21/08/2026
*پریس ریلیز*
حیدرآباد، 21 اگست 2026
*ٹنڈو یوسف پولیس سے مقابلے میں زخمی حالت میں گرفتار ملزم لاکھوں روپوں کی لوٹ مار سمیت 35 سے زائد اسٹریٹ کرائم کی وارداتوں میں ملوث، انتہائی مطلوب نکلا*
تھانہ ٹنڈو یوسف کی حدود نیو لنک روڈ گلشن حامد علی نزد بشیر خان کے باغ کے قریب پولیس کا خفیہ انفارمیشن پر اسٹریٹ کرمنلز سے مقابلہ پیش آیا، جس کے دوران پولیس کی بروقت اور مؤثر کارروائی کے نتیجے میں ایک ملزم فیصل راجڑ، سکنہ جیے شاہ محلہ، جامشورو کالونی کو زخمی حالت میں اسلحہ سمیت گرفتار کر لیا گیا۔
پولیس نے زخمی ملزم کو فوری طور پر طبی امداد کے لیے اسپتال منتقل کر دیا، جبکہ ملزم کو حراست میں لے کر مزید تفتیش کا آغاز کر دیا گیا ہے۔
دورانِ تفتیش گرفتار زخمی ملزم فیصل راجڑ سنگین نوعیت کی وارداتوں میں سرگرم ایک گینگ کا اہم رکن نکلا، جس نے اپنے دیگر ساتھیوں کے ہمراہ کی جانے والی متعدد وارداتوں کا انکشاف کیا ہے۔
*ملزم کی جانب سے دورانِ تفتیش کیے گئے انکشافات کی تفصیلات:*
• سال 2024 میں گرفتار ملزم اپنے دیگر ساتھیوں کے ہمراہ تھانہ مارکیٹ کی حدود میں 32 لاکھ روپے نقدی چھیننے کی واردات میں ملوث رہا، جس پر اسے گرفتار کرکے جیل بھیجا گیا تھا۔
• اسی سال ملزم نے اپنے دیگر ساتھیوں کے ہمراہ تھانہ مارکیٹ کی حدود میں چاول کے تاجر سے اسلحے کے زور پر 7 لاکھ روپے نقدی چھیننے کی واردات کی۔
• ملزم نے ڈاکٹر کالونی میں بیکری سے 8 سے 9 لاکھ روپے نقدی چھیننے کی واردات میں بھی اپنے ساتھیوں کے ہمراہ حصہ لیا۔
• تھانہ مارکیٹ کی حدود میں یونی لیور آفس سے لاکھوں روپے نقدی چھیننے کی واردات بھی ملزم نے اپنے دیگر ساتھیوں کے ہمراہ انجام دی۔
• اس کے علاوہ ملزم تھانہ پھلیلی، سخی پیر اور مارکیٹ کی حدود کے مختلف علاقوں میں اپنے ساتھیوں کے ہمراہ اسلحے کے زور پر شہریوں سے موبائل فونز اور نقدی چھیننے کی متعدد وارداتوں میں سرگرم رہا۔
• حالیہ دنوں میں گرفتار ملزم نے سِٹیزن کالونی میں واردات کرتے ہوئے ایک شہری سے موبائل فون اور نقد رقم چھینی، جبکہ اسلحے کے زور پر 15 سے زائد موبائل فونز اور نقدی چھیننے کی دیگر وارداتوں میں بھی ملوث رہا۔
• لطیف آباد یونٹ نمبر 6 میں واردات کے دوران آئی فون اور نقد رقم چھیننے کا انکشاف بھی کیا، جبکہ لطیف آباد کے دیگر علاقوں سمیت شیدی گوٹھ میں بھی وارداتیں کرنے کا اعتراف کرتے ہوئے شہریوں سے موبائل فونز اور نقدی چھیننے کے انکشافات کیے۔
پولیس کے مطابق مزید تفتیش کے دوران گرفتار ملزم تھانہ بھٹائی نگر اور نسیم نگر کے علاقوں سمیت دیگر چھوٹی بڑی 35 سے زائد اسٹریٹ کرائم کی وارداتوں میں ملوث پایا گیا ہے۔
پولیس نے گرفتار ملزم کی وارداتوں کی کچھ سی سی ٹی وی فوٹیج حاصل کرلی ہیں جوکہ خبر کے ساتھ منسلک کی جارہی ہے
*گرفتار ملزم کا سابقہ کرمنل ریکارڈ*
گرفتار ملزم کا سابقہ کرمنل ریکارڈ چیک کیا گیا، جس کے مطابق ملزم حیدرآباد کے مختلف تھانوں میں درج 10 مقدمات میں ملوث اور روپوش/مفرور رہا ہے:
1. تھانہ جی او آر کے مقدمہ کرائم نمبر 26/2013 زیر دفعہ 20Ho, 324, 427 تعزیرات پاکستان
2. تھانہ پھلیلی کے مقدمہ کرائم نمبر 18/2024 زیر دفعہ 353، 324، 34 تعزیرات پاکستان
3. تھانہ پھلیلی کے مقدمہ کرائم نمبر 48/2024 زیر دفعہ 353، 324، 34 تعزیرات پاکستان
4. تھانہ مارکیٹ حیدرآباد کے مقدمہ کرائم نمبر 264/2024 زیر دفعہ 392-34 تعزیرات پاکستان
5. تھانہ مارکیٹ حیدرآباد کے مقدمہ کرائم نمبر 265/2024 زیر دفعہ 353-324-34 تعزیرات پاکستان
6. تھانہ مارکیٹ حیدرآباد کے مقدمہ کرائم نمبر 266/2024 زیر دفعہ 25A سندھ آرمز ایکٹ
7. تھانہ مارکیٹ حیدرآباد کے مقدمہ کرائم نمبر 275/2024 زیر دفعہ 353-324-34 تعزیرات پاکستان
8. چیک پوسٹ نسیم نگر کے کرائم نمبر 189/2025 زیر دفعہ 353-324-34 تعزیرات پاکستان
9. تھانہ راہوکی کے مقدمہ کرائم نمبر 70/2026 زیر دفعہ 353-324-34 تعزیرات پاکستان (روپوش)
10. تھانہ چھلگری کے مقدمہ کرائم نمبر 26/2026 زیر دفعہ 353-324-34 تعزیرات پاکستان (روپوش)
ٹنڈو یوسف پولیس کی جانب سے گرفتار زخمی ملزم کے خلاف مزید ضابطے کی قانونی کارروائی عمل میں لائی جا رہی ہے،
پولیس کے جانب ملزم کے فرار و دیگر ساتھیوں کی گرفتاری کے لیے کارروائیاں جاری ہیں۔
مزید تفتیش جاری ہے۔
*ترجمان ڈسٹرکٹ پولیس حیدرآباد*
