Debal Publishers

31/12/2025

هيءَ ڪھاڻي ھڪ اعتبار جي قتل جي ڪھاڻي آھي.

ڊاڪٽر شير مھراڻي.

Helpline: 03123467550

26/12/2025

هيءُ ڪتاب ”يادون جاڳيون سپنا جاڳيا“ عنايت نھڙيي جي ايم فل ٿيسز آھي، جنھن جو منظور ڪيل عنوان ”سائينداد ساند جي شاعريءَ جو تنقيدي ۽ تحقيقي جائزو“ آھي. ھن مقالي جي اھم ڳالهه اھا آھي ته عنايت نھڙيو پھريون شخص آھي، جنھن ھن موضوع تي تحقيقي مقالو لکيو آھي. ڪجهه عرصي کان سنڌي ادب جي شعبي ۾ ٿئي ائين پيو جو ساڳين ئي چند ليکڪن تي مقالا لکيا پيا وڃن، نتيجي ۾ نئين لکجندڙ ادب تي پردا چڙھندا پيا وڃن ۽ نوان موضوع سامھون نه پيا اچن، پر عنايت نھڙيو جس لھڻو، جنھن بنا شارٽ ڪٽ ڳولھڻ جي نت نئين موضوع تي مقالو لکيو آھي.

سُپت پيرزادو.

Helpline: 03123467550

25/12/2025

اسان جِي ڀيڻ سحر گل اسان جي مانواري استاد سائين سائينداد ساند جي شاگردياڻي آهي، هن 1995ع ۾ ڇپيل سائينءَ جي ڪتاب ”ڳوڙھن ڳالهايو“ جي بئڪ ٽائيٽل تي پنھنجي راءِ ڏيندي سائين سائينداد کي ”ڳوڙھن جو شاعر“ لکيو ھو. اڄ آئون جڏھن ھن جي شاعري پڙھي رھيو آھيان تہ شِدت سان محسوس ٿي رھيو آھي تہ ھِن جي شاعريءَ ۾ بہ تہ درد، غم، جُدائي ۽ ڳوڙھا بِيچ تي وِکريل پيرن جي نشانن جيان جيئن جو تيئن وکريا پيا آھن. ھُونءَ بہ ڳوڙھا تہ ھر تخليقڪار جو سرمايو ھُجن ٿا! ڳوڙھن ھاڻا نيڻ ئي تہ شاعر بڻجي وڃن ٿا، پنھنجا لُڙڪ اُگهندڙ ھٿ ئي تہ شاعري ڪرڻ جو ھُنر رکندا آھن. سندس شاعريءَ ۾ ڳوڙهن سان گڏ، مرڪون آهن، يادون آهن، سپنا آهن، اڪيلائي آهي، ويراني آهي، شوخي آهي ۽ شڪايت آهي.

عِنايت نھڙيو

Helpline: 03123467550

.

22/12/2025

New arrival.
Helpline: 03123467550

22/12/2025

New arrival.
Helpline: 03123467550

18/12/2025

شاعريءَ جو جنم، خاموشيءَ جي اُن پراسرار گهَڙيءَ مان ٿيندو آهي، جتي احساس لفظن جي سرحدن مان نِڪري روح جي بُلندين کي وڃي ڇُھندا آهن.”واريءَ جا محل“ ڪتاب بہ اهڙي ئي باطني خاموشيءَ جو تسلسل آهي، جتي جذبن جي نزاڪت، لفظن جي حُسناڪي ۽ احساسن جي سچائي گڏجي هڪ نئين جمالياتي شڪل اختيار ڪن ٿا. هن مجموعي ۾ سحر گُل ٿريءَ پنھنجيءَ دل جا جذبا، محبت، ڏک، اُميد ۽ وڇوڙو نِھايت سچائي ۽ نزاڪت سان پيش ڪيا آهن. اِئين چئي سگهجي ٿو تہ ھيءُ ڪتاب شاعرہ جي زندگيءَ جي پُراسرار ماٺ ۾ گهاريل گهڙين جو مُصوراڻو اِظھار آھي. اھڙيءَ پُراسرار ماٺ کي جڏھن ڪو تخلِيڪار قلمبند ڪري ٿو تہ قھر برپا ڪري ٿو ڇڏي!
هن ڪتاب جي هر غزل توڙي وائيءَ ۾ شاعرہ جي دل جو ٽڪرو موجود آهي. سحرگُل پنھنجي شاعريءَ وسيلي پڙهندڙن کي انسان جي اندرونيءَ دنيا جي سفر تي وٺي وڃي ٿي، جتي احساسن جي سچائي زندگيءَ جي خوبصورتيءَ سان ملي ٿي. سحر گل ٿريءَ ھِن مجموعي ۾ پنھنجيءَ دل جي ڌڙڪنن کي نہ رُڳو بيان ڪيو آهي، پر انھن کي ڏاڍي مُصوارڻي انداز سان معنيٰ، لھجي ۽ داخلي ڪيفيت بخشيندي محبت، اوڇنگارن، وڇوڙي جي باهہ، اميد جي روشني ۽ انساني جذبن جي نہ کُٽندڙ اُٿل پُٿل کي شاعريءَ جي نَرم پَرَن ۾ ويڙهي پيش ڪيو آهي. سندس هر تخلِيق، هڪ ڌڙڪندڙ لمحو آهي، هڪ اعتراف، جيڪو شاعرہ جي دِل مان نڪري، پڙهندڙ جي وجود ۾ لھي وڃي ٿو. ھيءَ شاعري دِل جي ڌرتيءَ تي ڇانيل عِشق جي ڀِنل موسمن جو اِظھار آھي.
سحر گُل ٿريءَ جي شاعريءَ ۾ سنڌ جي مٽيءَ جي خوشبوءِ، ٻوليءَ جي مٺاس، عورت جي باطني ڪيفيت، ۽ سچائيءَ تي بيٺل حساس احساسن گڏجي هڪ اهڙو منظرنامو تخليق ڪن ٿا، جتي دل ۽ ذهن ٻنھي جا در کلي وڃن ٿا. سحر پنھنجي شاعريءَ وسيلي پڙهندڙن کي انسان جي اندروني دنيا جي سفر تي وٺي وڃي ٿي، جتي احساسن جي سچائي زندگي جي خوبصورتي سان ملي ٿي. سندس لفظ سنڌ جي مٽي، زبان ۽ ثقافت جي سادگي ۽ گھرائيءَ کي پاڻ ۾ سمائي ڇڏِن ٿا. هوءَ لفظن کي رُڳو جوڙي نٿي، پر ڏاڍي ھُنرمنديءَ سان جذبي، احساس ۽ ڏکن کي جماليات ۾ بدلائي ٿي.
سحر جڏهن سنڌيءَ ۾ لکي ٿي تہ هوءَ رڳو پنھنجيءَ زبان نہ پر ان جي نغماتي حسن ۽ لطافت کي بہ زندہ رکيو آهي ھُوءَ رڳو ٻوليءَ جي حفاظت نٿي ڪري، پر سندس بيت ۽ غزل سنڌ جي روحاني وِرثي، صوفياڻي مزاج ۽ دلرُبائي احساسن کي نئين فڪري رُخ ڏين ٿا. سندس اظھار جي سادگي، گھراين سان اهڙيءَ ريت ڳنڍيل آهي، ڄڻ ڪا ڪنوار نازڪ لھجي سان وصل جي راھہ تي ھلندي ھُجي.
اهي شعر رُڳو پڙهڻ لاءِ ناهن، محسوس ڪرڻ لاءِ آهن؛ جيڪي پڙهندڙ جي اندر جي گهُٽيل احساسن کي ڇيڙي، انھن کي نئين سڃاڻپ بخشِن ٿا. سحر جي شاعريءَ ۾ محبت اکين جي آلاڻ وانگر صاف، جدائيءَ جي هوائن جي سرگوشيءَ وانگر اُداس، ۽ اُميد جي صبح جي پھرئين ڪِرڻي وانگر روشن آهي.
مون کي پورو يقين آهي تہ هيءُ ڪتاب پڙهندڙن جي دلين تائين نہ رڳو پھچندو، پر انھن جي روح ۾ نُور ڀريندو ۽ انھن کي پنھنجن اڻ چيل احساسن کي سڃاڻڻ ۽ بيان ڪرڻ لاءِ همٿ ڏيندو. ”واريءَ جا محل“ نہ رُڳو شاعريءَ جو مجموعو آهي، پر هڪ احساساتي سفر ۽ انساني دل جي ڌڙڪنن جو نرمل تذڪرو آهي.

ڪرشن شرما
مٺي، سنڌ

For Advance Booking
Helpline: 03123467550

.

12/12/2025

عنايت نھڙيي جو جديد ادبي نظرين جي پسمنظر ۾ لکيل ايم فل جو سگهارو مقالو جلد ئي پڙھندڙن جي ھٿن ۾ ھُوندو.

ڌرتيءَ جي گولي تي سنڌ هڪ سھڻي تاري وانگر صدين کان موجود آهي. سنڌ جا پَٽ، پڊ، پھاڙ، ڍنڍون، ڍورا، دڙا، وڻ، ٽڻ، سمنڊ ۽ سڌا ميدان سنڌ جھڙي معصوم مٽيءَ جي سونھن آهن. سنڌ جي سھڻيءَ بيھڪ ۾ ٿر ۽ پارڪر پنھنجي جداگانه حيثيت ۾ سنڌ جي سھڻي چھري تي بنديا وانگر چمڪي رهيا آهن. ڪو دور انهن جي عروج جو هو، پر سياسي چالبازين هن خطي کي گهڻو متاثر ڪيو. پر هن وقت هڪ ڀيرو ٻيھر هيءُ پاسو پنھنجي عظيم عروج ڏانھن تيزيءَ سان سفر ڪري رهيو آهي. ٿر توڙي پارڪر ۾ ڪيئي تاريخي شخصيتون پئدا ٿيون آهن، جن پنھنجي ٿر ۽ پارڪر سان بي پناهه محبت ڪئي ۽ دنيا ۾ شھرتن جون بلنديون ماڻيون. اڌيسنگهه سوڍي کان روپلي ڪولھيءَ تائين ڪيترن ئي ڪونڌرن ڌرتيءَ سان نينھن نيبھه ڪيو ۽ سرن جا نذرانا ڏنائون، ٻئي پاسي رائچند هريجن کان عنايت نھڙيي تائين محققن جي هڪ طويل فھرست آهي؛ جن علم، ادب ۽ تحقيق جي دنيا ۾ واهڙ وهايا. ڄاڻ جا گوھر ڳولي چوڏھينءَ جي چنڊ وانگر عيان ڪيا.
پياري عنايت نھڙيي پنھنجي استاد ۽ خوبصورت شاعر پروفيسر سائينداد ساند جي زندگي ۽ شاعراڻين خوبين ۽ حُسناڪين کي چٽو ڪيو آهي. ان کان اڳ هو سائينداد ساند صاحب جي شاعريءَ جو ڪُليات پڻ ترتيب ڏيئي چڪو آهي. اهڙي صالح، سُچيت ۽ سيبتي شاگرد ۽ شاعر تي فخر ڪري سگهجي ٿو.
آئون ذاتي طور تي پياري عنايت نھڙيي کي پنھنجي استاد سان اهڙي عقيدت ۽ محبت کي تمام گهڻي قدر جي نگاهه سان ڏسان ٿو ۽ کيس جس ڏيان ٿو جنھن پنھنجي ذات کي پوئتي رکي استاد جي ڪم کي اڳتي آندو آهي. جديد تحقيقي گهرجن پٽاندڙ ڪيل سندس هيءُ پورهيو تاريخ ۾ ڳڻيو ويندو.

ڊاڪٽر شير مهراڻي
ڪراچي يونيورسٽي

For Advance Booking
Helpline: 03123467550

.

12/12/2025

ڊاڪٽر شير مھراڻيءَ جو ترجُمو ڪيل ناول ”تاپسي“ جلد پڙھندڙن جي ھٿن ۾ ھُوندو.
تاپسي نالي عورت جي درد ڪٿا جيڪا ظاھريءَ طور ته رُڳو تاپسيءَ جي ڪٿا آھي پر حقيقت ۾ ھر ٻيءَ عورت جي ڪٿا آھي، جيڪا هن ناول ۾ موجود آھي. عورت جي دردن ۽ احساسن سان ڀرپور ھڪ پڙھڻ جھڙو ناول.

For Advance Booking
Helpline: 03123467550

.

14/11/2025

New Arrival

Order Now
0312-3467550

23/09/2025

مبارڪون 💕🌹

سنڌ جي نوجوان ليکڪ ۽ ترجمي نگار، راجا الطاف طرفان ترجمو ڪيل، ملڪ جي نامور دانشور راجا انور جو مشھور ڪتاب ”مارڪسي اخلاقيات“ ديبل پبلشرز پاران تُرت ئي اوھان جي هٿن ۾ هُوندو.
ڪتاب جو مھاڳ ديپڪ راج لکيو آهي ۽ جڏهن تہ نواز شاهه ڀاڏائي، عنايت نھڙيي ۽ آدرش اميرجان جا رايا شامل آهن.

ڪتاب جي اڳواٽ بُڪنگ لاءِ اسان سان رابطو ڪريو.

Contact for Advance booking
Helpline: 03123467550

Raja Altaf

23/09/2025

سنڌ جي نوجوان ليکڪ ۽ ترجمي نگار، راجا الطاف طرفان ترجمو ڪيل، ملڪ جي نامور دانشور راجا انور جو مشھور ڪتاب ”مارڪسي اخلاقيات“ ديبل پبلشرز پاران تُرت ئي اوھان جي هٿن ۾ هُوندو.
ڪتاب جو مھاڳ ديپڪ راج لکيو آهي ۽ جڏهن تہ نواز شاهه ڀاڏائي، عنايت نھڙيي ۽ آدرش اميرجان جا رايا شامل آهن.

ڪتاب جي اڳواٽ بُڪنگ لاءِ اسان سان رابطو ڪريو.

Contact for Advance booking
Helpline: 03123467550

Raja Altaf