13/11/2025
Naveed Ul Haq Qureshi Khurram Malik Mashkoor Ali Naeem Mehboob Shafiq Khan Irfan Jamil Dogar Izhar Khan Niazi @
“چلو چلو نیشنل پریس کلب چلو”
حالیہ دنوں میں 25 کے قریب صحافیوں کو دل کا دورہ پڑا، وہ صحافی بظاہر صحتمند تھے مگر اچانک تکلیف کے باعث وہ ہسپتال پہنچے تو کسی کو ایک ، کسی کو 2 اور کسی کو تین سٹنٹ ڈالے گئے ۔ ان حالات کے پیش نظر آر آئی یو جے اور نیشنل پریس کلب نے پناہ کے اشتراک سے صحافیوں اور ان کی فیملیز کیلئے دل کی بیماریوں کے چیک اپ کیلئے خصوصی کیمپ کا اہتمام کیا ہے۔ جڑواں شہروں کے صحافیوں سے گزارش ہے کہ اپنی فیملی سمیت اس سہولت سے فائدہ اٹھائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قلم کے سپاہی… وہ لوگ جو ہر لمحہ سچائی کی تلاش میں رہتے
ہیں، جو اپنی نیند، آرام، اور کبھی کبھی اپنی زندگی کی قیمت پر بھی عوام تک سچ پہنچانے کا فریضہ انجام دیتے ہیں۔ مگر افسوس کہ اکثر یہ بہادر لوگ خود اپنی صحت، اپنی زندگی کی دھڑکنوں سے غافل رہ جاتے ہیں۔ دباؤ، غیر یقینی حالات، تنخواہوں کی تاخیر، اور ذمہ داریوں کا بوجھ اُن پر ایسا سایہ ڈالتا ہے کہ وہ اپنے دل کی دھڑکنوں کی صدا بھی نہیں سن پاتے۔
ایسے میں نیشنل پریس کلب اسلام آباد اور آر آئی یو جے (راولپنڈی اسلام آباد یونین آف جرنلسٹس) کا یہ عظیم قدم پناہ (پاکستان نیشنل ہارٹ ایسوسی ایشن) کے باہمی تعاون سے 14 نومبر بروز جمعہ منعقد ہونے والا میڈیکل کیمپ ، یقیناً ایک امید کی کرن ہے۔ یہ صرف ایک کیمپ نہیں، بلکہ ایک احساس ہے… ایک اعتراف ہے اُن قربانیوں کا جو صحافی برادری روزانہ دیتی ہے۔
یہ اقدام اس بات کا مظہر ہے کہ نیشنل پریس کلب اور آر آئی یو جے نہ صرف صحافیوں کے قلم کی حفاظت کے لیے کھڑے ہیں، بلکہ اُن کی صحت، اُن کے دلوں کی دھڑکنوں اور اُن کی زندگی کے تحفظ کے لیے بھی فکر مند ہیں۔ یہ میڈیکل کیمپ صحافی برادری کے لیے ایک نیا عزم ہے کہ اب وقت آ گیا ہے ہم اپنی صحت کو بھی اتنی ہی اہمیت دیں جتنی ہم اپنی خبروں کو دیتے ہیں۔
ایسے اقدامات معاشرے میں انسانیت، احساس اور اتحاد کی مثال قائم کرتے ہیں۔ نیشنل پریس کلب، آر آئی یو جے اور پناہ کا یہ قدم یقیناً قابلِ ستائش ہے ، ایک ایسا قدم جو صحافیوں کے دلوں میں نئی توانائی، اعتماد اور زندگی کی اہمیت کو اجاگر کرے گا۔
یہ میڈیکل کیمپ صرف علاج کا نہیں، احساسِ محبت اور قدردانی کا استعارہ ہے۔
Afzal Butt
