Urdu World

Urdu World Contact information, map and directions, contact form, opening hours, services, ratings, photos, videos and announcements from Urdu World, News & Media Website, Islamabad.

تونسہ شریف: کار سوار ملزمان کی واردات کے بعد فرار کی کوشش، دو خواتین سمیت متعدد ملزمان گرفتار، ایس ڈی پی او مہر ناصر کی ...
23/09/2026

تونسہ شریف: کار سوار ملزمان کی واردات کے بعد فرار کی کوشش، دو خواتین سمیت متعدد ملزمان گرفتار، ایس ڈی پی او مہر ناصر کی قیادت میں کارروائی
تونسہ شریف میں سبزی منڈی کے قریب اور کوٹ موڑ پر شہریوں کو ہٹ کرنے والے کار سوار ملزمان کو ایس ڈی پی او تونسہ مہر ناصر سیال نے خود تعاقب کرتے ہوئے گرفتار کر لیا، گرفتار ملزمان میں دو خواتین بھی شامل ہیں۔ پولیس رپورٹ کے مطابق ملزمان نے مبینہ طور پر 20 ستمبر 2026 کو شیخوپورہ میں محمد زبیر کے گھر سے 7 تولہ طلائی زیورات اور تقریباً 17 لاکھ روپے نقدی چوری کی تھی، جس کے بعد کار نمبر BCY/735 کے ذریعے فرار ہو گئے۔ آج تونسہ شریف میں فرار کی کوشش کے دوران کار سواروں نے سبزی منڈی کے قریب اور کوٹ موڑ پر متعدد افراد کو ہٹ کیا، تاہم ایس ڈی پی او تونسہ مہر ناصر سیال نے ملزمان کا خود تعاقب کرتے ہوئے انہیں گرفتار کر لیا۔ کارروائی کے دوران ایس ایچ او تونسہ سٹی شبیر مستوئی اور ایس ایچ او ریتڑہ حماد یاسر بھی ایس ڈی پی او مہر ناصر کے ہمراہ موجود رہے اور گرفتاری کے عمل میں نتیجہ خیز معاونت کی۔ زخمیوں کو طبی امداد کے لیے THQ ہسپتال تونسہ منتقل کیا گیا، جبکہ واقعے کے حوالے سے مزید قانونی کارروائی جاری ہے۔

إِنَّا لِلّٰهِ وَإِنَّا إِلَيْهِ رَاجِعُونَریتڑہ کے نواحی علاقے پتی والا کا شیر جوان شہباز حسین کلاچی ولد عطا محمد کلاچ...
23/09/2026

إِنَّا لِلّٰهِ وَإِنَّا إِلَيْهِ رَاجِعُونَ
ریتڑہ کے نواحی علاقے پتی والا کا شیر جوان شہباز حسین کلاچی ولد عطا محمد کلاچی وطن پر قربان اللہ تعالیٰ شہید کے درجات بلند فرمائے اور پسماندگان کو صبر جمیل عطا فرمائے آمین 💔

جماعت اسلامی کی قیادت نے بالغ نظری کا مظاہرہ کرتے ہوئے لانگ مارچ ملتوی کر دیا ہے۔ ان کے اس عمل کو جتنا سراہا جائے اتنا ک...
23/09/2026

جماعت اسلامی کی قیادت نے بالغ نظری کا مظاہرہ کرتے ہوئے لانگ مارچ ملتوی کر دیا ہے۔ ان کے اس عمل کو جتنا سراہا جائے اتنا کم ہے۔ میرا ماننا ہے کہ پاکستان کی تمام سیاسی پارٹیوں اور رہنماؤں کو اسی بالغ نظری اور تدبر کی اشد ضرورت ہے۔ مجھے یقین ہے کہ جتنے بھی حساس اور پاکستان کو ترقی اور آگے بڑھتا دیکھنے کی خواہش رکھنے والے لوگ ہیں وہ میرے اس نظریہ کی حمایت کریں گے کہ تمام سیاسی جماعتوں کو ووٹوں کیلئے ، کرسی کیلئے لوگوں کو تقسیم کرنا چھوڑنا ہو گا۔ پاکستان کا مفاد مقدم رکھنا ہو گا بصورت دیگر ہم ایسے ہی رینگتے رہیں گے۔ عوام کو بھی چاہئے کہ وہ ایسی قیادت کو سامنے لے آنے کیلئے کردار ادا کریں جو ذاتی مفادات کی بجائے قومی مفاد کو ترجیح دیں، ایسے کسی نام نہاد لیڈر کی باتوں میں نہ آئیں جسے صرف اپنے سے آگے کچھ نظر نہیں آتا۔ یعنی عوام کو بھی بالغ نظری کا مظاہرہ کرنا ہو گا کیونکہ یہ ان ہی کے مفاد میں ہے۔
احقر العباد
فاروق شہزاد ملکانی
چیف ایڈیٹر "اُردو ورلڈ میڈیا نیٹ ورک"

بریکنگ نیوز: فیصلہ محفوظ انسداد دہشت گردی عدالت راولپنڈی 26 نومبر کے احتجاج پر علیمہ خان و دیگر کے خلاف مقدمے کا فیصلہ 2...
22/09/2026

بریکنگ نیوز: فیصلہ محفوظ
انسداد دہشت گردی عدالت راولپنڈی 26 نومبر کے احتجاج پر علیمہ خان و دیگر کے خلاف مقدمے کا فیصلہ 25 ستمبر کو سنائے گی اج دلائل سننے کے بعد عدالت نے فیصلہ محفوظ کرلیا ۔

ایف بی آر کے صوابی وئیر ہاوس سے 25 کروڑ کے سگریٹ غائب ، دلچسپ کہانی ایف آئی اے نے ایف بی آر کے گوداموں سے 2 ہزار 828 کار...
22/09/2026

ایف بی آر کے صوابی وئیر ہاوس سے 25 کروڑ کے سگریٹ غائب ، دلچسپ کہانی

ایف آئی اے نے ایف بی آر کے گوداموں سے 2 ہزار 828 کارٹن سگریٹ غائب ہونے کے معاملے پر مقدمہ درج کرلیا ہے۔ ایف آئی آر ، ایف آئی اے اینٹی کرپشن سرکل اسلام آباد میں 21 ستمبر 2026 کو درج کی گئی۔ ایف آئی آر میں غائب ہونے والے سگریٹ کی مالیت تقریباً 25 کروڑ روپے بتائی گئی ہے۔ ذیل کی تفصیلات ایف آئی آر میں درج واقعات اور الزامات پر مبنی ہیں۔

کہانی کا آغاز 14 فروری 2024 سے ہوتا ہے۔

ایف آئی آر کے مطابق اس روز ایف بی آر کے انسپکٹر کمران نے ضلع صوابی کے علاقے چھوٹا لاہور میں چھ گاڑیوں کو روکا۔ ان گاڑیوں میں کِسان برانڈ سگریٹ کے 1,262 کارٹن موجود تھے۔

یہ سگریٹ تحویل میں لے کر شہباز گڑھی، مردان میں قائم ایف بی آر کے گودام منتقل کیے گئے۔

اس کے بعد 22 اپریل 2024 کو ایف آئی آر کے مطابق ایف بی آر کے انسپکٹر کمران اور انسپکٹر نوید نے تحویل میں لیے گئے اسٹاک میں سے 1,202 کارٹن چار ہینو ٹرکوں کے ذریعے قاسم پُلّہ، صوابی میں واقع ایف بی آر کے گودام منتقل کیے۔

لیکن جب یہ اسٹاک قاسم پُلّہ گودام پہنچا تو ایف آئی آر کے مطابق وہاں 908 کارٹن پائے گئے۔

پھر 2 مئی 2024 کو 907 کارٹن سگریٹ مبینہ طور پر دولت آباد منکئی، صوابی سے برآمد کیے گئے اور انہیں بھی قاسم پُلّہ ایف بی آر گودام منتقل کردیا گیا۔

ایف آئی آر کے مطابق بعد میں ان برآمد شدہ 907 کارٹن اور گمشدہ کارٹنوں سے متعلق اسٹاک رجسٹر میں اندراجات کیے گئے، تاہم معاملے کی انکوائری میں اسٹاک کے ریکارڈ اور گوداموں کے انتظام میں سنگین بے ضابطگیوں کی نشاندہی ہوئی۔

تقریباً ایک سال بعد، 7 مئی 2025 کو ایف بی آر کے انسپکٹر شادمین خان نے قاسم پُلّہ گودام، صوابی کا معائنہ کیا تو معلوم ہوا کہ مجموعی طور پر 2,828 کارٹن سگریٹ غائب ہیں، جن میں مذکورہ 907 کارٹن بھی شامل تھے۔

ایف آئی آر کے مطابق تحقیقات کے دوران یہ بھی سامنے آیا کہ گوداموں میں مناسب اسٹاک رجسٹر موجود نہیں تھا، سی سی ٹی وی کیمرے نصب نہیں تھے، سگریٹ کی نقل و حرکت کا ریکارڈ موجود نہیں تھا اور اسٹاک کو ایک گودام سے دوسرے گودام منتقل کرنے کے لیے تحریری ہدایات یا باقاعدہ طریقہ کار کا بھی فقدان تھا۔

ایف آئی آر میں یہ بھی درج ہے کہ 22 اپریل 2024 کو 908 کارٹن کی کمی سامنے آنے کے باوجود اس معاملے کو فوری طور پر پولیس کو رپورٹ نہیں کیا گیا۔

پیراماؤنٹ کمپنی کا کردار

ایف آئی آر کے مطابق مزید تحقیقات کے دوران پیراماؤنٹ کمپنی کا نام بھی سامنے آیا۔

ایف آئی آر کے مطابق پیراماؤنٹ کمپنی کے منیجر اویس قریشی نے بتایا کہ پیراماؤنٹ کمپنی سے متعلق ضبط کیے گئے سگریٹ کمپنی نے ایف بی آر حکام کی ہدایات پر ڈس اون کیے تھے۔ ایف آئی آر کے متن کے مطابق یہ مبینہ طور پر اس لیے کیا گیا تاکہ کمپنی کی مشینری ضبط نہ ہو، کیونکہ مشینری کی ضبطی سے کمپنی کو سگریٹ ضبط ہونے کے مقابلے میں زیادہ مالی نقصان پہنچ سکتا تھا۔

ایف آئی اے کی مزید تحقیقات میں ایف آئی آر کے مطابق پانچ ایف بی آر اہلکاروں اور پیراماؤنٹ کمپنی کے تین افراد کے کردار کی نشاندہی کی گئی۔

ایف آئی آر میں نامزد افراد

ایف بی آر حکام اور ملازمین:

1. کمران، انسپکٹر ایف بی آر
2. نوید، انسپکٹر ایف بی آر
3. افتاب حسین، ڈرائیور ایف بی آر
4. قاضی امجد، سیکیورٹی گارڈ ایف بی آر
5. سجاد علی، نائب قاصد ایف بی آر

پیراماؤنٹ کمپنی:

6. ساقب علی خان، ڈائریکٹر، پیراماؤنٹ
7. فدا، ڈائریکٹر، پیراماؤنٹ
8. اویس قریشی، منیجر، پیراماؤنٹ

ایف آئی آر میں الزام عائد کیا گیا ہے کہ مذکورہ سرکاری اہلکاروں نے نجی افراد کے ساتھ مبینہ ملی بھگت کرتے ہوئے اپنے قانونی فرائض انجام نہیں دیے، جس کے نتیجے میں 2,828 کارٹن سگریٹ کی مبینہ خردبرد یا نقصان، تقریباً 25 کروڑ روپے کے مالی نقصان اور دیگر بے ضابطگیاں ہوئیں۔

ایف آئی اے نے مقدمہ پاکستان پینل کوڈ کی دفعہ 409، دفعہ 109 اور انسداد بدعنوانی ایکٹ کی دفعہ 5(2)(47) کے تحت درج کیا ہے۔

ایف آئی آر کے مطابق تحقیقات ابھی جاری ہیں اور ایف بی آر کے دیگر افسران، ڈپٹی کمشنرز اور نجی افراد سمیت کسی بھی مزید شخص کا کردار سامنے آنے کی صورت میں اس کا تعین دورانِ تفتیش کیا جائے گا۔



















22/09/2026

چیئرمین بلاول بھٹو زرداری کی 38 ویں سالگرہ پر ضلع تونسہ شریف میں شاندار تقریب

تونسہ شریف : چیئرمین پاکستان پیپلز پارٹی بلاول بھٹو زرداری کی 38 ویں سالگرہ کی شاندار تقریب ضلعی صدر پاکستان پیپلز پارٹی سردار محمد اعظم خان ملغانی ہاؤس سوکڑ میں منائی گئی تقریب کے مہمان خصوصی چیف آف ملغانی ٹکٹ ھولڈر پی پی 285 سردار محمد اکرم خان ملغانی اور ڈاکٹر راشدہ بھٹو امیدوار این اے 183 نے چیئرمین بلاول بھٹو زرداری کو 38 ویں سالگرہ کا کیک کاٹا پاکستان پیپلز پارٹی کے سینئر راہنما ملک فرحان اللہ بھٹو ایڈووکیٹ تحصیل صدر خواجہ عاقب حسین ضلعی جنرل سیکرٹری صابر حسین بزدار ضلعی انفارمیشن سیکرٹری طاہر بشیر اعوان سٹی صدر بابا صوفی نیاز حسین بزدار سٹی نائب صدر مخدوم اظہر حسین ہاشمی ماسٹر سلیمان خان افتخار خان زبیر اعوان ،امان اللہ ملکانی ، ملک ذولفقار خان گھالی مہراختر سیال ، شمشیر خان ماکلی ،کے علاوہ درجنوں کارکنان نے شرکت کی سردار محمد اکرم خان ملغانی نے اس موقع پر دلی مبارکباد پیش کرتے ہوئے کہا ہے کہ بلاول بھٹو زرداری نہ صرف شہید ذوالفقار علی بھٹو اور محترمہ بینظیر بھٹو شہید کے سیاسی فلسفے کے حقیقی وارث ہیں بلکہ پاکستان کی نوجوان نسل کی امید، روشن مستقبل کی علامت اور جمہوریت کے تسلسل کا روشن استعارہ ہیں۔ڈاکٹر راشدہ بھٹو نے کہا کہ چیئرمین بلاول بھٹو زرداری نے انتہائی کم عمری میں سیاسی سفر کا آغاز کیا، اور قلیل عرصے میں اپنی بالغ نظری، جرات مندانہ مؤقف اور پارلیمانی سیاست میں فعال کردار کے ذریعے یہ ثابت کیا کہ وہ ملک کے مستقبل کے بڑے رہنما کے طور پر ابھر چکے ہیں۔ضلعی صدر سردار اعظم خان ملغانی نے کہا کہ آج جب ملک کو معاشی بدحالی، جمہوری اقدار پر حملوں، آئینی بے توقیری اور عوامی محرومیوں جیسے سنگین چیلنجز کا سامنا ہے، چیئرمین بلاول بھٹو زرداری وہ واحد رہنما ہیں جو آئین کی بالادستی، پارلیمان کے وقار اور عوام کے بنیادی حقوق کے تحفظ کے لیے جرات مندانہ آواز بنے ہوئے ہیں۔مقررین خواجہ عاقب حسین صابر حسین بزدار طاہر بشیر اعوان شمشیر علی ماکلی بابا صوفی نیاز حسین بزدار نے بھی بلاول بھٹو زرداری کی 38ویں سالگرہ پر مبارکباد پیش کرتے ہوے ان کی قیادت پر مکمل اعتماد کا اظہار کرتے ہوے ملک کی سلامتی و استحکام تعمیر وترقی کے لیے لازم و ملزوم قرار دیا پیپلز پارٹی کی قیادت نے اس موقع پر اس عزم کا اعادہ کیا کہ ہم چیئرمین بلاول بھٹو زرداری کی قیادت میں اس عظیم مشن کو پایۂ تکمیل تک پہنچائیں گے جو قائدِ عوام شہید ذوالفقار علی بھٹو اور محترمہ بینظیر بھٹو شہید نے ہمیں سونپا۔ یہ مشن صرف اقتدار کا نہیں، بلکہ پاکستان کے عوام کو بااختیار بنانے،جمہوریت کو مستحکم کرنے اور ہر شہری کو اس کے حق دلانے کا مشن ہے۔
آخر میں پارٹی رہنماؤں نے پارٹی کارکنان اور تمام جمہوریت پسند عوام سے اپیل کی کہ وہ چیئرمین بلاول بھٹو زرداری کے وژن کا بھرپور ساتھ دیں اور پاکستان کو ایک ترقی یافتہ، جمہوری، پُرامن اور خوشحال ریاست بنانے کے سفر میں اپنا کردار ادا کریں۔تقریب میں سٹیج سیکرٹری کے فرائض ضلعی صدر پیپلز لیبر بیورو وانسانی حقوق ونگ غضنفر عباس ہاشمی نے انجام دیے۔۔

15/09/2026

مریم نواز جہاز استعمال کے پیسے دے رہی ہیں۔ کیا دوسرے لوگوں کو بھی یہ سہولت میسر ہو گی؟ چور پکڑا جائے تو کہے کہ مجھ سے پیسے لے لو، یہ ٹو مچ ہے۔ جاوید چودھری کا بہترین تجزیہ

بین الاقوامی مسافروں کے لیے اہم وضاحت۔سوشل میڈیا پر ویکسینیشن کے عمل کے بارے میں کئی طرح کی غلط فہمیاں پائی جا رہی ہیں۔ ...
15/09/2026

بین الاقوامی مسافروں کے لیے اہم وضاحت۔

سوشل میڈیا پر ویکسینیشن کے عمل کے بارے میں کئی طرح کی غلط فہمیاں پائی جا رہی ہیں۔ اس ضمن میں یہ وضاحت ضروری ہے کہ اس وقت یہ ہدایت صرف کراچی سے عمرہ کے لیے پرواز کرنے والے مسافروں کے لیے ہے۔ ویکسینیشن سرٹیفکیٹ فی الحال صرف کراچی ایئرپورٹ سے عمرہ کے لیے سفر کرنے والے مسافروں کے لیے لازم ہے۔

اگر آپ کراچی سے سعودی عرب کے علاوہ کسی اور ملک کے لیے سفر کر رہے ہیں، یا آپ پاکستان کے کسی اور ایئرپورٹ سے سفر کر رہے ہیں، تو فی الحال آپ کو ویکسینیشن سرٹیفکیٹ کی ضرورت نہیں۔

یہ ابتدائی طور پر صرف کراچی کے لیے اٹھایا گیا قدم ہے۔ ویکسینیشن کی یہ شرط وزارتِ قومی صحت اور بارڈر ہیلتھ سروسز نے مقرر کی ہے۔ نادرا کا اس ضمن میں کردار صرف ویکسین کی رجسٹریشن اور سرٹیفکیٹ کی فراہمی تک ہے، یعنی پاک آئی ڈی ایپ کے ذریعے رجسٹریشن اور ایک تصدیق شدہ سرٹیفکیٹ جو آن لائن ڈاؤن لوڈ کیا جا سکتا ہے۔جن صارفین کو پاک ایڈنٹیٹی کے استعمال میں کوئی مشکل درپیش ہے وہ قریبی ای سہولت فرنچائز سے یہ سرٹیفکیٹ حاصل کر سکتے ہیں ۔

کراچی سے سفر کرنے والے عمرہ اور حج مسافروں کے لیے طریقہ کار درج ذیل ہے:

۱۔ پہلے رجسٹریشن کریں۔ سفر سے پہلے پاک آئی ڈی ایپ یا اپنے قریبی ای سہولت فرنچائز کے ذریعے رجسٹریشن اور بائیومیٹرک تصدیق مکمل کریں اور مقررہ فیس آن لائن ادا کریں۔

۲۔ ویکسین لگوائیں۔ رجسٹریشن مکمل ہونے کے بعد مطلوبہ ویکسین صرف کراچی ایئرپورٹ پر مقررہ کاؤنٹر سے لگوائی جائے گی۔

۳۔ سرٹیفکیٹ حاصل کریں۔ ویکسین لگنے اور اس کا اندراج آن لائن سسٹم میں ہوتے ہی ویکسینیشن سرٹیفکیٹ nims.nadra.gov.pk سے ڈاؤن لوڈ کیا جا سکتا ہے۔

براہِ کرم ایئرپورٹ روانگی سے پہلے اپنی رجسٹریشن، بائیومیٹرک تصدیق اور آن لائن فیس کی ادائیگی مکمل کر لیں تاکہ آپ کا سفر آسان رہے۔

درست معلومات کے لیے صرف نادرا کے سوشل میڈیا ہینڈل پر اعتماد کریں اور غیر مصدقہ پیغامات اور افواہوں پر توجہ نہ دیں۔

بعدازاں خبروں کے مطابق حکومت نے ویکسینیشن کے بغیر عمرے پر جانے کی تاریخ میں توسیع کردی۔

فوکل پرسن کے مطابق عمرہ زائرین اب 25 ستمبر تک بغیر ویکسینیشن کے سعودی عرب جاسکتے ہیں۔

بارڈر ہیلتھ سروس کے مطابق نادرا انٹیگریٹڈ ویکسینیشن کارڈ کے نفاذ میں 25 ستمبرصبح 10 بجے تک کی توسیع کر دی گئی ہے اور ویکسینیشن کارڈ کے نفاذ میں توسیع کا نوٹی فکیشن جاری کردیا گیا ہے-

13/09/2026

رات تنہائی ہے ، محبوبہ ہے

رات تنہائی ہے ، محبوبہ ہے
دھیرے دھیرے سے چلی آئی ہے میرے آنگن
یوں تکے جاتی ہے خاموش نگاہیں لے کر
جیسے ہر سمت سے تاروں کا پراسرار فسوں
اس کو آغوش میں لینے کو بہت ترسا ہو
چاندنی چٹکی ہوئی،خواب میں نہلائی ہوئی
اک عبادت کی طرح سوچ میں گم صم گم صم
میری دہلیز پہ ٹہری ہے تمنا کی صلیب
پار دہلیز کے جاؤں تو چلوں
تم کو اک نغمہء پرسوز سناؤں تو چلوں
نیند کے دیس سے خوابیدہ پری آئی ہے
سوچتی ہوں کہ اسے پاس بلاؤں تو چلوں

شیشہء دل کو بہت ٹھیس لگی ہے جانم
کرچیاں اپنی حفاظت سے کہیں رکھنی ہیں
صبح سے پہلے چھپانا ہے بہت خوابوں کو
اپنے ٹوٹے ہوئے پر پھر سے چھپاؤں تو چلوں
اشک آنکھوں میں جو ٹہرے ہیں بہاؤں تو چلوں
کس طرح سو کے گزاروں میں حسیں لمحوں کو
ہجر کا جشن مناؤں تو چلوں
رات تنہائی ہے،محبوبہ ہے۔۔۔

شائستہ مفتی

۔ ۔ ۔ ۔ ۔ ۔

Address

Islamabad

Website

Alerts

Be the first to know and let us send you an email when Urdu World posts news and promotions. Your email address will not be used for any other purpose, and you can unsubscribe at any time.

Shortcuts

Share

Category