڙو ڪري زخمي ڪيو، جوابدارن تي ڪيس آھن، ڪورٽ سندن جي ضمانت رد ڪئي آھي، ھاڻي مون خلاف الزام بازي ڪئي پئي وڃي، جنھن م ڪابه صداقت ناھي، ھن وڌيڪ چيو ته آء پڙھيل لکيل وڪيل آھيان ۽ ميونسپل ڪميٽي ڪي اين شاهه جو چونڊيل ڪائونسلر آھيان، اسين امن پسند آھيون، معاملي کي فيصلي ذريعي حل ڪرڻ لاءِ سولنگي برادري جي چڱن مڙسن سان ڳالھايو آھي، پر ڪجھ شر پسندن معاملي کي ھٿ وٺي خراب ڪري رھيا آھن، ھنن اعلي اختيارين کان مطالبو ڪيو ته واقعي جي جاچ ڪري انصاف ڏياريو وڃي

08/01/2026

ڪراچي(08جنوري2026)
پاڪستان پيپلز پارٽي ضلع دادو صدر ۽ ايم پي اي دادو بيئريسٽر پير مجيب الحق جي صوبائي وزير ورڪس اينڊ سروس علي حسن زرداري سان ملاقات،
ملاقات دوران اھم سياسي صورتحال ۽ ترقياتي اسڪيمن حوالي سان ڳالهيون ڪيون ويون،