Power Of Thoughts

14/08/2025

ایک گھر میں پیپل کے درخت پر الو کا گھونسلہ تھا جس میں الو کے 4 بچے بڑے ہو گئے تھے۔ الو انکو اڑنا سکھا رہا تھا 3 اڑنا سیکھ کر اپنی نئی منزل پر چلے گئے لیکن ایک نا اڑا۔ آخر کار الو اپنے بچے کو چھوڑ آگے بڑھ گئے۔

کافی دن مکان مالک انتظار کرتا رہا لیکن جب وہ نا اڑا تو اس نے پرندوں کے ایکسپرٹ کو بلایا اس نے کافی طریقے آزمائے لیکن بات نا بنی۔
بہت سے ایکسپرٹ آزمانے کے بعد مکان مالک تھک کر بیٹھا تھا کے باہر سے کسی صوفی کا گزر ہوا۔ مکان مالک نے ان سے بڑے ادب سے اپنی مشکل بیان کی۔
صوفی نے معاملے کو دیکھتے ہوئے مالک سے کہا کہ درخت کی وہ شاخ کاٹ دو جس پر وہ الو کا پٹھا بیٹھا ہوا ہے۔ مکان مالک نے جیسے ہی شاخ کاٹی الو کا بچا اڑا اور وہاں سے نکل گیا۔

مکان مالک بڑا حیران ہوا اور صوفی سے دریافت کیا کہ یہ کیا معاملہ ہوا۔

صوفی نے کہا الو کا پٹھا اپنے کنفرٹ زون میں ٹھا اس لئے کوئی کوشش نہیں کر رہا تھا۔ جیسے ہی اسکا کنفرٹ زون اس سے چھنا اس نے اپنے آپ کو گرنے سے بچانے کے لئے ہاتھ مارے اور اڑنا سیکھ گیا جو کہ اللہ تعالی نے اس کی فطرت میں بنایا تھا۔

تو دوستو اس کہانی سے ہمیں یہ سبق حاصل ہوا کہ اللہ تعالی نے ہمارے لئے محنت میں کامیابی رکھی ہے لہذا کامیابی کے لئے ہمیں اپنے کنفرٹ زون سے نکلنا پڑے گا۔

09/08/2025

یاد رکھو!
زندگی کا سب سے میٹھا بدلہ انتقام نہیں، بلکہ کامیابی ہے۔
جو تمہیں کمزور سمجھتے ہیں، انہیں اپنی کامیابی کے شور میں ڈبو دو۔
جو تمہیں پہچاننے سے انکار کریں، انہیں اپنی کامیابی سے مجبور کر دو کہ وہ تمہیں نہ صرف پہچانیں… بلکہ یاد رکھیں۔

27/07/2025

کوئی تمہیں بچانے نہیں آ رہا،
تمہاری زندگی کی 100% ذمہ داری تمہاری اپنی ہے۔

کوئی تمہیں مشکلات سے نکالنے نہیں آئے گا،
نہ کوئی تمہارے خوابوں کو حقیقت بنانے آئے گا،
نہ ہی کوئی تمہاری جگہ تکلیفیں برداشت کرے گا۔
یہ تمہاری زندگی ہے، اور اس کی مکمل ذمہ داری صرف تم پر ہے۔
جتنی جلدی تم یہ سچ قبول کرو گے، اتنی ہی جلدی تم مضبوط، خودمختار، اور کامیاب بنو گے۔
اپنی ذات پر یقین رکھو، قدم بڑھاؤ، اور وہ زندگی خود بناؤ جس کا تم نے خواب دیکھا ہے۔

22/07/2025

تاکہ آپ کو کسی نفسیاتی ڈاکٹر کے پاس نہ جانا پڑے خود کو مضبوط کریں

آپ کو ڈپریشن انزائی سٹریس سے نکالنے کے لیے مفید تحریر جو آپکی شخصیت کے لیے ہے

ان باتوں پر توجہ نہ دیں کہ کسی نے آپ کے بارے میں کیا کہا کسی نے آپ پر کیا الزام لگایا کس نے آپ کا میسج نظرانداز کیا یا کس دوست نے آپ سے دوری اختیار کی

ان چھوٹی چھوٹی باتوں کو اپنے ذہن پر سوار نہ کریں

یہ مت سوچیں کہ فلاں کہاں چلا گیا وہ خاموش کیوں ہے کیا وہ اب بھی مجھ سے محبت کرتا ہے یہ سب سوچیں صرف ذہنی پریشانی اور اندرونی جلن پیدا کرتی ہیں

ماضی میں مت الجھیں کہ کس نے آپ پر ظلم کیا کس نے آپ کی بے عزتی کی یا آپ کو آپ کا حق نہیں ملا ماضی صرف غصہ اور بے بسی پیدا کرتا ہے

صرف اس بات پر نہ رکیں کہ آپ کے پاس کیا نہیں ہے مجھے زیادہ پیسوں کی ضرورت ہے گاڑی چاہیے کاش میں بیمار نہ ہوتا میرے پاس بڑا گھر ہونا چاہیے یاد رکھیں آپ کو چاہے جتنا کچھ مل جائے پھر بھی کچھ نہ کچھ کمی رہے گی کیونکہ انسان کی تسلی کبھی مکمل نہیں ہوتی
اپنی زندگی کو دوسروں سے مت ملائیں آپ کے پاس وہ خوبیاں ہیں جو دوسروں کے پاس نہیں اور ان کے پاس وہ خامیاں ہیں جو آپ میں نہیں اللہ سب کے ساتھ انصاف کرتا ہے وہ بڑا قادر کریم ہے بس اسکی آزمائش ہے شاکر بنیں

یہ مت کہیں کہ فلاں مجھ سے بہتر ہے میرے بچے فلاں جیسے نہیں فلاں خوش ہے اور میں غمگین ہوں

موازنہ کرنا بند کریں کیونکہ آپ کی نظر محدود ہے

اور اگر کسی نے آپ کے ساتھ زیادتی کی ہو تو بدلہ لینے کے بارے میں مت سوچیں کیونکہ انتقام آپ کی زندگی کو برباد کر دیتا ہے آپ کو نفرت اور حسد میں مبتلا کر دیتا ہے اور اگر بدلہ نہ لے سکے تو ڈپریشن کا شکار ہو جائیں گے

زندگی ان سب باتوں سے کہیں بڑی ہے اپنے دماغ کو ان چیزوں میں مت الجھائیں جو آپ کی توانائی اور خوشی کو چوس لیتی ہیں اور آپ کی طبیعت کو بیمار کر دیتی ہیں

دنیا بڑی ہے اور اس میں بہت سے نئے مواقع آپ کے انتظار میں ہیں

اپنے اردگرد دیکھیں آپ کو بہت سے ایسے لوگ نظر آئیں گے جو آپ سے زیادہ تکلیف میں ہیں ان کی زندگیاں دکھ اور فاقوں سے بھری ہوئی ہیں ان کے ملکوں میں جنگیں ہو رہی ہیں وہ بے گھر ہیں بے ساز و سامان ہیں

اگر آپ کبھی ذہنی امراض کے ہسپتال جائیں تو آپ الله کا
شکر ادا کریں گے ان چند لمحوں کے دکھوں پر جنہیں آپ بہت بڑا سمجھ رہے تھے

اور پھر

ایک گلاس ٹھنڈا پانی پیجئے اور اپنی زندگی کے دنوں سے لطف اٹھائیے

بس نماز پڑھیں قرآن مجید کو ترجمہ سے پڑھیں حدیث کا مطالعہ کریں صدقہ دیں اگر زیادہ پریشانی ہے تو عمرہ پر چلیں جائیں بس سجدہ شکر بجا لائیں اپنا اپنے خاندان کا خیال رکھیں اللہ بہت کریم ہے وہ ہمیں ستر ہزار ماؤں سے بڑھ کر عزیز رکھتا ہے

خوش رہیں شاد و آباد رہیں الله آپ سب کا حامی و ناصر
ہو .
آفتاب اے خان
لاٸف کوچ
امیریکہ

03/07/2025

> "اچھے وقت کی امید رکھیے، کیونکہ ریویول (تازہ زندگی، نئی شروعات) کسی بھی سمت سے، کسی بھی لمحے آ سکتا ہے — بس دل زندہ رکھیے!"

02/07/2025

02/07/2025

تمہاری ذہنی سکون بہت بہتر ہو جائے گا
جب تم یہ سمجھ جاؤ گے کہ:
ہر بات پر ردِعمل دینا ضروری نہیں۔
ہر رائے پر پریشان ہونا ضروری نہیں۔
ہر واقعہ کو ضرورت سے زیادہ اہمیت دینا ضروری نہیں۔
ہر کہی گئی بات کا جواب دینا ضروری نہیں۔
خاموشی، درگزر، اور نظرانداز کرنا بعض اوقات سب سے بڑی طاقت ہوتی ہے۔