https://www.facebook.com/100339186222118/

Basic views, Islamabad (2025)

19/12/2022

حارث روف اپنی کلاس فیلو سے شادی کے لیے تیار

اسلام آباد:(بیسک ویوز) پاکستان کرکٹ ٹیم کے فاسٹ بولر حارث رؤف جلد اپنی کلاس فیلو کے ساتھ شادی کے بندھن میں بندھنے جا رہے ہیں۔
ان کے نکاح کی تقریب 24 دسمبر کو اسلام آباد میں منقد ہو گی

پاکستان کرکٹ ٹیم کے فاسٹ بولر حارث روف سر پر سہرہ سجانے کو تیار ہیں۔ ان کے نکاح کی تاریخ سامنے آگئی۔ ذرائع کے مطابق حارث روف کا نکاح اسلام آباد میں ان کی کلاس فیلو سے ہوگا تاہم شادی کی تقریب حارث روف کی مصروفیات اور قومی ڈیوٹی کو مدنظر رکھ کر کی جائے گ
تفصیلات کے مطابق 24 دسمبر کو حارث رؤف کا نکاح اسلام آباد میں ان کی کلاس فیلو سے ہوگا۔

ذرائع کے مطابق حارث رؤف کی شادی کی تقریب اگلے سال ہوگی۔

حارث روف پاکستان کی محدود اوورز کی ٹیموں کے اہم فاسٹ بولر ہیں انھوں نے انگلینڈ کے خلاف ٹیسٹ سیریز میں ڈیبیو کیا مگر پہلے ہی ٹیسٹ میں انجری کا شکار ہوکر سیریز سے باہر ہوگئے ۔ وہ اب نیوزی لینڈ کے خلاف ٹیسٹ سیریز کے لیے بھی دستیاب نہیں ہوں

17/11/2022

Why is good sleep important for a better married and sexual life?

اچھی نیند بہتر سیکس لائف کے لیے ضروری کیوں ہے؟

نیند پر کی جانے والی اکثر تحقیق میں اسے تنہا رویہ خیال کیا جاتا ہے اس بات سے قطع نظر کہ شادی شدہ افراد تنہا نہیں سوتے۔ ڈاکٹر وینڈی ٹروکسل نے اس معاملے پر تحقیق کی ہے کہ ایک جوڑے کے درمیان جنسی اور رومانوی تعلق نیند کے کم ہونے سے کیسے متاثر ہوتا ہے۔

انھوں نے یہ نتیجہ نکالا ہے کہ اچھی نیند ہی اچھے سیکس کے لیے ضروری ہے۔ ڈاکٹر وینڈی گذشتہ 15 برسوں سے مختلف جوڑوں کی نیند کی عادات پر تحقیق کر رہی ہیں۔

ان کے مطابق سونا ایک ایسی چیز نہیں جسے تنہا عمل سمجھا جائے۔ یہ کسی بھی جوڑے کا وہ رویہ ہے جسے وہ ایک دوسرے کی موجودگی میں کرتے ہیں۔

ان کا کہنا ہے کہ ’میں نے پچھلے 15 سال تک نیند پر تحقیق کی ہے اور یہ صحت سے متعلق ایک موضوع ہے۔ اچھی نیند ایک جوڑے کے لیے بھی بحث کا موضوع ہوتا ہے۔ تاہم اکثر تحقیق میں اسے ذاتی حیثیت کا موضوع تصور کیا جاتا ہے۔‘

’اگر آپ اچھا نہیں سو سکتے تو اس کا مطلب ہے کہ آپ اچھے پارٹنر نہیں بن سکتے۔ اگر آپ کا موڈ بدلتا رہتا ہے تو ممکنہ طور پر آپ ڈپریشن میں ہو سکتے ہیں، اس صورت میں آپ جھگڑے کر سکتے ہیں اور دوسروں سے آپ کی بات چیت متاثر ہوتی ہے۔‘

آپ کم حساس ہو جاتے ہیں اور اس طرح آپ اپنے پارٹنر کے جذبات نہیں سمجھ پاتے۔ وہ مزید کہتی ہیں کہ نیند نا صرف آپ کو ذاتی طور پر متاثر کرتی ہے بلکہ یہ آپ کی پوری زندگی پر بھی اثرانداز ہوتی ہے۔

اچھی نیند سے مراد بہتر سیکس کیوں ہے؟ اس کی کئی وجوہات ہیں کیونکہ موجودہ سماجی زندگی میں نیند کے موضوع کو نظر انداز کیا جانے لگا ہے۔

ہر کوئی رات کو اچھی نیند چاہتا ہے، ہر کوئی اس بارے میں بات کرتا ہے اور بہت سے لوگ سوشل میڈیا پر اپنے ان دوستوں سے جلتے ہیں جنھیں رات کو اچھی نیند مل جاتی ہے۔
مگر ماہرین صحت کے مطابق نیند کا براہ راست تعلق جنسی تعلقات، ہارمنوز اور مجموعی زندگی ہوتا ہے
جنسی صحت پر کی گئی تحقیق کے مطابق اگر ایک مرد کئی روز تک روزانہ چار گھنٹے سے کم سوتا ہے تو اس کی ٹیسٹوسٹرون کی سطح 10 فیصد تک کم ہو سکتی ہے۔

کم نیند خواتین کے ہارمونز کو بھی متاثر کرتی ہے۔ تحقیق کے مطابق صحت مند نیند سے خواتین کی سیکس کی صلاحیت 14 فیصد تک بڑھ سکتی ہے، کیونکہ ایک جوڑے کی جنسی زندگی نیند سے متاثر ہوتی ہے۔

تحقیق میں یہ بھی سامنے آیا ہے کہ اگر کوئی شخص ایک پارٹنر کے ساتھ سوتا ہے تو اس کی نیند بہتر ہوجاتی ہے۔

نیند کا اچھا دورانیہ ذہنی، جسمانی اور جنسی زندگی کے معیار کو بہتر بنا سکتا ہے۔ تاہم اگر ایک جوڑے میں دونوں افراد ہی اچھی نیند حاصل نہیں کر پا رہے تو مسائل جنم لے سکتے ہیں۔

ایسا ممکن ہے کہ ایک پارٹنر کی کسی عادت سے دوسرے کی نیند خراب ہوتی ہو۔ مثلاً نیند کی بُری عادات، پورے بیڈ پر پھیل کر سونا اور خراٹے لینا نیند میں خلل ڈال سکتا ہے۔

یہ بھی ممکن ہے کہ کسی عارضے کی وجہ سے نیند میں خلل پیدا ہو رہا ہو۔ جیسے معمر جوڑوں میں بیماریاں نیند پر اثرانداز ہوتی ہیں اور اس سے نیند کا دورانیہ متاثر ہوتا ہے۔ بڑی عمر میں انسومنیا اور مینوپاز جیسے مسائل پیدا ہوسکتے ہیں۔

ماہرین کے مطابق نیند کا تعلق کمرے کے درجۂ حرارت اور میٹرس کی قسم سے بھی ہوتا ہے۔

03/11/2022

عمران خان کے کنٹینر پر فائرنگ کرنےوالا مشتبہ شخص گرفتار
اہم شخضیت کا نام سامنے آنے کی اطلاعات

وزیر آباد(بیسک ویوز)کچہری چوک میں عمران خان کے کنٹینر پر فائرنگ کرنے والے مشتبہ شخص کو گرفتار کرلیاگیا۔

نجی ٹی وی چینل ایکسپریس نیوز کے مطابق پولیس کاکہناہے کہ کچہری چوک کے قریب عمران خان کے قافلے پر فائرنگ ہوئی، چیئرمین تحریک انصاف عمران خان ٹانگ میں گولی لگنے سے زخمی ہو گئے، پولیس کا مزید کہنا ہے کہ فائرنگ کرنے والے مشتبہ شخص کو گرفتار کرلیاگیا، مشتبہ شخص کو گرفتار کرکے نامعلوم مقام پر منتقل کردیاگیا۔

03/11/2022

عمران خان کے کنٹینر کے قریب فائرنگ ،عمران خان کے مبینہ زخمی ہونے کی اطلاعات ,کئی افراد زخمی، لانگ مارچ ختم کر دیا گیا

" عمران خان کو گولی ماری گئی " کنٹینر کے قریب فائرنگ کے بعد فواد چودھری کا خطا

وزیر آباد(بیسک ویوز)پاکستا ن تحریک انصاف کے رہنما اور سابق وزیر اطلاعات فواد چوہدری نے کنٹینر سے خطاب کرتے ہوئے کہا کہ عمران خان کو گولی ماری گئی ہے، ہمارے فیصل جاوید، احمد چھٹہ کو بھی گولی لگی ہے اور وہ زخمی ہیں۔

فواد چوہدری کا کہناتھا کہ عمران خان پر سوچا سمجھا قاتلانہ حملہ ہواہے ، ہمارے درجنوں لوگ زخمی ہیں لیکن کوئی ہلاکت نہیں ہوئی ، یہ پہلا موقع نہیں ہے کہ پاکستان کے پاپولر لیڈر کوہٹا دیا جائے ، ان پر قاتلانہ حملے کیئے جائیں ، یہ پہلا موقع نہیں ہے ، عمران خان پر حملہ پاکستان پر حملہ ہے ، ہمارے بچوں اور لیڈر کا خون بہا ہے ، اس کا بدلہ لیں گے ، ہمارے لیڈر پر بندوقوں سے حملہ کیا گیاہے ،جو بھی اس کے پیچھے ہے وہ کان کھول کر سن لیں ہم اس کا بدلہ لیں گے ، ہمارے دوستوں کو گولیاں لگی ہیں، احمد چٹھہ شدید زخمی ہیں، یہاں ہمارے فیصل جاوید بھی شدید زخمی ہیں، ایم پی اے صاحب کو بھی گولی لگی ہے ، لیکن عمران خان کو گولی ماری گئی ، اس نے نشانہ سینے کا لیاتھا ، دو لوگوں نے پکڑ کر بندوق نیچے کی اس کی وجہ سے بچت ہوئی ہے

01/11/2022

پاکستان کے مستقبل کے فیصلے اب صرف عوام کرینگے، امریکا، برطانیہ میں نہیں ہونگے، اسد عمر

راولپنڈی (بیسک ویوز)پی ٹی آئی رہنما اسد عمر نے کہاکہ قوم کو بیدار کرنے کا لانگ مارچ کا مشن مکمل ہوگیا، پاکستان کے مستقبل کے فیصلے اب صرف عوام کرینگے، امریکا، برطانیہ میں نہیں ہوں گے۔

نجی ٹی وی چینل ایکسپریس نیوزکے مطابق راولپنڈی میں میڈیا سے گفتگو کرتے ہوئے اسد عمر نے کہاکہ لانگ مارچ کے مانیٹرنگ نظام کی چیکنگ کیلئے راولپنڈی آیا، تیاریاں مکمل ہیں ،عوام مکمل حقیقی آزادی کیلئے تیار ہے،پوری قوم موبائز ہو چکی، بے تحاشہ مخلوق آ رہی ہے،مارچ کا ٹارگٹ شفاف الیکشن ہے۔

پی ٹی آئی رہنما نے کہاکہ قوم کو بیدار کرنے کا لانگ مارچ کا مشن مکمل ہوگیا، پاکستان کے مستقبل کے فیصلے اب صرف عوام کرینگے، امریکا، برطانیہ میں نہیں ہوں گے، اسد عمر نے کہاکہ نواز شریف یہ وہ جی ٹی روڈ نہیں ہے جو آپ چھوڑ کر گئے،لوگ نہ ہوتے تو اسلام آباد کنٹینروں کا قبرستان نہ ہوتا، ٹی وی چینلز کو فون کرکے نہ کہتے لانگ مارچ نہ دکھاﺅ۔
اورنگزیب کو وفاقی وزیر بنانے کیخلاف درخواست کے قابل سماعت ہونے پر فیصلہ محفوظ
انہوں نے کہاکہ ہمارے پاس 2 آپشن تھے ، راستے چھوڑ کر فوری اسلام آباد پہنچتے،یہ فیصلہ کیا ہے اسلام آباد پہنچنے میں دن زیادہ لگتے ہیں تولگ جائیں، فیصلہ آج ہوگا،عوام کو جتھے کہنے والو!شرم کرو، اسی عوام سے سیٹ پر آئے،قوم فیصلہ دے چکی، نئے الیکشن کی کال سے ملک بحران سے نکلے گا،ان کاکہناتھا کہ پس پردہ کوئی مذاکرات نہیں ہو رہے ،پلان دن بدن تبدیل ہوتا ہے مارچ کیساتھ فیصلے کرتے ہیں ۔

27/10/2022

ٹی 20ورلڈ کپ پاکستان اور بھارت کے میچ پر ہی روک دینا چاہیے تھا،آسٹریلوی آل راؤنڈر مچل مارش

پرتھ(بیسک ویوز )آسٹریلوی آل راؤنڈر مچل مارش نے پاکستان اور بھارت کے درمیان ہونے والے مقابلے کو ٹی ٹوئنٹی ورلڈکپ کا سب سے بہترین میچ قرار دیا ہے، مچل مارش کے مطابق ورلڈ کپ کو اسی میچ پر ختم کر دینا چاہیے تھا۔

نجی ٹی وی کے مطابق سری لنکا سے ہونے والے میچ سے قبل پریس کانفرنس میں مچل مارش نے کہا کہ کرکٹ کا مقابلہ اس سے زیادہ بہتر نہیں ہو سکتا جو میلبرن میں دنیا نے دیکھا,مچل مارش نے کہاکہ پاکستان اور بھارت کے میچ کے بعد ٹی ٹوئنٹی ورلڈکپ کو وہیں روک دینا چاہیے

آسٹریلوی آل راؤنڈر نے پاک بھارت میچ کی تعریف کرتے ہوئے کہا کہ میچ ہمیشہ دیکھنے کے لیے ناقابل یقین ہوتا ہے، اس کا حصہ بننا میرے لیے باعث مسرت ہوگا، میں سوچ بھی نہیں سکتا کہ پاک بھارت میچ کے اس ہجوم میں رہنا اور اس کا حصہ بننا کیسا ہوتا ہے

واضح رہے کہ بھارت نے پاکستان کو ٹی ٹوئنٹی ورلڈکپ کے سپر 12 مرحلے میں سنسنی خیز مقابلے کے بعد 4 وکٹوں سے شکست دی تھی

27/10/2022

مارچ میں آرمی چیف کو غیر معینہ مدت تک توسیع کی آفر کی گئی،ڈی جی آئی ایس آئی

میر جعفر،میر صادق اور نیوٹرل غیر قانونی کام کرنے سے منع کرنے پر کہا گیا،پیچھے ملنا اور دن میں الزام لگانا یہ دہرا معیار قبول نہیں،لیفٹیننٹ جنرل ندیم انجم کی نیوز کانفرنس
راولپنڈی (بیسک ویوز )۔ 27 اکتوبر 2022ء) ڈی جی آئی ایس آئی لیفٹیننٹ جنرل ندیم انجم کا کہنا ہے کہ مارچ میں آرمی چیف کو غیر معینہ مدت تک توسیع کی آفر کی گئی،آرمی چیف نے اس پیشکش کو ٹھکرا دیا۔آپ کا سپہ سالار غدار ہے تو ماضی میں اس کی مثالیں کیوں دیتے تھے۔اگر آپ کا سپہ سالار غدار ہے تو بند دروازوں کے پیچھے کیوں ملتے ہیں،پیچھے ملنا اور دن میں الزام لگانا یہ دہرا معیار قبول نہیں۔
میڈیا رپورٹس کے مطابق ڈی جی آیس ایس پی آر کے ہمراہ نیوز کانفرنس میں ڈی جی آئی ایس آئی کا کہنا تھا کہ مجھے صحافی اپنے درمیان دیکھ کر حیران ہوں گے،میری ذاتی تصویر اور ذاتی تشہیر سے متعلق پالیسی واضح ہے،آج میں اپنی ذات کیلئے نہیں اپنی ادارے کیلئے آیا ہوں۔میرا منصب اور میرے کام کی نوعیت ایسی ہے کہ مجھے پس منظر میں رہنا ہے لیکن ادارے کے سربراہ کے طور پر جھوٹ بول کر انتشار پھیلایا جا رہا تو خاموش نہیں رہ سکتا
ڈی جی آئی ایس آئی نے کہا کہ سیاست سے دور رہنا فرد واحد کا نہیں ادارے کا فیصلہ تھا۔مارچ میں ہم پر بہت پریشر ڈالا گیا لیکن آئینی کردار سے باہر نہ جانے کا فیصلہ کیا۔میرے سینے میں بہت سی امانتیں جو سینے میں رکھ کر قبر میں چلا جاؤں گا۔میر جعفر اور میر صادق کے القابات اس لئے دئیے گئے غیر آئینی کام سے انکار کیا۔میر جعفر،میر صادق اور نیوٹرل غیر قانونی کام کرنے سے منع کرنے پر کہا گیا۔
جھوٹ سے فساد کا فتنہ ہو تو سچ کا چپ رہنا نہیں بنتا۔ انہوں نے مزید کہا کہ مارچ میں آرمی چیف کو غیر معینہ مدت تک توسیع کی آفر کی گئی،آپ کا سپہ سالار غدار ہے تو ماضی میں اس کی مثالیں کیوں دیتے تھے۔اگر آپ کا سپہ سالار غدار ہے تو بند دروازوں کے پیچھے کیوں ملتے ہیں،پیچھے ملنا اور دن میں الزام لگانا یہ دہرا معیار قبول نہیں۔ قبل ازیں ڈی جی آئی ایس پی آر میجر جنرل بابر افتخار نے کہا کہ پریس کانفرنس کا مقصد سینئر ممتاز ارشد شریف سے متعلق ہے۔
حقائق کا صحیح ادراک انتہائی ضروری ہے۔پریس کانفرنس کی حساسیت کی وجہ سے وزیراعظم کو پیشگی آگاہ کیا گیا۔شہید ارشد شریف کے لواحقین کے غم میں برابر کے شریک ہیں۔ ارشد شریف کی وفات انتہائی اندوہناک واقعہ ہے۔تکلیف کی گھڑی میں ہم سب ارشد شریف کی فیملی کے ساتھ ہیں۔ارشد شریف پاکستان کے آئیکون تھے۔دکھ کی گھڑی میں ہم لواحقین کے ساتھ ہیں۔ارشد شریف نے سابق وزیراعظم کے کئی انٹرویوز بھی کیے۔

25/10/2022

رشی سونک کنزرویٹیوپارٹی کے سربراہ منتخب، پہلے ایشیائی نژاد برطانوی وزیراعظم ہوں گے

بھارتی نژاد برطانوی سیاستدان رشی سونک بلامقابلہ کنزرویٹیوپارٹی کے سربراہ منتخب ہوگئے جس کے بعد وہ ملک کے اگلے وزیراعظم ہوں گے۔

کنزر ویٹیو پارٹی کی سربراہی کی دوڑ میں رشی سونک اور پینی مورڈنٹ شریک تھے تاہم پینی مورڈنٹ مطلوب 100 ٹوری ارکان پارلیمنٹ کی حمایت حاصل نہ کرسکیں جس کے بعد وہ دوڑ سے دستبردار ہوگئیں۔

پارٹی کے ریٹرننگ آفیسر نے بھی 42 سالہ رشی سونک کے بلامقابلہ سربراہ منتخب ہونے کا اعلان کیا۔

24/10/2022

پی ٹی آئی کےممکنہ لانگ مارچ کیلئے پولیس کی بھاری نفری اسلام آباد پہنچ گئی
نفری میں سندھ پولیس کے6 ہزار، ایف سی کی 90 پلاٹون
اور2667 اہلکار اپنی گاڑیوں پر اسلام آباد پہنچ چکے ہیں

تحریک انصاف کے ممکنہ لانگ مارچ کے پیش نظر پولیس کی بھاری نفری اسلام آباد پہنچ گئی، نفری میں سندھ پولیس کے 6 ہزار، ایف سی کی 90 پلاٹون اور2667 اہلکار اپنی گاڑیوں پر اسلام آباد پہنچ گئے ہیں۔ جیو نیوز کے مطابق پی ٹی آئی ممکنہ لانگ مارچ میں غیرقانونی صورتحال سے نمٹنے کیلئے پولیس کی بھاری نفری اسلام آباد پہنچ گئی ہے، نفری میں سندھ پولیس کے6000 ، ایف سی کی 90 پلاٹون اور2667 اہلکار اپنی گاڑیوں پر اسلام آباد پہنچ چکے ہیں۔
ایف سی اہلکار فیصل مسجد کے صحن میں ایف سی کانسٹیبلری میں جبکہ کچھ نفری حاجی کیمپ میں ٹھہری ہوئی ہے۔ یاد رہے 22 اکتوبر کو پاکستان تحریک انصاف کے چیئرمین عمران خان نے اعلان کیا ہے کہ جمعرات جمعے کو لانگ مارچ کی تاریخ کا اعلان کروں گا کہ کس دن ہم نے لانگ مارچ کیلئے نکلنا ہے، مجھے پورا یقین ہے کہ یہ الیکشن نہیں کروائیں گے، پاکستان کو دلدل سے نکالنے کا ایک ہی طریقہ ہے کہ الیکشن کرائے جائیں۔

24/10/2022

ارشد شریف: ’کینیا میں پاکستانی صحافی کی گاڑی پر نو گولیاں لگیں‘

Basic views

19/12/2022

17/11/2022

03/11/2022

03/11/2022

01/11/2022

27/10/2022

27/10/2022

25/10/2022

24/10/2022

24/10/2022

Address

Website

Alerts

Shortcuts

Share

Category