Sahara Group of Newspapers

Sahara Group of Newspapers SAHARA & KHARAAK NEWS PK

اسلام آباد پولیس میں بڑی تبدیلی، علی ناصر رضوی تبدیلاسلام آباد: آئی جی اسلام آباد پولیس علی ناصر رضوی کو تبدیل کرکے ڈائر...
12/09/2026

اسلام آباد پولیس میں بڑی تبدیلی، علی ناصر رضوی تبدیل
اسلام آباد: آئی جی اسلام آباد پولیس علی ناصر رضوی کو تبدیل کرکے ڈائریکٹر جنرل نیشنل سائبر کرائم انویسٹیگیشن ایجنسی (NCCIA) تعینات کر دیا گیا، جبکہ چودھری سہیل گجر کو نیا آئی جی اسلام آباد پولیس مقرر کر دیا گیا۔
سہارا نے کئی روز قبل تبدیلی کی خبر دے دی تھی
یاد رہے کہ سہارا نے کئی روز قبل اپنے قارئین کو علی ناصر رضوی کی تبدیلی اور چودھری سہیل گجر کی بطور آئی جی اسلام آباد تعیناتی کے ممکنہ فیصلے سے آگاہ کر دیا تھا، جو اب نوٹیفکیشن کے اجرا کے ساتھ سامنے آ گیا ہے۔

سرگودھا: پی ٹی آئی رہنما ایڈووکیٹ نعیم حیدر پنجوتھہ کے خلاف تھانہ بھیرہ میں بجلی چوری کا مقدمہ درجسرگودھا: پی ٹی آئی رہن...
11/09/2026

سرگودھا: پی ٹی آئی رہنما ایڈووکیٹ نعیم حیدر پنجوتھہ کے خلاف تھانہ بھیرہ میں بجلی چوری کا مقدمہ درج
سرگودھا: پی ٹی آئی رہنما اور ایڈووکیٹ نعیم حیدر پنجوتھہ کے خلاف تھانہ بھیرہ میں بجلی چوری کے الزام میں مقدمہ درج کرلیا گیا۔
ایف آئی آر کے مطابق SDO FESCO سب ڈویژن سردار پور نون کی جانب سے درج کرائی گئی درخواست پر کارروائی عمل میں لائی گئی۔ ایف آئی آر میں الزام عائد کیا گیا ہے کہ بجلی کی چیکنگ کے دوران میٹر میں مبینہ طور پر Shunt/Thumble کے ذریعے بجلی چوری کی جارہی تھی۔
ایف آئی آر کے مطابق موقع پر بجلی چوری کا مواد/طریقہ کار سامنے آنے پر کارروائی کرتے ہوئے مقدمہ دفعہ 462 کے تحت درج کیا گیا۔
پولیس نے مقدمہ درج کرکے مزید تفتیش شروع کردی ہے، جبکہ ایف آئی آر میں عائد الزامات کا حتمی تعین تفتیش کے بعد ہوگا۔

اوکاڑہ: یونین کونسل 42 کا نائب قاصد اشرف رشوت لیتے رنگے ہاتھوں گرفتاراوکاڑہ: چک نمبر 39/3R میں واقع یونین کونسل 42 کے نا...
11/09/2026

اوکاڑہ: یونین کونسل 42 کا نائب قاصد اشرف رشوت لیتے رنگے ہاتھوں گرفتار
اوکاڑہ: چک نمبر 39/3R میں واقع یونین کونسل 42 کے نائب قاصد اشرف کو مبینہ طور پر رشوت لیتے ہوئے رنگے ہاتھوں گرفتار کر لیا گیا۔ ذرائع کے مطابق کارروائی متعلقہ اینٹی کرپشن حکام کی جانب سے عمل میں لائی گئی۔ مزید قانونی کارروائی جاری ہے۔
#اوکاڑہ #رشوت

شاندار ہوٹل میں اکیلا بیوہ خاتون سے 50 ہزار رشوت لیتا ASI رنگے ہاتھوں گرفتارسیالکوٹ: اینٹی کرپشن گوجرانوالہ/سیالکوٹ نے ک...
11/09/2026

شاندار ہوٹل میں اکیلا بیوہ خاتون سے 50 ہزار رشوت لیتا ASI رنگے ہاتھوں گرفتار
سیالکوٹ: اینٹی کرپشن گوجرانوالہ/سیالکوٹ نے کارروائی کرتے ہوئے محکمہ پولیس سیالکوٹ کے اسسٹنٹ سب انسپکٹر (ASI) محمود کو مبینہ طور پر 50 ہزار روپے رشوت لیتے ہوئے رنگے ہاتھوں گرفتار کر لیا۔
اینٹی کرپشن حکام کے مطابق پولیس اہلکار کو ٹریپ ریڈ کے دوران گرفتار کیا گیا۔ کارروائی FIR نمبر 41/2026، تھانہ اینٹی کرپشن سیالکوٹ کے سلسلے میں عمل میں لائی گئی، جبکہ ملزم کے قبضے سے رشوت کی رقم 50 ہزار روپے برآمد کر لی گئی۔
ذرائع کے مطابق مبینہ طور پر مذکورہ پولیس اہلکار نے ایک بیوہ خاتون سے شاندار ہوٹل میں ملاقات کے دوران کھانے کے ساتھ رشوت کی رقم وصول کی، جس پر اینٹی کرپشن ٹیم نے کارروائی کرتے ہوئے اسے گرفتار کرلیا۔
اینٹی کرپشن حکام کا کہنا ہے کہ واقعے کی مزید تفتیش جاری ہے اور معاملے کے تمام پہلوؤں کا جائزہ لیا جا رہا ہے۔
#رشوت #سیالکوٹ #پولیس

پنجاب حکومت کابڑافیصلہ، پٹواری پرائیویٹ عمارتوں اور ذاتی منشیوں کے بغیر سرکاری دفاتر میں بیٹھیں گےلاہور: پنجاب حکومت نے ...
11/09/2026

پنجاب حکومت کابڑافیصلہ، پٹواری پرائیویٹ عمارتوں اور ذاتی منشیوں کے بغیر سرکاری دفاتر میں بیٹھیں گے
لاہور: پنجاب حکومت نے پٹواریوں کے حوالے سے بڑا فیصلہ کرتے ہوئے انہیں پرائیویٹ عمارتوں میں قائم دفاتر میں بیٹھنے سے روکنے کا فیصلہ کیا ہے۔ آئندہ پٹواریوں کے لیے تحصیل کی سطح پر سرکاری عمارتوں میں باقاعدہ پٹواری خانے قائم کیے جائیں گے۔
ذرائع کے مطابق پٹواریوں کی جانب سے ذاتی حیثیت میں رکھے گئے پرائیویٹ منشیوں کو بھی سرکاری دفاتر میں رکھنے کی اجازت نہیں ہوگی۔ پٹواری اور متعلقہ عملہ سرکاری دفاتر میں بیٹھ کر سرکاری امور انجام دے گا۔
حکومتی اقدام کا مقصد شہریوں کو محکمہ مال سے متعلق امور کے لیے سرکاری سطح پر بہتر سہولیات فراہم کرنا، پٹواریوں کے نجی دفاتر اور غیر سرکاری عملے کے کردار کو ختم کرنا اور کرپشن کے خلاف جاری اقدامات کو مزید مؤثر بنانا ہے۔
ذرائع کا کہنا ہے کہ تحصیل کی سطح پر پٹواری خانوں کے قیام کے بعد شہریوں کو محکمہ مال سے متعلق معاملات کے لیے باقاعدہ سرکاری دفتر دستیاب ہوگا۔

منڈی بہاؤالدین: سٹی اسپتال ملازمین کی رہائش گاہ کے سامنے موٹرسائیکل سے پیٹرول چوری، چور رہائشی ملازم کو دیکھ کر فرارمنڈی...
11/09/2026

منڈی بہاؤالدین: سٹی اسپتال ملازمین کی رہائش گاہ کے سامنے موٹرسائیکل سے پیٹرول چوری، چور رہائشی ملازم کو دیکھ کر فرار
منڈی بہاؤالدین میں سٹی اسپتال کے ملازمین کی رہائش گاہ کے سامنے کھڑی موٹرسائیکل سے پیٹرول چوری کر لیا گیا۔ واقعہ آج صبح تقریباً ساڑھے 9 بجے پیش آیا، پیٹرول چوری کرنے والا چور رہائشی ملازم کو دیکھتے ہی موٹرسائیکل پر سوار ہوکر فرار ہوگیا۔
عمار نامی متاثرہ شخص نے فوری طور پر 15 پر پولیس کو اطلاع دی، جس پر پولیس نے موقع پر پہنچ کر واقعے کی تفصیلات حاصل کیں۔ سٹی اسپتال کے سی سی ٹی وی کیمروں سے چور کی تصاویر بھی حاصل کرلی گئی ہیں، جو پولیس کو فراہم کردی گئی ہیں۔
علاقہ مکینوں کے مطابق اس علاقے میں اس سے قبل بھی گاڑیوں اور موٹرسائیکلوں سے پیٹرول چوری ہونے کی شکایات سامنے آتی رہی ہیں۔ جبکہ کئی سال قبل رہائشیوں کی متعدد موٹرسائیکلیں بھی چوری ہوچکی ہیں، جن کے مقدمات پولیس میں درج ہیں، تاہم چوری شدہ موٹرسائیکلیں تاحال برآمد نہیں ہوسکیں۔
رہائشیوں نے پولیس سے مطالبہ کیا ہے کہ پیٹرول چوری کی حالیہ واردات میں ملوث ملزم کو گرفتار کرکے علاقے میں موٹرسائیکل چوری کی سابقہ وارداتوں کی بھی تحقیقات کی جائیں اور چوری شدہ موٹرسائیکلوں کی برآمدگی یقینی بنائی جائے۔
#چوری #پولیس #15

پٹرولیم لیوی کے خاتمے پر حکومت اور جماعت اسلامی میں مذاکرات بے نتیجہ، حکومت نے مزید 3 دن مانگ لیےاسلام آباد: پٹرولیم لیو...
11/09/2026

پٹرولیم لیوی کے خاتمے پر حکومت اور جماعت اسلامی میں مذاکرات بے نتیجہ، حکومت نے مزید 3 دن مانگ لیے
اسلام آباد: پٹرولیم لیوی کے خاتمے اور مہنگائی کے خلاف جماعت اسلامی اور حکومت کے درمیان مذاکرات کا ایک اور دور بھی بے نتیجہ ختم ہوگیا، حکومتی ٹیم نے معاملے پر مزید تین دن کی مہلت مانگ لی۔
اسلام آباد میں مذاکرات کے بعد میڈیا سے گفتگو کرتے ہوئے جماعت اسلامی کے نائب امیر لیاقت بلوچ نے کہا کہ حکومتی وفد نے پیر تک اسلام آباد کی جانب لانگ مارچ مؤخر کرنے کی درخواست کی ہے۔
لیاقت بلوچ نے کہا کہ حکومت کی جانب سے سنجیدہ جواب دینے کے بجائے صرف وقت حاصل کرنے کی کوشش کی جا رہی ہے۔ اگر مقررہ مدت میں عوام کو ریلیف نہ دیا گیا تو ملک بھر سے دھرنے اسلام آباد کا رخ کریں گے۔
انہوں نے کہا کہ جماعت اسلامی کا بنیادی مطالبہ پٹرولیم مصنوعات پر عائد لیوی کا خاتمہ اور عوام کو حقیقی ریلیف فراہم کرنا ہے۔ بیوروکریسی مسائل کے حل میں رکاوٹیں کھڑی کرتی ہے، جبکہ حکومتی وفد بھی مسائل حل کرنے کے بجائے مشکلات کا پہاڑ پیش کرتا ہے۔
لیاقت بلوچ کا کہنا تھا کہ مذاکرات کو ایک حد تک ہی جاری رکھا جا سکتا ہے اور مزید وقت ضائع نہیں کیا جائے گا۔ مذاکرات کے تفصیلی نتائج جماعت اسلامی کے امیر حافظ نعیم الرحمن کو پیش کر دیے گئے ہیں، جن کی منظوری کے بعد آئندہ کا حتمی لائحہ عمل سامنے لایا جائے گا۔
واضح رہے کہ پٹرولیم مصنوعات پر لیوی اور بڑھتی ہوئی مہنگائی کے خلاف جماعت اسلامی کے احتجاجی دھرنے ملک بھر میں گزشتہ 26 روز سے جاری ہیں

سرگودھا: اینٹی کرپشن دی کارروائی، نائب تحصیلدار 30 ہزار روپے رشوت لیندیاں رنگے ہتھوں گرفتارساہیوال دے نائب تحصیلدار محمد...
10/09/2026

سرگودھا: اینٹی کرپشن دی کارروائی، نائب تحصیلدار 30 ہزار روپے رشوت لیندیاں رنگے ہتھوں گرفتار
ساہیوال دے نائب تحصیلدار محمد بخش بھرتھ نوں 30 ہزار روپے رشوت لیندیاں رنگے ہتھوں گرفتار کر لیا گیا۔
اینٹی کرپشن دے مطابق نائب تحصیلدار نے جائیداد دی ونڈ دے معاملے وچ شہری کولوں 30 ہزار روپے رشوت منگی سی۔
اینٹی کرپشن ٹیم نے جوڈیشل مجسٹریٹ دی نگرانی وچ کارروائی کرکے نائب تحصیلدار نوں گرفتار کیتا۔
ملزم دے خلاف مقدمہ درج کر لیا گیا اے، جدوں کہ مزید تفتیش جاری اے۔
ترجمان اینٹی کرپشن دے مطابق بدعنوان تے رشوت خور عناصر دے خلاف بلاامتیاز کارروائیاں جاری نیں۔
کرپشن تے رشوت ستانی وچ ملوث افراد دے خلاف قانون دے مطابق سخت کارروائی کیتی جائے گی۔
وزیراعلیٰ پنجاب مریم نواز شریف دے زیرو کرپشن ویژن دے تحت اینٹی کرپشن دا کریک ڈاؤن جاری اے۔

گورنمنٹ سٹی ہسپتال منڈی بہاؤالدین میں فائر اینڈ ایویکویشن موک ایکسرسائز کا انعقادمنڈی بہاؤالدین: ڈپٹی کمشنر منڈی بہاؤالد...
10/09/2026

گورنمنٹ سٹی ہسپتال منڈی بہاؤالدین میں فائر اینڈ ایویکویشن موک ایکسرسائز کا انعقاد
منڈی بہاؤالدین: ڈپٹی کمشنر منڈی بہاؤالدین عدیل حیدر کی ہدایت پر ڈسٹرکٹ ایمرجنسی آفیسر انجینئر عمران خان کی زیرِ نگرانی گورنمنٹ سٹی ہسپتال منڈی بہاؤالدین میں فائر اینڈ ایویکویشن موک ایکسرسائز کا انعقاد کیا گیا۔
موک ایکسرسائز کے دوران ریسکیو 1122 کی ٹیم نے ہسپتال کے عملے کو ہنگامی صورتحال میں آگ لگنے کی صورت میں فوری اور مؤثر حفاظتی اقدامات کے حوالے سے عملی تربیت فراہم کی۔
اس موقع پر ہسپتال کے عملے کو فائر ایکسٹنگوئشر (فائر سلنڈر) کے درست اور محفوظ استعمال کا عملی طریقہ بھی سکھایا گیا، جبکہ آگ لگنے کی صورت میں مریضوں، عملے اور دیگر افراد کے محفوظ انخلاء (Evacuation) کے طریقہ کار سے بھی آگاہ کیا گیا۔
موک ایکسرسائز کا مقصد ہسپتال کے عملے کی ہنگامی حالات سے نمٹنے کی صلاحیتوں کو مزید بہتر بنانا، بروقت حفاظتی اقدامات کو یقینی بنانا اور کسی بھی ناگہانی صورتحال میں جانی و مالی نقصان کو کم سے کم کرنا تھا۔

اسلام آباد پولیس میں اہم تبدیلی کا امکان، وزیراعظم کی اعلیٰ پولیس افسران سے ملاقاتاسلام آباد: وزیراعظم شہباز شریف نے کما...
10/09/2026

اسلام آباد پولیس میں اہم تبدیلی کا امکان، وزیراعظم کی اعلیٰ پولیس افسران سے ملاقات
اسلام آباد: وزیراعظم شہباز شریف نے کمانڈنٹ پولیس ٹریننگ کالج لاہور ڈی آئی جی سہیل چودھری اور آئی جی اسلام آباد علی ناصر رضوی کو وزیراعظم آفس طلب کرکے ان سے الگ الگ اہم امور پر گفتگو کی ہے۔
ذرائع کے مطابق وزیراعظم آفس میں ہونے والی ملاقاتیں کسی حد تک انٹرویو کے انداز کی بھی حامل تھیں، جس کے بعد پولیس کے اعلیٰ حلقوں میں اسلام آباد پولیس کی قیادت میں ممکنہ تبدیلی کے حوالے سے قیاس آرائیاں شروع ہوگئی ہیں۔
ذرائع کا کہنا ہے کہ موجودہ صورتحال میں ڈی آئی جی سہیل چودھری کو نیا آئی جی اسلام آباد تعینات کیے جانے کا امکان زیرِ غور ہے، جبکہ موجودہ آئی جی اسلام آباد علی ناصر رضوی کو تبدیل کرکے ڈی جی نیشنل کرائم کنٹرول اینڈ انویسٹی گیشن (NCCI) کی ذمہ داری سونپے جانے کی بھی بات سامنے آ رہی ہے۔
تاہم اس حوالے سے تاحال کوئی حتمی فیصلہ یا سرکاری نوٹیفکیشن سامنے نہیں آیا۔ وزیراعظم آفس میں ہونے والی ملاقاتوں اور ممکنہ تعیناتیوں سے متعلق اطلاعات فی الحال انتہائی محدود حلقے تک ہیں، اس لیے حتمی صورتحال کا انحصار وزیراعظم کی منظوری اور بعد ازاں جاری ہونے والے سرکاری احکامات پر ہوگا۔
پولیس کے باخبر حلقوں میں اسے اہم انتظامی پیش رفت قرار دیا جا رہا ہے، تاہم ذرائع کے مطابق آخری وقت میں کسی بھی عہدے کے لیے فیصلہ تبدیل ہونے کا امکان بھی موجود ہے۔
یاد رہے کہ فی الوقت یہ اطلاعات ممکنہ تعیناتیوں سے متعلق ہیں اور انہیں حتمی فیصلہ قرار نہیں دیا جا سکتا۔
فیاض احمدبٹ ،سہاراگروپ آف میڈیا

Address

Islamabad
75230

Telephone

+923455759090

Website

Alerts

Be the first to know and let us send you an email when Sahara Group of Newspapers posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sahara Group of Newspapers:

Shortcuts

Share

Category