08/09/2026
حیدرآباد: ایس ایس پی شاہزیب چاچڑ کا عوامی مسائل کے حل کے لیے کھلی کچہری کا انعقاد
حیدرآباد میں ایس ایس پی شاہزیب چاچڑ نے ایس ایس پی آفس میں شہریوں سے ملاقات کر کے ان کی شکایات اور مسائل تفصیل سے سنے۔ اس موقع پر سائلین نے مختلف نوعیت کی درخواستیں پیش کیں، جن پر ایس ایس پی نے متعلقہ پولیس افسران کو قانون کے مطابق فوری کارروائی اور ترجیحی بنیادوں پر مسائل کے حل کے احکامات جاری کیے۔
ایس ایس پی شاہزیب چاچڑ نے ہدایت کی کہ شہریوں کے جائز مسائل میں کسی قسم کی تاخیر برداشت نہیں کی جائے گی، جبکہ تمام متعلقہ افسران پیش رفت کی رپورٹ بھی بروقت پیش کریں۔ انہوں نے کہا کہ عوام کو فوری انصاف اور ریلیف فراہم کرنا حیدرآباد پولیس کی اولین ترجیحات میں شامل ہے۔
