01/02/2024
انسانوں یا جانوروں میں کسی بھی خوراکی عنصر کی کمی دو طرح سے ہوسکتی ہے
ایک تو جانور کی خوراک میں اس چیز کی کمی ہو یعنی جانور کو جتنی ضرورت ہو وہ خوراک سے پوری نہ ہو رہی ہو
یا دوسری صورت میں جانور کے جسم سے اس کا اخراج زیادہ ہو
مثلاً کیلشیئم فاسفورس میگنیشیئم دودھ میں کافی مقدار میں پائے جاتے ہیں
جانور جب زیادہ دودھ دے گا تو یہ چیزیں جانور کے دودھ میں زیادہ خارج ہوں گی اور اسی طرح جانور کو یہ سب چیزیں زیادہ مقدار میں چاہیے
یا تیسری طرح سے بھی کمی ہوتی ہے جس میں کچھ عناصر ایک دوسرے سے ری ایکشن کرتے ہیں اور ایک دوسرے کی دستیابی کو متاثر کرتے ہیں, اس کی بھی مثال آج کی پوسٹ میں موجود ہے
کیلشیئم اور فاسفورس کے بعد میگنیشیئم ایسا منرل/ معدنیات/نمکیات ہے جس کی جانور کو زیادہ ضرورت ہوتی ہے ، میکرو منرلز
میگنیشیئم جانداروں کے بہت سے اینزائیمز کے کام کرنے کے لیے ضروری ہے. یہ فاسفورس اور کیلشیئم کے ساتھ ہڈیوں کی صحت کے لیے بھی ضروری ہے
اور پٹھوں اور اعصابی نظام کی کارکردگی کو بہتر رکھتا ہے
اوسط سا دودھ /تھوڑا دینے والے جانور کی میگنیشیم اس کے چارہ اور خوراک سے پوری ہوجاتی ہے
لیکن جب چارہ تیزی سے بڑھوتری کر رہا ہو تو اس میں میگنیشیم کم مقدار میں ہوتا ہے لیکن اتنا بھی کم نہیں ہوتا کہ جانور کو میگنیشیم کی کمی سے کوئی مسئلہ ہو جائے
جب چارہ تیزی سے بڑھوتری کر رہا ہوتا ہے، جیسے اب موسم بہتر ہونے کے بعد ہوگا, تو اس وقت چارہ میں پوٹاشیم زیادہ ہوتا ہے، جو کہ اچھی بات ہے کیوں کہ پوٹاشیئم بھی بہت ضروری منرل ہے
لیکن یہ زیادہ پوٹاشیم چارہ میں پہلے سے کم مقدار میں میگنیشیم کو اوجھڑی میں جا کر اس کی دستیابی کو مزید کم کر دیتا ہے
یہ ایک قدرتی عمل ہے, یہاں تک کوئی مسئلہ نہیں ہوتا
اب چارہ کے لیے ہم لوگ سمجھتے ہیں کہہ کھاد صرف ایک ہی ہے وہ ہے یوریا، زیادہ نائٹروجنی کھاد بھی چارہ میں میگنیشیم کی مزید کمی کا باعث بنتی ہے
یعنی پوٹاشیم اور نائٹروجن کا زیادہ ہونا میگنیشیم کو کم کر دیتا ہے
یہاں ایک اور سستا اور جانا پہچانا منرل سوڈیم کا اہم کردار ہوتا ہے
جب سوڈیم/عام گھریلو نمک خوراک میں مناسب مقدار میں موجود ہو تو پوٹاشیم کو میگنیشیم کی دستیابی میں گڑ بڑ کرنے سے روکتا ہے
یعنی اس میگنیشیم, پوٹاشیئم, نائٹروجن کے گھمبیر چکر کو آسانی سے روکا جا ہے وہ ہے عام نمک/سوڈیم جانور کو دینا, اور خاص طور بر جب جانور نے دودھ دینا شروع کر دیا ہو
جیسا کہ ہم نے اوپر پڑھا کہ میگنیشیم پٹھوں اور اعصابی نظام کے لیے ضروری ہے تو جب خون میں
میگنیشیم کی شدید کمی ہو جائے تو جانور کو دورے پڑتے ہیں جیسے مرگی میں ہوتا ہے ، منہ سے جھاگ آتی ہے ، جانور بہت غصہ کرتا ہے، غشی طاری ہوجاتی ہے، جانور کا پورا جسم کانپتا ہے اور پاگل جانور جیسی حرکات کرتا ہے
یہاں اکثر لوگ سمجھتے ہیں کہ جانور کو ریبیز/ باؤلا پن / پاگل کتے کے کاٹنے کی بیماری ہوگئی ہے حالانکہ ایسے جانور کو کتے نے نہیں کاٹا ہوتا ہے اور علم کی کمی سے حلال جانور کئی بار مر بھی جاتا ہے یا قصائی تک پہنچ جاتا ہے
اس بیماری کو گراس ٹیٹنی کہتے ہیں ہائپو میگنیشیمیا Hypomagnesemia
ہمارے ہاں چھوٹے کسانوں کو یہ مسئلہ زیادہ تر اس وقت آتا ہے جب جانور بچہ دینے کے بعد دودھ بڑھ رہا ہو اور جانور کو نمک نہ دیا جا رہا ہو آتا ہے
اسی لیے سردی ہو یا گرمی جانور کی کھرلیوں میں نمک ضرور رکھیں, صرف بچہ کی پیدائش سے تین ہفتے پہلے نہ دیں, باقی ہر بڑے جانور کو تیس سے پچاس گرام روزآنہ نمک دے سکتے ہیں, بھیڑ بکریوں کو تقریباً دس گرام
سرکاری ہسپتال سے سستا منرل مکسچر ملتا ہے ساتھ وہ بھی دیں
منرل مکسچر نام تو صرف دو لفظوں کا ہے لیکن اس میں
میگنیشیئم، زنک، کوبالٹ، سیلینیم، مینگانیز، کاپر، آئرن، آئیوڈین، کیلشیئم اور فاسفورس شامل ہوتے ہیں
مارکیٹ میں وٹامن منرل مکسچر بھی دستیاب ہیں, جن میں ان منرلز کے علاوہ ضروری وٹامن بھی ہوتے ہیں - منرل مکسچر اور منرل وٹامن مکسچر کی قیمتوں میں زیادہ فرق نہیں ہوتا
امپورٹ یا لوکل، اجزاء کے معیار اور شامل اجزاء کی مقدار کی بنیاد پر قیمتوں میں فرق ہوتا ہے
منرل مکسچر اور منرل وٹامن مکسچر سے متعلق کسی بھی طرح کی معلومات آپ نمبر سے حاصل کر سکتے ہیں
