LAMHA (2025)

17/08/2025

حال ہی اچانک طبیعت ناساز ہونے کے باعث اسپتال منتقل ہونے والی اداکارہ صبا قمر کی حالت اب کیسی ہے اداکارہ نے خود بتا دیا۔
فوٹوز اینڈ ویڈیوز شیئرنگ پلیٹ فارم انسٹاگرام پر صفِ اول کی اداکارہ نے اسٹوری شیئر کرتے ہوئے اپنی صحت سے متعلق اپ ڈیٹس دیں۔
انسٹااسٹوری میں گزشتہ روز انہوں نے بتایا کہ 10 سے 14 دنوں کے مسلسل آرام کے بعد اب بہتر محسوس کر رہی ہوں لیکن اب بھی مکمل طور ہر صحت یاب نہیں ہوں، صرف اتنا ہی نہیں بلکہ آج سے کام کا سلسل دوبارہ شروع کر رہی ہوں
ہر دلعزیز اداکارہ نے مداحوں سے اپیل کی اور کہا کہ ’وش می لک‘ میرے نئے پروجیکٹ کا آغاز ہونے والا ہے۔ اس نئے پروجیکٹ کےلیے پُرجوش ہوں۔
صبا قمر نے دعاؤں کی درخواست کرتے ہوئے مزید لکھا کہ مجھے اپنی دعاؤں میں یاد رکھیں کہ میں اپنی ذمہ داری نبھا سکوں اور اپنا 100 فیصد دے سکوں۔ آپ لوگوں کو اسی طرح تفریح مہیا کرتی رہوں گی جب تک زندگی ہے۔
واضح رہے کہ چند روز قبل صبا قمر کو اچانک دل میں تکلیف کے سبب ہنگامی حالت میں اسپتال منتقل کیا گیا تھا۔
بعدازاں اداکارہ نے بذریعہ سوشل میڈیا اپنی خیریت سے آگاہ اور اپنے چاہنے والوں کا شکریہ ادا کیا تھا
゚ Facebook Facebook

16/08/2025

حال ہی میں قلبی مسائل کا شکار ہونے والی پاکستانی صفِ اول کی اداکارہ صبا قمر نے خود کو عالمی شہرت یافتہ پاکستانی گلوکار عاطف اسلم کا ہمدرد قرار دے دیا۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکارہ نے عاطف اسلم کا ایک ویڈیو کلپ ری شیئر کیا ہے۔
مذکورہ ویڈیو کلپ میں عاطف اسلم اپنے والد کے انتقال کے اگلے ہی روز کراچی کے نیشنل بینک کرکٹ ایرینا میں یومِ آزادی کے سلسلے میں منعقدہ تقریب میں پرفارمنس دے رہے ہیں۔
مذکورہ ویڈیو کلپ سوشل میڈیا پر ری شیئر کرتے ہوئے اداکارہ نے خود کو گلوکار کا ہمدرد قرار دیا اور لکھا، ’میں اس درد کو جانتی ہوں، میں اسے سمجھ سکتی ہوں کیونکہ میں بھی اس سے گزر چکی ہوں

صبا قمر نے لکھا کہ کسی بھی شخص کے لیے اپنے غم کو دل کی گہرائیوں میں چھپا کر لبوں پر مسکراہٹ رکھنا ایک مشکل کام ہے۔
اداکارہ نے عاطف اسلم کے لیے قریبی دوست کے الفاظ استعمال کرتے ہوئے مزید لکھا، ’انہوں نے صرف ایک روز قبل اپنے والد کو کھو دیا اور اس کے باوجود اگلے دن اسٹیج پر کھڑے ہوکر پرفارم کیا۔ یہ ہمت، عزم و احترام اور محبت کے سوا اور کچھ نہیں ہے
゚ Facebook Facebook

15/08/2025

پاکستان شوبز انڈسٹری میں بطور چائلیڈ آرٹس قدم رکھنے والی سینئر اداکارہ پروین اکبر نے ساتھی اداکارہ صنم سعید کی شخصیت سے متعلق تبصرہ کیا تو صنم سعید نے بھی مبہم اسٹوری شیئر کردی جو صارفین کی توجہ کا مرکز بن گئی۔
حال ہی میں سینئر اداکارہ نے نجی ٹی وی چینل کے پروگرام میں بطور مہمان شرکت کی، جہاں انہوں نے مختلف موضوعات پر اپنے خیالات کا اظہار بھی کیا۔
دورانِ پروگرام ایک سیگمنٹ میں شو کی میزبان نے پروین اکبر کو مختلف فنکاروں کی تصاویر دکھائی اور ان سے متعلق سینئر اداکارہ کے خیالات معلوم کیے۔

اسی دوران صنم سعید کی تصویر بھی دکھائی گئی جس پر پروین اکبر نے کہا کہ مجھے پتہ نہیں کیوں صنم سعید لڑکی کم لڑکا لگتی ہے، لیکن اداکارہ بہت اچھی ہے۔
انہوں نے اپنے جواب کی وضاحت دیتے ہوئے کہا کہ مجھے صنم سعید ٹام بوائے لگتی ہے لیکن اس کا کام منجھا ہوا ہے، میں تسلیم کرتی ہوں کہ صنم سعید بہت اچھی آرٹسٹ ہیں۔
مختلف سوشل میڈیا پلیٹ فارمز پر سینئر اداکارہ کے انٹرویو کا مختصر ویڈیو کلپ وائرل ہوا تو اس نے صنم سعید کی توجہ بھی حاصل کی۔
بعدازاں انسٹاگرام پر اداکارہ نے کسی کا نام لیے بغیر اسٹوری شیئر کی، جس میں لفظ انٹرپرینیور (Entrepreneur) کے بجائے ’ آنٹی پرینیور (Auntypreneur)‘ کے معنی درج ہیں

صنم سعید کی انسٹااسٹوری کے مطابق آنٹی پرینیور کا مطلب ہے کہ ایسی شخصیت جس کا کام آپ کے کام میں ہر وقت مداخلت کرنا ہے۔
گوکہ کہ صنم سعید نے اپنی انسٹااسٹوری میں کسی کا نام نہیں لیا لیکن جوں ہی ان کی اسٹوری سوشل میڈیا پر وائرل ہوئی تو صارفین کی توجہ کا مرکز بن گئی۔
سوشل میڈیا پیچز نے اسے پروین اکبر کے بیان سے منسلک کیا اور کہا کہ صنعم سعید نے مضحکہ خیز ردعمل کا اظہار کیا ہے
゚ Facebook Facebook

13/08/2025

ہالی ووڈ کی نامور اداکارہ انجلینا جولی نے اپنے تاریخی گھر کو فروخت کرنے کی تیاری شروع کردی، ان کا گھر کسی زمانے میں مشہور فلمساز سیسل بی ڈی مِل Cecil B. DeMille کی رہائش گاہ تھا۔انجلینا جولی نے یہ جائیداد 2017 میں 2 کروڑ 45 لاکھ ڈالر میں خریدی تھی، یہ محل نما گھر لاس فیلیز کے علاقے میں 2 ایکڑ سے زائد رقبے پر واقع ہے، جہاں ڈیمِل تقریباً 40 سال تک مقیم رہے تھے۔1913 میں تعمیر ہونے والے اس مکان میں 6 بیڈ رومز، 10 باتھ رومز، 4 فائر پلیسز، ایک وسیع وائن سیلر، چائے خانہ، گرِفتھ آبزرویٹری کے نظارے، رسمی باغات اور جھرنوں والے پول شامل ہیں۔ہالی ووڈ اداکارہ انجلینا جولی نے کورونا وائرس کی وبا کے دوران اپنے بچوں کے ساتھ اسی گھر میں قیام کیا اور لاس اینجلس میں لگنے والی جنگلاتی آگ سے بے گھر ہونے والے دوستوں کو بھی یہاں پناہ دی تھی۔اس جائیداد کو اصل طرزِ تعمیر کے مطابق بحال کیا گیا ہے، جس میں نفیس مولڈنگ، کلاسیکی لکڑی کا کام، کشادہ ڈرائنگ رومز اور فرانسیسی دروازے شامل ہیں۔
کیا کوئی پاکستانی بھی اس گھر کی خریداری میں دلچسپی لے رھا ھے ؟ تو ابھی تک کی اطلاع کے مطابق بولی میں حصہ لینے والوں کے نام سامنے نہیں آئے
゚ Facebook

12/08/2025

جیا بچن کا اپنے پرستار کو دھکا دینا مہنگا پڑ گیا ، لوگ جیا بچن کے نخرے اور بکواس اس لئے برداشت کرتے ھیں کہ وہ امیتاب بچن کی بیوی ھیں ، کنگنا رناوت

بالی ووڈ اداکارہ کنگنا رناوت سیلفی لینے والے شخص کو دھکا دینے پر بھارتی سماج وادی پارٹی کی رکنِ پارلیمان، اداکارہ اور بالی ووڈ اسٹار امیتابھ بچن کی اہلیہ جیا بچن پر برس پڑیں۔
واقعے کی ویڈیو سوشل میڈیا پر وائرل ہونے کے فوراً بعد بی جے پی کی ایم پی کنگنا رناوت نے اپنی انسٹاگرام اسٹوری پر ایک سخت نوٹ لکھا جس میں جیا بچن پر شدید تنقید کی ہے۔
سیلفی لینے والے کو دھکا دینے پر کنگنا رناوت نے جیا بچن کے عمل کی مذمت کی ہے اور انہیں سب سے زیادہ بگڑی ہوئی، شرمندگی و شرم کی علامت اور مراعات یافتہ خاتون قرار دیا ہے۔
ایمرجنسی کی اداکارہ نے لکھا ہے کہ لوگ ان کے نخرے اور بکواس صرف اس لیے برداشت کرتے ہیں کہ وہ امیتابھ بچن جی کی بیوی ہیں، سماج وادی ٹوپی مرغے کی کلغی جیسی لگتی ہے، جبکہ جیا بچن خود ایک لڑاکا مرغی کی طرح دکھائی دیتی ہیں، کتنی رسوائی اور شرم کی بات ہے۔

اداکارہ سے سیاستدان بننے والی جیا بچن منگل کو اس وقت اپنا آپا کھو بیٹھیں جب نئی دہلی کے کانسٹیٹیوشن کلب میں ایک شخص نے ان کے ساتھ سیلفی لینے کی کوشش کی۔
اس واقعے کی ایک ویڈیو سوشل میڈیا پر سامنے آئی جس نے سب کو حیران کر دیا، کلپ میں سماج وادی پارٹی کی ایم پی جیا بچن کو اپنے ساتھ سیلفی لینے کی کوشش کرنے والے ایک شخص کو دھکا دیتے ہوئے دیکھا گیا، انہوں نے یہ بھی کہا کہ کیا کر رہے ہیں آپ؟ یہ کیا ہے؟
ویڈیو سوشل میڈیا پر سامنے آنے کے فوراً بعد جیا بچن کے رویے پر انٹرنیٹ صارفین نے مایوسی کا اظہار کیا اور اس کی مذمت کی، کچھ نے تو دوسروں سے اپیل کی کہ وہ اداکارہ کو کسی بھی قسم کی توجہ دینا بند کر دیں۔
ایک صارف نے لکھا کہ یہ ان کا بار بار کا رویہ ہے، لوگ ایسے کرداروں کے ساتھ سیلفی لینے کے لیے کیوں پاگل ہیں؟
ایک اور صارف نے کہا کہ یہ بہت بدتمیزی ہے۔
ایک تیسرے تبصرے میں لکھا ہے کہ ان (جیا بچن) کے ساتھ ہمیشہ کوئی نہ کوئی مسئلہ رہتا ہے، ہم ایک اداکارہ کے طور پر ان کی عزت کرتے ہیں
゚
Facebook

12/08/2025

پاکستان کے معروف گلوکار اور عالمی شہرت یافتہ فنکار عاطف اسلم شدید غم کی کیفیت سے گزر رہے ہیں، ان کے والد محترم محمد اسلم آج لاہور میں انتقال کر گئے۔
عاطف اسلم اپنی سریلی آواز اور بین الاقوامی کامیابی کے ساتھ ساتھ مضبوط خاندانی اقدار کے لیے بھی جانے جاتے ہیں، اکثر اپنے والدین کی غیر متزلزل حمایت کا ذکر کرتے رہے ہیں۔
انہوں نے متعدد مواقع پر بتایا کہ وہ بڑے فیصلوں سے قبل اپنی والدہ سے مشورہ کرتے ہیں اور اپنے والد کو زندگی اور کیریئر میں رہنمائی کا مینار قرار دیتے ہیں

محمد اسلم کی وفات کی تصدیق کے بعد مداحوں، ساتھی فنکاروں اور دنیا بھر سے چاہنے والوں کی جانب سے تعزیتی پیغامات کا سلسلہ شروع ہوگیا، سوشل میڈیا پر عاطف اور ان کے اہلخانہ کے لیے دعاؤں اور ہمدردی کے پیغامات کا طوفان امڈ آیا۔
عاطف اسلم نے ماضی میں ایک انٹرویو میں کہا تھا کہ میرے والد نے مجھے مستقل مزاجی، دوسروں کے ساتھ برتاؤ کرنے کا طریقہ اور پیشہ ورانہ معاملات میں ڈٹے رہنے کا حوصلہ سکھایا ہے۔
انہوں نے یہ بھی اعتراف کیا تھا کہ ان کی توجہ، نظم و ضبط اور کام کے حوالے سے سنجیدگی انہی کی عطا کردہ تربیت کا نتیجہ ہے۔
゚ Facebook

12/08/2025

ہانیہ عامر کو کراچی کی سڑکوں پر بغیر ہیلمٹ موٹر سائکل کی پچھلی سیٹ پر کھڑے ھو کر ڈانس کرنا مہنگا پڑ گیا ، تنقید کی زد میں ،۔۔۔

پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم نے اداکارہ ہانیہ عامر کی بائیک رائیڈ کرتے ویڈیو پر سخت ردعمل دیا ہے۔
پاکستان کی مقبول ترین اداکارہ اور انسٹاگرام پر سب سے زیادہ فالو کی جانے والی پاکستانی شخصیت ہانیہ عامر ایک بار پھر تنازع کا شکار ہوگئیں، وہ اپنی ’جنریشن زی‘ طرزِ زندگی اور مزاحیہ و دوستانہ مواد کی وجہ سے مداحوں میں بے حد مقبول ہیں

حال ہی میں ہانیہ عامر کو کراچی کی سڑکوں پر ایک دوست کے ساتھ موٹر پر سواری کرتے دیکھا گیا، جہاں نہ وہ خود اور نہ ہی ان کا ساتھی ہیلمٹ پہنے ہوئے تھے، مزید برآں ویڈیو میں ہانیہ کو تیز رفتار بائیک کی پچھلی سیٹ پر کھڑے ہوتے اور ڈانس کرتے بھی دیکھا جاسکتا ہے

سماجی کارکن اور سابق کرکٹر وسیم اکرم کی اہلیہ شنیرا اکرم نے انسٹاگرام پر اس ویڈیو پر سخت ردعمل دیتے ہوئے کہا کہ وہ کئی سال سے روڈ سیفٹی کے لیے آواز بلند کر رہی ہیں اور مشہور شخصیات کو چاہیے کہ وہ اپنے مواد میں زیادہ ذمہ داری کا مظاہرہ کریں۔
انہوں نے لکھا کہ میں کئی سالوں سے اسپتالوں اور ڈاکٹروں کے ساتھ مل کر یہ کوشش کر رہی ہوں کہ کیسے پاکستان کے نوجوانوں کو ہیلمٹ پہننے اور محفوظ طریقے سے بائیک چلانے کی ترغیب دی جائے، لیکن یہ منظر میرے دل میں خنجر کی طرح لگا ہے

انسٹا گرام پوسٹ میں ان کا کہنا تھا کہ معروف شخصیات کے پاس لاکھوں لوگوں پر اثر انداز ہونے کی طاقت ہوتی ہے، ایک ماں ہونے کے ناطے میں چاہتی ہوں کہ ہمارے بچے جن معروف شخصیات اور انفلوئنسرز کو فالو کرتے ہیں وہ ذمہ دارانہ پوسٹ کریں اور ایسی بے وقوفانہ پوسٹ سے پرہیز کریں جس سے لوگوں کی جانوں کو خطرہ ہو سکتا ہے

شنیرا نے واضح کیا کہ مجھے ہانیہ عامر سے کوئی ذاتی مسئلہ نہیں، بلکہ میں شکر گزار ہوں کہ ہانیہ محفوظ ہیں، مگر ایسے مناظر کو شیئر کرنا درست نہیں۔
انٹرنیٹ صارفین کی بڑی تعداد نے شنیرا اکرم کی رائے سے اتفاق کیا، ایک صارف نے لکھا کہ ہانیہ صرف توجہ حاصل کرنے کے لیے ایسا کرتی ہیں، ایک اور صارف نے تبصرہ کیا کہ شنیرا بالکل درست کہہ رہی ہیں

゚

Hania Amir

12/08/2025

اداکارہ و میزبان مشی خان نے حال ہی میں انتقال کرجانے والی اداکارہ حمیرا اصغر کی موت سے متعلق کئی اھم سوالات اٹھا دئیے
انسٹاگرام پر مختلف ویڈیوز پوسٹ کرکے مشی خان نے اس معاملے کے مختلف زوایے پر روشنی ڈالی۔
انہوں نے ایک ویڈیو میں سوال اُٹھایا کہ اگر اداکارہ کا ایک ماہ سے غائب تھیں تو ان کے محلے والوں، دوستوں اور رشتے داروں نے پلٹ کر ان کی خیریت طلب کیوں نہیں کی؟
مشی خان نے بدلتے معاشرتی رویے پر بھی افسوس کا اظہار کیا اور کہا کہ پہلے اداکارہ عائشہ خان کی ایک ہفتہ پرانی لاش اور اب حمیرا کی ایک ماہ پرانی لاش ان کے فلیٹ سے ملی ہے۔ فلیٹ میں تو گھر ایک دوسرے کے اتنے قریب قریب ہوتے ہیں سب کا ایک دوسرے سے رابطہ ہوتا ہے تو ان کے پڑوسیوں کو اس بارے میں کیوں پتہ نہ چل سکا؟
اداکارہ نے ایک ویڈیو میں سوال اُٹھایا کہ عید الضحیٰ پر ریلیز ہونے والی فلم ’لوو گرو‘ میں حمیرا اصغر نے بھی کام کیا، اس میں اتنی فٹ، صحت مند دکھائی دے رہی ہیں تو ان کی اچانک موت کیسے ہوگئی؟ اس حوالے سے تحقیقات کی اشد ضرورت ہے۔
مشی خان نے یہ بھی سوال اُٹھایا کہ اگر اداکارہ کی لاش ان کے اپنے گھر سے برآمد ہوئی ہے تو پھر ان کے گھر پر تالا کس نے لگایا؟ تالا تو گھر کے اندر سے لگنا چاہیے تھا، تالا گھر کے باہر کیوں تھا؟ کیا کسی تفتیشی افسر کا دھیان اس طرف نہیں گیا
اداکارہ و میزبان نے آج ایک نئی ویڈیو شیئر کرتے ہوئے کہا کہ حمیرا اصغر کیس میں حیران کُن انکشافات سامنے آ رہے ہیں، اب خبر سامنے آئی ہے کہ ستمبر 2024 سے حمیرا کے بارے میں کسی کو نہیں پتہ تھا، یہاں تو کوئی 2 ماہ کرایہ نہیں دیتا تو مالک مکان گھر پہنچ جاتا ہے، حمیرا نے 9 ماہ سے کرایہ نہیں دیا اور مالک مکان نے اتنے عرصے کے بعد ردعمل دکھایا ہے۔
انہوں نے حکومتِ سندھ، سندھ پولیس، ایس ایس پی ساوتھ سے اپیل کرتے ہوئے ان کی موت کی وجوہات جاننے کے لیے تفصیلی تحقیقات پر زور دیا ہے۔

12/08/2025

سابق آئی جی پنجاب پولیس اور ڈائریکٹر آئی بی حاجی حبیب الرحمن کے انٹرویو میں کئے گئے انکشافات:
ایک جج دونوں پارٹیوں سے پیسے لیتا تھا لیکن فیصلہ انصاف پر کرتا تھا۔ ہارنے والے کے پیسے واپس کر دیتا تھا۔

طاہرہ سید کو کھر نے فون کیا، آپ لندن جا رہی ہیں، میں بھی لندن جا رہا ہوں۔
اس نے جواب دیا:
آپ جتنی مرضی کوشش کر لیں میں آپ کے قابو نہیں آ سکتی۔

مشرف کے ساتھ نواز شریف کی ڈیل میں مجید نظامی اور میں شامل تھے۔

پاکستان سٹیل ملز کا چیئرمین عثمان فاروقی ہر مہینے زرداری کو ایک کروڑ پہنچاتا تھا۔

قومی اتحاد کی ایجی ٹیشن اور بھٹو کی پھانسی کے پیچھے اسرائیل کا ہاتھ تھا۔

@ ایجی ٹیشن کے دوران مولانا مودودی کے نام 30 لاکھ کا غیر ملکی چیک میں نے پکڑا۔

جماعت اسلامی کے دو اہم آدمی ہمارے لیے انٹیلی جنس کرتے اور پیپلز پارٹی کے تین جیالے بھی۔

کوثر نیازی تنخواہ پر کام نہیں کرتے تھے۔ کوئی کام کروا لیتے تھے۔

مولانا غلام غوث ہزاروی ہم سے پانچ سو روپیہ مہینہ لیتے تھے۔ جب میں نہیں پہنچاتا تھا خود لینے کے لیے آجاتے۔ کام کا بندہ وہی ہوتا ہے جو تھوڑی بہت مخالفت کرے اور اندر خانے حکومت کے لیے کام کرے۔

جب بھٹو صاحب پر مقدمہ چل رہا تھا تو پیپلز پارٹی کے تین جیالے امان اللہ خاں، غیاث الدین جانباز اور امیر حبیب اللہ سعدی ہمارے لیے مخبری کرتے۔ انہیں ہم نے سمن آباد کوٹھی لے دی تھی اور سہولتیں بھی فراہم کر دی تھیں۔ شیخ محمد رشید شیخوپورہ میں عورت بن کے دودھ بلو رہے تھے۔ انہی کی مخبری پر پکڑے گئے۔

مولوی مشتاق کی عدالت میں بم چلانے کی منصوبہ بندی بھی انہی جیالوں نے ہمیں بتائی۔

نواب کالا باغ کو شراب اور عورت سے نفرت تھی۔ چودہری ظہورالٰہی کو انہوں نے حوالداری پر بحال کر کے ڈیوٹی پر طلب کر لیا تھا۔
مرتضیٰ بھٹو نے آصف علی زرداری کی ایک مونچھ کٹوا دی۔ دوسری انہوں نے خود منڈوادی۔ بے نظیر نے زرداری سے مرتضیٰ بھٹو کو صرف پھینٹی لگانے کا کہا تھا۔

فاروق لغاری بے نظیر کی حکومت ختم نہ کرتے تو ایک اہم آدمی قتل ہو جانا تھا۔
جو ارب پتی بھاگ گیا اس کی سفارش چودھری شجاعت نے کی۔

میں قاسم بھٹی کے گھر مقیم رہا۔ وہاں آٹھ من سونا زمین میں دفن تھا۔ عبداللہ ملک اور پروفیسر ایرک سپرین اوپر کے لیول کے تھے، ڈائریکٹر انٹلی جنس بیورو کو ملنے والے ایرک سپرین کمیونزم کے متعلق میرا سورس تھے۔ دو دفعہ میں نے انہیں ماسکو کے لیے ٹکٹ لے کے دیا۔

نواب صادق حسین قریشی کو اپنے ساتھ ملانے کے لیے نواز شریف نے اس کے نام 35 کنال کی سفارش کر دی۔ اقبال ٹکا نے راتوں رات 35 کنال پر قبضہ کر لیا۔

نواز شریف نے ایم این ایز کے لیے سارے مالشیے ہالی ڈے اِن میں جمع کر لیے تھے۔

بھٹو صاحب نے قرآن شریف پر لکھ دیا تھا کہ حُسنہ شیخ میری بیوی ہے۔ اس کے گھر سے صرف وہی قرآن شریف چوری ہوا تھا۔ بھٹو صاحب کی پہلی بیگم کے گھر نوڈیرو سے جب زیورات چوری ہوئے تو ایس پی لاڑکانہ پنجل خاں نے ممتاز بھٹو کی طرف اشارہ کرتے ہوئے بھٹو صاحب سے کہا: سائیں! چور تو آپ کے ساتھ بیٹھا ہوا ہے۔

جنرل ضیا الحق نے فوج کی پاسنگ آؤٹ پریڈ میں مولانا مودودی کی تفہیم القرآن بانٹی۔ پھر بھٹو صاحب سے معافی مانگ لی۔

بھٹو صاحب ہر ایک کی بے عزتی کر دیتے تھے۔ اسی لیے جب انہیں اقتدار سے ہٹایا گیا تو ڈاکٹر مبشر حسن، حفیظ پیرزادہ، ملک معراج خالد اور کوثر نیازی وغیرہ جنرل ضیا سے ملتے، تحفظ مانگتے اور اپنی وفاداری کا یقین دلاتے رہے۔

جام صادق کو نصرت بھٹو نے باسٹرڈ کہا تو اس نےجواب دیا:
اماں آپ نے بجا فرمایا۔

پپو کے قاتلوں کو سرِ عام پھانسی اس لیے دی گئی تا کہ بھٹو کی پھانسی کے لیے لوگ ذہنی طور پر تیار ہو جائیں۔

جرنیل بھٹو کو مئی جون 1978ء ہی میں پھانسی لگا دینا چاہتے تھے۔ اِن کی پھانسی پر جنرل ضیا اور جسٹس انوارالحق متفق تھے۔

جنرل ضیا کی ہدایت پر میں نے لیاقت باغ فائرنگ کیس تیار کر رکھا تھا۔ کہ اگر سپریم کورٹ بھٹو کو چھوڑ دے تو پھر اس کیس میں انہیں پھانسی دیدی جائے۔

بد نیتی کا یہ عالم تھا کہ قصاص اور دیت آرڈی ننس پاس ہونے کے باوجود اسے بھٹو کی پھانسی کے بعد نافذ کیا گیا۔

مسعود محمود کو وعدہ معاف گواہ بنانے میں رابطہ کار سیٹھ عابد تھے۔

ضیاء الحق نے خود کو امیرالمومنین بنانے کے لیے ریفرنڈم کا فیصلہ کر لیا تھا۔

کھر نے جنرل ضیا کو پریڈ میں اڑانے کا پروگرام بنایا، سیٹھ عابد نے جا کے جنرل ضیا کو بتا دیا اور اپنا سونا واپس لے لیا۔

نواز شریف سے پہلے ان کے روحانی باپ جنرل ضیاء الحق نے لفافوں کی تقسیم کا سلسلہ شروع کر دیا تھا۔ حاجی صاحب نے بعض ایڈیٹروں کے نام بھی بتائے جنہیں جنرل ضیا میرے بھائی جنرل مجیب کے ہاتھ لفافہ بھیجتے تھے۔

نورجہاں کے فون پر بھی ٹیپ لگائی لیکن جلد ہی ہٹادی، کیونکہ وہ گندی گالیاں نکالتی تھی یا اپنے مخاطب سے کہتی تھی:
سوہنیا، من موہنیا۔

ضیاء الحق نے یہ جانتے ہوئے کہ انور شمیم کرپٹ ہے اسے ائر فورس کا چیف بنادیا۔ اس کی بیوی اپنا پرس کراچی بھول گئی۔ پرس لانے کے لیے جہاز خاص طور پر کراچی بھیجا گیا۔

گورنر پنجاب جنرل جیلانی کو شراب ہلاکو خاں سپلائی کرتا تھا۔

جنرل جہاں زیب ارباب نے ایسٹ پاکستان سے پچاس لاکھ روپے لوٹے تھے۔ جنرل ضیا نے اسے سندھ کا گورنر لگایا تو ایک برمی عورت کے پیچھے لگ گیا۔ اس کے خاوند کو روزانہ پولیس سے جوتے لگواتا۔

ایف کے بندیال جنرل ضیا کے قدموں میں بیٹھ گیا تو جنرل ضیا نے ان کے داماد کو کینیا میں سفیر لگا دیا۔

انور سیف اللہ ہیروئن سمگلنگ میں پکڑا گیا تو غلام اسحق خاں اور کلثوم سیف اللہ دونوں اسے چھڑانے کے لیے امریکہ پہنچ گئے۔

سابق ڈائریکٹر انٹیلی جنس و سابق آئی جی پولیس سندھ و پنجاب حاجی حبیب الرحمنٰ نے یہ باتیں منیر احمد منیر کو انٹرویو میں 4226 سوالات کے جواب میں کیں۔ جو *’’کیا کیا نہ دیکھا‘‘* کے نام سے کتابی صورت میں مکتبہ آتش فشاں لاہور نے شائع کیا ہے۔ ایک ہزار سے زائد صفحات کا یہ انٹرویو شاید اردو میں طویل ترین انٹرویو ہے۔۔!!!

Read this book for more amazing facts.

12/08/2025

بھارت میں پابندی کا سامنا کرنے والی بھارتی پنجابی فلم ’سردار جی 3‘ نے عالمی سطح پر تاریخ رقم کردی۔
غیر ملکی میڈیا رپورٹس کے مطابق بھارتی پنجابی اداکار و گلوکار دلجیت دوسانجھ اور پاکستانی معروف اداکارہ ہانیہ عامر کی فلم نے بھارت میں ریلیز نہ ہونے کے باوجود بین الاقوامی سطح پر زبردست کامیابی حاصل کی ہے۔
مذکورہ فلم نے صرف 15 دنوں میں 51 کروڑ روپے کی اوورسیز کمائی کا ہدف عبور کر کے سب سے زیادہ کمائی کرنے والی دوسری پنجابی فلم بن گئی ہے۔
ہانیہ عامر کی اس سپر ہٹ فلم نے جمعہ کے روز ایک لاکھ 75 ہزار امریکی ڈالر کا بزنس کیا، جس کے بعد اس کی مجموعی اوورسیز آمدن 60 لاکھ ڈالر تک پہنچ گئی۔
دلجیت دوسانجھ کی جٹ اینڈ جولیٹ 3 تاریخ کی پہلی پنجابی فلم تھی جس نے بیرون ملک 51 کروڑ کا سنگ میل عبور کیا۔ اب سردار جی 3 اس کارنامے کو عبور کرنے والی دوسری فلم بن گئی ہے۔
اس عمل میں سردار جی 3 نے کیری آن جٹا 3 (46 کروڑ روپے) کو بھی پیچھے چھوڑ دیا ہے

29/06/2025

پیپر چیکنگ کے دوران ناسا کے بارے میں پوچھے گئے سوال کے جواب میں ایک بچے نے لکھا
چہرے پر نظر آنے والےدو سوراخوں کو ناسا کہتے ھیں ، جو سانس لینے اور سونگھنے کے کام بھی اتے ھیں🤪😂

29/06/2025

Self Creation ,آفس سے آنے کے بعد کپڑے چینج کئے تو مجھے لگا کوئی مجھے دیکھ رھا ھے ،اپ بھی دیکھیں🤪😂

LAMHA

17/08/2025

16/08/2025

15/08/2025

13/08/2025

12/08/2025

12/08/2025

12/08/2025

12/08/2025

12/08/2025

12/08/2025

29/06/2025

29/06/2025

Address

Telephone

Website

Alerts

Contact The Business

Shortcuts

Share