14/08/2022
14 آگسٽ سنڌ يونيورسٽي ڪئمپس لاڙڪاڻي ۾ محب وطن پاڪستان جي آزاديء جي 75 ھين سالگراھ ملھائي وئي, جنهن ۾ بين الاقوامي سماجي تنظيم روٽيريڪٽ ڪلب لاڙڪاڻي جو پڻ تعاون رھيو.
پروگرام جي شروعات سنڌ يونيورسٽي ڪئمپس لاڙڪاڻي جي پرو وائيس چانسلر پروفيسر ڊاڪٽر اظھر علي شاھ صاحب جي اڳواڻيء ۾ قومي تراني جي ڌن سان پاڪستاني پرچم لھرايو ويو ۽ وطن جي سک ۽ سلامتيء لاء دعا گھري وئي..تنھن کانپوء روٽيريڪٽ ڪلب لاڙڪاڻي جي تنظيم جي اڳواڻن ۽ ڪئمپس جي مختلف شعبن جي استادن/ استادياڻين ۽ شاگردن سان گڏجي ڪيڪ ڪٽڻ واري رسم ڪئي وئي بعد ۾ ھڪ گڏجاڻي رکي وئي جنهن ۾ روٽيريڪٽ تنظيم جي اڳواڻن انجنيئر صدام حسين ٻرڙي وطن جي آزاديء جون واڌايون پيش ڪندي سماجي تنظيم روٽيريڪٽ جي مقصد ۽ معيار بابت وضاحت ڪندي خيال پيش ڪيا, تنهن کان سواء تنظيم جي نئين چونڊيل صدر وسيم سيتائيء پڻ وطن جي آزاديء لاء پنهنجا خيال پيش ڪندي چيو ته وطن جي آزاديء جو ڏينهن فقط رسمي طور تي نه ملھائڻ گھرجي پر مستقل طور تي وطن سان پيار ڪجي صرف اڄوڪي ڏينهن لاء محبت نه ھجڻ گھرجي, انھن کانسواء ڪئمپس جي انگريزي شعبي جي طرفان سائين حسين علي ڪنڀر, ميڊم حنا شاھ پاڪستان جي آزاديء بابت مبارڪون ڏنيون ۽ پنهنجا ويچار ونڊيندي پاڪستان بابت مختصر طور تي خيال پيش ڪيا, بي بي اي جي شعبي جي ھيڊ سائين غلام مصطفيٰ شيخ وطن جي آزاديء بابت پنهنجا خيال پيش ڪيا ۽ سماجي تنظيم روٽيريڪٽ جي تعاون جي ساراھ ڪئي...ھن گڏجاڻي ۾ مختلف شعبن جي استادن جن ۾ سائين رحيم بخش مغيري, ميڊم عنايت فاطمه..... ڪمپيوٽر سائنس جي ھيڊ سائين عبدالرشيد چانڊيي سان گڏ ڪئمپس جي شاگردن محمد ياسين ميمڻ, سيف الله شيخ, محمد حنيف بروھي ۽ ٻين پڻ شموليت ڪئي ۽ پنهنجا ويچار ونڊيا...گڏجاڻيء جي آخر ۾ ڪئمپس جي پي وي سي صاحب ڊاڪٽر اظھر علي شاھ روٽيريڪٽ تنظيم جي ميمبرن کي اجرڪ اوڍايا ۽ وطن جي آزاديء جي حوالي سان ھڪ طويل تاريخي ۽ علمي تقرير ڪئي جنهن ۾ ھن لاڙڪاڻي جي خطي جي ڳالھ ڪندي سنڌ جي قديم تھذيب موھين جي دڙي بابت معقول روشني وجھندي لاڙڪاڻي جي سياسي ادبي ۽ تاريخي حيثيت جي ڳالھ ڪندي نھايت شاندار علمي نقطا پيش ڪيا ۽ وطن جي آزاديء جون مبارڪون پيش ڪيون...آخر ۾ روٽيريڪٽ تنظيم جي ميمبرن سان گڏجي انگريزي, ڪمپيوٽر سائنس ۽ بي بي اي شعبن جي استادن, شاگردن ۽ ڪئمپس جي ملازمن سان گڏجي پي وي سي صاحب ڊاڪٽر اظھر علي شاھ جي ساٿ ۾ ڪئمپس ۾ ٻوٽا پوکيا ويا.
