SIG services

31/05/2023

04/02/2023

ایران کے اس جوڑے کی سڑک پر ڈانس کرنے کی ویڈیو سوشل میڈیا پر وائرل ہوئی ہے۔
غیر ملکی خبر ایجنسی کے مطابق ایران کی عدالت نے جوڑے پر عریانیت، کرپشن اور پروپیگنڈے کو فروغ کے دینے کے جرم پر سزا سنائی ہے۔
21 سالہ استیاض حقی اور اس کے منگیتر امیر محمد احمدی کی جانب سے رقص کی ویڈیو اپنے انسٹاگرام اکاؤنٹ پر شیئر کی گئی تھی جو وائرل ہو گئی، ویڈیو میں دونوں تہران کے آزادی ٹاور پر رقص کررہے تھے۔
جوڑے پر 2 سال کے لیے سوشل میڈیا استعمال کرنے پر بھی پابندی عائد کی گئی ہے جب کہ انہیں ملک چھوڑنے کا بھی کہا گیا ہے۔
رپورٹس کے مطابق ایران میں پولیس حراست میں لی گئی خاتون مہسا امینی کی موت کے بعد احتجاج کرنے والے لوگوں کو سخت سزائیں دی جا رہی ہیں تاہم جوڑے نے اپنے رقص کو ایران میں جاری احتجاج سے منسلک نہیں کیا

04/02/2023

عالمی مالیاتی ادارے آئی ایم ایف نے بجلی گیس ٹیرف بڑھانے اور پیٹرولیم پر 18فیصد جی ایس ٹی لگانے کا مطالبہ کردیا ہے، خسارے کے شکار سرکاری اداروں کی نجکاری اور ریگولرآڈٹ کرنے پر زور دیا، پی آئی اے ، اسٹیل ملز سمیت دیگر اداروں کے نقصانات میں کمی لانے پربھی زور دیا۔ جیو نیوز کے مطابق پاکستان اور آئی ایم ایف کے درمیان ٹیکینکل سطح پر مذاکرات اختتام پذیر ہوگئے۔
اب پاکستان اور آئی ایم ایف کے درمیان پالیسی سطح کے مذاکرات ہونگے۔ پاکستان اور آئی ایم ایف ٹیکنیکل سطح کے مذاکرات کے خدو خال تیارکرلئے گئے۔ مذاکرات میں بجٹ خسارہ کم کرنے کی تجاویز پرغور کیا گیا۔ آئی ایم ایف نے بجلی گیس ٹیرف بڑھانے اورپیٹرولیم پر 18فیصد جی ایس ٹی لگانے کا مطالبہ کردیا ہے، مذاکرات میں آئی ایم ایف نے خسارے کے شکار سرکاری اداروں کی نجکاری پر زور دیا ،نجکاری کے ذریعے معیشت میں ریاستی عمل دخل محدود کرنے کا مطالبہ کیا گیا،آئی ایم ایف نے سرکاری اداروں کے ریگولرآڈٹ پر بھی زور دیا گیا۔

03/02/2023

اپریل تک روس سے تیل کی فراہمی شروع ہوجائے گی، کمرشل تفصیلات مارچ سے پہلے طے ہوجائیں گی، ایران سے عالمی پابندیوں کے باعث تیل اور گیس نہیں خرید سکتے، تاہم بارٹر سسٹم کے تحت تجارت کو فروغ دیں گے۔ دنیا نیوز کے ساتھ وزیرمملکت پیٹرولیم مصدق ملک نے کہا کہ روس سے تیل لینے کا فیصلہ بھی ہوگیا ہے، روسی اور انگریزی زبان میں معاہدے کا اعلان بھی کیا گیا، روسی وزیرنے خود کہا کہ ہم نے 45 روز قبل جو معاملہ شروع ہوا وہ تکمیل ہوگئی، وہ بات بھی واضح ہوگئی کہ کیا معاملہ عمران خان کے دور کا چل رہا تھا؟ وزیرمملکت پیٹرولیم مصدق ملک نے سینیٹ میں اظہار خیال کرتے ہوئے کہا کہ امید ہے اپریل تک روس سے تیل کی فراہمی شروع ہوجائے گی، دونوں ممالک میں تمام کمرشل تفصیلات مارچ سے پہلے طے ہوجائیں گی، پاکستان اور روس کے درمیان سستے تیل کی خریداری پر مذاکرات 45 دنوں میں پایہ تکمیل کو پہنچے، مذاکرات کے بعد دونوں ممالک کے درمیان ابتدائی معاہدہ طے پاچکا ہے۔

03/02/2023

انڈین ریاست بہار میں بارہویں جماعت کا طالب علم کمرۂ امتحان میں 50 لڑکیوں کے درمیان خود کو اکیلا پا کر بے ہوش ہو گیا۔

انڈین اخبار ہندوستان ٹائمز کے مطابق جب لڑکے نے دیکھا کہ کمرہ امتحان میں 50 لڑکیوں میں اکیلا پیپر دے گا تو بے ہوش ہونے سے پہلے اسے بخار ہو گیا۔

منی شنکر نامی اس لڑکے کی رشتہ دار کے مطابق شنکر کو فوری طور پر ہسپتال منتقل کیا گیا۔

ان کے مطابق ’وہ امتحانی سنٹر میں گیا تو دیکھا کہ ہال لڑکیوں سے بھرا ہوا ہے، وہ نروس ہو گیا اور اسے بخار چڑھ گیا اور بے ہوش ہو گیا۔ علاج کے بعد شنکر کی طبیعت اب بہتر بتائی جا رہی ہے۔
۔

03/02/2023

ان ختنہ شدہ مردوں کی سب سے بڑی تعداد مسلمانوں کی ہے کیونکہ مذہب اسلام میں نوزائیدہ بچوں میں پیدائش کے وقت یا کچھ عرصے بعد ختنہ کرنا ضروری ہے۔ اس طرح یہودی مذہب کے پیروکار بھی بچوں کے ختنہ لازمی کرواتے ہیں
عضوِ تناسل کے آخری حصے سے باریک جھلی کو اتار دینے کی روایت کو ختنہ کہا جاتا ہے اور اس کی شروعات مذاہب سے بھی پہلے ہوئی تھی۔

یہ باریک جھلی عضو تناسل کی نرم جلد کا وہ حصہ ہے جو اس عضو کے اختتامی حصے پر ہوتی ہے۔ عضو تناسل پر موجود باقی جلد اس عضو سے مضبوطی سے جڑی ہوئی ہوتی ہے۔

اس نرم جلد کی اندرونی سطح چکنی ہوتی ہے بلکہ ویسے ہی جیسے ہمارے منھ کے اندر کی جلد یا خواتین میں اندام نہانی کی اندرونی جلد۔

بی بی سی سے بات کرتے ہوئے امریکن کنفیڈریشن آف یورولوجی سے تعلق رکھنے والی یورولوجسٹ اینا ماریا اوٹران بتاتی ہیں کہ ’اس نرم جلد کا بنیادی کام عضو تناسل کے اختتامی حصے کو ڈھانپنا یعنی کوور فراہم کرنا ہے۔‘

ماہرین کا یہ بھی ماننا ہے کہ اس جلد کا کچھ مدافعتی فعل بھی ہو سکتا ہے کیونکہ عضوتناسل کا آخری حصہ انتہائی حساس ہوتا ہے۔ یہی وجہ ہے کہ ختنہ ہونے کے بعد کے ابتدائی دنوں میں اس حصے پر ہوا یا لباس کا لمس محسوس ہونے سے بھی تکلیف محسوس ہوتی ہے۔ تاہم وقت گزرنے کے ساتھ یہ جگہ کسی حد تک سخت ہو جاتی ہے اور زیادہ تر حساسیت کھو دیتی ہے۔

ختنہ (سرجری) عام طور پر دو طریقوں سے کی جاتی ہے: روایتی طریقے سے یعنی نرم جلد کو سکیلپل (جراحی میں انسانی جسم پر کٹ لگانے والا آلہ جس کے آخر میں بلیڈ لگا ہوتا ہے) کی مدد سے کاٹنا، یا سٹیپل گن کے ذریعے۔بڑی عمر کے لڑکوں یا مردوں میں ختنہ کے عمل سے پہلے لوکل اینستھیزیا بھی استعمال کیا جاتا ہے تاکہ زیادہ تکلیف کا احساس نہ ہو۔

03/02/2023

پاکستان اور انٹرنیشنل مانیٹری فنڈ (آئی ایم ایف) کے درمیان سات ارب ڈالر کے قرض پروگرام کی بحالی کے لیے مذاکرات اسلام آباد میں شروع ہو چکے ہیں جو نو فروری تک جاری رہیں گے۔

آئی ایم ایف کا قیام 1944 میں ہوا تھا جبکہ پاکستان 11 جولائی 1950 کو آئی ایم ایف کا رکن بنا تھا۔

آئی ایم ایف نے پاکستان کو دیے جانے والے قرض کی قسط کو روک رکھا ہے اور حکومت سے ٹیکس اکھٹا کرنے کے حوالے سے سخت مطالبات رکھے ہیں جن پر گفت و شنید اب جاری ہے

02/02/2023

مردوں میں مخصوص کمزوری کے مسئلے کی بڑی وجہ دوران خون کی خرابی ہوتی ہے اور یہ مسئلہ بسااوقات مہنگے علاج سے بھی رفع نہیں ہوتا تاہم اب ترک سائنسدانوں نے ہر گھر میں پائی جانے والی ایک عام سی گولی کے ذریعے اس کا انتہائی آسان علاج بتا دیا ہے۔
خبر کے مطابق یہ گولی ”اسپرین“ ہےجس کے متعلق استنبول کی میڈی پول یونیورسٹی کے سائنسدانوں کا کہنا ہے کہ اگر مردانہ کمزوری کے مسئلے سے دوچار مرد اسپرین کی روزانہ ایک گولی مسلسل6ہفتے تک کھائیں تو انہیں اس مسئلے سے نجات مل جائے گی۔
رپورٹ کے مطابق سائنسدانوں نے اس تحقیق میں 184ایسے مردوں پر تجربات کیے جن کی عمراوسطاً48سال تھی اور وہ اس مرض کا شکار تھے۔
انہیں دو گروپوں میں تقسیم کرکے سائنسدانوں نے ایک گروپ کو 6ہفتے تک روزانہ اسپرین کی ایک گولی کھلائی جبکہ دوسرے گروپ کو نقلی گولی دی جاتی رہی ۔
اس سے دوسرے گروپ کے لوگوں کو بھی یہ احساس رہتا ہے کہ وہ بھی گولی کھا رہے ہیں لیکن گولی کا کوئی منفی یا مثبت اثر نہیں ہوتا۔
تقریباً چھ ہفتے بعد ماہرین نے دوبارہ ان کے مرض کے تجزیات کیے تو حیران کن نتائج سامنے آئے۔
نقلی گولی کھانے والوں کو کوئی فرق نہیں پڑا تھا جبکہ جو لوگ روزانہ اسپرین کی گولی کھا رہے تھے ان کا 50سے 88.3فیصد تک مرض ختم ہو گیا تھا۔
جنسی تقویت کی گولی ’ویاگرا‘ کھانے سے یہ شرح 48سے 81فیصد ہوتی ہے۔ چنانچہ اس تحقیق میں اسپرین کے نتائج ویاگرا سے بھی بہترسامنے آئے۔
تحقیقاتی ٹیم کے سربراہ ڈاکٹر ذکی بائراکتر کا کہنا تھا کہ بعض لوگوں کے خون میں موجود پلیٹ لیٹس بہت بڑے ہوتے ہیں جو دوران خون میں رکاوٹ بنتے ہیں۔
اسپرین کی گولی ان سمیت دوران خون میں رکاوٹ کی دیگر وجوہات کو دور کر دیتی ہے جس کے نتیجے میں مردوں کا یہ جنسی مسئلہ حل ہو جاتا ہے۔

02/02/2023

پاسپورٹ پر دبئی جانے والے افغان شہری کو گرفتار کرلیا گیا۔ میڈیا رپورٹس کے مطابق اس حوالے سے ایف آئی اے امیگریشن کی جانب سے کارروائی عمل میں لائی گئی، جس کے نتیجے میں پاکستانی پاسپورٹ پر دبئی کا سفر کرنے والے افغان شہری کو فلائٹ نمبر پی کے 213 سے آف لوڈ کرکے حراست میں لیا گیا، ملزم پاکستان کے پاسپورٹ پر سیر کی غرض سے دبئی جارہا تھا، گرفتار افغان شہری کو اینٹی ہیومن ٹریفکنگ سرکل کراچی منتقل کردیا گیا جہاں ملزم سے مزید تفتیش کی جائے گی۔
ایف آئی اے حکام نے کہا ہے کہ گرفتار افغان شہری کو 2019ء میں دس سال کیلئے 2029ء تک پاسپورٹ جاری کیا گیا، ملزم کو جاری کردہ پاکستانی پاسپورٹ پر صوبہ بلوچستان کے ضلع قلع سیف اللہ کا پتہ درج ہے، تاہم گرفتار ملزم پاکستانی شہریت کے حوالے سے سوالات پر حکام کو مطمئن کرنے میں ناکام رہا، اس سلسلے میں جب ملزم سے جائے پیدائش اور خاندان کے افراد کے حوالے سے سوالات کیے گئے تو وہ کسی بھی سوال کا تسلی بخش جواب نہ دے سکا ادھر وفاقی تحقیقاتی ادارے (ایف آئی اے) نے ملزمان کا بیرون ملک فرار روکنے کے لیے جدید ٹیکنالوجی کی مدد لینے کا فیصلہ کیا ہے، اس مقصد کے لئے کراچی کے جناح انٹرنیشنل ائیرپورٹ پر مطلوب افراد کی نشاندہی اور سراغ لگانے کے لیے فیشل ٹیکنالوجی استعمال کی جائے گی، جدید آلات کے ذریعے چہرے کی ساخت اور نقوش سے کسی بھی ملزم کو شناخت کرکے اس کا بیرون ملک فرار روکا جائے گا۔

02/02/2023

سوشل میڈیا پر شیخ رشید کی پولی کلینک ہسپتال میں گفتگو کی ویڈیو وائرل ہوگئی جس میں انہوں نے کہا کہ میں 16 بار وزیر رہا ہوں، مجھ پر 16 وزارتوں میں کرپشن کا کوئی کیس نہیں ہے، بلو رانی کا بھی میرے ساتھ ٹیسٹ کیا جائے۔شیخ رشید نے نے کہا کہ اگر میری گرفتاری کے دوران کوئی دھماکا یا ہلاکت ہوئی تو بلاول بھٹو زرداری، رانا ثناء اللہ ،شہباز شریف، حمزہ شہباز اور مریم نواز پر مقدمہ درج کیاجائے۔

02/02/2023

زرمبادلہ ذخائر 10 سال کی کم ترین سطح پر آ گئے

2 ہفتوں کی امپورٹس کیلئے بھی پیسے باقی نہ رہے، سرکاری زرمبادلہ ذخائر 3 ارب 8 کروڑ ڈالرز کی کم ترین سطح تک گر گئے

زرمبادلہ ذخائر 10 سال کی کم ترین سطح پر آ گئے۔ تفصیلات کے مطابق پاکستان کے زرمبادلہ ذخائر میں مزید تشویش ناک کمی ہوئی ہے۔ اسٹیٹ بینک کی جانب سے جاری کردہ اعداد و شمار کے مطابق ملک کے زرمبادلہ ذخائر مزید گراوٹ سے 10 سال کی کم ترین سطح پر آ گئے ہیں۔ اسٹیٹ بینک کے زرمبادلہ ذخائر میں 59 کروڑ 20 لاکھ ڈالر کمی کے بعد زرمبادلہ ذخائر 3 ارب 8 کروڑ 62 لاکھ ڈالر پر پہنچ گئے ہیں، زرمبادلہ ذخائر میں کمی بیرونی قرضوں کی ادائیگیوں کے باعث ہوئی۔
جبکہ کمرشل بینکوں کے پاس 5 ارب 65 کروڑ 55 لاکھ ڈالر کے زرمبادلہ ذخائر ہیں۔ یوں ملک کے مجموعی زرمبادلہ ذخائر 8 ارب 74 کروڑ ڈالرز ہو گئے۔ میڈیا رپورٹس کے مطابق اسٹیٹ بینک کے زرمبادلہ ذخائر 2 ہفتوں کی امپورٹس کی ادائیگیوں کیلئے بھی کافی نہیں ہیں۔

31/01/2023

پاکستان میں سعودی سفارتخانے نے ٹوئٹر پر جاری بیان میں کہا ہے کہ’ سعودی عرب پاکستان میں پشاور کی ایک مسجد میں دہشت گردانہ حملے کی شدید مذمت کرتا ہے۔‘
سعودی وزارت خارجہ نے اپنے بیان میں عبادت گاہوں کو نشانہ بنانے، پُر امن لوگوں کو دھمکانے اور بے گناہوں کا خون بہانے جیسی کارروائیوں کی مذمت کرتے ہوئے اس بات کی تاکید کی ہے کہ’ ہر قسم کے تشدد، انتہا پسندی اور دہشت گردی خواہ اس کے مقاصد و محرکات کچھ بھی ہوں، ان کے خلاف سعودی عرب برادر ملک پاکستان کے ساتھ کھڑا ہے۔‘
سعودی وزارت خارجہ نے اپنے بیان میں متاثرین کے اہلِ خانہ اور پاکستان کی حکومت اور عوام کے ساتھ تعزیت اور ہمدردی کا اظہار اور زخمیوں کی جلد صحت یابی کے لیے نیک تمنائیں بھی دی ہیں۔

31/01/2023

ترجمان محمد عاصم کے مطابق زخمیوں میں سے سات اس وقت آئی سی یو میں داخل ہیں۔

انھوں نے بتایا کہ ابھی تک 100 ڈیڈ باڈیز ایل آر ایچ لائی جا چکی ہیں اور داخل زخمیوں میں سے زیادہ تر کی حالت خطرے سے باہر ہے

31/01/2023

انھوں نے کہا کہ ’100 لوگ ہلاک ہوئے ہیں، اس کا مطلب ہوتا ہے، تقریباً 700 افراد متاثر ہوئے ہیں۔‘
نور عالم خان نے کہا کہ ’آپ ہمیں کہتے ہیں کہ 25، 30 سال سے یہ سب ہو رہا ہے، کون کر رہا ہے؟ کیا میں دہشتگرد ہوں؟
’کون کر رہا ہے اور وہ ذمہ داری کون عائد کرے گا؟ یہاں پر تقریر کرنے سے کیا فائدہ، یہاں جو بھی بولتا ہے وہ پھر نہیں رہتا ہے۔
نور عالم خان کا کہنا تھا کہ ’سارے پختون پاکستان سے محبت کرتے ہیں لیکن گلہ رہتا ہے کہ آپ کی پالیسیوں کی وجہ سے ہم مرتے ہیں۔‘
انھوں نے کہا کہ ’آج یہاں آپ کو چاہیے تھا کہ ایک پالیسی بیان لاتے، آرمی چیف آتے اور ہمیں بتائیں کہ کس وجہ سے ایسا ہو رہا ہے اور کون ذمہ دار تھا۔‘
ان کا مزید کہنا تھا کہ آپ بتا دیں اگلے تیس سال آپ نے ہمارے ساتھ کیا کرنا ہے، کیا پھر ہمارے لوگ ایسے ہی شہید ہوں گے۔ اس ملک کے مالکان سے سوال ہے کہ اب آپ ہمارے ساتھ کیا کرنا چاہتے ہیں۔‘

31/01/2023

وفاقی وزیرِ داخلہ رانا ثنا اللہ نے کہا کہ ’درجنوں ایسے واقعات لاہور میں ہو چکے ہیں جن میں ایک ایک واقعے میں شہادتوں کا نمبر 100 سے زیادہ رہے ہیں۔
’ان میں سے اکثر کا تعلق پنجاب سے نہیں تھا لیکن میں یہ نہیں کہنا چاہوں گا کہ ان کا تعلق کہاں سے تھا، وہ پاکستان دشمن تھے۔‘
اجلاس سے خطاب کرتے ہوئے وفاقی وزیر داخلہ رانا ثنااللہ کا کہنا تھا کہ ہم نے ہر قیمت پر دہشت گردی کے خلاف جنگ جیتنی ہے۔
وفاقی وزیر داخلہ رانا ثنااللہ کا کہنا تھا کہ ’پشاور واقعے پر ہر پاکستانی افسردہ ہے، ہمیں مجاہدین تیار کرنے کی ضرورت نہیں تھی۔

30/01/2023

تیز رفتار ٹرین کے سفر کے دوران بچے کی پیدائش.
ریلوے حکام کے مطابق حاملہ خاتون کو سفر کے آغاز میں تکلیف محسوس ہونا شروع ہوئی تھی۔
اس خاتون نے عملے کو آگاہ کیا جس کے بعد ٹرین کو مشرقی فرانس کے ایک اسٹیشن پر روک دیا گیا۔
اس اسٹیشن پر طبی عملے نے خاتون کا جائزہ لیا اور بچے کی پیدائش میں مدد فراہم کی۔
اس موقع پر دیگر مسافروں کو تحمل کے ساتھ انتظار کرنے کا کہا گیا اور 80 منٹ کے بعد لڑکے کی پیدائش ہوئی۔
حکام کے مطابق بچے کی پیدائش طے شدہ وقت سے کچھ پہلے ہوگئی تھی جس کے باعث ماں اور بچے کو قریبی اسپتال منتقل کیا گیا، جہاں ان کی حالت مستحکم ہے۔
اب لوگ یہ سوچ کر حیران ہورہے ہیں کہ کیا اس بچے کو حکام کی جانب سے کوئی تحفہ دیا جائے گا یا اسے اس کے لیے ٹرین کا سفر مفت کردیا جائے گا، جیسا طیاروں میں بچوں کی پیدائش کے بعد ہوتا ہے۔

30/01/2023

لیڈی ریڈنگ ہسپتال کے ترجمان کے مطابق کل 157 زخمیوں میں سے اس وقت ہسپتال میں 65 زخمی داخل ہیں جبکہ باقی افراد کو ابتدائی طبی علاج معالجے کے بعد ڈسچارج کر دیا گیا ہے ۔

ترجمان کے مطابق ہسپتال میں 59 افراد کی لاشیں لائی گئی ہیں۔ ہلاک اور زخمی ہونے والوں میں بیشتر پولیس اہلکار ہیں

30/01/2023

ٹکٹ کوئٹہ کے 4 مختلف مقامات پر فروخت کے لیے رکھے گئے ہیں ، بولان کرکٹ سٹیڈیم اور بگٹی کرکٹ سٹیڈیم بھی شامل

جانے والے اس نمائشی میچ میں ملک کے نامور کرکٹرز شرکت کریں گے جن میں شاہد خان آفریدی بھی شامل ہیں، ان کے ہونے والے داماد اور ممتاز فاسٹ بولر شاہین شاہ آفریدی اپنی شادی کی تیاریوں کے سبب میچ میں شرکت نہیں کریں گے تاہم قومی کپتان بابراعظم، سابق ٹیسٹ کپتان سرفراز احمد، محمد نواز، نسیم شاہ، افتخار احمد، محمد حسنین اور عمر اکمل جیسے کھلاڑی بھی ایکشن میں نظر آئیں گے۔ ذرائع کے مطابق میچ میں کسی غیر ملکی کرکٹر کی شرکت کا امکان نہیں ہے