Gull News

26/08/2026

حضرت علامہ مولانا قاری شوکت نقشبندی صاحب ایبٹ آباد میں منعقدہ میلاد کانفرنس سے خطاب کر رہے ہیں۔ اس موقع پر انہوں نے عشقِ رسول ﷺ، سیرتِ طیبہ اور تعلیماتِ نبوی ﷺ کی روشنی میں ایمان و عمل کی اہمیت پر روشنی ڈالی۔
محفل میں عاشقانِ رسول ﷺ کی بڑی تعداد نے شرکت کی اور درود و سلام کی صداؤں سے فضا معطر رہی۔

08/08/2026

وفاقی حکومت کا ہری پور اور ایبٹ آباد کو خیبر پختونخوا سے کاٹ کر صوبہ اسلام آباد میں شامل کرنے کا فیصلہ۔ عوام کی جانب سے ویلکم۔

26/07/2026

23/07/2026

اسلام آباد: پارلیمانی سیکرٹری برائے قومی غذائی تحفظ و تحقیق اور رکنِ قومی اسمبلی ڈاکٹر شائستہ خان جدون کی موجودگی میں پاکستان ایگریکلچرل ریسرچ کونسل (PARC) اور چین کی معروف زرعی انجینئرنگ و اناج ذخیرہ کرنے والی ٹیکنالوجی کمپنی FAMSUN کے درمیان لیٹر آف انٹینٹ (LoI) پر دستخط کیے گئے۔

اس معاہدے کا مقصد زرعی تحقیق کو فروغ دینا، جدید ٹیکنالوجی کی منتقلی، بعد از برداشت (Post-Harvest) نظام کو مضبوط بنانا اور پاکستان میں زرعی و لائیو اسٹاک شعبوں کی جدید خطوط پر ترقی کو یقینی بنانا ہے۔ اس شراکت داری کے تحت PARC میں FAMSUN Technology Display Park قائم کیا جائے گا، جہاں جدید اناج ذخیرہ، سائلوز، فیڈ پروسیسنگ، میٹریل ہینڈلنگ اور دیگر جدید زرعی ٹیکنالوجیز کی نمائش کی جائے گی۔

یہ معاہدہ پاکستان اور چین کے درمیان زرعی تعاون، غذائی تحفظ، مشترکہ تحقیق، استعدادِ کار میں اضافے اور جدید زرعی انجینئرنگ ٹیکنالوجیز کے فروغ کی جانب ایک اہم پیش رفت قرار دیا جا رہا ہے۔

16/07/2026

اسلام آباد: پارلیمانی سیکرٹری برائے وزارتِ نیشنل فوڈ سیکیورٹی اینڈ ریسرچ (NFSR) نے نیشنل ایگریکلچرل ریسرچ سینٹر (NARC) کا دورہ کیا، جہاں انہیں ادارے کی تحقیقی سرگرمیوں، جاری منصوبوں اور زرعی شعبے کی ترقی کے لیے کی جانے والی کاوشوں پر تفصیلی بریفنگ دی گئی۔
دورے کے دوران حکام نے پارلیمانی سیکرٹری کو موسمیاتی تبدیلیوں سے ہم آہنگ زرعی تحقیق، جدید زرعی ٹیکنالوجی، بہتر بیجوں کی تیاری، غذائی تحفظ اور کسانوں تک جدید تحقیق کی منتقلی سے متعلق مختلف منصوبوں سے آگاہ کیا۔
پارلیمانی سیکرٹری نے نیشنل ایگریکلچرل ریسرچ سینٹر کے سائنسدانوں اور محققین کی خدمات کو سراہتے ہوئے کہا کہ زرعی تحقیق ملکی غذائی تحفظ، زرعی پیداوار میں اضافے اور پائیدار ترقی کے لیے نہایت اہم ہے۔ انہوں نے اس عزم کا اظہار کیا کہ وزارت تحقیق، جدت اور زرعی شعبے کی بہتری کے لیے ہر ممکن تعاون جاری رکھے گی۔

01/07/2026

ایبٹ اباد یونین کونسل کٹھوال سے تعلق رکھنے والے اور این اے ارسی میں گزشتہ 22 سالوں سے اپنی خدمات سرانجام دینے والے محمد عظیم مغل اور شاہد عباس عباسی کی جانب سےڈاکٹر شاہستہ خان جدون ایم این اے کو پارلیمانی سیکرٹری فوڈ سیکیورٹی اینڈ ریسرچ بننے پر مبارک باد پیش کی اور ان کے لیے نیک خواہشات کا اظہار
کیا

08/03/2026

گل نیوز کی جانب سے ڈیموکریٹڈ گروپ کی حمایت کا اعلان

04/03/2026

اسلام آباد(گل نیوز) اسلام ااباد ہائیکورٹ نے موٹر سائیکل پر ایم ٹیگ لگانے کے انتظامی حکم کے خلاف کیس میں سات دن میں حکام سے جواب طلب کر لیا۔

درخواست گزار نے استدعا کی ہے کہ ایم ٹیگ لگانے کے عمل کو فوری روکا جائے تاہم ابھی تک عدالت سے فوری حکم امتناع نہیں مل سکا۔

چیف جسٹس سرفراز ڈوگر نے کہا ہے کہ ایم ٹیگ تو اسی لئے لگوایا جا رہا ہے تاکہ موٹر وہیکل کا پتہ چل سکے ، یہ آپ کے لئے ہی کیا جا رہا ہے تاکہ موٹروہیکل کو رجسٹر کیا جا سکے۔

انہوں نے کہا کہ یہ حکومت کا پالیسی کا معاملہ ہے جس کے جواب پر درخواست گزار کے وکیل نے کہا انتظامی حکم کو قانون میکنزم میں ہونا ضروری ہے ایم ٹیگ کے باعث لوگوں کو بہت زیادہ پریشانی ہو رہی ہے