Khabarnama Digital

07/09/2025

فخرِ پنڈ دایاں راجہ صغیر بقاضائی الہی انتقال کر گئے
پنڈ دایاں: علاقے کی معروف سماجی شخصیت فخرِ پنڈ دایاں راجہ صغیر بقاضائی الہی رضائے الہی سے انتقال کر گئے۔ مرحوم کا نمازِ جنازہ آج شام 6 بجے ادا کیا گیا، جس میں اہلِ علاقہ، رشتہ داروں، سیاسی و سماجی شخصیات اور دوست احباب کی بہت بڑی تعداد نے شرکت کی۔

مرحوم راجہ صغیر بقاضائی الہی نہایت ملنسار اور خوش اخلاق انسان تھے جو ہمیشہ خوشی اور غم کے موقعوں پر سب کے ساتھ شریک رہتے تھے۔ ان کی وفات سے پورے علاقے میں سوگ کی کیفیت طاری ہے۔ دعا ہے کہ اللہ پاک مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔ آمین۔

07/09/2025

07/09/2025

یونین کونسل سہالہ کے چیئرمین چوہدری قیصر عظیم، چوہدری مدثر عظیم اینڈ برادران کی زیرِ نگرانی ہر سال کی طرح اس سال بھی 12 ربیع الاول اور حضور اکرم ﷺ کی ولادت باسعادت کے 1500 سال مکمل ہونے کی خوشی میں عظیم الشان میلاد مصطفی ﷺ کا انعقاد کیا گیا۔
یہ محفل سہالہ کی تاریخ کی سب سے بڑی اور شاندار محفلِ میلاد قرار دی جا رہی ہے۔ ملک بھر سے نامور علما کرام اور عاشقانِ رسول ﷺ جلوس کی شکل میں پرجوش نعرے لگاتے ہوئے اسٹیج تک پہنچے، جہاں چیئرمین یو سی سہالہ چوہدری قیصر عظیم،چوہدری قیصر علی خان ، چوہدری مدثر عظیم ،چوہدری وقار مشتاق اور چوہدری برادران نے پرتپاک استقبال کیا۔
سیاسی، سماجی اور کاروباری شخصیات کے علاوہ بزرگانِ دین اور علمائے کرام کی بہت بڑی تعداد نے اس محفل میں شرکت کی۔ محفل کا آغاز تلاوتِ قرآن پاک اور نعتِ رسولِ مقبول ﷺ سے ہوا۔ علما کرام نے سیرت النبی ﷺ اور 1500 سالہ میلاد مصطفی ﷺ کی اہمیت پر پرمغز خطابات کیے۔ محفل کے دوران روح پرور ماحول میں درود و سلام کی صدائیں گونجتی رہیں۔
تقریب کی سب سے خاص بات یہ تھی کہ قرعہ اندازی کے ذریعے دو خوش نصیب شرکاء کو عمرہ کے ٹکٹ دیے گئے جس پر محفل کے شرکاء میں خوشی کی لہر دوڑ گئی۔
اختتام پر امت مسلمہ کی سلامتی، پاکستان کی ترقی اور اتحادِ امت کے لیے خصوصی دعا کروائی گئی۔ حاضرین میں لنگر تقسیم کیا گیا اور عوام نے چوہدری قیصر عظیم، چوہدری مدثر عظیم اور چوہدری برادران کا شاندار محفل میلاد کے انعقاد پر شکریہ ادا کیا۔ اس دن کو سہالہ کی دینی و سماجی تاریخ کا ایک یادگار اور سنہری باب قرار دیا گیا۔مزید مناظر اور محفل کی جھلکیاں دیکھنے کے لیے ہماری ویڈیو مکمل دیکھیں شکریہ

07/09/2025

یوسی 36 نیازیاں میں جشن عید میلاد النبی ﷺ کا عظیم الشان جلوس
آج 12 ربیع الاول نہایت جوش و خروش سے منایا گیا۔ یوسی 36 نیازیاں میں دن کا آغاز دعا سے ہوا۔ گاؤں موضع نیازیاں سے حافظ شفقت محمود ضیائی اور راجہ محمد افضل چشتی کی قیادت میں حسبِ روایت جشنِ عید میلاد النبی ﷺ کا عظیم الشان جلوس نکالا گیا جو مختلف راستوں سے گزرتا ہوا مرکزی جلوس جامعہ آمنہ ضیاء البنات میں شامل ہوا۔
بعد ازاں جلوس کے شرکاء اکٹھے ہوکر ماڈل ٹاؤن ہمک کی طرف روانہ ہوئے۔ راستے میں ریلیوں کی شکل میں لوگ شامل ہوتے گئے اور جلوس ایک تاریخی اجتماع میں تبدیل ہوگیا۔ جب جلوس ماڈل ٹاؤن ہمک پہنچا تو وہاں موجود امیدوار برائے چیئرمین یوسی 36 حاجی ملک عادل حسن نے بھرپور استقبال کیا۔ حاجی ملک عادل حسن عزیزاوقارب اور جاوا کی ملک برادری اور دوستوں نے شرکاء پر پھولوں کی پتیاں نچھاور کیں،اور تاریخی اتقبال کیا اس کے بعد میلاد شریف کا کیک کاٹا گیا اور دعا کی گئی۔
اس موقع پر مہمانوں کو آبِ زم زم پیش کیا گیا۔ حاجی ملک اشتیاق،ملک انیس ،ملک فضل اکرام ، امیدوار برائے جنرل کونسلر چوہدری محمد اکرام، راجہ اسرار سلیم ،راجہ امجد سلیم اور دیگر علماء کرام نے بڑی تعداد میں شرکت کی۔ حاجی ملک عادل حسن کے بیٹے نے تلاوتِ قرآنِ پاک کی سعادت حاصل کی جس کے بعد روح پرور محفل میلاد اپنے اختتام کو پہنچی۔
آخر میں امیدوار برائے چیئرمین یوسی 36 حاجی ملک عادل حسن نے خبرنامہ ٹی وی سے گفتگو کرتے ہوئے کہا کہ:
"جب تک زندگی ہے، ہم اسی طرح جوش و جذبے سے میلاد النبی ﷺ مناتے رہیں گے۔"
انہوں نے آنے والے تمام معزز مہمانوں کا خصوصی شکریہ ادا کیا۔
مزید مناظر اور جلوس کی جھلکیاں دیکھنے کے لیے مکمل ویڈیو ضرور دیکھیں۔عکاسی راجہ ساجد

07/09/2025

1500 سالہ محفل میلاد ﷺ جھلکیاں ۔۔

05/09/2025

"ساجدہ نصیر کا مطالبہ: یوسی 67 کی ڈسپنسری فوری بحال کی جائے – عوام کو صحت کی سہولت سے محروم نہ رکھا جائے!"


#یوسی67