10/06/2026
سیدنا زید بن حسنؒ کا نقش
مدینہ منورہ کے قریب پہاڑی چٹانوں پر دریافت ہونے والا یہ سیدنا زید بن حسن بن علی رضی اللہ عنہم کا نقش ہے، جو اہلِ بیت کے ان عظیم ائمہ کرام میں سے ہیں جو علم و عمل میں بلند مقام رکھتے تھے۔
ان کا ایک مشہور نقش اسی راستے پر موجود ہے جہاں سیدنا عمر بن خطاب رضی اللہ عنہ کا نقش بھی دریافت ہوا ہے۔ یہ علاقہ دراصل حج کے ایک قدیم راستہ میں آتا ہے اور اس میں سینکڑوں نقوش موجود ہیں۔
سیدنا زید کے نقش میں درج ہے:
آمن زيد بن الحسن بالله وحده لا شريك له وشهد ألا إله إلا الله وحده وأن محمدا عبده ورسوله على ذلك يحيى ماحيي وعليه يموت إذا مات....
"زید بن حسن نے ایک اللہ پر ایمان رکھا جس کا کوئی شریک نہیں، اور گواہی دی کہ اللہ کے سوا کوئی معبود نہیں، وہ اکیلا ہے اور محمد ﷺ اس کے بندے اور رسول ہیں۔ وہ اسی عقیدے پر زندہ رہے گا جب تک زندہ ہے اور اسی پر مرے گا جب اس کی موت آئے گی۔
اس کے بعد لکھا ہے:
اور وہ اللہ سے دعا کرتے ہیں کہ آخرت میں انہیں رسول اللہ ﷺ کا قرب نصیب ہو، جیسے دنیا میں ان کے قریب کیا تھا۔ انہیں اللہ اپنے محبوبوں، برگزیدوں اور نیک بندوں میں شامل کرے۔ اے اللہ! ہمارے اس قیام گاہ میں برکت عطا فرما اور ہمیں اس کے شر اور ہر شر والے کے شر سے محفوظ رکھ۔"
