Kotla News

05/06/2025

ان شاءاللہ

مظفرآباد(پریس ریلیز)
مرکزی جمعیت اہل حدیث مظفرآباد کے زیر اہتمام دارلحکومت مظفرآبادمیں نماز عیدالاضحی امیر مرکز ی جمعیت اہل حدیث ضلع مظفرآباد و رئیس جامعہ محمدیہ مولانا زاہد الا سلام اثری کی اقتداء میں صبح 07:00بجے یونیورسٹی کالج گراؤنڈمظفرآباد میں ادا کی جائے گی۔خواتین کے لیے پردے میں نماز عید الاضحی کی ادائیگی کے لیے انتظامات کیے گئے ہیں۔ مرکز اہل حدیث جامعہ محمدیہ سے جاری کردہ پریس ریلیز میں کہا گیا ہے کہ آزادکشمیر کے دارلحکومت مظفرآباد کا نماز عیدالاضحی کا سب سے بڑا اجتماع حسب سابق یونیورسٹی کالج گراؤنڈ میں منعقد ہو گا،جہاں ہزاروں مرود خواتین نماز عیدباجماعت ادا کریں گے۔نماز عید و خطبہ عید،رئیس جامعہ محمدیہ مولانا زاہد الاسلام اثری ارشاد فرمائیں گے۔ بارش کی صورت میں نماز عید الاضحی کا مرکزی اجتماع مرکز اہل حدیث جامعہ محمدیہ اپر چھتر میں منعقد ہو گا،جبکہ دارلحکومت مظفرآباد کی دیگرتمام جامع مساجد اہل حدیث میں بھی نماز عید الاضحی کے اجتماعات وقت مقررہ پر منعقد ہوں گے۔ ترجمان نے پریس ریلیز میں بتایا کہ نماز عیدالاضحی کے سلسلے میں انتظامات کو حتمی شکل دی جا رہی ہے اور اس سلسلے میں نماز ادائیگی کی جگہ،عوام کی سیکورٹی،گاڑیوں کی پارکنگ سمیت تمام اہم امور کے لیے مختلف کمیٹیاں قائم کر دی گئی ہیں۔مرکزی جمعیت اہل حدیث و جامعہ محمدیہ کے زیر انتظام،یونیورسٹی کالج گراؤنڈ میں گزشتہ7دھائیوں سے زائدعرصہ سے نماز عید اداکی جا رہی ہے۔ ماضی میں نماز عیدبانی مرکزی جمعیت اہل حدیث آزاد جموں و کشمیر مولانا محمدیونس اثری علیہ رحمۃ اور پھر امیر ثانی مرکزی جمعیت اہل حدیث آزاد جموں و کشمیر پروفیسر شہاب الدین مدنی علیہ رحمۃ کی اقتداء میں ادا کی جاتی رہی ہے۔

19/05/2025

ماشاءاللہ

مظفرآباد :19 مئی 2025
قائم مقام امیر مرکزی جمعیت اہل حدیث پاکستان مولانا ڈاکٹر علی محمد ابو تراب کی جانب سے سیکٹر کمانڈر آئی ایس پی آر آزاد جموں و کشمیر و گلگت بلتستان برگیڈیئر طارق سہیل کو آپریشن بنیان مرصوص کی کامیابی پر پھولوں کا گلدستہ پیش کیا جا رہا ہے۔ اس موقع پر سینئر نائب ناظم اعلیٰ مرکزی جمعیت اہل حدیث پاکستان مولانا سید عتیق الرحمن شاہ محمدی، ناظم اعلیٰ مرکزی جمعیت اہل حدیث دانیال شہاب مدنی و دیگر عہدیداران بھی موجود تھے۔
مرکزی جمعیت اہل حدیث کی قیادت نے آپریشن بنیان مرصوص کی کامیابی پر پاک فوج کو خراج تحسین پیش کرتے ہوئے ریاست کے دفاع و استحکام کے لیے پاک افواج کے شانہ بشانہ کھڑے ہونے کے عزم کا اظہار کیا۔

16/05/2025

مظفرآباد، باغ،نیلم،ہٹیاں، کوٹلی،میرپور،تراڑکھل،ہجیرہ ) پریس ریلیز)
مرکزی جمعیت اہل حدیث کے زیرِ اہتمام آج بروز جمعتہ المبارک آزاد جموں وکشمیر کے تمام ضلعی مراکز، تحصیلی جماعتوں اور مقامی مساجد میں ''یومِ العزۃ و الشکر'' نہایت عقیدت، دینی جوش و خروش اور قومی یکجہتی کے ساتھ منایا گیا۔یہ دن پاکستانی افواج کی جانب سے ہندوستانی جارحیت کے جرات مندانہ جواب میں کیے گئے معرکہ حق – آپریشن ''بنیان مرصوص'' کی عظیم الشان کامیابی پر اللہ تعالیٰ کے حضور شکر اور عاجزی کے طور پر منایا گیا۔ریاست بھر میں جمعہ کے اجتماعات میں علماء کرام نے اپنے خطبات میں دفاعِ وطن کی اہمیت، شہداء کی قربانیوں، افواج پاکستان کی بہادری، اور اللہ تعالیٰ کی جانب سے عطاء کردہ نصرت پر روشنی ڈالی۔اور مساجد میں ملک کی ترقی و سا لمیت،شہداء کی بلندی درجات کے لیے دعائے مغفرت اور زخمیوں کی صحت یابی کے لیے خصوصی دعائیں مانگی گئیں۔ ناظم اعلیٰ مرکزی جمعیت اہل حدیث دانیال شہاب مدنی نییوم العزۃ والشکر کی مناسبت سے اپنیبیان میں کہا کہہم اللہ رب العزت کے بے پایاں شکر گزار ہیں جس نے ہمیں دشمن کے ناپاک عزائم کے مقابلے میں فتح و عزت سے نوازا۔ معرکہ حق آپر یشن بنیان مرصوص قرآن کی وہ اصطلاح ہے جو آج ہماری افواج اور ملت اسلامیہ کی وحدت، قربانی اور ایمان کی آئینہ دار بن چکی ہے۔ یہ دن ہمیں یاد دلاتا ہے کہ عزت صرف اللہ کے پاس ہے، اور جو اس پر بھروسہ کرتا ہے، اللہ اسے ذلت سے بچا کر سربلند کرتا ہے۔ افواجِ پاکستان ہمارا فخر ہیں اور ہرپاکستانی و کشمیر ان کے ساتھ سیسہ پلائی ہوئی دیوار کی مانند کھڑا ہے۔مرکزی جمعیت اہل حدیث، دشمن کے خلاف ہر محاذ پر ریاست و ملت و مسلح افواج پاکستان کے شانہ بشانہ کھڑی ہے۔ ہماری مساجد، مدارس اور منبر و محراب دین کے ساتھ ساتھ حب الوطنی اور شعورِ ملت کا قلعہ ہیں۔انہوں نے کہا کہ اگر بھارت سندھ طاس معاہدے جیسے بین الاقوامی معاہدوں کو پامال کرتا ہے، تو پاکستان بھی شملہ معاہدے جیسے سمجھوتوں کو قائم رکھنے کا پابند نہیں۔ ہم اپنے پانی کا ایک ایک قطرہ لینا جانتے ہیں اور اپنی سرزمین کا ایک ایک انچ بچانا جانتے ہیں۔ انہوں نے کہا پاکستان کی افواج نے جس غیر معمولی مہارت، تکنیکی برتری اور حکمت عملی کا مظاہرہ کیا ہے، وہ عالمی طاقتوں کو یہ پیغام دیتا ہے کہ پاکستان کسی بھی سطح پر اپنے نظریاتی و جغرافیائی دفاع پر کوئی سمجھوتہ نہیں کرے گا۔ریاستی و قومی وحدت کا اظہار کرتے ہوئے دانیال شھاب مدنی نے کہا کہ ہندوستان کے خلاف معرکہ حق کے آغاز سے قبل ہی اللہ نے پاکستان کو اتحاد کی نصرت عطاء کر دی تھی کراچی سے لے کر خیبر تک پوری قوم کا مثالی اتحاد و اپنی مسلح افواج کے شانہ بشانہ کھڑے ہونے کا عزم پر ہر پاکستانی یک زبان ہو چکا تھا۔ اس وقت پوری قوم و ملت کو اتحاد و اتفاق و جہاد فی سبیل اللہ کے لیے ہر دم تیار رہنے کی اشد ضرورت ہے۔انہوں نے کہا کہ ہندوستان ایک مکار دشمن ہے،اس پر کسی صورت بھروسہ نہیں کیا جا سکتا، حکومت پاکستان نے ہندوستان کے خلاف جو پابندیاں عائد کی ہیں، انہیں آزادی کشمیر و پاکستان میں ہندوستان کی جانب سے کی جانے والے دہشت گردی کے خاتمہ تک مشروط کیا جائے۔ دانیال شہاب مدنی نے کہا کہ معرکہ حق آپریشن بنیان مرصوص میں پاکستان نے ہندوستان کو جو ضرب پہنچائی ہے پوری امت مسلمہ کو اس پر فخر ہے، دنیا بھر سے مسلمان جس طرح اپنی مسرت کا اظہار کر رہے ہیں وہ حقیقی معنوں میں قابل رشک اور رحمت رب ذوالجلال ہے اور معرکہ حق کی کامیابی سے پوری امت مسلمہ کو تحفظ کا احساس ہوا ہے کہ دنیا میں پاکستان ہی وہ ملک ہے جو دشمنان اسلام کے سامنے پوری امت مسلمہ کے تحفظ کرنے کا کردار ادا کر سکتا ہے اور مسلح افواج پاکستان امت مسلمہ کے تحفظ کی ضامن ہو گی۔ مرکزی جمعیت اہل حدیث کی اپیل پر یوم العزۃ والشکر کی مناسب سے ریاست بھر سے جید علماء کرام، خطباء جن میں مولانا زاہد اثری، مولانا عصمت اللہ عاصم، مولانا محمد یونس صدیقی، مولانا فضل الرحمن فاروقی، مولانا نوید الاسلام بخاطر، مولانا عبدالرشید صدیقی، مولانا عبدالباسط علوی، مولانا سجادعسکری، حافظ صہیب احمد ایڈوکیٹ، مولانا منظور احمد، مولانا خلیل الرحمن مغل، مولانا وحید الرحمن، مولانا عرفان محمدی، مولاناامجد دہلوی، مولانا مطیع الرحمن، مولانا خلیل الرحمن بٹ، مولانا عبدالرشید اظہر، مولانا محمد اسلم علوی، مولانا خواجہ ظفر الحق،مولانا سجاد احمد قدوسی، مولانا عبدالرحمن عابد، مولانا ظہیر الاسلام، مولانا معروف احمد، مولانا حافظ محمد جہانگیر، پروفیسرعبدالروف بٹ، مولانا فضل الرحمنعثمانی، قاری محمد شبیر، مولانا یاسر محمدی، مولانا تنویر الاسلام عباسی، مولانا عبداللہ اسحاق،مولانا حافظ محمد اسلم، سمیت دیگر علماء کرام نے اپنے خطبات جمعہ میں بھرپور طور پر مسلح افواج پاکستان کی قربانیوں کو خراج عقیدت پیش کرنے کے ساتھ عوا م الناس کو اللہ تعالی کا شکر ادا کرنے اور ہر وقت اللہ سے ہی نصرت طلب کرنے کے متعلق قرآن و حدیث کی روشنی میں بھرپور رہنمائی کی اور علماء کرام نے جمعہ کے خطبات اور عوامی اجتماعات میں عوام کے دلوں میں جوش، ایمان، حب الوطنی اور دینی بیداری کی شمع روشن کی۔ انہوں نے افواجِ پاکستان کے شانہ بشانہ ہونے کا اعلان کرتے ہوئے فرمایا'دینی قیادت وطن کے دفاع کو عین ایمان کا تقاضا سمجھتی ہے، اور ہم ہر محاذ پر مادرِ وطن کے ساتھ کھڑے ہیں۔'انہوں نے عوام کو وطن عزیز کے خلاف ہونے والی میڈیا جنگ، نظریاتی یلغار، اور ذہنی غلامی کے خلاف خبردار کرتے ہوئے کہا کہ اب صرف توپ و تفنگ کا میدان نہیں، بلکہ دشمنسے ذرائع ابلاغ کے میدان میں اور سائبر وار اکے خلاف بھی صف آراء ہونے کی تلقین کی۔ مرکزی جمعیت اہل حدیث اللہ تعالیٰ کے شکر کے ساتھ ساتھ قوم و ملت سے اپیل کرتی ہے کہ وہ دفاعِ وطن، اسلامی اقدار اور نظریاتی سرحدوں کی حفاظت کے لیے متحد و بیدار رہیں۔ ہماری کامیابی کا راز ایمان، اتحاد، قربانی اور اللہ پر توکل میں ہے۔ اللہ تعالیٰ وطن عزیز کو سلامت رکھے، افواج پاکستان کو استقامت دے، اور شہداء کے درجات بلند فرمائے۔

10/05/2025

10/05/2025

10/05/2025

😆

10/05/2025

خوف چیک کریں ٹرین کا ہارن سن کر چھپ گئے ہیں۔۔😂