Overloaded Stuff

26/11/2025

پاکستان کے تمام ایئرپورٹس پر صرف مال بنانے کے لیے لوگوں سے بڑی زیادتی کی جا رہی ہے۔ اصلی دستاویزات اور اوریجنل ویزہ ہونے کے باوجود بندے کو سائیڈ پر کر کے اس کے گھر والوں سے پیسوں کی ڈیل کی جاتی ہے اگر ڈیل کامیاب ہو جاتی ہے تو بندے کو سفر کرنے کی اجازت مل جاتی ہے ورنہ پیسے نہ دینے کی پاداش میں اس کو نشان عبرت بنانے کے لیے اس کے پاسپورٹ پر آف لوڈ کی مہر لگا دی جاتی ہے۔ اتنے ظالم ہیں کہ اپنے 20/30 ہزار کے چکر میں لوگوں کے مستقبل سے کھیل رہے ہیں، مسافر فریاد لے کر کہاں جائیں؟ پورے نظام پر چور اُچکّوں کا راج ہے!

29/10/2025

جن دنوں لیاقت علی خان پاکستان کے پرائم منسٹر ہوا کرتے تھے۔نوابزادہ کے بیٹوں اشرف اور اکبر کو ہدایت تھی کہ وہ کھانا کھانے کے بعد باورچی خانے میں باورچی کے ساتھ خود بھی برتن دھویا کریں، اس طرح وہ اپنے برتن خود دھویا کرتے تھے۔ایک دفعہ موسم سرما میں لیاقت علی خان برآمدے میں بیٹھے شیو کروارہے تھے۔اُن کے ایک ملازم کہنے لگے: جناب آپ کو سردی لگ جائے گی۔تب نوابزادہ نے جواب دیا:خدا کا شکر ہے کہ میرے سر پر یہ چھپڑ تو ہے، ایسے بھی ہزاروں خدا کے بندے موجود ہیں، جن کو یہ بھی میسر نہیں۔ آرام کی جتنی عادت ڈالو اتنی ہی بڑھ جاتی ہے۔( Copied)

26/08/2024

یہ وطن تمہارا ہے ہم ہیں خام خواہ اس میں!!!

25/08/2024

پاکستان کا قانون
اِنّا لِلّهِ وَاِنّا اِلَيْهِ رَاجِعُون

سانحہ کارساز 💔

09/07/2024

22/10/2023

PTV Channel Dua | Old

03/07/2023

دوسگے بھائیوں کی داستان
دونوں بھائیوں کے پاس دریا کے کنارے بہت بڑی اراضی اور کھیت تھے، انکے والد نے دونوں کیلیے بڑے زرعی فارم بناے گئیے تھے، دونوں بیس سال سے ایک دوسرے سے اتفاق سے رہ رہے تھے اگر کسی کو اپنے کھیتوں کیلئے کسی ٹریکٹر وغیرہ یا کام کی زیادتی کی وجہ سے زرعی مزدوروں کی ضرورت پڑتی تو وہ بغیر پوچھے بلا ججھک ایک دوسرے کے وسائل استعمال کرتے تھے .
لیکن ایک دن کرنا خدا کا یہ ہوا کہ ان میں کسی بات پر اختلاف ہو گیا اور کسی معمولی سی بات سے پیدا ہونے والا یہ اختلاف ایسا بڑھا کہ ان میں بول چال تک بند ہو گئی اور چند ہفتوں بعد ایک صبح ایسی بھی آ گئی کہ وہ ایک دوسرے کے سامنے کھڑے گالی گلوچ پر اتر آ ئے اور پھر چھوٹے بھائی نے غصے میں اپنا بلڈوزر نکالا اور شام تک اس نے دونوں گھروں کے درمیان ایک گہری اور لمبی کھاڑی کھود کر اس میں دریا کا پانی چھوڑ دیا
․․․․اگلے ہی دن ایک ترکھان کا وہاں سے گزر ہوا تو بڑے بھائی نے اسے آواز دے کر اپنے گھر بلایا اور کہا کہ وہ سامنے والا فارم ہاؤس میرے بھائی کا ہے جس سے آج کل میرا جھگڑا چل رہا ہے اس نے کل بلڈو زر سے میر ے اور اپنے گھروں درمیان جانے والے راستے پر ایک گہری کھاڑی بنا کر اس میں پانی چھوڑ دیا ہے.
میں چاہتا ہوں کہ میرے اور اس کے فارم ہاؤس کے درمیان تم آٹھ فٹ اونچی باڑ لگا دو کیونکہ میں اس کا گھر تو دور کی بات ہے اس کی شکل بھی نہیں دیکھنا چاہتا اور دیکھو مجھے یہ کام جلد از جلد مکمل کر کے دو جس کی میں تمہیں منہ مانگی اجرت دوں گا ۔
ترکھان نے سر ہلاتے ہوئے کہا کہ مجھے پہلے آپ وہ جگہ دکھائیں جہاں سے میں نے باڑھ کو شروع کرنا ہے تاکہ ہم پیمائش کے مطابق ساتھ والے قصبہ سے ضرورت کے مطابق مطلوبہ سامان لا سکیں .
موقع دیکھنے کے بعد ترکھان اور بڑا بھائی ساتھ واقع ایک بڑے قصبہ میں گئے اور تین چار متعلقہ مزدوروں کے علا وہ ایک بڑی پک اپ پر ضرورت کا تمام سامان لے کر آ گئے ترکھان نے اسے کہا کہ اب آپ آرام کریں اور اپنا کام ہم پر چھوڑ دیں․․․ترکھان اپنے مزدوروں کاریگروں سمیت سارا دن اور ساری رات کام کرتا رہا ۔
صبح جب بڑے بھائی کی آنکھ کھلی تو یہ دیکھ کر اس کا منہ لٹک گیا کہ وہاں آٹھ فٹ تو کجا ایک انچ اونچی باڑھ نام کی بھی کوئی چیز نہیں تھی ،وہ قریب پہنچا تو یہ دیکھ کر اس کی آنکھیں پھٹی کی پھٹی رہ گئیں کہ وہاں ایک بہترین پل بنا ہوا تھا جہاں اسکے چھوٹے بھائی نے گہری کھاڑی کھود دی تھی.
جونہی وہ اس پل پر پہنچا تو اس نے دیکھا کہ پل کی دوسری طرف کھڑا ہوا اس کا چھوٹا بھائی اسکی طرف دیکھ رہا تھا چند لمحے وہ خاموشی سے کھڑا کبھی کھاڑی اور کبھی اس پر بنے ہوئے پل کو دیکھتا رہا اور پھر اس کے چہرے پر ایک ہلکی سی مسکراہٹ ابھری چند سیکنڈ بعد دونوں بھائی نپے تلے آہستہ آہستہ قدم اٹھاتے پل کے درمیان آمنے سامنے کھڑے ایک دوسرے کو دیکھنے لگے اور پھر دونوں بھائیوں نے آنکھوں میں آنسو بھرتے ہوئے ایک دوسرے کو پوری شدت سے بھینچتے ہوئے گلے لگا لیا۔۔
دیکھتے ہی دیکھتے دونوں بھائیوں کے بیوی بچے بھی اپنے گھروں سے نکل کر بھاگتے اور شور مچاتے ہوئے پل پر اکٹھے ہو گئے اور دور کھڑا ہوا ترکھان یہ منظر دیکھ دیکھ کر مسکرا رہا تھا .
بڑے بھائی کی نظر جونہی ترکھان کی طرف اٹھی جو اپنے اوزار پکڑے جانے کی تیاری کر رہا تھا تو وہ بھاگ کر اس کے پاس پہنچا اورکہا کہ وہ کچھ دن ہمارے پاس ٹھہر جائے لیکن ترکھان یہ کہہ کر چل دیا کہ اسے ابھی اور بہت سے”پُل “ بنانے ہیں۔
دیواریں تو سبھی بنا لیتے ہیں چلو آؤ "پُل" بناتے ہیں

فرضی کہانی لیکن ایک بہترین پیغام کیونکہ کے آپ کے اپنے آس پاس ایسی کئی دیواریں بن چکی ہیں یا بنائی جا رہی ہیں جسکا کوئِ فائدہ نہیں لیکن ناقابل تلافی نقصان اور زندگی بھر کی رنجشوں کے سوا کچھ نہیں

09/06/2023

03/06/2023

جشن مناؤ

کوفہ ایک بار پھر فتح ہوا. مصعب ابن زبیر تخت پر براجمان ہوا.اس کے سامنے مختار ثقفی کا سر کاٹ کر لایا گیا. اس نے فرمان جاری کیا کہ جشن مناؤ، دشمن اسلام مارا گیا.
دربار میں بیٹھا ایک بوڑھا مسکرا دیا. مصعب نے دریافت کیا:کیوں ہنستا ہے بڈھے؟
بوڑھے نے کہا : ماضی یاد آگیا.حال سامنے ہے. مستقبل آدھا دکھائی دے رہا ہے.
مصعب نے حکم دیا کہ تفصیل سےبتاؤ۔
بوڑھے نے بولنا شروع کیا :
* یہی دربار تھا. عبیداللہ ابن زیاد تخت پر بیٹھا تھا. حسین ابن علی کا سر لایا گیا.ابن زیاد نے کہا جشن مناؤ، دشمن اسلام مارا گیا. ہم نے جشن منایا.
* ایک بار پھر یہی دربار تھا. جس مختار ثقفی کا سر تیرے تخت کے نیچے پڑا ہے یہ اسی تخت پہ بیٹھا تھا. ابن زیاد کا سر کاٹ کر لایا گیا.مختار ثقفی نے فرمان جاری کیا جشن مناؤ،دشمن اسلام مارا گیا.ہم نے جشن منایا.
* آج وہی دربار ہے. تو تخت نشین ہے. مختار ثقفی کا سر لایا گیا ہے,تیرا حکم ہے جشن مناؤ، دشمن اسلام مارا گیا. ہم آج بھی جشن منائیں گے.
* کل بھی یہی دربار ہوگا، یہ تو نہیں جانتا کہ تخت پر کون بیٹھا ہوگا. لیکن اتنا پتہ ہے کہ سر تیرا ہوگا اور فرمان جاری کیا جائے گا، جشن مناؤ، دشمن اسلام مارا گیا اور ہم جشن منائیں گے.
بوڑھے کی پیشگوئی کے عین مطابق کوفہ کے دربار میں عبدالملک بن مروان کے سامنے مصعب بن زبیر کا سر پیش کیا گیا اور اس نے جشن منانے کا حکم دیا۔ کسی نے بوڑھے کی بات کا عبدالملک بن مروان کے سامنے ذکر کیا تو عبدالملک بن مروان نے فوراً دربار کی عمارت کو گرانے اور دربار کو کوفہ کے کسی اور علاقے میں تعمیر کرنے کا حکم دیا۔

تاہم عبدالملک بن مروان نے بھی صرف اپنے سر کٹنے کے خوف سے صرف عمارت بدلی مگر نظام نہ بدلا نظام ظلم و جبر پر مشتمل رہا گردنیں کٹتی رہیں عوام بنیادی انسانی حقوق سے محروم رہے

پھر جب عالم اسلام کے عظیم ہیرو عمر بن عبدالعزیز میدان میں آئے تو انہوں ظالم نظام کی عمارت کو گرا کر نیا نظام رائج کیا ظلم و جبر پر مشتمل پورا سسٹم بدل کے رکھ دیا عدل و انصاف کا ایک بار پھر بول بالا ہوا اور عوام خوشحال ہو گئے

مجھے سیاست کی سمجھ تو نہیں ہے.نہ مجھے اتنا پتہ ہے کہ سیاسی ایوانوں میں کیا ہوتا ہے؟
عدلیہ کے فیصلے کس طرح اور ہو تے ہیں؟ماڈل ٹاؤن کے شہداء کے کیس کا فیصلہ 8سال میں کیوں نہ ہو سکا؟
اسٹیبلشمنٹ کیا کردار ادا کر تی ہے؟
مجھے کچھ نہیں پتہ.
لیکن اتنا مجھے ضرور پتہ ہے کہ
* بھٹو گیا ضیا آیا۔۔۔۔۔۔۔ ہم نے جشن منایا
* ضیا الحق کا جہاز تباہ ہوا۔۔۔۔۔۔۔ ہم نے جشن منایا
* بے نظیر کی حکومت گری۔۔۔۔۔۔ ہم نے جشن منایا
* نواز شریف کی حکومت کا خاتمہ ہوا۔۔۔۔۔۔ ہم نے جشن منایا
* مشرف آیا. نواز شریف اور بے نظیر دونوں کو جلاوطن کر دیا۔۔۔۔۔۔ ہم نے جشن منایا
* دونوں واپس آ گئے۔۔۔۔۔۔۔۔ ہم نے جشن منایا
* مشرف گیا۔۔۔۔۔۔۔۔۔۔۔۔۔۔۔ ہم نے جشن منایا
* گیلانی حکومت ختم ہوئی۔۔۔۔۔ ہم نے جشن منایا
* نواز شریف حکومت ختم ہوئی۔۔۔۔۔ ہم نے جشن منایا

** اب ایک بار پھر ہم جشن منا رہے ہیں۔۔۔
* اب اگلا جشن بھی ہوگا۔۔۔۔۔
سب کو معلوم ہے اگلی بار سرکس کا ہو گا ۔لیکن یہ پتا نہیں کب ، کیوں اور کیسے۔۔

تو کیا ہم بحیثیت قوم چاہے کسی بھی سیاسی جماعت سے تعلق رکھتے ہوں، مہرے بدلنے پر صرف جشن مناتے رہیں گے۔۔۔۔۔۔۔۔اس استحصالی نظام کو گرانے کے لئے کبھی نہیں سوچیں گے
تاریخ گواہ ہے کہ ہمیشہ طاقتور اشرافیہ نے نظام کو اپنے مفادات کے تحفظ کے لئے ڈیزائن کیا ہے وہی مشق پاکستان میں ہوئی ہے اس نظام میں غریب اور عام آدمی کے لئے کچھ نہیں ہے
کیا ہم سوچنے کی صلاحیت نہیں رکھتے ؟ اگر رکھتے ہیں تو سوچتے کیوں نہیں ؟؟؟؟؟؟؟

اندھی تقلید کوئی ہم سے سیکھے۔۔۔۔۔۔۔
ہمارا حال دیکھیں ہمیں چوری اور کرپشن پر کوئی اعتراض نہیں بس چور اور کرپٹ ہماری مرضی کا ہونا چاہئے۔
منقول