Jammu Kashmir Digital

23/11/2025

میٹا اور دیگر سوشل میڈیا پلیٹ فارمز کے خلاف دائر کیے گئے امریکی تعلیمی اداروں کے ایک مقدمے میں جو دستاویزات سامنے آئیں، اُن سے معلوم ہوا کہ میٹا نے فیس بک اور انسٹاگرام کے ذہنی صحت پر اثرات سے متعلق اپنی اندرونی تحقیق اس وقت روک دی جب نتائج کمپنی کے لیے خطرناک ثابت ہونے لگے۔پروجیکٹ مرکری‘‘ کے عنوان سے ہونے والی اندرونی تحقیق میں یہ انکشاف سامنے آیا تھا کہ جو صارفین ایک ہفتے تک فیس بک استعمال نہیں کرتے تھے، وہ افسردگی، اضطراب اور تنہائی میں واضح کمی محسوس کرنے لگتے تھے۔کمپنی کے خلاف ان منفی نتائج کو شائع کرنے یا مزید تحقیق کرنے کی بجائے میٹا نے یہ پروجیکٹ ہی منسوخ کر دیا اور کہا کہ نتائج میڈیا بیانیے کے ساتھ ’’الجھ‘‘ گئے ہیں۔ جب کہ کمپنی کے سائنس دانوں نے اپنی قیادت، خصوصاً میٹا کے عالمی پالیسی چیف نِک کَلیگ کو یہ یقین دلایا تھا کہ یہ نتائج بالکل درست ہیں، یعنی نتائج میں ان سے کوئی غلطی نہیں ہوئی ہے۔یہ تحقیق میٹا کے سائنس دانوں نے نیلسن کمپنی کے ساتھ 2020 میں کی تھی، تاکہ یہ معلوم کیا جا سکے کہ فیس بک اور انسٹاگرام کا استعمال اگر روک دیا جائے تو اس کے اثرات کیا مرتب ہوں گے۔ لیکن دستاویزات سے پتا چلتا ہے کہ کمپنی اس وقت مایوس ہوئی جب اسے یہ معلوم ہوا کہ جن لوگوں نے ایک ہفتے تک فیس بک استعمال نہیں کی، انھوں نے افسردگی، اضطراب، تنہائی اور کمتری کے جذبات میں کمی کی رپورٹ دی۔

23/11/2025

وزیراعلیٰ کےپی سہیل آفریدی نے کہا ہے کہ افغانستان گیا تو کہوں گا ہم پختون، مسلمان اور پڑوسی ہیں، حملے بند کرو، ہم پاکستان سے عشق کرتے ہیں۔تفصیلات کے مطابق وزیراعلیٰ خیبر پختونخوا سہیل آفریدی نے ڈیفنس کاریسپونڈنٹس سے گفتگو کرتے ہوئے کہا کہ اگر افغان مجھے انکار کریں تو میرے پاس بھی جواز ہوگا، پاکستان سے عشق کرتے ہیں، پاکستان ہم سے اور ہم پاکستان سے ہیں، ہم بعض پالیسیوں پر اعتراض کرتے ہیں، ہم سمجھتے ہیں بعض پالیسیوں کو تبدیل ہونا چاہیے۔سہیل آفریدی نے کہا کہ ہمارا ملک پاکستان ہے، ہماری وفاداری پاکستان سے ہے، پارلیمنٹ اور وفاقی حکومت سمیت سب ملک کی خاطر پالیسی بنائیں،ہر مسئلے کا حل مذاکرات میں ہی ہے، ہمارے لیڈر ہمیشہ مذاکرات کی بات کرتے ہیں۔وزیراعلیٰ خیبرپختونخوا نے کہا کہ وانا آپریشن میں آئی جی کو مکمل اعانت فراہم کرنے کی ہدایت کی، وانا کیڈٹ کالج میں ہمارے ہی بچے تھے، وانا کیڈٹ کالج اور اسلام آباد حملے کی مذمت کی، صوبے کو اعتماد میں لےکر مسئلہ حل ہو سکتا ہے تو کوئی قباحت نہیں، میرا جینا مرنا پاکستان کے ساتھ ہے۔سہیل آفریدی نے کہا کہ فوج، قانون نافذ کرنیوالے اداروں اور سویلین شہدا میں کبھی تفریق نہیں کی، کرم میں شہید ہونے والے جوانوں کے جنازے میں شرکت کی، وقت آیا تو ہم صرف پاکستان کے ساتھ کھڑے ہوں گے۔انھوں نے کہا کہ سمجھتا ہوں دہشتگردی کے تناظر میں صوبے کا افسر ہونا چاہیے، چاہتا ہوں کہ موجودہ آئی جی کےپی کام جاری رکھیں، وفاق کو دعوت ہے کےپی میں آڈٹ کرے لیکن ہمارے واجبات بھی دے۔

23/11/2025

وزیر اعظم کے کوارڈینیٹربرائے خیبر پختونخوا اختیار ولی نے الزام عائد کیا ہے کہ وزیر اعلیٰ کے پی سہیل آفریدی کے علاقے میں منشیات کے کارخانے ہیں اور پی ٹی آئی کے لوگ منشیات کے دھندے میں ملوث ہیں۔اپنے ویڈیو بیان میں اختیار ولی نے کہا کہ وادی تیراہ میں منشیات کے کارخانے لگے ہیں، ضلع خیبر سےمنشیات پورے ملک میں اسمگل ہوتی ہے، وزیراعلیٰ سہیل آفریدی نے خیبر میں منشیات کی تردید کرکے حقائق کی نفی کی۔ وزیر اعظم کے کوارڈینیٹر نے کہا کہ منشیات کے دھندے میں پی ٹی آئی کے لوگ ملوث ہیں، منشیات کا پیسہ سرحد پار بھی جاتا ہے اور یہی پیسہ دہشتگردی کے لیے اور ریاست کے خلاف بھی استعمال ہوتا ہے۔ اختیار ولی کا کہنا تھا کہ وزیر اعلیٰ خیبر پختونخوا کا تعلق ضلع خیبر سے ہے، وزیراعلیٰ سے مطالبہ کیا تھا کہ ضلع خیبر میں منشیات کے خلاف کارروائی کریں، جس وزیراعلیٰ کے حلقے میں منشیات تیار ہو اسے استعفیٰ دے دینا چاہیے۔

23/11/2025

امیر جماعت اسلامی پاکستان حافظ نعیم الرحمٰن نے بدل دو نظام تحریک کے آئندہ لائحہ عمل کا اعلان کرتے ہوئے ملک گیر احتجاجی جلسوں اور دھرنوں کا اعلان کردیا۔ مینار پاکستان لاہور پر جماعت اسلامی کے تین روزہ کل پاکستان اجتماع عام میں شریک لاکھوں شرکاء سے اختتامی خطاب کرتے ہوئے حافظ نعیم الرحمٰن نے کہا کہ چند لوگوں کو انکے منصب سے معذول کرکے نظام بدلیں گے،عدلیہ کے جعلی نظام کو ختم کریں گے، چند لوگ آئین میں تبدیلیاں کرکے اپنی لوٹ مار کا تحفظ چاہتے ہیں لیکن انہیں 25 کروڑ عوام کے سامنے جوابدہ بنائیں گے، آئین کی بالادستی و تحفظ کیلئے تحریک چلائیں گے۔ انہوں نے کہا کہ آئندہ تین ماہ میں 25 شہروں میں احتجاجی جلسے اور دھرنے کریں گے، عوام کو منظم کرنے کے بعد جماعت اسلامی پاکستان کو چند لوگوں کے ہاتھوں سے نجات دلائے گی، ہمیں کسی فیلڈ مارشل کا نہیں اللہ کا نظام چاہئے،جماعت اسلامی اب کسی سیاسی جماعت کے ساتھ اتحاد نہیں کرے گی، پاکستان میں ٹی ایل پی لاکھوں ووٹ لینے والی پارٹی ہے، اس پر سے پابندی ہٹنی چاہئے اور عمران خان کو بھی رہا ہونا چاہئے۔ انہوں نے کہا کہ ملک میں انتخابات متناسب نمائندگی کی بنیاد پر ہونے چاہئیں اور انتخابات کے نام پر فراڈ بند ہونا چاہئے، مقامی حکومتوں کو مالیاتی اور انتظامی اختیارات دیے جائیں،بلدیاتی نظام کو آئینی تحفظ ملنا چاہئے۔ پنجاب میں جعلی بلدیاتی ایکٹ کیخلاف تحریک شروع کریں گے۔ حافظ نعیم نے کہا کہ کراچی کے 9 ٹاؤنز میں تعمیر و ترقی کا سفر شروع کردیا، ہمیں میئر شپ سے محروم کیا گیا لیکن اسکے باوجود ہم وہاں اختیارات سے بڑھ کر کام کررہے ہیں۔

23/11/2025

کچھ لوگوں نے حکومت بنانےمیں ساتھ دیا،مگرپیپلز پارٹی میں شامل نہیں ہوئے ،مرتضیٰ درانی

23/11/2025

23/11/2025

چیئرمین پی پی پی بلاول بھٹو زرداری نے آج ضمنی انتخابات کے موقع پر عوام کو پیغام میں کہاہے کہ باہر نکلیں، ووٹ دیں اور آواز اٹھائیں۔
بلاول بھٹو زرداری نے سوشل میڈیا پلیٹ فارم ایکس پر پوسٹ کے ذریعے عوام کو اپنا حق رائے دہی استعمال کرنے کے لیے گھروں سے نکلنے کی اپیل کرتے ہوئے کہاکہ آج جنوبی پنجاب میں 2 ضمنی انتخابات ہو رہے ہیں،پی پی 269 مظفر گڑھ سے میاں علمدار قریشی اوراین اے 185 ڈی جی خان سے دوست محمد کھوسہ پیپلز پارٹی کے امیدوار ہیں۔ بلاول بھٹو زرداری نے کہاکہ شدید مشکلات کے باوجود متاثر کن مہم چلانے پر ان دونوں امیدواروں کو خراج تحسین پیش کرتا ہوں،مظفر گڑھ اور ڈیرہ غازی خان کے لوگوں سے اپیل کرتا ہوں کہ باہر نکلیں، ووٹ دیں اور آوازاٹھائیں،پارٹی کارکنان یاد رکھیں کہ فارم 45 لئے بغیر پولنگ سٹیشن نہیں چھوڑنا۔بلاول بھٹو زرداری نے مزیدکہاکہ انشاء اللہ وسیب کا نشان تیر،اور جیت کا نشان تیرہے۔

23/11/2025

اسلام آباد کچھ وزرا کے حالیہ بیانات کے باوجود اعلیٰ سرکاری حکام کا کہنا ہے کہ اس وقت 28ویں آئینی ترمیم سے متعلق کوئی تجویز زیر غور نہیں ہے۔
پارلیمانی امور کے وزیر ڈاکٹر طارق فضل چوہدری نے واضح طور پر اس تاثر کی تردید کی کہ حکومت 28ویں آئینی ترمیم کے کسی پیکج پر کام کر رہی ہے۔ انہوں نے "دی نیوز" سے بات کرتے ہوئے اپنی اور وفاقی وزیر قانون اعظم نذیر تارڑ کی جانب سے کہا: ’’کوئی 28ویں ترمیم زیر غور نہیں ہے۔‘‘ وزیراعظم ہاؤس کے ایک اہم عہدیدار نے بھی بتایا کہ وزیرِاعظم آفس میں کسی نئی آئینی ترمیم سے متعلق کچھ نہیں دیکھا جا رہا۔ ذرائع نے کہا ’’ایسی کوئی تجویز زیر غور نہیں،‘‘ ڈاکٹر طارق نے وضاحت کی کہ اس معاملے پر کوئی اجلاس نہیں ہوا اور موجودہ بحث کو میڈیا کی پیدا کردہ قرار دیا۔ انہوں نے بتایا کہ 27ویں آئینی ترمیم کے پیکج میں شامل کچھ تجاویز جو اتفاقِ رائے نہ ہونے کے باعث خارج کر دی گئی تھیں آئندہ کبھی دوبارہ زیر غور آ سکتی ہیں لیکن فی الحال 28ویں ترمیم شروع کرنے کا کوئی عمل جاری نہیں۔ انہوں نے زور دیتے ہوئے کہا: ’’اس وقت 28ویں آئینی ترمیم پر کوئی غور نہیں ہو رہا‘‘ اور بتایا کہ انہوں نے اس بات کی وزیر قانون سے دوبارہ تصدیق بھی کر لی ہے۔ ’’جو بھی 28ویں ترمیم کے بارے میں پوچھ رہا ہے، اسے یہی جواب دیا جا رہا ہے کہ ایسی کوئی تجویز زیر غور نہیں۔‘‘چند وزرا کی جانب سے 28ویں ترمیم کا ذکر کیے جانے کے بعد قیاس آرائیاں بڑھ گئیں۔ وزیراعظم کے مشیر برائے سیاسی و عوامی امور رانا ثناء اللہ نے چند روز قبل ایک بیان میں کہا تھا کہ حکومت ’’جلد 28ویں آئینی ترمیم‘‘ متعارف کرائے گی۔چنیوٹ میں صحافیوں سے گفتگو میں مبینہ طور پر انہوں نے کہا کہ مجوزہ ترمیم کا تعلق مقامی حکومتوں، نیشنل فنانس کمیشن (این ایف سی) اور صحت سے متعلق امور سے ہوگا۔

23/11/2025

بھارت کے لیے ایک اور دھچکا ،فرانسیسی کمانڈر نے بھی پاکستان کے ساتھ جنگ میں بھارتی شکست کی تصدیق کردی۔ مئی میں ہونے والی پاکستان کے ساتھ جنگ میں بھارت کے رافیل طیارے پاکستانی فضائیہ کے سامنے بے بس نظر آئے۔فرانس کے شمال مغربی حصے میں واقع نیول ایئربیس کے کمانڈر کیپٹن یوک لونے نے میڈیا سے گفتگو میں تصدیق کی کہ مسئلہ رافیل طیارے کی تکنیکی کمزوری نہیں تھا بلکہ اصل خرابی بھارتی پائلٹس کی مہارت میں تھی۔واضح رہے کہ کیپٹن یوک لو اس بیس کی نگرانی کرتے ہیں جو جوہری صلاحیت رکھنے والے رافیل اسکواڈرن، متعدد جنگی جہازوں، آبدوزوں اور جدید طیاروں پر مشتمل ہے۔ 25 برس تک رافیل اڑانے والے تجربہ کار کمانڈر نے اعتراف کیا کہ پاکستانی فضائیہ نے صورتحال انتہائی منظم اور مؤثر انداز میں سنبھالی۔انڈو پیسفک کانفرنس کے ایک بین الاقوامی اجلاس میں کیپٹن لونے نے واضح کیا کہ بھارتی رافیل پاکستانی فضائیہ کی حکمتِ عملی، مضبوط دفاع اور بروقت ردعمل کے باعث گرے۔انہوں نے بتایا کہ اس رات 140 سے زائد لڑاکا طیارے فضا میں موجود تھے، جس نے صورتحال کو پیچیدہ بنا دیا تھا، مگر پاکستان نے اسے بھارت سے کہیں بہتر انداز میں ہینڈل کیا۔کیپٹن لونے نے تصدیق کی کہ رافیل کا ریڈار سسٹم ناکام نہیں ہوا بلکہ اسے چلانے والے کی کمزوری مسئلے کی جڑ تھی۔ انہوں نے یہ بھی بتایا کہ بھارت اب سمندر میں تعیناتی کے لیے رافیل کے نیول ورژن میں دلچسپی دکھا رہا ہے، جو ایئرکرافٹ کیریئر پر لینڈنگ کے قابل ہے اور جوہری ہتھیار بھی لے جا سکتا ہے۔

23/11/2025

اسلام آباد میں وفاقی حکومت کے ذرائع کا کہنا ہے کہ طورخم کی بندش سے ایک ماہ میں افغانستان کو 45 ملین ڈالر کا نقصان ہوا جبکہ افغان ٹرانزرٹ ٹریڈ کے نام پر اسمگلنگ سے پاکستان کو سالانہ 3 کھرب 42 ارب روپے کا نقصان ہوتا رہا۔افغانستان سے تجارتی بندش عام پاکستانی کی زندگی پر تقریباً کوئی اثر نہیں پڑا، ذرائع نے کہاکہ پاکستان کا 11 اکتوبر 2025 کو افغان سرحد بند کرنا ردعمل نہیں بلکہ تجارتی نظام کی اصلاح کا باعث ہے، پاکستان نے وہ تمام راستے بند کیے جو اسمگلنگ، منشیات، غیر قانونی اسلحہ اور دہشتگردی کے بنیادی ذرائع تھے۔سکیورٹی ذرائع کے مطابق افغانستان کی 70 سے 80 فیصد تجارت پاکستان کی سڑکوں اور بندرگاہوں پر منحصر ہے، افغانستان میں سامان کراچی کے راستے 3سے 4 دن میں پہنچتا ہے، جبکہ ایران کے راستے سے 6 سے 8 دن میں پہنچے گا۔وسط ایشیائی ممالک کے راستے تجارتی سامان کو افغانستان کیلئے 30 دن سے بھی زیادہ لگ جائیں گے۔افغان ٹرانزٹ ٹریڈ کے نام پر اسمگلنگ کا سامان پاکستان میں داخل ہوتا رہا، حقائق کے مطابق پاکستان کو ہرسال 3.4 کھرب روپے کا نقصان اسمگلنگ سے ہوتا تھا، افغان ٹرانزٹ سے تقریباً 1 کھرب روپے کا سامان واپس آ جاتا تھا، جو اضافی نقصان کا سبب بنتا تھا۔طورخم بارڈر کی بندش سے ایک ماہ میں افغانستان کو 45 ملین ڈالر کا نقصان ہوا، چند ہفتوں میں افغانستان کیلئے تمام سرحدوں کا مجموعی نقصان 200 ملین ڈالر سے تجاوز کر گیا، 5000 سے زائد ٹرک پھنسے اور افغان فصلیں و پھل جو پاکستان میں منڈی کے انتظار میں تھے وہ یا تو خراب ہو گئے یا پھر انہیں افغانستان میں ہی انتہائی کم قیمت پر فروخت کرنا پڑا۔

23/11/2025

سابق وزرائےاعظم پر الزام تو بہت لگے، مگر نظریۂ الحاق کمزور کرنے کا الزام صرف انوارالحق کے حصے میں آیا،عامر محبوب