11/07/2026
دریل میں خطرناک سیلابی ریلے نے تباہی مچا دی
لوگ اپنے جانوں پر کھیل کر لکڑیاں جمع کرنے میں مصروف
انتہائی ضروری اور فوری التماس!
سیلاب کی اس ہولناک صورتحال میں دیکھا گیا ہے کہ کچھ لوگ اپنی جانوں پر کھیل کر سیلابی ریلوں سے لکڑیاں اور سامان جمع کرنے کی کوشش کر رہے ہیں۔ یہ سراسر ناادانی اور موت کو دعوت دینے کے مترادف ہے۔
سامان کو جانے دیں: لکڑیوں اور مال و متاع کا نقصان پورا ہو سکتا ہے، لیکن آپ کی زندگی آپ کے خاندان کے لیے انمول ہے۔
پانی کی بے لگام طاقت کا مقابلہ نہ کریں: سیلاب کا ایک ہی جھٹکا سب کچھ ختم کر سکتا ہے۔ لکڑیوں کے پیچھے بھاگتے ہوئے آپ خود اس کا شکار بن سکتے ہیں۔
خدارا ہوش کے ناخن لیں: اپنی اور اپنے پیاروں کی زندگی کو خطرے میں نہ ڈالیں اور فوری طور پر محفوظ مقامات پر منتقل ہوں۔
سیلاب کے دوران سب سے اہم ہدایات:
جان ہے تو جہان ہے: لکڑیاں، برتن، مال مویشی اور مکان دوبارہ بن سکتے ہیں، لیکن گزری ہوئی زندگی کبھی واپس نہیں آتی۔
پانی کی طاقت کو کم نہ سمجھیں: سیلاب کا بہاؤ بظاہر معمولی لگنے کے باوجود انسان کو سیکنڈوں میں بہا کر لے جا سکتا ہے۔
محفوظ مقامات پر منتقلی: جیسے ہی سیلاب کی وارننگ ملے، سامان کی فکر چھوڑیں اور فوری طور پر کسی اونچی اور محفوظ جگہ پر منتقل ہو جائیں۔
زندگی قیمتی ہے۔ اللہ پاک ہم سب پر رحم فرمائے اور سیلاب کی اس ناگہانی آفت میں گھرے تمام لوگوں کی جان و مال کی حفاظت فرمائے۔ امین۔
Deputy Commissioner, Gilgit
Amjad Hussain Azar
PPP Gilgit Baltistan Social Media Cell 🇱🇾🇱🇾
