URDU INTERNATIONAL

18/08/2025

پاکستان کرکٹ بورڈ کی نیشنل سلیکشن کمیٹی نے آئندہ سہ ملکی ٹی ٹوئنٹی سیریز اور ایشیا کپ کے لیے قومی ٹیم کے اسکواڈ اور شیڈول کا اعلان کر دیا ہے۔ یہ دونوں ٹورنامنٹ متحدہ عرب امارات میں کھیلے جائیں گے۔

29 اگست سے 7 ستمبر تک شارجہ کرکٹ اسٹیڈیم میں سہ ملکی سیریز ہوگی جس میں پاکستان کے ساتھ افغانستان اور میزبان یو اے ای کی ٹیمیں شامل ہوں گی۔ اس کے بعد 9 سے 28 ستمبر تک ٹی ٹوئنٹی ایشیا کپ ایونٹ ابوظہبی اور دبئی میں منعقد ہوگا۔ پاکستان کو گروپ "اے" میں رکھا گیا ہے جہاں اسے بھارت، عمان اور یو اے ای کا سامنا کرنا ہوگا۔

17 رکنی اسکواڈ میں سلمان علی آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ کیپر)، محمد نواز، محمد وسیم جونیئر، صہیبزادہ فرحان، صائم ایوب، سلمان مرزا، شاہین شاہ آفریدی اور صوفیان مقیم شامل ہوں گے۔

سہ ملکی سیریز کا شیڈول (تمام میچز شارجہ میں شام 7 بجے):
29 اگست: افغانستان بمقابلہ پاکستان
30 اگست: یو اے ای بمقابلہ پاکستان
1 ستمبر: یو اے ای بمقابلہ افغانستان
2 ستمبر: پاکستان بمقابلہ افغانستان
4 ستمبر: پاکستان بمقابلہ یو اے ای
5 ستمبر: افغانستان بمقابلہ یو اے ای
7 ستمبر: فائنل

ایشیا کپ ٹی ٹوئنٹی 2025 میں پاکستان کے میچز (دبئی انٹرنیشنل کرکٹ اسٹیڈیم – شام 6 بجے):
12 ستمبر: عمان بمقابلہ پاکستان
14 ستمبر: بھارت بمقابلہ پاکستان
17 ستمبر: یو اے ای بمقابلہ پاکستان
20 تا 26 ستمبر: سپر فورز میچز (ابوظہبی اور دبئی)
28 ستمبر: فائنل (دبئی انٹرنیشنل اسٹیڈیم)

Photo: PCB

17/08/2025

قدرتی آفات سے نمٹنے کی تیاری

این ڈی ایم اے کی اہم بریفنگ دیکھنے کے لیے لنک پر کلک کریں

In this exclusive video, we bring you full coverage of the National Disaster Management Authority (NDMA)’s special presentation on natural disaster preparedn...

17/08/2025

کلاؤڈ برسٹ کیا ہے: NDMA اس کے بارے میں کیا کر رہی ہے؟

16/08/2025

محکمہ موسمیات پاکستان کی جانب سے آئندہ 72 گھنٹوں کے دوران شدید طوفانی بارشوں کی پیش گوئی کی گئی ہے۔
اس ممکنہ خطرناک موسم کو مدنظر رکھتے ہوئے، شہریوں بالخصوص مارگلہ ہلز کا رُخ کرنے والے ہائیکرز اور وزیٹرز کی حفاظت کو یقینی بنانے کے لیے یہ فیصلہ کیا گیا ہے:
ٹریل 2، ٹریل 3، ٹریل 4، ٹریل 5، اور سیدپور گاؤں کے عقب میں واقع ٹریل
19 اگست 2025 تک عام شہریوں کے لیے عارضی طور پر بند رہیں گے۔
یہ اقدام شہریوں کی جان و مال کے تحفظ کے لیے اٹھایا گیا ہے تاکہ ممکنہ لینڈ سلائیڈنگ، کلاؤڈ برسٹ یا دیگر خطرات سے بچا جا سکے۔

16/08/2025

چینی وزارت خارجہ کے ترجمان نے اعلان کیا ہے کہ چینی وزیر خارجہ اور سی پی سی کی مرکزی کمیٹی کے رکن وانگ یی 18 سے 20 اگست تک ہندوستان کا دورہ کریں گے۔

اس موقع پر چین اور بھارت کے خصوصی نمائندے 24ویں بار سرحدی تنازع پر باضابطہ مذاکرات کریں گے۔ یہ مذاکرات بھارتی حکومت کی دعوت پر ہوں گے۔ جس کا مقصد دونوں ممالک کے درمیان سرحدی امور پر بات چیت کو آگے بڑھانا ہے۔ یہ ملاقات چین بھارت تعلقات میں ایک نئی سمت طے کر سکتی ہے۔

15/08/2025

وطن کی یاد یا خوف کا سایہ؟ پاکستان میں افغان مہاجرین کی آپ بیتی

14/08/2025

ونگ کمانڈر محمد ملک رضوان الحق — وہ ہیرو جنہوں نے تنِ تنہا ایک S‑400 دفاعی نظام کو تباہ کیا اور جنگ کا پورا نقشہ بدل کر رکھ دیا۔

یہ ہیں وہ بہادر افسر جنہوں نے اپنی جان کو خطرے میں ڈال کر “خودکُش مشن” کے لیے خود کو رضاکارانہ طور پر پیش کیا۔
کراچی سے جے ایف-17 تھنڈر طیارے پر سوار ہو کر، ایس ایم 400 میزائلوں سے لیس، دشمن کی سرزمین کے اندر دو S-400 دفاعی نظاموں کو کامیابی سے نشانہ بنایا — اور بحفاظت واپس لوٹے۔

آج وزیر اعظم شہباز شریف نے اس جرات مندانہ کارنامے کو سرکاری طور پر تسلیم کر لیا۔

14/08/2025

🇵🇰 پاک فضائیہ کے ہیرو — ستارہ جرات کے حقدار! ✈️

14 اگست کو حکومتِ پاکستان نے پاک فضائیہ کے آٹھ جوانوں کو دشمن کے خلاف جرات مندانہ کارروائیوں پر ستارۂ جرات سے نوازا۔

🎯 کارنامے:
• 6 دشمن طیارے تباہ
• 2 کامیاب حملے بھارتی S‑400 دفاعی نظام پر

🏅 تمغوں کی تقسیم:
• نمبر 15 اسکواڈرن — 6 ستارۂ جرات
• نمبر 14 اسکواڈرن — 2 ستارۂ جرات

🛡️ اعزاز یافتہ پائلٹس:
• ونگ کمانڈر بلال رضا
• ونگ کمانڈر حماد بن مسعود
• اسکواڈرن لیڈر محمد یوسف خان
• اسکواڈرن لیڈر محمد اسامہ اشفاق
• اسکواڈرن لیڈر محمد حسن انیس
• اسکواڈرن لیڈر طلحہ حسن
• اسکواڈرن لیڈر فدا محمد خان
• اسکواڈرن لیڈر محمد اشحد

14/08/2025

جشنِ آزادی فلسطین کی آزادی کے بغیر مکمل نہیں۔

اس وقت جب مسلم دنیا کو ایک بڑے صدمے کا سامنا ہے، کیونکہ اقوامِ متحدہ نے بدقسمتی سے فلسطین کی تقسیم کا فیصلہ نافذ کرنے کا اعلان کیا ہے، جناب صدر میں آپ سے، ذاتی اپیل کرنا چاہتا ہوں۔

یہ فیصلہ اقوامِ متحدہ کے چارٹر کے خلاف ہے اور قانونی طور پر غلط اور ناقابلِ قبول ہے۔

اخلاقی اعتبار سے بھی یہ درست نہیں۔ سیاسی، تاریخی، جغرافیائی اور عملی طور پر عربوں کی متحدہ مزاحمت کے باوجود اس تقسیم کو نافذ کرنا ناممکن ہوگا۔ عربوں کو دنیا کے تین سو ملین (تیس کروڑ) مسلمانوں اور کئی غیر مسلم ممالک کی حمایت حاصل ہے، اور یہ حمایت صرف ان ممالک تک محدود نہیں جنہوں نے اقوامِ متحدہ کے فیصلے کے خلاف ووٹ دیا۔

لمبے عرصے میں یہ منصوبہ ناکام ہوگا، اگر اس ناانصافی پر مبنی فیصلے پر عممل کیا گیا تو ،جس قوم کے فائدے کے لیے یہ فیصلہ کیا گیا ہے یعنی یہودی، جو نازی ظلم و ستم کا شکار رہ چکے ہیں ، سب سے زیادہ نقصان بھی انہی کو اٹھانا پڑے گا۔ اس کے علاوہ یہ فیصلہ دنیا کے امن کے لیے بھی خطرہ ہے۔

لہٰذا، میں اس آخری موقع پر آپ سے اور آپ کے ذریعے عظیم اور طاقتور امریکی قوم سے، جو ہمیشہ انصاف کی حامی رہی ہے، درخواست کرتا ہوں کہ عرب قوم کے حقوق کا تحفظ کریں۔ امریکی حکومت اور عوام اب بھی اس خطرناک صورتحال کو درست رہنمائی دے کر سنگین نتائج اور اثرات سے بچا سکتے ہیں۔

14/08/2025

واشنگٹن ڈی سی کی سڑکوں پر نیشنل گارڈ کے مسلح فوجی اور بکتر بند گاڑیاں نظر آنا شروع ہو گئی ہیں۔
یہ تعیناتی صدر ڈونلڈ ٹرمپ کے اس اعلان کے ایک دن بعد ہوئی ہے، جس میں انہوں نے شہر کا پولیس کنٹرول اپنے ہاتھ میں لے کر کہا تھا کہ شہر میں پرتشدد جرائم قابو سے باہر ہو چکے ہیں۔

منگل کی شام شہر کے مرکزی علاقوں اور سیاحتی مقامات پر بکتر بند گاڑیاں دیکھی گئیں۔ حکام کے مطابق 800 نیشنل گارڈ فوجی اور 500 وفاقی قانون نافذ کرنے والے اہلکار تعینات کیے جا رہے ہیں۔

واشنگٹن ڈی سی کی ڈیموکریٹک پارٹی سے تعلق رکھنے والی میئر، موریل باؤزر، کہتی ہیں کہ شہر میں جرائم کی شرح اتنی نہیں جتنا صدر ٹرمپ دعویٰ کر رہے ہیں۔ وہ ٹرمپ کے اس اقدام کو آمرانہ رویہ قرار دیتے ہوئے کہتی ہیں کہ وہ نیویارک اور شکاگو جیسے دوسرے ڈیموکریٹ کے زیرِ انتظام شہروں میں بھی اسی قسم کے سخت اقدامات کر سکتے ہیں۔

دلچسپ بات یہ ہے کہ پولیس کے سرکاری اعداد و شمار کے مطابق ، 2023 کے بعد جرائم میں نمایاں کمی آئی ہے، اور اس سال یہ مزید 26 فیصد کم ہوئے ہیں۔

ٹرمپ کے اعلان کے بعد فوجی اہلکار نہ صرف سرکاری عمارتوں کے باہر رکاوٹیں لگا رہے ہیں بلکہ سیاحوں کے ساتھ تصاویر بھی کھنچوا رہے ہیں۔
پہلی رات وفاقی ایجنٹس نے 23 مشتبہ افراد کو گرفتار کیا، جن پر قتل، اسلحہ رکھنے، منشیات فروشی اور دیگر الزامات ہیں۔

ٹرمپ انتظامیہ کا کہنا ہے کہ آنے والے ہفتوں میں ہر اس شخص کو گرفتار کیا جائے گا جو قانون توڑے گا اور عوام کی جان کو خطرے میں ڈالے گا۔

13/08/2025

ایران نے اسرائیل اور امریکہ کے خلاف جنگ میں 21 ہزار مشتبہ افراد گرفتار کیے۔

13/08/2025

فورسز کو 3 ماہ کیلئے مشکوک شخص کی گرفتاری کا اختیار دینے کا نیا بل کیا ہے؟