29/05/2026
حیدرآباد شہر میں گیس بحران شدت اختیار کر گیا ہے، عوام مہنگے بل ادا کرنے کے باوجود بنیادی سہولت سے محروم ہیں۔ شہریوں کا کہنا ہے کہ گھروں میں گیس نہ ہونے کے باعث کھانا پکانے سمیت روزمرہ کے معمولات شدید متاثر ہو رہے ہیں، جبکہ حکمران طبقہ ہر سہولت سے لطف اندوز ہو رہا ہے۔
شہریوں نے شکایت کی ہے کہ ایک طرف بلوں میں مسلسل اضافہ کیا جا رہا ہے، دوسری جانب گیس کی فراہمی نہ ہونے کے برابر ہے، جس کے باعث لوگ مہنگے داموں سلنڈر اور دیگر ذرائع سے گیس خریدنے پر مجبور ہو چکے ہیں۔ عوام نے مطالبہ کیا ہے کہ فوری طور پر حیدرآباد میں گیس کی فراہمی بہتر بنائی جائے اور شہریوں کو اس اذیت ناک صورتحال سے نجات دلائی جائے۔
