06/09/2025
احساسات کو کوئی قیمت تول نہیں سکتی، نہ ہی یہ دنیا کے کسی بازار میں سکے کے عوض دستیاب ہوتے ہیں۔ یہ تو اس پاکیزہ دھارے کی مانند ہیں جو صرف انہی دلوں میں بہتا ہے جو خلوص اور نرمی سے سیراب ہوں۔ وہی لوگ اس کی گہرائی کو محسوس کر پاتے ہیں جن کی آنکھیں دوسروں کے دکھ میں نم ہو سکتی ہوں، اور جن کا دل کسی کی خاموش پکار سننے کے لیے بے تاب رہتا ہے۔
جس طرح نرم اور زرخیز مٹی میں ہری بھری فصلیں پھوٹتی ہیں، ویسے ہی نرم دل ہی میں احساسات کی سوئیں پنپتی ہیں۔ پتھریلی زمین پر تو صرف جھاڑیاں اگتی ہیں—بے رحم اور خاردار۔ اسی طرح سخت دل انسانوں کے مقدر میں محبت، ہمدردی اور دردمندی جیسے قیمتی جذبات نہیں پھوٹ پاتے۔ احساس ایک ایسا تحفہ ہے جو صرف نرم دلوں کی زمین میں پروان چڑھتا ہے، اور یہی وہ لوگ ہیں جو دنیا میں حسن اور انسانیت برقرار رکھتے ہیں۔
— عمر
