25/01/2026
ايڊووڪيٽ شاڪر نواز شر جي پُرزور احتجاجي اپيل ۽ وڪيل برادري جي گڏيل آواز ۽ عوامي دٻاءَ کان پوءِ آئي جي پي سنڌ واقعي جو سخت نوٽيس وٺندي، سمورن پهلوئن کان شفاف ۽ غير جانبدار جاچ کي يقيني بڻائڻ لاءِ هڪ اعليٰ سطحي مشترڪا تحقيقاتي ٽيم (JIT) تشڪيل ڏئي ڇڏي آهي. تشڪيل ڏنل جاچ ٽيم ۾ ڊي آئي جي ميرپورخاص کي اهم ذميواري سونپي وئي آهي،
جڏهن ته مختلف تعلقن جا اي ايس پيز ۽ سينئر پوليس آفيسر پڻ شامل ڪيا ويا آهن، ته جيئن واقعي سان لاڳاپيل هر هڪ پهلو، هر ڪردار ۽ هر امڪاني ڪوتاهي کي باريڪي سان پرکيو وڃي.
آئي جي پي سنڌ پاران جاچ ٽيم کي واضع هدايتون جاري ڪيون ويون آهن ته واقعي جي حقيقتن تائين پهچڻ لاءِ بي خوف، آزاد ۽ ميرٽ تي ٻڌل جاچ ڪئي وڃي ۽ ڪنهن به اثر يا دٻاءَ کي قبول نه ڪيو وڃي. جاچ مڪمل ٿيڻ کان پوءِ ذميوارن خلاف قانون موجب سخت ڪارروائي عمل ۾ آڻڻ جي به خاطري ڪرائي وئي آهي. قانوني حلقن جو چوڻ آهي ته گڏيل تحقيقياتي ٽيم جي قيام سان اميد پيدا ٿي آهي ته واقعي بابت سچ سامهون ايندو ۽ انصاف جي تقاضائن کي پورو ڪيو ويندو.
