25/12/2025
خدا کے وجود کو ریاضی کی مدد ثابت کیا جا سکتا ہے۔ ینگ ہون کم
جنوبی کوریا کے سائنسدان ینگ ہون کم جو دنیا میں سب سے زیادہ آئی کیو رکھتے ہیں، نے کہا ہے کہ خدا سو فیصد حقیقت ہے اور اسے تین سادہ ریاضیاتی حقائق کے ذریعے ثابت کیا جا سکتا ہے۔
پہلا اصول:
لکیر پہلے نقطے کے بغیر شروع نہیں ہو سکتی۔
ان کے مطابق جیومیٹری کا یہ اصول وجود پر بھی لاگو ہوتا ہے، ہر چیز کے آغاز کے لیے ایک نقطہ ضروری ہے اور یہی ابتداء خدا ہے جس نے کائنات اور زندگی کو حرکت دی۔
دوسرا اصول:
لامحدود ماضی کو عبور نہیں کیا جا سکتا۔
انہوں نے وضاحت کی کہ اگر وقت کا کوئی آغاز نہ ہوتا اور وہ ہمیشہ پیچھے کی طرف جاتا رہتا، تو آج کا دن کبھی نہ آتا۔ وہ کہتے ہیں کہ منفی لامحدود سے صفر تک گنتی مکمل نہیں کی جا سکتی اگر کوئی پہلا عدد موجود نہ ہو۔
تیسرا اصول:
طاقت کسی نہ کسی ذریعے سے آتی ہے۔
ینگ ہون کم کا کہنا ہے کہ ریاضی میں ضرب یہ ثابت کرتی ہے کہ طاقت کا کوئی منبع ہونا ضروری ہے، کائنات کے آغاز اور اس کی افزائش کے لیے ایک عظیم ترین طاقت کا مداخلت کرنا لازمی تھا۔
سوشل میڈیا پر اپنی ایک پوسٹ میں انہوں نے مختلف مذاہب سے متاثر مذہبی خیالات کا اظہار کیا ہے۔
47 سالہ ینگ ہون کم کا آئی کیو 276 بتایا جاتا ہے، جو دنیا میں اب تک ریکارڈ کیا گیا سب سے زیادہ آئی کیو ہے۔ 140 سے زائد آئی کیو کو جینیئس سمجھا جاتا ہے۔ اسٹیفن ہاکنگ اور البرٹ آئن اسٹائن جیسے عظیم سائنسدانوں کا آئی کیو تقریباً 160 تھا۔
