Hassan Abdal News

05/11/2025

04 نومبر 2025

*موٹر وے پر پتھر گڑھ کے قریب ہائی ایس کی ٹرک کو ٹکر، خاتون جاں بحق چھ زخمی

تفصیلات کے مطابق تحصیل حسن ابدال کے علاقے پتھر گڑھ کے قریب موٹر وے ایم ون پر مانسہرہ جانے والی تیز رفتار ہائی ایس کی سامنے جاتے ٹرک کو ٹکر، جس کے نتیجے میں 1 خاتون موقع پر جاں بحق ہوئی جبکہ 2 خواتین سمیت 6 افراد زخمی ہوئے

اطلاع ملنے پر ریسکیو 1122 حسن ابدال کی 2 ایمبولینسز جائے حادثہ پر پہنچیں،لاش اور زخمی افراد کو طبی امداد دینے کے بعد تحصیل ہسپتال حسن ابدال منتقل کر دیا

04/11/2025

04 نومبر 2025

*گولڑہ گاؤں، نامعلوم افراد کی فائرنگ سے 22 سالہ جوان جاں بحق

تفصیلات کے مطابق اٹک کے گاؤں گولڑہ میں نامعلوم افراد کی فائرنگ سے گولڑہ کا رہائشی 22 سالہ یاسر ولد جمعہ خان 3 گولیاں لگنے سے موقع پر جاں بحق ہو گیا

اطلاع ملنے پر ریسکیو 1122 کی ایمبولینس موقع پر پہنچی اور پولیس کی موجودگی میں لاش کو ڈسٹرکٹ ہیڈ کوارٹر ہسپتال اٹک منتقل کر دیا

30/10/2025

پنجاب فوڈ اتھارٹی راولپنڈی ڈویژن نے حسن ابدال میں بڑی کارروائی کرتے ہوئے جعلی کولڈ ڈرنکس تیار کرنے اور ذخیرہ کرنے والا گودام پکڑ لیا۔کارروائی کے دوران دس ہزار لیٹر جعلی کولڈ ڈرنکس موقع پر تلف کر دی گئیں۔

29/10/2025

29 اکتوبر 2025

*حسن ابدال، نامعلوم شخص کی لاش برآمد،

تفصیلات کے مطابق حسن ابدال ایبٹ آباد موڑ کے قریب ایک نامعلوم شخص کی لاش برآمد ہوئی۔ اطلاع ملنے پر ریسکیو 1122 کی ٹیم فوری طور پر موقع پر پہنچ گئی۔ پولیس کی موجودگی میں لاش کو تحصیل ہیڈکوارٹر ہسپتال حسن ابدال منتقل کر دیا گیا۔ متوفی کے پاس کوئی شناختی دستاویزات یا ذاتی سامان موجود نہیں تھا، جس کے باعث اس کی شناخت تاحال نہ ہو سکی۔

28/10/2025

حسن ابدال کے عوام کے لیے ضروری اطلاع۔۔۔

26/10/2025

*شہید کانسٹیبل محمد اعجاز کی برسی کے موقع پر پولیس کے چاق و چوبند دستہ کی سلامی،

تفصیلات کے مطابق آئی جی پنجاب کے ویژن کے مطابق ڈسٹرکٹ پولیس آفیسر اٹک سردار موارہن خان کی خصوصی ہدایات پر شہید کانسٹیبل محمد اعجاز کی برسی کے موقع پر ایس ڈی پی او حسن ابدال سرکل فراست اللہ آفریدی اور ایس ایچ او صدر حسن ابدال عابد منیر نے اٹک پولیس کے چاق و چوبند دستے کے ہمراہ شہید کی قبر پر حاضری دی اور سلامی پیش کی، کانسٹیبل محمد اعجاز نے 26 اکتوبر 1992 کو جام شہادت نوش کیا تھا۔ اس موقع پر ڈی پی او اٹک کا کہنا تھا کہ شہداء ہمارے ماتھے کا جھومر ہیں شہداء کی لازوال قربانیوں کو ہمیشہ یاد رکھا جائے گا۔

25/10/2025

ضلع اٹک میں افغان مہاجرین کی وطن واپسی کے لیے اپریشن تیز۔۔۔۔۔۔

19/10/2025

19 اکتوبر 2025

حسن ابدال، فوجی مل سٹاپ کے قریب بس نے میاں بیوی کو کچل دیا

تفصیلات کے مطابق تحصیل حسن ابدال جی ٹی روڈ پر فوجی مل سٹاپ کے قریب پشاور جانے والی بس کی موٹر سائیکل کو ٹکر، جس کے نتیجے میں میاں بیوی جاں بحق ہو گئے

اطلاع ملنے پر ریسکیو 1122 حسن ابدال کی ایمبولینس موقع پر پہنچی اور لاشوں کو تحصیل ہسپتال حسن ابدال منتقل کر دیا

جاں بحق ہونے والوں میں 40 سالہ زوجہ اور 45 سالہ فیاض شامل ہیں جن کا تعلق سنجوال سے ہے

14/10/2025

14/10/2025

*پاسپورٹ آفس اٹک میں عوام کو بلاتفریق سہولیات فراہم کی جارہی ہیں: میاں محمد بشارت*

پاسپورٹ آفس اٹک میں عوام کو پاسپورٹ سے متعلق تمام سہولیات بلاتفریق فراہم کی جارہی ہیں، جبکہ بزرگ مرد و خواتین کو خصوصی اہمیت دی جاتی ہے۔ یہ بات پاسپورٹ آفس اٹک کے اسسٹنٹ ڈائریکٹر میاں محمد بشارت نے ہمارے نمائندے سے گفتگو کرتے ہوئے کہی۔
انہوں نے بتایا کہ روزانہ 100 سے 150 افراد پاسپورٹ کے حصول کے لیے آفس کا رخ کرتے ہیں، اور تمام درخواست دہندگان کو ٹوکن نمبر کے مطابق خدمات فراہم کی جاتی ہیں۔
میاں بشارت نے مزید کہا کہ نارمل پاسپورٹ کی فیس 4500 روپے ہے، جو متعلقہ نیشنل بینک میں یا آن لائن جمع کروائی جا سکتی ہے۔ نارمل پاسپورٹ عموماً 20 سے 25 دن میں تیار ہو جاتا ہے۔
اسی طرح ارجنٹ پاسپورٹ کی فیس 7500 روپے ہے، جو 8 سے 10 دن میں وصول کیا جا سکتا ہے۔ پاسپورٹ کی تیاری مکمل ہونے پر متعلقہ درخواست دہندہ کو موبائل فون پر میسج کے ذریعے مطلع کیا جاتا ہے۔
انہوں نے بتایا کہ پاسپورٹ بنوانے کے لیے اصل شناختی کارڈ ایف آر سی والدین کے شناختی کارڈ کی نقول لازمی ہیں۔جبکہ مزید بھی کاغذات طلب کئیے جا سکتے ہیں جن میں ڈومیسائل، 78 سے پہلے کا ریکارڈ زمین کی رجسٹری، اور دیگر،جبکہ نابالغ بچوں کے پاسپورٹ کے حصول کے لیے والدین کے اصلی شناختی کارڈ اور ایک کا موجود ہونا ضروری ہے۔ اگر والدین وفات پا چکے ہوں تو بچوں کے ساتھ آنے والے رشتہ دار کے پاس گارڈین سرٹیفیکیٹ ہونا لازمی ہے۔
میاں محمد بشارت نے کہا کہ پاسپورٹ آفس اٹک کی پوری ٹیم سٹاف کی کمی کے باوجود عوامی خدمت کے جذبے کے تحت شہریوں کو شفاف، مؤثر اور سہل انداز میں خدمات فراہم کرنے کے لیے پرعزم ہے۔

(*حسن ابدال پریس کلب*)

11/10/2025

حسن ابدال پولیس کامجرمان اشتہاریوں کے خلاف کریک ڈاؤن،2 مجرمان اشتہاری گرفتار،تفتیش جاری

تفصیلات کے مطابق ڈسٹرکٹ پولیس آفیسر اٹک سردار موارہن خان کی ہدایات پر ضلع بھر میں مجرمان اشتہاریوں کی گرفتاریوں کی خصوصی مہم جاری ہے اسی سلسلہ میں تھانہ سٹی حسن ابدال پولیس کے اسسٹنٹ سب انسپکٹرفیصل خان نے اپنی ٹیم کے ہمراہ سال2024 کے مقدمہ نمبر 412 بجرم279/337G/427/201 ت پ میں نامزد ملزمان1-آصف خان ولد علی اصغر سکنہ ککڑ والی حویلیاں ضلع ایبٹ آباد 2-عامر ولد یعقوب سکنہ حویلیاں ضلع ایبٹ آباد جو گرفتاری کے ڈر سے رپوش تھے اور مجرم اشتہاریوں کی فہرست میں شامل تھے کو گرفتار کر کے آہنی سلاخوں کے پیچھے دھکیل دیا۔جن سے مزید تفتیش کا آغاز کر دیا گیا۔

10/10/2025

10 اکتوبر 2025
اٹک، ڈھوک فتح، نامعلوم افراد نے فائرنگ کرکے 64 سالہ شخص کو قتل کر دیا

تفصیلات کے مطابق اٹک کے علاقے ڈھوک فتح پنڈ غلام خان میں جانوروں کے باڑے میں نامعلوم افراد نے 64 سالہ ظہیر احمد ولد فضل داد کو فائرنگ کرکے قتل کر دیا

اطلاع ملنے پر ریسکیو 1122 اٹک کی ایمبولینس موقع پر پہنچی اور پولیس کی قانونی کارروائی کے بعد لاش کو ڈسٹرکٹ ہیڈ کوارٹر ہسپتال اٹک منتقل کر دیا