New updates

22/10/2024

انشاللہ! جسٹس یحی آفریدی

22/10/2024

نئے چیف جسٹس کی تقرری کے لیے تجویز کردہ ناموں میں جسٹس منصور علی شاہ، جسٹس منیب اختر، اور جسٹس یحییٰ آفریدی شامل ہیں۔

26 ویں آئینی ترمیم کے نفاذ کے بعد، اس تقرری کے لیے خصوصی پارلیمانی کمیٹی کا اجلاس آج منعقد ہوگا۔ موجودہ چیف جسٹس قاضی فائز عیسیٰ کی ریٹائرمنٹ سے تین دن قبل نئے چیف جسٹس کا تقرر کیا جائے گا۔

22/10/2024

چوہدری ندیم اختر ملہی کا دریائے چناب کی ریت کا ٹھیکہ کینسل نوٹیفیکشن جاری
ڈی جی مائنز اینڈ منرلز پنجاب نے 3 اکتوبر کو دریائے چناب کی ریت کا ٹھیکہ 18 کروڑ 7 لاکھ 60 ہزار میں حاصل کرنے والے والے چوہدری ندیم اختر ملہی کا ٹھیکہ کینسل کر کے نوٹیفکیشن جاری کردیا
ڈی جی مائنز اینڈ منرلز پنجاب نے 13 اکتوبر کو رول 201 پنجاب مائنز کنسیشن رولز 2002 کے تحت ٹھیکہ کینسل کیا اسی حکم کی رو سے اسسٹنٹ ڈائریکٹر مائنز اینڈ منرلز سیالکوٹ/سیکرٹری ڈسڑکٹ آکشن کمیٹی نے چوہدری موسی ندیم ملہی کے نام لیٹر جاری کرتے ہوئے آگاہ کیا کہ آپ اپنی نیلامی رقم کا جمع کروایا ہوا 1/4 وصول کرلیں آپ کا ٹھیکہ بحکم ڈی جی پنجاب مائنز اینڈ منرلز لاہور منسوخ کردیا گیا ہے

11/10/2024

وزیراعلیٰ پنجاب مریم نواز شریف نے کہا ہے کہ ذہنی سکون اور مثبت خیالات متوازن زندگی کی بنیاد ہیں۔ عالمی یوم ذہنی صحت پر اپنے پیغام میں مریم نواز کا کہنا تھا کہ ذہنی مسائل کا سامنا کرنے والے معاشرتی بے حسی کی بجائے توجہ اور محبت کے حقدار ہیں، ذہنی صحت ہی سکونِ دل کی کلید ہے، بد قسمتی سے ذہنی صحت کے عوامل کو اکثر نظرانداز کر دیا جاتا ہے، ذہنی مسائل کو سنجیدہ نہ لینے سے لوگ خاموشی سے تکلیف سہتے ہیں، ذہنی بیماری کا علاج جسمانی بیماری کی طرح ضروری امر ہے، پنجاب میں ذہنی صحت کے لئے درکار سہولیات کو یقینی بنانے کیلئے کام کر رہے ہیں۔ وزیراعلیٰ پنجاب کا مزید کہنا تھا کہ اپنے اردگرد کے لوگوں کا خیال رکھیں، ان کے احساسات کو سمجھیں اور انہیں یقین دلائیں کہ وہ تنہا نہیں، ایسا معاشرہ بنانا چاہتے ہیں جہاں ہر شخص ذہنی سکون سے بھرپور زندگی گزار سکے۔

11/10/2024

پنجاب پولیس تھانہ صدر کھاریاں نے مویشی چوری کی وارداتوں میں ملوث گینگ کو گرفتار کر لیا۔
5بکریاں اور ایک بھینس برآمد

تفصیلات کے مطابق وزیراعلیٰ پنجاب مریم نواز شریف کے ویژن کرائم فری پنجاب کے تحت ڈی پی او گجرات ڈاکٹر مستنصر عطاء باجوہ کی زیر قیادت پولیس کی چوروں اور ڈاکوؤں کے خلاف کاروائیاں جاری ہیں۔
اس سلسلہ میں ایس ایچ او تھانہ صدر کھاریاں انسپکٹر لیاقت حسین اور ان کی ٹیم ASIعابد حسین معہ دیگر ملازمین نے مویشی چور وں کے خلاف خصوصی آپریشن کرکے 2ملزمان کو گرفتار کرلیا۔ گرفتار ملزمان میں 1۔ محمد لطیف سکنہ دھوریہ 2۔ جنید خادم سکنہ ملکہ شامل ہیں۔ جن کے قبضہ سے دوران تفتیش 12لاکھ روپے مالیت کے مویشی برآمد ہوئے۔ جن میں 5بکریاں اور ایک راس بھینس شامل ہیں۔ ملزمان سے برآمد شدہ مال مسروقہ حقیقی مالکان کے حوالے کردیا گیا ہے۔ جبکہ ملزما ن سے مزید تفتیش جاری ہے۔ترجمان گجرات پولیس۔

10/10/2024

نجی کمپنی کے مینیجر اور ڈرائیور کاقاتل مدعی مقدمہ نکلا۔
تفصیلات کے مطابق مورخہ 02.10.24کو تھانہ رحمانیہ پولیس کوعثمان علی بٹ سکنہ محلہ چوہدری پارک لاہورحال مقیم کھاریاں نے اطلاع دی کہ اسکے خالہ زاد بھائی وبزنس پارٹنر مسمی شیراز سرور کو نا معلوم اافراد نے اغواء کر لیا ہے۔ اطلاع موصول ہونے پر تھانہ رحمانیہ پولیس نے اغواء کا مقدمہ درج کر کے تفتیش کا آغاز کر دیا،جبکہ اسی دن مورخہ 02.10.24 کوتھانہ رحمانیہ پولیس کو اطلاع موصول ہوئی کہ وینس بن نزدجی ٹی روڈ پر ایک ڈیڈ باڈی پڑی ہوئی ہے۔جس کی شناخت دانش سرور کے نام سے ہوئی جو بعد ازاں پتا چلا کہ اغواہونے والے شیراز سرور کا ڈرائیور تھا۔
اطلاع موصول ہونے پر تھانہ رحمانیہ پولیس نے پنجاب فرانزک سائنس ایجنسی کے ماہرین کے ہمراہ کرائم سین سے شواہد اکٹھے کئے اور مقتول دانش سرور کے بھائی عاصم سرور کی مدعیت میں نامعلوم ملزمان کے خلاف قتل کا مقدمہ درج کر کے تفتیش شروع کردی۔ڈی پی او گجرات مستنصر عطاء باجوہ نے اغوا اور اس اندھے قتل کی واردات کو ٹریس کرنے اور اس کے اصل محرکات کو سامنے لانے کے لیے ایس پی انویسٹی گیشن مہر محمد ریاض ناز کی سربراہی اورڈی ایس پی لالہ موسی سرکل چوہدری محمد اکرم کی زیر نگرانی میں ایس ایچ او تھانہ رحمانیہ انسپکٹر محمد ریاض، SI شرجیل اسلم اور دیگر پولیس افسران اور آئی ٹی کے ماہرین پر مشتمل خصوصی ٹیم تشکیل دی۔ تفتیشی ٹیم نے مختلف زاویوں سے مقدمہ کی تفتیش شروع کردی۔ جدید سائنسی ٹیکنالوجی اور سی سی ٹی وی کیمروں کی مدد بھی حاصل کی گئی۔
دوران تفتیش یہ بات سامنے آئی کہ ملزم عثمان علی بٹ (مدعی مقدمہ)نے اپنی دوسری بیوی مسماۃ صباء کے ہمراہ ملکرمورخہ 01.10.2024 کو مغوی شیراز سرور جو کہ اسکا سگا خالہ زادبھائی و بزنس پارٹنر تھا، جس کو گھر بلا کر بذریعہ فائر قتل کر دیا اوراسکی نعش قریبی ایک خالی مکان میں چھپا دی،جو نعش کوگڑھا کھود کر دفنانا چاہتا تھا۔ جبکہ اسی روز مورخہ 01.10.2024 کوملزم عثمان علی بٹ نے ہمراہ اپنی دوسری بیوی مسماۃ صباء مقتول دانش سرور کونجی کمپنی جس میں مقتول ملازمت کرتا تھاکے باہر سے اپنی گاڑی میں بٹھایا اوروینس بن پرلے جا کر بذریعہ فائر قتل کر دیا۔ مقتول شیراز سرور بٹ اور مقتول دانش سروردونوں کے درمیان ان دنوں اختلافات چل رہے تھے، ملزم عثمان علی بٹ جو کہ مقتول شیراز سرور بٹ کا سگا خالہ زاد بھائی وبزنس پارٹنر تھا،جس نے دو سال قبل دوسری شادی کر رکھی تھی جو اخراجات میں اضافے کی بنا پرملزم عثمان علی بٹ نے بزنس میں فراڈ کرنا شروع کر دیاتھا۔ جس پرمقتول شیرازسرور اورملزم عثمان علی کے درمیان بزنس کے آڈٹ پر اختلاف پیدا ہو گئے، جس پر ملزم عثمان علی نے مقتول شیرازسرور سے پیچھا چھڑوانے کے لیے اور بزنس ہتھیانے کی غرض سے اپنی بیوی مسماۃ صباء بی بی کے ساتھ پلاننگ کی کہ، شیرازسرور کو قتل کرکے اسکی نعش چھپا دیں گے اور اسکے اغواء کا مقدمہ درج کروائیں گے اور دانش سرورکو قتل کرکے قتل کا الزام مقتول شیراز سرور پر لگا دیں گے۔
تاہم اسی دوران پولیس ٹیم نے انتھک محنت اورپیشہ وارانہ حلاحیتوں کو بروئے کار لاتے ہوئے صرف ایک ہفتہ کے اندرہی دوہرے/ اندھے قتل کی واردات کو ٹریس کر لیااور شاطراور سفاک ملزم عثمان علی بٹ کو گرفتار کر لیا۔تفتیش مقدمہ جاری ہے۔ترجمان گجرات پولیس

10/10/2024

10/10/2024

،پاکستان پوسٹ کے 15 پوسٹ آفس بند کرنے کا نوٹیفکیشن جاری ۔نوٹیفیکشن کے مطابق خسارے کا سامنا کرنے والے 15 پوسٹ آفس بند کرنے کے احکامات جاری، بند کئے گئے کراچی میں پوسٹ آفس میں نائٹ پوسٹ آفس بھی شامل ہیں،ضلع جنوبی کے5،ضلع وسطی کے 3 ،ضلع شرقی کے 6اور ضلع غربی کا ایک پوسٹ آفس بند کر دیا گیا،شیرشاہ کالونی پوسٹ آفس ، لی کوارٹر پوسٹ آفس ،بیچ لگثری پوسٹ آفس کو بند کر دیا گیا،بیچ لگثری ہوٹل نائٹ پوسٹ آفس ، جے ایم پی سی نائٹ پوسٹ آفس ،مومن آباد نائٹ پوسٹ کو بند کر دیا گیا۔ بحریہ ٹاؤن نائٹ پوسٹ آفس ،سمن آباد نائٹ پوسٹ آفس ،اعظم بستی پوسٹ آفس ،اختر کالونی پوسٹ آفس کو بند کر دیا گیا،قیوم آباد پوسٹ آفس ،قیوم آباد نائٹ پوسٹ آفس ،کاٹی پوسٹ آفس ،کاٹی نائٹ پوسٹ آفس ،اور اسلامک سینٹر پوسٹ آفس کو بند کر دیا گیا۔ بند ہونے والے پوسٹ آفس کے گریڈ 1 سے 10 تک کے ملازمین کو صلاحیت کے مطابق دیگر پوسٹ آفس تعینات کیا جائے گا۔

10/10/2024

‏سماج کے لیے لڑو لڑ نہیں سکتے تو لکھو,
لکھ نہیں سکتے تو بولو ,بول نہیں سکتے
تو جو لڑ ، بول اور لکھ رہے ہیں ان کی مدد کرو ,
اگر مدد بھی نہیں کرسکتے تو ,
انکے حوصلوں کو گرنے مت دو کیونکہ وہ آپ کے حصے کی جنگ لڑ رہے ہیں.

09/10/2024

نہ جانے کونسی مجبوریوں کا قیدی ہو
وہ ساتھ چھوڑ گیا ہے تو بے وفا نہ کہو

09/10/2024

یہ ٹوٹ کے بِکھرا ہے کہ ٹوٹا ہے بِکھر کے
ہم دِل کی تباہی کا سبب ڈُھونڈ رہے ہیں