13/07/2026
کل مورخہ 12 جولاٸ 2026 بروز اتوار بوقت 4 بجے عصر بمقام کامران پلازہ بہارا کہوں اسلام اباد وزیرستان فلاحی تنظیم اسلام آباد کے جنرل باڈی کا ایک غیر معمولی اجلاس منعقد ہوا جسمیں درجنوں آراکین نے شرکت کی ۔
اجلاس کے دوران باہمی مشاورت سے عبوری کابینہ بھی تشکیل دیا گیا۔
جس میں چئر مین ملک نور رحمن ، سینئر وائس چئرمین نظام داوڑ ، وائس چیرمین مولانا مغفور اللہ ۔ جنرل سیکریٹری اسداللہ خان ۔ ڈپٹی جنرل سیکرٹری عمران خان ۔ سیکرٹری اطلاعات ملک عبد القدیر خان ۔ سیکرٹری فاٸنانس جناب محمد فدا ایڈوکیٹ اور سرپرست اعلی جناب خالد افضل خان متفقہ طور پر منتخب ہوگٸے۔
اجلاس سے شمالی وزیرستان سے تعلق رکھنے والے احباب جو بہار ا کہوں اور بنی گالہ میں مستقل رہاٸیش پذیر ہیں کی فلاح و بہبود ، غمی و خوشی میں شرکت ، دیگر چھوٹے چھوٹے درپیش مشکلات کے حل ، اپنے درمیان رابطہ کا قیام اور بھاٸ چارے کی فضاء قاٸم کرنے پر مقررین نے تفصیلی روشنی ڈالیں ۔ اجلاس میں مختلف موضوعات پر احباب کی جانب سے مفید اور قابل عمل تجاویز پیش کی گٸ ۔ تمام شرکاء اجلاس نے اس بات پر زور دیا کہ تنظیم کے قیام کی اغراض ومقاصد میں سر فہرست غمی و خوشی میں ریگولر شرکت کو یقینی بنانا اور اگر خدا ناخواستہ کسی بھی ممبر کی اہل خانہ میں سے فوت گی کی صورت میں تجہز و تکفین کے مکمل انتظامات ، غمزدہ خاندان کے ساتھ تین دن تک سوگ میں شرکت کے ساتھ ساتھ خاندان اور مہمانوں کے قیام و طعام کا بندوبست کرنا اولین ترجہی ہونی چاہیۓ جس پر تمام احباب نے اتفاق کرلیا ۔ نظیم کے ممبران کو علاج معالجہ یا دیگر حادثات میں تعاون فراہم کرنا بھی دوسری تر جہی ہونی چاہیۓ علاوہ ازین معاملات یا حادثات میں تھانہ کچہری میں قانونی یا مشاورتی امداد دینے کیلۓ ایک مستقل میکنیزم تیار کرنے کیلۓ اگلے اجلاس میں مشاورت کرنے کا بھی فیصلہ کیا گیا۔ اجلاس میں یہ بھی فیصلہ کیا گیا کہ شمالی وزیرستان سے تعلق رکھنے والے جتنے بھی خاندان بنی گالہ اور بہارا کہوں میں رہاٸیش پذیر ہیں سب کو اس تنظیم میں شامل ہونے کی دعوت دی جاٸیگی۔ تنظیم کو بہتر انداز میں چلانے اور آراکین کی فلاح و بہبود کیلۓ منظم جدوجہد کرنے کیلۓ مختصر فنڈز قاٸم کرنے کا بھی فیصلہ ہوا اور ابتداٸ طور پر ھر خاندان پر ماہوار پانچ سو (500) روپیہ فند جمع کرنا لازمی قرار دیدیا گیا ۔
