10/09/2026
گوجرانوالہ () تتلے عالی کے کاروباری مراکز میں بجلی کی لٹکتی تاریں تاجروں کیلئے وبال جان بن گئیں،شارٹ سرکٹ سے آتشزدگی کا خطرہ رہنے لگا ہے۔تفصیلات کے مطابق تتلے عالی کے کاروباری مراکز لوہے والا بازار،مین بازار،نوشہرہ روڈ بازارسمیت دیگر کاروباری مراکز،مارکیٹوں میں گیپکو کی مبینہ ملی بھگت سے بجلی کی الجھی ہوئی اورگچھے نما لٹکتی تاریں مکینوں اور تاجروں کیلئے وبال جان بن گئی ہیں۔مزکورہ بجلی کی تاروں کی مرمت اورت تبدیلی مشکل ہو گئی ہے بلکہ شارٹ سرکٹ سے کسی وقت بھی بڑا حادثہ رونام ہو سکتا ہے جس سے جانی ومالی نقصان کا خدشہ لاحق رہنے لگا ہے۔بجلی کی لٹکتی تاریں اتنی قریب ہیں کہ راہگیروں کا ہاتھ اور سر بھی ان کو چھو سکتا ہے۔تاجر رہنماؤں کا کہنا ہے کہ بجلی کی لٹکتی تاروں کی درستگی کیلئے متعدد بار گیپکو حکام کو شکایات کیں لیکن کوئی عمل درآمد نہیں ہو رہا ہے بلکہ حالات مزید ابتر ہو رہے ہیں۔اہل علاقہ اورانجمن تاجراں کے رہنماؤں نے گیپکو حکام سے اصلاح واحوال کا مطالبہ کیا ہے۔
