08/10/2026
کراچی سے گلگت بلتستان تک پاکستان ذندہ باد!
خپلو: گلگت بلتستان کی معروف سماجی شخصیت اور چیئرمین جی بی مارخور رشید عالم فاروقی نے خوبصورت وادی خپلو کے کرکٹ اسٹیڈیم میں معصوم اور باصلاحیت نوجوانوں سے خطاب کرتے ہوئے انہیں نظریۂ پاکستان، وطنِ عزیز سے محبت اور پاکستان سے وفاداری کے جذبے سے روشناس کرایا۔
اس موقع پر نوجوانوں نے پاکستان سے اپنی والہانہ محبت اور وفاداری کے عزم کا اظہار کرتے ہوئے تجدیدِ عہدِ وفا کیا۔ رشید عالم فاروقی نے کہا کہ ملک و قوم کا مستقبل نوجوان نسل سے وابستہ ہے، اور یہی باصلاحیت بچے اور نوجوان پاکستان کا قیمتی سرمایہ ہیں۔
انہوں نے نوجوانوں پر زور دیا کہ وہ تعلیم، کھیل اور مثبت سرگرمیوں کے ذریعے اپنی صلاحیتوں کو نکھاریں اور ملک و قوم کی ترقی میں اپنا کردار ادا کریں۔
