BOL ایبٹ آباد

04/08/2025

ایم ایس ڈی ایچ کیو ہسپتال ایبٹ آباد ڈاکٹر عامر اسرا نے ہسپتال کی بہتری اور مریضوں کو ریلیف فراہم کرنے کے لیے فرض شناس ڈاکٹرز کی بطور ڈی ایم ایس تعیناتی کر کے عوام کے دل جیت
ایبٹ آباد انسان دوست شخصیت کے مالک فرض شناس ڈاکٹر دیار خان ڈی ایم ایس ڈی ایچ کیو ہسپتال جبکہ
ڈاکٹر عاطف حسین کو DMS وومن اینڈ چلڈرن ہسپتال تعینات کر دیا گیا نوٹیفیکیشن جاری
عوام نے نئی تعیناتیوں کو۔ہسپتال کے لیے نیک شگون قرار دیا

06/03/2025

ایبٹ آباد میں زمینداروں کے لیے خوشخبری، ڈبلیو ڈبلیو ایف پاکستان اور محکمہ زراعت کا مشترکہ اقدام

ایبٹ آباد: زراعت اور ماحولیاتی بہتری کے لیے ایک مثبت قدم کے تحت ورلڈ وائڈ فنڈ فار نیچر (WWF) پاکستان نے محکمہ زراعت ایبٹ آباد کے تعاون سے مقامی زمینداروں کو پھلدار پودے فراہم کیے۔ اس اقدام کا مقصد نہ صرف مقامی سطح پر سبزہ بڑھانا بلکہ زمینداروں کی معاشی بہتری اور موسمیاتی تبدیلیوں کے اثرات سے نمٹنے میں مدد فراہم کرنا ہے۔

اس موقع پر WWF پاکستان کے سائیٹ انچارج حمزہ نصیر، فواد احمد، محسن کمال جبکہ محکمہ زراعت کے ڈائریکٹر ملک اعجاز، ڈپٹی ڈائریکٹر ظہیر قریشی، مسعود تنولی، فہیم جدون سمیت دیگر عہدیداران نے شرکت کی۔ مقامی زمینداروں کو یہ پودے حوالے کیے گئے تاکہ وہ اپنے کھیتوں اور زمینوں میں ان کی شجرکاری کر سکیں۔

ماحولیاتی تحفظ اور زمینداروں کی ترقی

اس موقع پر حمزہ نصیر نے کہا کہ WWF پاکستان کا یہ منصوبہ پانی کے مسائل حل کرنے، درختوں کی اہمیت اجاگر کرنے، موسمیاتی تبدیلیوں کے اثرات کم کرنے اور زمینداروں کی زندگی میں بہتری لانے کے لیے ایک اہم قدم ہے۔ انہوں نے کہا کہ گلیات کے مختلف علاقوں جیسے نملی میرا اور بکوٹ میں مقامی زمینداروں کو محکمہ زراعت کے تعاون سے یہ پودے فراہم کیے جا رہے ہیں، تاکہ وہاں کی آب و ہوا اور زمین کے مطابق زیادہ سے زیادہ فائدہ حاصل کیا جا سکے۔

محکمہ زراعت ایبٹ آباد کے ڈائریکٹر ملک اعجاز نے کہا کہ WWF پاکستان نے محکمہ زراعت کے ساتھ مشاورت کے بعد ان علاقوں کا انتخاب کیا جہاں یہ پھلدار باغات زیادہ فائدہ مند ثابت ہو سکتے ہیں۔ ان کے مطابق، یہ پودے WWF کی فنڈنگ سے فراہم کیے گئے ہیں تاکہ زمینداروں کو بغیر کسی مالی بوجھ کے فروٹ فارمنگ کے مواقع مل سکیں۔

مقامی زمینداروں کی رائے

چئیرمین ویلج کونسل بکوٹ حسام جمشید عباسی نے WWF پاکستان کا شکریہ ادا کرتے ہوئے کہا کہ یہ اقدام زمینداروں کے لیے ایک مثبت تبدیلی لائے گا۔ انہوں نے عوام سے اپیل کی کہ ہر شخص اپنے ہاتھوں سے پودے لگائے اور انہیں صدقہ جاریہ سمجھ کر ان کی دیکھ بھال کرے، کیونکہ آج لگائے گئے درختوں کا فائدہ آنے والی نسلوں کو بھی ہوگا۔

یہ منصوبہ پورے ضلع ایبٹ آباد میں زمینداروں کے لیے ایک بہترین موقع ہے کہ وہ پھلدار درخت لگا کر اپنی زمین کی پیداوار بڑھائیں، اپنی آمدنی میں اضافہ کریں اور ماحولیاتی بہتری میں اپنا کردار ادا کریں۔

28/12/2023

27/09/2023

ایبٹ آباد ڈی آئی جی ہزارہ محمد اعجاز خان کا ڈی پی او ایبٹ آباد عمر طفیل کے ہمراہ پریس کلب ایبٹ آباد کا دورہ

ایبٹ آبادصحافی برداری کی پیشہ ورانہ صلاحیتیں قابل تحسین ہے، محمد اعجاز خان

صحافی برداری منشیات فروشوں، ٹمبر سمگلروں اور قبضہ مافیا گروہ کے بارے میں تفصیلات کیساتھ آگاہ کریں تاکہ پولیس انکے خلاف کارروائیاں عمل میں لاسکیں، ڈی آئی جی ہزارہ

ٹریفک مسائل میں کمی لانے کیلئے پہلے مرحلہ پر کام شروع ہوچکا ہے،شہریوں کو جلد ٹریفک کے مسائل میں کمی کے حوالے سے بہتر نتائج نظر آئے گے، ڈی آئی جی ہزارہ

ایبٹ آباد() ڈپٹی انسپکٹر جنرل آف پولیس ہزارہ محمد اعجاز خان کا ڈی پی او ایبٹ آباد عمر طفیل کے ہمراہ پریس کلب ایبٹ ا ٓباد کا دورہ کیا۔ پریس کلب پہنچنے پر صدر راجہ ہارون و دیگر عہدیداران و ممبران نے ان کا پرتباک استقبال کیا۔ اس موقع پر ضلع ایبٹ آباد کے پرنٹ و الیکٹرانک میڈیا کے نمائندگان بھی بڑی تعداد میں موجود تھے۔ صدر پریس کلب راجہ ہارون نے بات چیت کرتے ہوئے کہا کہ ملک میں تجارت، صحافت اور دیگر امور کا مکمل دارو مدار امن و امان کی صورتحال پر منحصر ہے اور ہماری پولیس امن و امان کی صوتحال کو کنڑول کرنے اور ٹریفک کی روانی کو بہتر بنانے میں کوشاں نظر آتی ہے۔پریس کلب ایبٹ آباد نے ہمیشہ شہر میں قیام امن اور جرائم کے خاتمہ میں مثبت کردار اداکیا ہے اور آئندہ بھی اپنی پولیس کے شانہ بشانہ کھڑی ہوگی۔۔ ڈی آئی جی ہزارہ محمد اعجاز خان نے اس موقع پر بات چیت کرتے ہوئے کہا کہ ایبٹ آباد پریس کلب صوبہ کابہترین خوبصورت ترین کلب ہے ایبٹ آباد کی صحافیوں کی پیشہ ورانہ صلاحیتیں قابل تحسین ہے مستقبل میں بھی پولیس صحافی برداری سول سوسائٹی نے مل کر کام کرنا ہے۔ملک دشمن عناصر اجکل ملک میں فرقہ واریت اور دہشتگردی پھیلانے کیلئے کوشاں ہے جس کیلئے وہ سوشل میڈیا کا سہارا لے رہے ہیں دور جدید میں سوشل میڈیا کا کردار بہت اہم ہے اس لیے صحافیوں سے یہ ہی گزارش ہے کہ کوئی بھی خبر یا پوسٹ شیئر کرنے سے پہلے اسکی تصدیق کرلیا کریں تاکہ ملک دشمن عناصر سوشل میڈیا کے زریعے اپنے مزموم عزائم میں کامیاب نہ ہوسکیں۔ صحافی برداری منشیات فروشوں، ٹمبر سمگلروں اور قبضہ مافیا گروہ کے بارے میں تفصیلات کیساتھ آگاہ کریں تاکہ پولیس انکے خلاف کارروائیاں عمل میں لاسکیں۔ ہمارا دین اور ہمارا قرآن پاک بھی ہمیں یہ ہی تعلیم دیتا ہے کہ حق بات کرو اور حق بات کی گواہی دو۔ آپکے توسط سے عوام سے بھی یہ ہی اپیل کی جاتی ہے کہ جرم اور جرائم پیشہ افراد کیخلاف حق و سچ کی گواہی ضرور دیں تاکہ انکو کیفر کردار تک پہنچایا جاسکے۔ ڈی آئی جی ہزارہ نے مزید کہا کہ محکمہ پولیس میں احتساب جس انداز سے کیا جاتا ہے اسکی مثال دوسرے محکموں میں نہیں ملتی۔ جرائم پیشہ افراد کیساتھ روابط یا کسی بھی جرم میں شریک پولیس اہلکاروں کیخلاف سخت محکمانہ کارروائیاں عمل میں لائی جائے گی اور محکمہ میں ایسے لوگوں کی ہرگز کوئی جگہ موجود نہیں ہے۔ منشیات میں ملوث افراد کی فہرستیں طلب کی ہیں۔جس میں منشیات میں ملوث سمگلر بار بار پکڑے گئے ہیں۔انہوں نے کہا کہ جیلوں کو اصلاحی سنٹر بنانے کی ضرورت ہے۔تاکہ وہاں سے نکل کر آنے والے معاشرے کے اچھے شہری بن سکیں۔ایم ڈی کیٹ سکینڈل میں ملوث گروہ کو کیفر کردار تک پہنچایا جائے گا۔ شہر میں ٹریفک کی روانی کو مزید بہتر بنانے کیلئے مختلف اقدامات اٹھا رہے ہیں جن میں پہلے مرحلہ پر کام شروع ہوچکا ہے ایبٹ آباد کے شہریوں کو جلد ٹریفک کے مسائل میں کمی کے حوالے سے بہتر نتائج نظر آئے گے۔ قبل ازیں صدر ایبٹ آباد پریس کلب راجہ محمد ہارون،جنرل سیکرٹری راجہ منیر خان صدر اے یو جے ثاقب خان نے ڈی أئی جی ہزارہ کو پریس کلب اور یونین آف جرنلسٹس کی جانب سے صحافیوں کے لئے کئے اٹھائے جانے والے فلاحی کاموں اور اقدامات سے بھی آگاہ کیا اور ہزارہ ڈویژن بالخصوص ضلع ایبٹ آباد کے حوالہ سے مسائل،جرائم پر بھی روشنی ڈالی۔

19/09/2023

29/07/2023

کمشنر ہزارہ و ڈی آئی جی ہزارہ کا دسویں محرم الحرام جلوس روٹس و کنٹرول روم کا دورہ

ڈی پی او ایبٹ آباد نے سیکیورٹی اور ڈی سی ایبٹ آباد نے سی سی ٹی وی کنٹرول روم کے حوالے سے کمشنر ہزارہ و ڈی آئی جی ہزارہ کو بریفنگ پیش کی

کمشنر ہزارہ و ڈی آئی جی ہزارہ نے پرامن محرم الحرام جلوس انعقاد پر ڈی سی و ڈی پی او کی خدمات کو سراہا

ایبٹ آباد کمشنر ہزارہ عامر سلطان ترین اور ڈی آئی جی ہزارہ طاہر ایوب خان نے 10ویں محرم الحرام کے موقع پر ضلع ایبٹ آباد کے مرکزی جلوس کا دورہ کیا۔ ڈی پی او ایبٹ آباد عمر طفیل اور ایڈیشنل ایس پی عارف جاوید نے جلوس کی سیکیورٹی صورتحال اور دیگر انتظامی امور کے حوالے سے بریفنگ پیش کی۔ کمشنر ہزارہ اور ڈی آئ جی ہزارہ نے امن کمیٹی کے عہدیداران اور التشیع منتظمین سے ملاقات کی اور سیکیورٹی میں اہم کردار ادا کرنے اور شہر کے امن و امان میں ان کی کاوشوں کو سراہا۔ بعد ازیں انہوں نے ڈی سی آفس میں قائم کردہ سی سی ٹی وی کنٹرول روم کا بھی دورہ کیا جہاں پر ڈی سی ایبٹ آباد خالد اقبال نے سی سی ٹی وی کنٹرول روم میں تکنیکی نگرانی کے حوالے سے بریفنگ پیش کی۔ کمشنر ہزارہ عامر سلطان ترین اور ڈی آئی جی ہزارہ طاہر ایوب خان نے ہزارہ ریجن کے بڑے اضلاع میں ہونے والے جلوسوں کے پرامن اختتام اور اعلی انتظامات پر ڈپٹی کمشنر اور ڈی پی او کی کوششوں کو سراہا۔

13/07/2023

ایبٹ آباد کالج روڈ منڈیاں نالوں پر قبضہ مافیا کا راج، سرسید کالونی اور البدر کالونی کے مکین سراپا احتجاج قبضہ مافیا کو۔لگام ڈالنے کا مطالبہ تجاوزات کے خلاف آپریشن برسات سے پہلے نا کرنے پر دما دم مست قلندر کا اعلان

ایبٹ آباد کینٹ بورڈ کی حدود منڈیاں پرانے کالج روڈ سرسید کالونی اور البدر کالونی کے نالہ قبضہ مافیا کا راج ہر سال موسم برسات میں گھروں میں 4 سے 5 فٹ پانی داخل ہو کر کروڑوں کا نقصان کرتا ہے نالے پر حاجی شریف نامی تاجر کی جانب سے محکمہ مال اور کینٹ بورڈ کی ملی بھگت سے نالوں پر پختہ تجاوزات بنائے جانے کا انکشاف عوامی احتجاج اور دبائو شدت اختیار کر گیا زرائع نے انکشاف کیا کہ البدر کالونی اور سرسید کالونی کے نالے پر پرانے کالج روڈ پر قبضہ مافیا نے نالے کے درمیان میں سڑک کنارے تجاوزات کر کے پانی کا راستہ تنگ کر دیا. اور نالے پر سبزی تھرے اور ریڑھی بانوں کے ذریعے قبضہ کر کے گندگی اور کچر نالے میں پھینک دیا جاتا ہے جس پہلے سے قبضہ مافیا کی بھینٹ چڑھا نالہ برسات کے موسم میں بپھر جاتا ہے اور البدر کالونی اور سرسید کالونی میں 4 سے 5 فٹ پانی گھروں مکں داخل ہو کر تباہی مچا دیتا ہے اہلیان علاقہ نےضلعی انتظامیہ اور کینٹ انتظامیہ سے مطالبہ کیا کہ وہ قبضہ مافیا سے نالہ واگزار کروائیں تا کہ عوام کو برسات کے موسم میں گندے نالے کے پانی کو گھر میں داخل ہو کر تباہی مچانے سے عوام کو بچایا جا سکے اگر ضلعی انتظامیہ اور کینٹ انتظامیہ نے عوامی احتجاج اور مطالبے پر کان نا دھر تو شاہراہ ریشم کو بند کر کے دھرنا دیا جائے گا اور نالوں سے عوام بازور بازو تجاوزات ہٹائے گی اور کسی بھی نقصان کی ذمہ داری متعلقہ اداروں پر عائد ہو گی

03/07/2023

ایبٹ آباد سابق رکن خیبر پختونخوا اسمبلی معروف سماجی شخصیت آمنہ سردار نے کہا ہے کہ دوسروں کے لئے وسیع قلبی اور قربانی کا جذبہ ایک ایسا عمل ہے جو روحانی طور پر تسکین اور اللہ کی خوشنودی کا زریعہ ہوتی ہے ۔نفسانفسی کے دور میں معاشرے میں انسانیت کے لئے نیک جذبہ بیدار کر نے کی اشد ضرورت ہے ان خیالات کا اظہار انہوں نے یہاں اداہ تدریس القرآن یتیم خانہ ایبٹ آباد میں یتیم بچوں کے ساتھ عید الاضحی کا دن گزارنے کے موقع پر منعقدہ تقریب میں خطاب کرتے ہوئے کیا۔آمنہ سردار کا کہناتھا قربانی کا فلسفہ اپنے جذبات اور احساسات کو راہ حق میں دینے کا ہے۔معاشرے میں والد کی شفقت سے محروم بچوں کو احساس محرومی سے بچانے کے لئے وہ افراد لائق تحسین ہیں جو ان کی خوشیوں میں ہمہ وقت پیش پیش رہتے ہیں۔انہوں نے کہا کہ ایسا عمل جو انسانیت کے لئے فلاح کا باعث ہو وہ قربانی ہے ۔جسے ہم دوسروں کو چھوٹی چھوٹی خوشیوں کی صورت میں بانٹ سکتے ہیں۔حضرت ابراہیم علیہ السلام نے اپنے فرزند کو اللہ کی رضا میں قربان کرنے کافیصلہ کیا تو نیک بیٹے نے خوشی بارضا اس کو تسلیم کیا یہ قربانی کا فلسفہ ہے جس کو سمجھنے کی ضرورت ہے۔