30/10/2025
سنڌوديش مقدر آ سائين جي ايم سيد رھبر آ
پريس ريليز:ـ30 آڪٽوبر 2025ع
جساف جسقم ضلعو دادو
اڄ تاريخ 30 آڪٽوبر بروز خميس جي ڏينهن تي جيئي سنڌ اسٽوڊنٽس فيڊريشن جساف~جسقم ضلعي دادو طرفان ڪراچي مان ھڪ ئي ڏينھن تي رياستي ادارن ھٿان کنڀي گم ڪيل شاگرد اڳواڻ غني امان چانڊيو، سرمد ميراڻي، ۽ ٻين قومي ڪارڪنن جي آزادي لاء جسقم ضلع صدر منصور جمالي، جساف ضلع صدر سالار سولنگي، حفيظ چانڊيو، نظام انڙ، ثناءُالله سنڌي، حسيب پنھور، اسد سيال، آصف پنھور جي اڳواڻي ۾ دادو پريس ڪلب اڳيان ھڪ ڪلاڪ تائين ٽائرن کي باهيون ڏئي علامتي ڌرڻو ھڻي احتجاج ڪيو ويو،
اڳواڻن ڳالهائيندي چيو ته قومي ڪارڪن غني امان چانڊيو، سرمد ميراڻي کي ڪراچي شھر مان کنڀي گم ڪرڻ جي مزمت ڪيون ٿا، ۽ انساني حقن جي تنظيمن کان پڻ مطالبو ٿو ڪجي ته ھن عمل تي ڌيان ڏئي سنڌ جي نوجوانن جي آزادي ۾ مدد ڪئي وڃي،
ھن رياست اندر جيڪو ماڻھو پنھنجن حقن جي ڳالھ ٿو ڪري تنھن جي ھتان جون ايجنسيون کنڀي گم ڪري ٿيون ڇڏين جيڪو تمام غلط عمل آھي مطالبو ٿا ڪيون ته گم ڪيل قومي ڪارڪنن کي جلد کان جلد آزاد ڪيو وڃي نہ ته ٻي صورت ۾ احتجاجي تحريڪ وڌيڪ شروع ڪئي ويندي.
پريس ترجمان: جيئي سنڌ اسٽوڊنٽس فيڊريشن (جساف~جسقم) ضلعو دادو
