Zakham Taza Rakhta Hoon زخم تازہ رکھتا ہوں

17/07/2022

06/07/2022

منزل تِری تلاش میں گھومے گی دَر بدر
خلق ِ خُدا کی راہ سے روڑے ہٹا کے دیکھ

عرشِ بَریں پہ ہو گا تِرا تذکرہ بحال
اَپنے پرائے سب کو ذرا مسکرا کے دیکھ
۔۔۔۔۔
عابی مکھنوی

05/07/2022

Pardesio k naam... 😔😞

پردیس

۔۔۔۔۔۔۔۔۔۔۔۔۔

گندم خون رلا دیتی ہے

پردے بھوک اٹھا دیتی ہے

آٹا روگ لگا دیتا ہے

پیسہ عیب چھپا لیتا ہے

دائیں بائیں شور یہ سن کے

میں بھی من میں ٹھان کے اٹھا

جتنا جھوٹ سنا تھا عابی

دل سے سچا جان کے اٹھا

دھرتی سے پھر ہاتھ ملا کے

آنکھوں میں چند خواب سجا کے

بستر چادر تکیہ باندھا

میلے سے دو سوٹ اٹھا کے

ماں کا ماتھا چوما میں نے

گھر کو غور سے دیکھا میں نے

سب کا دامن چھوڑ کے نکلا

رشتے ناتے توڑ کے نکلا

زر سے بندھن جوڑ کے نکلا

برسوں بعد کا منظر سن لو

گاؤں گلیاں یاد آتی ہیں

اشکوں کی برسات ہے میں ہوں

سنگی ساتھی بھول چکے ہیں

تنہائی ہے رات ہے میں ہوں

جانے کتنے سال ہوئے ہیں

پنکھے کی آواز ہے میں ہوں

پیسہ آج بہت ہے لیکن

بھوک سے بڑھ کر روگ لگے ہیں

ممتا مجھ سے دور بسی ہے

بہن اور بھائی بھول چکے ہیں

باپ کا سایہ روٹھ چکا ہے

پیسہ روگ مٹا سکتا جو

میری دنیا جنت ہوتی

پنکھے کی آواز نہ ہوتی

تنہا کالی رات نہ ہوتی

اشکوں کی برسات نہ ہوتی

جیت کے ایسے مات نہ ہوتی

جیت کے ایسے مات نہ ہوتی

۔۔۔۔

عابی مکھنوی

04/07/2022

صلی اللّٰہ علیہ وآلہ واصحابہ وسلم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو ہوئے آپ کے اُن پہ سب کُچھ فِدا ! جو نہیں آپ کا وہ ہمارا نہیں

جیسے صِدیق کو باپ بیٹے سے بھی ! بِن محمد تعلق گوارہ نہیں

یہ جو اعمال ہیں اِن پہ تکیہ نہیں ! جیب میں سکے جتنے ہیں کھوٹے ہیں سب !
آپ ہوں گے وہاں ہے یہ کافی ہمیں ! ہم گناہگار ہیں بے سہارا نہیں

آپ نے پتھروں کو نگینہ کیا ! عام سے شہر کو پھر مدینہ کیا
آپ اُترے زمیں آسماں بن گئی آپ سے جو جُڑا پھر وہ ہارا نہیں

اتنی صدیوں تلک آ گئی روشنی ! تا قیامت ضیا آپ کی جائے گی
کہکشائیں ہیں کیا ! گردِ نعلین ہیں ! آپ کی ضو کا کوئی کِنارا نہیں

کالی کملی نہیں آسماں ہے کوئی اُس پہ رب٘ نے چُنے اپنے سب لاڈلے !
آپ کے ساتھیوں کے مقابل دِکھے ایسا اِک بھی فلک پہ سِتارہ نہیں

چاند پر داغ ہیں اور ہیں سورج کئی ! پھول باسی ہُوا ، رنگ سب عارضی !
نعت کہنے کو اِک بھی جہاں میں کہیں ! ہاں نہیں ! ایک بھی اِستعارہ نہیں

کتنے آئے گئے ! آئیں گے جائیں گے ! فلسفی منطقی ! رہبر و رہنما
عقل کی عشق کی سلطنت پہ مگر ! بِن محمد کسی کا اِجارہ نہیں

ایک اُنگلی نہیں جو اُٹھے آپ پر ایسا پاکیزہ دامن کسی کا نہیں !
رب٘ نے ایسا کسی کو نکھارا نہیں ! رب٘ کو اتنا تو کوئی بھی پیارا نہیں

آپ کی گفتگو جتنی محفوظ ہے اُس کے ہر لفظ میں ہیں خزانے چُھپے !
آپ جیسا سوا آپ کے کون ہے ! رب٘ نے پھر کوئی اُم٘ی اُتارا نہیں

نوعِ انساں کے ہر دُکھ کی ٹھہری دوا سیرتِ مصطفیٰ ! دِینِ ختم الرُسل !
آپ سب کے نبی آپ سب کے شفیع ! یہ اُجالا ہمارا تمھارا نہیں
۔۔۔۔۔۔۔۔۔۔۔۔
عابی مکھنوی

04/07/2022

Wohi kaaghaz wohi kamra wohi aansoo wohi aabi,
Wohi yaadon ka sarmaaya wohi ashhaar ki baaten..

04/07/2022

❤️

04/07/2022

04/07/2022