23/09/2025
مٺي سول اسپتال جا دل ڏاريندڙ منظر
مٺي (رپورٽ) مٺي سول اسپتال ۾ صحت جون بنيادي سهولتون نھ هجڻ سبب دل ڏاريندڙ منظر سامھون اچي رهيا آھن. مريض دوائن جي کوٽ، ڊاڪٽرن ۽ عملي جي غيرحاضري ۽ جديد سهولتن جي اڻاٺ سبب سخت تڪليفون سهنڻ تي مجبور آھن. اسپتال ۾ علاج لاءِ آيل غريب مريضن جا وارث به پريشان حال نظر اچن ٿا، جيڪي پنهنجي پيارن لاءِ صحيح علاج ۽ دوائن جي تلاش ۾ دربدر ڦرڻ تي مجبور آھن. علائقي واسين جو چوڻ آھي ته حڪومت ڪيترائي ڀيرا اعلان ڪيا، پر اڄ به مٺي سول اسپتال ۾ مريضن کي مناسب سهولتون مهيا نه ٿيون ڪيون وڃن. مقامي شهرين ۽ سماجي تنظيمن حڪومت کان مطالبو ڪيو آھي ته اسپتال ۾ ڊاڪٽرن جي حاضري، دوائن جي فراهمي ۽ جديد علاج جون سهولتون يقيني بڻايون وڃن ته جيئن غريب ماڻھن جون تڪليفون گهٽجي سگهن.
