SUPNY WAFA DAY

SUPNY WAFA DAY CarZy meMes
Funny video

05/04/2023

Tere Bin Main Mar Jana Ee New Most Famous And Popular Sad Romantic Super Hit Punjabi Poetry Whatsapp Status 2023
Poet: Tajammal Kaleem

دن تے گن میں مر جانا ای
تیرے بن میں مر جانا ای

میں گُڈی دے کاغز ورگا
توں کن من میں مر جانا ای

جیہڑے دن تُونہہ کنڈ کرنی اے
اوسے دن میں مر جانا ای

میرے قد نوں تول ریہا ایں
تول نہ ، من میں مر جانا ای

جان دی بولی لا دتی اُو
اک دو تبن میں مر جانا اے

تجمل کلیم




04/04/2023

Qabraan Wichon Uth Ni Maaye New Most Sad Romantic Punjabi Poetry Whatsapp Status About Mother Love
Poet: Irfan Sadiq

لغراں وانگوں پھٹ نی مائے
کوراں وچوں اٹھ نی مائے

ادھے سر دی پیڑ نئیں جاندی
فر اک واری گھٹ نی مائے

تیرے ہندیاں سب گھر والے
رہندے سن اک مٹھ نی مائے

ایس عمرے وی انج پیا لگے
چنگناواں پیا ٹھٹھ نی مائے

میں حرفاں نال کھیڈن والا
دنیا اے ہتھ چٹھ نی مائے

ڈاڈھے وڈن وڈن پھردے
جیبھ تے نالے گٹھ نی مائے

ہمتاں دا اک پہاڑ سیں توں تے
انج ہڈاں دی مٹھ نی مائے

تیراں شاناں لکھ لکھ کے تے
تھکدا ای نئیں گٹھ نی مائے

عرفان صادق





04/04/2023

Yaadan Da Gharmass Laye Dass Most Sad Romantic Love Top Trending Super Hit Punjabi Poetry Whatsapp Status 2023
Poet: Tajammul Kaleem

یاداں دا گھڑمس، لے دس
اتوں کہندائے ہس، لے دس

جنے اج تک حال نہ پچھیا
ہن کہندائے دس، لے دس

اکھاں نال پیاندا ہوئیا
پچھن لگا بس، لے دس

اکھ چوں تیر چلا کے مینوں
آکھن لگا نس، لے دس

وس وچ کر کے آکھن لگا
کجھ نئیں میرے وس، لے دس

تجمل کلیم





04/04/2023

Apni Jaan Nu Dukhan De Hath Main Te Aap Phhraya Ay Most Sad Romantic Love Top Trending Super Hit Punjabi Poetry Whatsapp Status 2023
Poetess: Sarwat Mohiuddin

کیہہ آکھاں میں ہور کسے نوں کیہنے ظلم کمایا اے
آپنی جان نوں دکھاں دے ہتھ میں تے آپ پھڑایااے

چُن چُن کنڈے آپے کیتیاں انگلاں اپنیاں لہُو لہُہان
پھُلاں جیہی جِند دے اُپر رتّا رنگ چڑھایا اے

پیڑ کلیجے اندر اُٹھے تاء ترِکھے ہاواں دے
روگ بُرا ایہہ جاندے ہویاں فیر وی دل نوں لایا اے

آپنی ہوند دی رمز پچھاتی نہ ہوون دا مطلب کیہ
جیون مرن دا سارا قصّہ عشق نے آ سمجھایا اے

ہسدی وسدی نگری چھڈی راہ وی اوکھا چُنیا میں
پرت کے آوندے رستے دا میں آپ نشان مٹایا اے

ثروت مُحی الدّین





04/04/2023

Pehli Gall Keh Saari Ghalti Meri Nahi Most Famous And Popular Sad Romantic Punjabi Poetry Whatsapp Status 2023
Poetess: Tahira Sra

پہلی گل کہ ساری غلطی میری نئیں
جے کر میری وی اے کیہ میں تیری نئیں؟

اوہ کہندا اے پیار تے جنگ وچ جائز اے سب
میں کہنی آں اُوں ہُوں ہیرا پھیری نئیں

کِسراں ڈر دا گُھن کھا جاندا اے نیندر نوں
توں کی جانیں تیرے گھر جو بیری نئیں

میری من تے اپنے اپنے راہ پئیے
کی کہنا ایں! جِنی ہوئی بتھیری نئیں؟

طاہرا پیار دی خورے کیہڑی منزل اے
سب کجھ میرا اے پر مرضی میری نئیں




01/04/2023

Oh Takda Ay Bhull Janda Ay Latest Most Sad Romantic Love Top Trending Super Hit Punjabi Poetry Whatsapp Status 2023
Poet: Umair Najmi

اوہ تکدا اے، بھل جاندا اے
اگلا بندہ رل جاندا اے

سڑک تے او ٹردا اے ایویں
جیویں نہر اچ پھل جاندا اے

اوہدا دل ہٹی دا بوہا
جیہڑا آوے کھل جاندا اے

فیر کی ہویا جے میں رویا
پریا برتن ڈُل جاندا اے

عمیر نجمی





01/04/2023

Tenu Takkiye Ghairaan Naal New Most Sad Romantic Love Top Trending Super Hit Punjabi Poetry Whatsapp Status 2023
Poet: Ali Zaryoun

تینوں تکیے غیراں نال
اچھا ہن اے وی کریے
شاعر: علی زریون





01/04/2023

Ik Gall Karni Si Puttar Most Sad Romantic Love Top Trending Super Hit Punjabi Poetry Whatsapp Status 2023
Poet: Tajammul Kaleem

اکھ دے اتھروُ پی پُتر
تگڑا ہو کے جی پُتر

پیسے نئیں کُجھ ویلہ کڈھ
اِک گل کرنی سی پُتر

تیرا گھوڑا بن دا ساں
ایہہ گل چیتے ای پُتر

اج میں بھار آں تیرے تے
بات اے سوچن دی پُتر

تُوں تے آکھی بیٹھا ایں
ہو کیہہ کہنا ای پُتر

ماں بولی نہ بھُل جاویں
پڑھ کے اے، بی ،سی پُتر

اُنج تے ساہ ساہ نعمت اے
وڈی نعمت دھی پُتر

تجمل کلیم





Address

Gujrat

Website

Alerts

Be the first to know and let us send you an email when SUPNY WAFA DAY posts news and promotions. Your email address will not be used for any other purpose, and you can unsubscribe at any time.

Contact The Business

Send a message to SUPNY WAFA DAY:

Shortcuts

Share

Category