Gujranwala update

06/06/2026

06/06/2026

ا
*عیدالاضحیٰ 2026 صفائی آپریشن ،صوبائی وزیر بلدیات پنجاب کی جانب سے سی ای او جی ڈبلیو ایم سی عبدالرزاق ڈوگر کو ایکسیلنس ایوارڈ سے نواز دیا گیا۔*

گوجرانوالہ:() صوبائی وزیر بلدیات پنجاب میاں ذیشان رفیق نے عیدالاضحیٰ صفائی آپریشن 2026 کے دوران شاندار کارکردگی، بہترین انتظامات اور مثالی صفائی اقدامات پر منیجنگ ڈائریکٹر ستھرا پنجاب ایجنسی / چیف ایگزیکٹو آفیسر گوجرانوالہ ویسٹ مینجمنٹ کمپنی (GWMC) عبدالرزاق ڈوگر کو "ایکسیلنس ایوارڈ" سے نوازدیا۔ایوارڈ تقسیم کرنے کی تقریب لاہور میں منعقد ہوئی جس میں ڈائریکٹر جنرل ستھرا پنجاب اتھارٹی بابر صاحب دین سمیت دیگر اعلیٰ حکام نے شرکت کی۔ تقریب کے دوران صوبائی وزیر بلدیات نے عیدالاضحیٰ صفائی آپریشن میں نمایاں کارکردگی دکھانے والے افسران اور اداروں کو خراجِ تحسین پیش کیا۔اس موقع پر صوبائی وزیر ذیشان رفیق نے کہا کہ عیدالاضحیٰ صفائی آپریشن 2026 کے دوران مختلف اضلاع میں صفائی کے بہترین انتظامات کیے گئے، تاہم عبدالرزاق ڈوگر کی قیادت میں ادارے نے غیرمعمولی کارکردگی کا مظاہرہ کرتے ہوئے عوام کو مثالی صفائی سہولیات فراہم کیں۔ انہوں نے کہا کہ کامیاب صفائی آپریشن حکومت پنجاب کے ویژن، مؤثر حکمت عملی اور فیلڈ ٹیموں کی شبانہ روز محنت کا نتیجہ ہے۔صوبائی وزیر نے سی ای او جی ڈبلیو ایم سی عبدالرزاق ڈوگر اور ان کی پوری ٹیم کو مبارکباد دیتے ہوئے امید ظاہر کی کہ وہ مستقبل میں بھی عوام کو بہترین شہری سہولیات کی فراہمی کے لیے اسی جذبے اور عزم کے ساتھ خدمات انجام دیتے رہیں گے۔اس موقع پر سی ای او جی ڈبلیو ایم سی عبدالرزاق ڈوگر نے ایکسیلنس ایوارڈ کو اپنی پوری ٹیم کی محنت، لگن اور پیشہ ورانہ صلاحیتوں کا اعتراف قرار دیتے ہوئے کہا کہ ستھرا پنجاب پروگرام کے تحت صوبہ بھر میں صفائی کے معیار کو مزید بہتر بنانے اور شہریوں کو صاف ستھرا ماحول فراہم کرنے کے لیے تمام وسائل بروئے کار لائے جائیں گے۔

06/06/2026

گوجرانوالہ () )ڈپٹی کمشنر گوجرانوالہ نوید احمد نے چلڈرن ہسپتال گوجرانوالہ کا اچانک دورہ کیا اور ہسپتال میں مریض بچوں کو فراہم کی جانے والی طبی سہولیات، انتظامی امور اور علاج معالجے کے مجموعی نظام کا تفصیلی جائزہ لیا۔ انہوں نے ہسپتال کے مختلف شعبہ جات کا معائنہ کرتے ہوئے طبی سہولیات کے معیار، ڈاکٹرز و طبی عملے کی کارکردگی اور مریضوں کے لیے دستیاب سہولیات کا معائنہ کیا۔ ڈپٹی کمشنر نے ہسپتال کے ایمرجنسی وارڈ، آؤٹ پیشنٹ ڈیپارٹمنٹ (او پی ڈی)، بچوں کے وارڈز، ادویات کی فراہمی کے مراکز اور دیگر اہم یونٹس کا معائنہ کیا۔ انہوں نے ڈاکٹرز، نرسنگ اسٹاف اور دیگر طبی عملے کی ڈیوٹی روسٹر کے مطابق حاضری چیک کی اور ہسپتال میں مریضوں کو فراہم کی جانے والی سہولیات کا باریک بینی سے جائزہ لیا۔ ڈپٹی کمشنر نوید احمد نے ہسپتال میں ادویات کی دستیابی، صفائی ستھرائی، طبی آلات کی فعالیت، مریضوں کے داخلے اور علاج کے نظام سمیت مجموعی انتظامات کا معائنہ کیا۔ انہوں نے متعلقہ افسران کو ہدایت کی کہ علاج معالجے کے عمل میں کسی قسم کی غفلت یا کوتاہی برداشت نہیں کی جائے گی اور تمام شعبہ جات میں بہترین انتظامی نظم و ضبط برقرار رکھا جائے۔
ڈپٹی کمشنر نے مریض بچوں اور ان کے والدین سے ملاقات کی، ان سے ہسپتال میں فراہم کی جانے والی سہولیات کے بارے میں دریافت کیا اور ان کے مسائل و شکایات بھی سنے۔ انہوں نے موقع پر موجود ہسپتال انتظامیہ کو ہدایت کی کہ والدین اور تیمارداروں کے ساتھ خوش اخلاقی سے پیش آیا جائے اور مریض بچوں کو فوری اور معیاری طبی سہولیات کی فراہمی یقینی بنائی جائے۔ انہوں نے ہسپتال انتظامیہ کو ہدایت جاری کی کہ صفائی ستھرائی کے اعلیٰ معیار کو ہر صورت برقرار رکھا جائے، ڈاکٹرز و طبی عملہ اپنی ڈیوٹی بروقت سرانجام دے اور مریضوں کو ادویات و دیگر سہولیات کی فراہمی میں کسی قسم کی رکاوٹ نہ آنے دی جائےاس موقع پر ڈپٹی کمشنر نوید احمد نے کہا کہ بچوں کو معیاری طبی سہولیات کی فراہمی ضلعی انتظامیہ کی اولین ترجیح ہے۔ انہوں نے کہا کہ پنجاب حکومت کی ہدایات کے مطابق سرکاری ہسپتالوں میں طبی سہولیات کے معیار کو بہتر بنانے کے لیے مسلسل مانیٹرنگ کا عمل جاری ہے تاکہ شہریوں کو بہترین اور بروقت طبی سہولیات میسر آ سکیں۔ انہوں نے اس عزم کا اظہار کیا کہ عوام کو صحت کی بہترین سہولیات کی فراہمی کے لیے تمام دستیاب وسائل بروئے کار لائے جائیں گے۔

06/06/2026

گوجرانوالہ () ۔سٹی پولیس آفیسر گوجرانوالہ ڈاکٹر سردار غیاث گل خان نے ترجمان ضلعی پولیس رانا محمد عرفان شمیم اور اُن کی ٹیم کو میڈیا کے ساتھ مؤثر روابط، محکمہ پولیس کے مثبت تشخص کو اجاگر کرنے، بروقت اور مستند معلومات کی فراہمی اور پیشہ ورانہ خدمات کے اعتراف میں تعریفی سرٹیفکیٹس سے نوازا۔یہ اعزاز عوام، میڈیا اور پولیس کے درمیان مؤثر رابطہ کاری کو مزید مضبوط بنانے، محکمہ پولیس کی مثبت نمائندگی کو فروغ دینے اور پیشہ ورانہ ذمہ داریوں کو بہترین انداز میں انجام دینے کی کاوشوں کے اعتراف کے طور پر دیا گیا۔

06/06/2026

گوجرانوالہ () )ماحولیات کے عالمی دن کے موقع پر دفتر ڈپٹی ڈائریکٹر ماحولیات گو جرانوالہ نے ضلعی انتظامیہ کے اشتراک سے جدید دستگیر آئیڈیل ہائی سکول جناح روڈ میں ایک سیمینار منعقدہ کیا گیا اس موقع پر ڈپٹی ڈائریکٹر ماحولیات گوجرانوالہ سلمان اسلم وڈپٹی ڈائریکٹرماحولیات لیبارٹری محمد اشرف چیمہ نے اپنے خطاب میں کہا ہے کہ ماحولیات کا تحفظ ہم سب کی مشترکہ ذمہ داری ہے اور صاف ستھرا ماحول آئندہ نسلوں کے محفوظ مستقبل کی ضمانت فراہم کرتا ہے۔ سیمینار میں چیمبر آف کامرس میٹل ایسوسی ایشن کے صدر وقار علی کھوکھر، میڈم مہناز افضل ریسرچ آفیسر لیبارٹری انسپکٹر غلام مرتضیٰ اورمحکمہ ماحولیات کےدیگر افسران، سکول فیکلٹی، طلبہ و طالبات اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔ مقررین نے ماحولیات کے تحفظ، آلودگی کے تدارک اور شجرکاری کی اہمیت پر روشنی ڈالی۔میڈم مہناز افضل نے کہا کہ ماحولیاتی آلودگی اس وقت دنیا کو درپیش بڑے چیلنجز میں سے ایک ہے، جس سے نمٹنے کے لیے اجتماعی کوششوں کی ضرورت ہے۔ انہوں نے طلبہ پر زور دیا کہ وہ ماحول دوست سرگرمیوں میں بڑھ چڑھ کر حصہ لیں اور اپنے اردگرد کے ماحول کو صاف ستھرا رکھنے میں اپنا کردار ادا کریں۔اس موقع پرانسپکٹر غلام مرتضیٰ نے کہا کہ درخت لگانا، فضائی و آبی آلودگی میں کمی لانا اور پلاسٹک کے غیر ضروری استعمال سے گریز وقت کی اہم ضرورت ہے۔ انہوں نے کہا کہ شجرکاری نہ صرف ماحول کو بہتر بناتی ہے بلکہ موسمیاتی تبدیلیوں کے منفی اثرات میں کمی لانے میں بھی مددگار ثابت ہوتی ہے۔چیمبر آف کامرس میٹل ایسوسی ایشن کے صدر وقار کھوکھرنے اپنے خطاب میں کہا کہ طلبہ کو ماحولیاتی چیلنجز اور ان کے حل سے آگاہ کرنا وقت کی ضرورت ہے تاکہ اپنے ملک اور آنے والی نسلوں کو ماحولیاتی آلودگی کے مضر اثرات سے محفوظ بنایا جا سکے۔ انہوں نے کہا کہ حکومت پنجاب ماحولیاتی بہتری اور عوامی شعور اجاگر کرنے کے لیے مختلف اقدامات کر رہی ہے اور اس مقصد کے حصول کے لیے عوامی تعاون ناگزیر ہے۔فیلڈ سٹاف محکمہ ماحولیات نے ڈپٹی ڈائریکٹر ماحولیات سلمان اسلم کی ہدایت کی روشنی میں اس عزم کا اظہار کیا کہ شجرکاری مہمات کو مزید مؤثر بنایا جائے گا اور شہریوں کو ماحول دوست طرزِ زندگی اپنانے کی ترغیب دی جائے گی۔ تقریب کے دوران طلبہ و طالبات نے بھی ماحول دوست سرگرمیوں کے فروغ اور شجرکاری مہمات میں بھرپور حصہ لینے کے عزم کا اظہار کیا۔تقریب کے اختتام پر عالمی یومِ ماحولیات کی مناسبت سے آگاہی واک نکالی گئی جس میں شرکاء نے ماحولیاتی تحفظ، شجرکاری اور صفائی کی اہمیت اجاگر کرنے والے بینرز اور پلے کارڈز اٹھا رکھے تھے۔ ریلی کے شرکاء نے ماحول کو آلودگی سے پاک رکھنے اور سرسبز و شاداب پاکستان کے قیام کے لیے بھرپور کردار ادا کرنے کے عزم کا اعادہ کیا۔

06/06/2026

سی پی او گوجرانوالہ ڈاکٹر سردار غیاث گل خاں کی ہدایت پر
پولیس کا منشیات فروشوں کے خلاف کریک ڈاؤن
خاتون منشیات فروش تھانہ سٹی کامونکی پولیس کی گرفت میں۔
ملزمہ کے قبضہ سے 1 کلو 440 گرام چرس بر آمد ۔ مقدمہ درج۔
منشیات فروشی میں ملوث ملزم نعمان تھانہ قلعہ دیدار سنگھ پولیس کی حراست میں،
ملزم کے قبضہ سے 1 کلو 420 گرام چرس بر آمد ، مقدمہ درج
منشیات فروشی میں ملوث ملزم فیصل محمود تھانہ باغبان پورہ پولیس نے گرفتارکر کے مقدمہ درج کر لیا
ملزم کے قبضہ سے 1 کلو 420 گرام چرس بر آمد
گوجرانوالہ: پرامن اور محفوظ معاشرے کی تشکیل کے لیے جرائم پیشہ عناصر اور منشیات فروشوں کی بیخ کنی ناگزیر ہے
سی پی او گوجرانوالہ ڈاکٹر سردار غیاث گل خان

06/06/2026

*گوجرانوالہ کے مختلف علاقوں میں 2 پولیس مقابلے، 3ریکارڈ یافتہ ملزمان زخمی حالت میں گرفتار*

گوجرانوالہ: سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب۔

گوجرانوالہ: تھانہ اروپ پولیس کارروائی؛ راہزنی اور چوری جیسی متعدد وراداتوں میں ریکارڈ یافتہ 2 کس ملزمان اذکار اور علی رضا پولیس ناکہ سے فرار ہونے کی کوشش میں زخمی حالت میں گرفتار، قبضہ سے ناجائز اسلحہ اور چوری شدہ موٹر سائیکل برآمد۔

گوجرانوالہ: تھانہ کھیالی پولیس؛ منشیات فروشی کے مقدمات میں ملوث ملزم افتخار اقبال پولیس ناکہ سے فرار ہونے کی کوشش میں زخمی حالت میں گرفتار، قبضہ سے ناجائز اسلحہ اور ٹمپرڈ شدہ موٹر سائیکل برآمد۔

گوجرانوالہ: پر امن اور محفوظ معاشرے کی تشکیل کے لیے جرائم پیشہ عناصر اور منشیات فروشوں کی بیخ کنی ناگزیر ہے۔
سی پی او ڈاکٹر سردار غیاث گل خان

05/06/2026

گوجرانوالہ () تتلے عالی میں بھی دودھ دہی کی قیمتوں میں خود ساختہ اضافہ کرلیا گیا ہے۔تتلے عالی اور اس کے نواحی دیہاتی علاقوں میں گوالوں نے دودھ اور دھی کی فی کلو قیمت میں 20/20 روپے اضافہ کر دیا ہے۔ تتلے عالی میں دودھ 200 روپے لیٹر اور دھی 220 روپے کلو فروخت ہو رہی تھی اچانک گوالوں نے دودھ 220 اور دھی فی کلو 240 سے 250 روپے میں فروخت کرنا شروع کر دیا ہے۔یاد رہے کہ ضلعی انتظامیہ کی جانب سے دودھ کا سرکاری ریٹ 170 اور دھی 18 روپے فی کلو مقرر کر رکھا ہے لیکن اس پر عمل درآمد نہیں ہو ابلکہ سرکاری نرخوں سے 50 سے 70 روپے کلو قیمت بڑھا دی گئی ہے اہل علاقہ نے اصلاح واحوال کا مطالبہ کیا ہے۔

04/06/2026

گوجرانوالہ پولیس کی شاندار کامیابی
آئی ٹی برانچ گوجرانوالہ کی جانب سےE-Gadget ایپلی کیشن کے ذریعے 221 گمشدہ و چوری شدہ موبائل فونزبرآمد
ایس ایس پی آپریشنز گوجرانوالہ غیور احمد خاں نے سی پی او آفس میں منعقدہ تقریب کے دوران موبائل فونز ان کے اصل مالکان کے حوالے کیے۔
جدید ٹیکنالوجی، پیشہ ورانہ مہارت اور مؤثر حکمتِ عملی کے ذریعے گوجرانوالہ پولیس شہریوں کو بروقت
ریلیف اور بہترین پولیس سروسز کی فراہمی کے لیے کوشاں
سٹی پولیس آفیسرڈاکٹرسردارغیاث گل خان
گوجرانوالہ () سٹی پولیس آفیسر گوجرانوالہ ڈاکٹر سردار غیاث گل خان کی ہدایت پر گوجرانوالہ پولیس جدید ٹیکنالوجی کے مؤثر استعمال کے ذریعے شہریوں کو بروقت ریلیف فراہم کرنے کے لیے کوشاں ہے۔ اسی سلسلہ میں آئی ٹی برانچ گوجرانوالہ نےE-Gadget ایپلی کیشن کی مدد سے مختلف واقعات میں گمشدہ اور چوری شدہ 221 موبائل فونز کامیابی سے ٹریس کر لیے۔موبائل فونز ان کے اصل مالکان کے حوالے کرنے کے لیے سی پی او آفس گوجرانوالہ کے کانفرنس روم میں ایک پروقار تقریب کا انعقاد کیا گیا۔ تقریب میں ایس ایس پی آپریشنز گوجرانوالہ غیور احمد خاں نے شہریوں میں موبائل فونز تقسیم کیے اور انہیں ان کی امانتیں واپس کیں۔اس موقع پرایس ایس پی آپریشن غیور احمدخان نے کہاکہ جدید دور کے تقاضوں کے مطابق پولیس فورس کو جدید ٹیکنالوجی سے ہم آہنگ کیا جا رہا ہے تاکہ عوام کو بروقت اور مؤثر خدمات فراہم کی جا سکیں۔ انہوں نے کہا کہE-Gadget سمیت دیگر جدید ڈیجیٹل ٹولز جرائم کی روک تھام اور شہریوں کے مسائل کے حل میں اہم کردار ادا کر رہے ہیں۔انہوں نے مزید کہا کہ گوجرانوالہ پولیس جدید ٹیکنالوجی کے استعمال، استعداد کار میں اضافے اور عوام دوست پولیسنگ کے فروغ کے لیے مسلسل اقدامات کر رہی ہے تاکہ شہریوں کے جان و مال کے تحفظ کو یقینی بنایا جا سکے۔موبائل فونز واپس ملنے پر شہریوں نے گوجرانوالہ پولیس کی کارکردگی کو سراہتے ہوئے شکریہ ادا کیا۔ شہریوں کا کہنا تھا کہ قیمتی موبائل فونز کی بازیابی گوجرانوالہ پولیس کی پیشہ ورانہ مہارت، مؤثر کارکردگی اور جدید ٹیکنالوجی کے کامیاب استعمال کا منہ بولتا ثبوت ہے، جس سے پولیس پر عوام کے اعتماد میں مزید اضافہ ہوا ہے۔سی پی او گوجرانوالہ نے اعلیٰ کارکردگی کا مظاہرہ کرنے پر انچارج آئی ٹی برانچ سب انسپکٹر احمد دھاریوال اور ان کی ٹیم کو شاباش دیتے ہوئے ان کی کاوشوں کو سراہا۔

04/06/2026

جامعہ حنفیہ رضویہ سراج العلوم سے درس نظامی مکمل، حافظ حماد رضا قادری ایڈووکیٹ کو مبارکباد
سال 2019ء سے 2026ء تک علمی سفر کامیابی سے مکمل، اہلخانہ اور اساتذہ کا نیک تمنائوں کا اظہار
گوجرانوالہ()جامعہ حنفیہ رضویہ سراج العلوم گوجرانوالہ سے درسِ نظامی کی کامیاب تکمیل پر مولانا حافظ محمد حماد رضا قادری ایڈووکیٹ کو اہلخانہ، اساتذ کرام، احباب اور دوستوں کی جانب سے دلی مبارکباد پیش کی گئی ہے۔مبارکبادی پیغام میں کہا گیا کہ الحمدللہ 2019ء میں شروع ہونیوالا علم دین کا سفر 2026ء میں کامیابی کے ساتھ مکمل ہوا، جو مسلسل محنت، لگن، استقامت اور دینِ اسلام سے محبت کا روشن ثبوت ہے۔ جامعہ حنفیہ رضویہ سراج العلوم جیسی عظیم دینی و علمی درسگاہ سے درس نظامی کی تکمیل ایک قابل فخر اعزاز ہے۔پیغام میں دعا کی گئی کہ اللہ تعالی مولانا حافظ محمد حماد رضا قادری کے علم میں مزید وسعت، عمل میں اخلاص اور زندگی میں برکت عطا فرمائے اور انہیں دین اسلام کی خدمت، اشاعت سنت اور اصلاحِ معاشرہ کیلئے بھرپور کردار ادا کرنے کی توفیق نصیب فرمائے۔ مزید دعا کی گئی کہ اللہ تعالی انہیں علما حق، مبلغین اسلام اور خادمین دین میں ممتاز مقام عطا فرمائے، مبارکبادی پیغام میں اساتذ کرام، والدین اور اہلخانہ کی خدمات کو بھی خراجِ تحسین پیش کرتے ہوئے کہا گیا کہ یہ کامیابی ان کی دعائوں، تربیت اور سرپرستی کا ثمر ہے اور ان کیلئے صدقہ جاریہ اور باعث فخر ہے۔اس موقع پر حدیث مبارکہ ''العلما ورث النبیا'' کا حوالہ دیتے ہوئے کہا گیا کہ علما کرام انبیائے کرام علیہم السلام کے وارث ہیں اور ان کی ذمہ داری دین اسلام کی تعلیمات کو عام کرنا اور معاشرے کی اصلاح میں اپنا کردار ادا کرنا ہے۔اہلخانہ، اساتذ کرام، دوستوں اور عقیدت مندوں نے مولانا حافظ محمد حماد رضا قادری ایڈووکیٹ کی اس عظیم علمی کامیابی پر خوشی کا اظہار کرتے ہوئے نیک تمنائوں اور دعائوں کا اظہار کیا۔