Crime Today

Crime Today Media/News/Company

ٹک ٹاکر ثناء یوسف قتل کیس: ملزم عمر حیات کو سزائے موت سنا دی گئی اسلام آباد کی ڈسٹرکٹ اینڈ سیشن کورٹ نے معروف ٹک ٹاکر ثن...
19/05/2026

ٹک ٹاکر ثناء یوسف قتل کیس: ملزم عمر حیات کو سزائے موت سنا دی گئی اسلام آباد کی ڈسٹرکٹ اینڈ سیشن کورٹ نے معروف ٹک ٹاکر ثناء یوسف کے قتل کیس کا فیصلہ سناتے ہوئے ملزم عمر حیات کو سزائے موت کا حکم سنا دیا۔ عدالت نے ملزم پر 20 لاکھ روپے جرمانہ بھی عائد کیا۔
ایڈیشنل سیشن جج افضل مجوکہ نے 19 مئی 2026 کو فیصلہ سنایا۔ عدالت نے کہا کہ ملزم کے خلاف ٹھوس سائنسی شواہد، کالز اور چیٹ کے اسکرین شاٹس ریکارڈ پر موجود ہیں۔
پراسیکیوشن نے حتمی دلائل میں کہا تھا کہ ملزم عمر حیات کے خلاف ناقابلِ تردید شواہد موجود ہیں اور ایسے سنگین جرم میں کسی رعایت کا حقدار نہیں، اس لیے سزائے موت دی جائے۔ عدالت نے پراسیکیوشن کی استدعا منظور کرتے ہوئے ملزم کو سزائے موت کا حکم دیا۔
دوران سماعت ملزم عمر حیات نے صحت جرم سے انکار کیا اور کہا کہ اس کا ثناء یوسف سے کوئی رابطہ نہیں تھا، اور اعترافی بیان بھی جعلی ہے۔ اس نے عدالت میں کہا کہ اسے 3 جون کو جڑانوالہ سے صرف شک کی بنیاد پر گرفتار کیا گیا۔
ملزم کے وکیل نے ٹرائل کورٹ پر عدم اعتماد کا اظہار کرتے ہوئے اسلام آباد ہائی کورٹ میں 2 درخواستیں دائر کر رکھی ہیں، جن پر فیصلہ محفوظ ہے۔
واضح رہے کہ 17 سالہ ٹک ٹاکر ثناء یوسف 2 جون 2025 کو اسلام آباد کے سیکٹر جی-13 میں اپنے گھر میں گولی مار کر قتل کر دی گئی تھیں۔ کیس نے سوشل میڈیا پر بڑی توجہ حاصل کی تھی۔
عدالت نے فیصلے میں واضح کیا کہ ایسے جرائم معاشرے میں خوف و ہراس پھیلاتے ہیں، ان کا سدِباب ضروری ہے۔

18/05/2026

اسلام آباد سی ڈی اے شعبہ انوائرنمنٹ ایک جانب پارکوں کی تزئین و آرائش پر سالانہ اربوں روپے کا بجٹ جھونک رہا ہے تو دوسری جانب ایف نائن پارک کو سولڈ ویسٹ مینجمنٹ)سینیٹیشن( نے غیر قانونی طور پر مخصوص عزائم کی تکمیل کے لیے کوڑا کرکٹ ڈمپنگ سائٹ بنا رکھا ہے جہاں ایف ایٹ جی نائن جی ایٹ کا کوڑا کرکٹ پھینکا جا رہا ہے حالانکہ سولڈ ویسٹ مینجمنٹ بورڈ کی ڈمپنگ سائٹ آئی بارہ سیکٹر میں موجود ہے تاہم کوڑا کرکٹ ایف نائن پارک اور نالوں میں پھینک کر ڈیزل بچایا جاتا ہے جو وہاں موجود ڈیزل چور مافیا کو فروخت کیا جا رہا ہے تاہم دونوں شعبوں نے روکنے کے بجائے مجرمانہ چشم پوشی اختیار کر رکھی ہے جبکہ اگر یہ کوڑا کرکٹ یا مٹی پتھروں کی ڈھیریاں کوئی عام شہری کرے تو شعبہ انوائرنمنٹ اور شعبہ سولڈ ویسٹ مینجمنٹ بورڈ انہیں بھاری جرمانہ کرنے کے ساتھ ساتھ گاڑیوں کو بھی بند کر دیتی ہیں جہاں ایف نائن پارک میں کوڑا کرکٹ پھینکا جا رہا ہے وہاں سے انفورسمنٹ کا سٹور اس لیے ختم کیا گیا تھا کہ یہاں انوائرنمنٹ متاثر ہو رہی ہے اور یہاں درخت بھی لگائے گئے تھے جو اب کوڑا کرکٹ ڈمپنگ سے ختم ہو چکے ہیں حیرت کی بات یہ ہے کہ یہ سارا عمل انوائرنمنٹ ہیڈکوارٹر سے ملحقہ مقام پر ہو رہا ہے لیکن کسی چھوٹے یا بڑے افسر کے سر پر جوں تک نہیں رینگتی کیا ڈی جی سولڈ ویسٹ مینجمنٹ،ممبر انوائرنمنٹ،چئیرمین سی ڈی اے ایف نائن پارک کے تحفظ کے لیے نوٹس لیں گے؟؟؟

17/05/2026

کندھارا تہذیب دھرماراجیکا سٹوپا کے حوالے سے قائد اعظم یونیورسٹی کے پروفیسرز پریس کانفرنس کر رہے ہیں اس حوالے سے عالمی کانفرنس منعقد ہونے جا رہی ہے۔

بریکنگ نیوز:اسلام آباد سے اغواہوکر شہری کے کچے پہنچ جانے کے معاملے کا ڈراپ سین ہوگیا ملزم نور الدین نے خود ہی دوستو کی م...
17/05/2026

بریکنگ نیوز:اسلام آباد سے اغواہوکر شہری کے کچے پہنچ جانے کے معاملے کا ڈراپ سین ہوگیا ملزم نور الدین نے خود ہی دوستو کی مدد سے اغواء ہونے کی جعلی ویڈیو بناکر سوشل میڈیا پر وائرل کیں ایس پی سٹی ایاز اور ان کی ٹیم نے ملزم اور اس کے دونوں ساتھیوں گرفتار کرلیا ملزم نے لوگوں سے فراڈ کرکے بھاری رقوم حاصل کررکھی تھیں ملزم پیسے دینے کے بجائے اغواء کا ڈرامہ رچاکر مخالفین پر پرچے کروانا چاہتا تھا اسلام آباد پولیس نے ملزمان کو رحیم یار خان سے گرفتار کرلیا۔

15/05/2026

پنجاب ملتان پیرا فورس کی وکلا کو انفارم کئے بغیر کچہری کے اندر قائم کینٹیز کیخلاف کاروائی وکلا نے پوری فورس کو کچہری میں بند کر دیا۔ مین گیٹ کو تالے لگا دیئے گئے جس کے بعد تمام پیرا فورس کے ڈالے جوان افسران کچہری کے اندر پھنس گئے۔

14/05/2026

اسلام آباد چراغ تلے اندھیرے کے مصداق سی ڈی اے انوائرنمنٹ ہیڈ کوارٹر ایف نائن میں سولڈ ویسٹ مینجمنٹ)سینیٹیشن( نے غیر قانونی طور پر کوڑا کرکٹ ڈمپنگ کے لیے استعمال کرنا شروع کر دیا ہے جہاں سے سی ڈی اے انفورسمنٹ کا سٹور پارک کی گرینری کو نقصان پہنچنے کے باعث ختم کیا گیا تھا اب یہاں ایف ایٹ،جی ایٹ،جی نائن سے کوڑا کرکٹ اٹھا کر انوائرنمنٹ ہیڈ کوارٹر سے ملحقہ جنگل میں پھینکنے لگے ہیں حالانکہ سولڈ ویسٹ مینجمنٹ نے جی بارہ میں کوڑا کرکٹ ڈمپنگ پوائنٹ بنا رکھا ہے لیکن ایف نائن پارک میں کوڑا کرکٹ پھینک کر ڈیزل بچایا جاتا ہے جسے موجود وہاں ڈیزل چور مافیا کو فروخت کر دیا جاتا ہے ڈرائیورز،سپروائزرز،فورمین اور سینٹری انسپکٹرز اپنی اپنی حصہ داری کی بندر بانٹ کر رہے ہیں جبکہ جی بارہ کوڑا کرکٹ ڈمپنگ سائٹ میں بھی مشینری کا ڈیزل مافیا کو فروخت کیا جا رہا ہے اس کے ساتھ ساتھ سیکریپ بھی اکٹھا کرکے فروخت کیا جا رہا ہے لیکن ڈائریکٹر سولڈ ویسٹ مینجمنٹ،ڈپٹی ڈائریکٹر نے ایک اسسٹنٹ ڈائریکٹر کو تین اضافی چارج دے کر لوٹنے کا لائسنس جاری کر رکھا ہے اس اسسٹنٹ ڈائریکٹر کے تینوں اضافی عہدوں کا آزاد آڈٹ کرایا جائے تو کروڑوں روپے کی خرد برد سامنے آسکتی ہے وزیراعظم کی فیول بچت سکیم اپنی موت آپ مر چکی ہے۔
Report by Raja Israr Hussain Senior Journalist

13/05/2026

اسلام آباد سے اغوا ہونے والا نوجوان آخرکار کچے کے علاقے تک پہنچ گیا مگر افسوس کہ وفاقی پولیس نے اس حساس کیس کو شروع سے ہی انتہائی سست روی اور غیر سنجیدگی سے لیا۔اب سوال یہ پیدا ہوتا ہے کہ اگر واقعی ایسا تھا تو پھر آج یہ نوجوان کچے کے خطرناک علاقے تک کیسے پہنچ گیا؟
اور اگر اغوا نہیں ہوا تھا تو قانون نافذ کرنے والے ادارے بروقت حقیقت سامنے لانے میں کیوں ناکام رہے؟
سب سے اہم سوال یہ ہے کہ جس گاڑی میں نوجوان کو لے جایا گیا وہ سی سی ٹی وی فوٹیج میں واضح طور پر موجود ہے مگر اسلام آباد سیف سٹی یہ معلوم نہ کر سکی کہ گاڑی کہاں سے آئی اور کہاں گئی؟
کیا وفاقی دارالحکومت کے جدید کیمرا سسٹم صرف دکھاوے کے لیے ہیں؟
یہ انتہائی تشویشناک صورتحال ہے کہ کچے کے ڈاکو وفاقی دارالحکومت سے لوگوں کو اٹھا کر لے جا رہے ہیں جبکہ متعلقہ ادارے دعوؤں اور بیانات تک محدود نظر آتے ہیں۔
#کچےکےڈاکو

13/05/2026

پاکستان کی سب سے بڑی کوکین ڈیلر انمول عرف پنکی کی عدالت میں انمول پیشی، ہتھکڑی نہ لگائی گئی،پولیس اہلکار مودبانہ انداز میں پیچھے چلتا رہا،راستے کے بارے میں گائیڈ بھی کرتا رہا۔

وفاقی سول حساس ادارے کی نشان دہی پر پاکستان کی سب سے بڑی کوکین میکر انمول عرف پنکی پکڑی گئیوفاقی سول حساس ادارے کی نشان ...
12/05/2026

وفاقی سول حساس ادارے کی نشان دہی پر پاکستان کی سب سے بڑی کوکین میکر انمول عرف پنکی پکڑی گئی

وفاقی سول حساس ادارے کی نشان دہی پر گارڈن پولیس نے چھاپا مار کر پاکستان کی سب سے بڑی خاتون کوکین میکر انمول عرف پنکی کو پکڑ لیا، اپنا پروڈکشن یونٹ چلانے والی ملزمہ سے کروڑوں مالیت کی کوکین اور دیگر کیمیکلز برآمد ہوئے ہیں

گارڈن پولیس نے یہ آپریشن انٹیلیجنس کی بنیاد پر کیا، جس میں پاکستان کی سب سے بڑی کوکین میکر انمول پنکی پکڑی گئی، انمول پولیس سمیت دیگر اداروں کو انتہائی مطلوب تھی

پولیس حکام کے مطابق انمول پنکی خود کوکین بنا کر عام کوکین سے مہنگی فروخت کرتی تھی گرفتارملزمہ کوکین کے علاوہ اعلی کوالٹی کی ریڈ وائن بھی بناتی ہے، وہ کراچی، لاہور اور اسلام آباد میں سپلائی دیتی تھی

حکام نے انکشاف کیا ہے کہ کروڑوں روپے ماہانہ کمانے والی پنکی مڈل پاس ہے انتہائی مطلوب ترین خاتون کو چلتی پھرتی لیب کے ساتھ گرفتار کیا گیا، جو مکمل طور پر کوکین کا پروڈکشن یونٹ چلاتی ہے، انمول کے قبضے سے 1 کلو ہاف ریڈی کوکین برآمد ہوئی، 15 سے زائد کوکین کے انڈے گولڈن کیپ اور دیگر سامان بھی برآمد ہوا

بیش قیمت ہینڈ میڈ ریڈ وائن کی کئی بوتلیں بھی پکڑی گئی ہیں، ملزمہ سے کیٹامائن، ایفیڈرین، میتھ اور لیٹوکین بھی برآمد ہوئے، ملزمہ کے قبضے سے ایک پستول اور کئی راؤنڈز بھی ملے ہیں

حکام کا کہنا ہے کہ انمول عرف پنکی 300 گرام کوکین سے 1 کلو کوکین تیار کرتی ہے ایک کوکین کے انڈے کی قیمت 8 لاکھ سے زائد ہے، اور وہ پاکستان کی مہنگی ترین کوکین خود بناتی ہے، عام کوکین 8 سے 10 ہزار روپے گرام مل جاتا ہے، انمول وائٹ کوک 25 ہزار گولڈن کوک 40 ہزار میں فروخت کرتی ہے

حکام کے مطابق اپنی لیبارٹری میں کوکین تیار کرنے کے بعد انمول پنکی پہلے خود تجربہ کرتی ہے، دوران تفتیش اس نے اہم ترین انکشافات کیے ہیں، صرف کراچی میں پنکی کے 800 سے زائد کسٹمرز موجود ہیں، وہ پولیس سمیت دیگر اداروں کے ملازمین سے بھی رابطے میں تھی

گرفتار ملزمہ نے کراچی میں سپلائی کے لیئے 4 رائڈرز رکھے ہوئے ہیں ہر رائڈر کو ماہانہ تنخواہ اور کرایہ پر گھر بھی پنکی نے دلوایا اور ہزاروں گاہکوں سے انمول پنکی خود رابطے میں رہتی ہے خاتون منشیات سپلائر کو سڑک پر پیسے بانٹنے کی بھی عادت ہے کبھی ایک دن میں بھی چالیس پچاس لاکھ روپے بانٹ دیتی ہے،
بشکریہ اردو پوائنٹ ویب

12/05/2026

کراچی میں منشیات برآمدگی اور غیر قانونی اسلحہ کے کیس میں پولیس نے گرفتار ملزمہ انمول عرف پنکی کو عدالت میں پیش کردیا، عدالت نے ملزمہ کو عدالتی ریمانڈ پر جیل بھیج دیا۔
آئی جی سندھ جاوید عالم اوڈھو نے ملزمہ پنکی کی پیشی کے دوران ایس اوپی اور قوائد کی خلاف ورزی کاسخت نوٹس لےلیا۔
ترجمان پولیس کے مطابق ایڈیشنل آئی جی کراچی کو واقعےکی مفصل ابتدائی رپورٹ پیش کرنےکی ہدایت کردی۔ غفلت،کوتاہی کےمرتکب تفتیشی افسر، عملے کو فوری معطل کرنے کا حکم دیدیا۔ واقعےکی شفاف تحقیقات کےلیے سنیئر افسر تحقیقاتی کمیٹی قائم کرنے کی بھی ہدایت کی گئی۔
آئی جی سندھ جاوید عالم اوڈھو نے کہا کہ ایڈشنل آئی جی خود اس واقعے کی تحقیقات کی نگرانی کریں گے، ملوث اہلکاروں کے خلاف محکمانہ کاروائی ہوگی، کمیٹی جلد از جلد ذمہ داروں کا تعین یقینی بنائےگی۔
کراچی پولیس چیف نے بھی ملزمہ کو بغیر ہتھکڑی عدالت میں پیش کرنےکا نوٹس لیتے ہوئے واقعےکی انکوائری کی ہدایت کردی۔
کراچی پولیس چیف آزاد خان نے واضح کیاکہ قانون اور ایس او پیز کی خلاف ورزی ہرگز برداشت نہیں کی جائے گی، پولیس کے تمام افسران و اہلکار قواعد و ضوابط کے پابند ہیں۔
ترجمان پولیس نے بتایا کہ بغیر ہتھکڑی ملزمہ کی پیشی پر ذمہ داروں کے خلاف کارروائی کا امکان ہے۔
یاد رہے کہ کراچی میں گارڈن پولیس نے آج کامیاب کارروائی کرتے ہوئے منش*یات فروش خاتون کو گرفتار کیا تھا۔
Disclaimer:
This news report is based on information provided from media reports, and available sources.
بشکریہ ڈسکور پاکستان

Address

Islamabad
44000

Telephone

+923215271153

Website

Alerts

Be the first to know and let us send you an email when Crime Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Crime Today:

Shortcuts

Share

Category