Pasban News

27/10/2025

‎وفاقی وزیر برائے سمندر پار پاکستانیز چوہدری سالک حسین کی عمان کے وزیر لیبر ڈاکٹر مہاد بن سعید بن علی باوین سے اہم ملاقات ۔

ملاقات میں پاکستان سے عمان میں پاکستانیوں کو مزید ویزوں کے اجراء پر بات چیت

عمان نے ہنر مند، نیم ہنر مند اور غیر ہنر مند افرادی قوت کی برآمد میں تعاون کی یقین دھانی کرائی ۔ چوہدری سالک حسین

گلف اور یورپی ممالک میں پاکستانی ہنرمندوں کے لیے روزگار کے دروازے کھل رہے ہیں ۔چوہدری سالک حسین

کویت ، قطر، سعودی عرب کے کے بعد اومان میں پاکستانی ہنرمندوں کی ڈیمانڈ بڑی کامیابی ہو گی ۔چوہدری سالک حسین

اومان اور پاکستان کے قریبی تعلقات ہیں، پاکستانی اومان کی ترقی میں اہم کردار ادا کر رہے ہیں ۔چوہدری سالک حسین

26/10/2025

2021 میں امارات ایئرلائنز نے ایک ایسا اشتہار بنایا جس نے پوری دنیا کو حیران کر دیا۔
ایک خاتون فضائی میزبان کے لباس میں برج خلیفہ کی بالکل چوٹی پر کھڑی تھی — 828 میٹر کی بلندی پر!
نہ کوئی خاص اثرات، نہ گرین اسکرین، بس ایک چھوٹی پلیٹ فارم، تیز ہوا، اور ایک مسکراہٹ جس پر لکھا تھا:
“میں اب بھی یہاں ہوں!”
یہ بہادر خاتون نیکول اسمتھ لوڈوِک تھیں، جو ایک پیشہ ور پیراشوٹ جمپر ہیں۔
انہوں نے مہینوں تک تربیت لی تاکہ وہ اتنی اونچائی پر اپنا توازن اور سکون برقرار رکھ سکیں۔
جب اشتہار نشر ہوا تو لوگوں نے سمجھا یہ کمپیوٹر ایفیکٹس ہیں،
مگر امارات نے اعلان کیا کہ یہ منظر بالکل حقیقی ہے۔
یہ اشتہار صرف تشہیر نہیں تھا بلکہ انسانی ہمت اور حوصلے کی علامت بن گیا —💪🕊️

26/10/2025

آج اسلام آباد میں ایک بہت بڑا ایونٹ ہوا، مگر میڈیا سے تعلق کے باوجود میں بھی اس سے بے خبر ہی رہا۔ اس ایونٹ کو کہیں کوئی کوریج نہیں ملی۔

یہ ایک خاموش انقلاب کی جھلک تھی۔ ہزاروں نوجوان بچے اور بچیاں یہاں اکٹھے تھے۔ ایف نائن پارک کا ایک بہت بڑا حصہ کھچاکھچ بھرا ہوا تھا۔

جماعت اسلامی کے "بنو قابل" پروگرام کے ٹیسٹ کے لیے ایک دنیا امڈ آئی تھی۔ پورے ملک میں غالبا ہر بڑے شہر میں ایسے ہی پروگرامات ہوئے ہیں۔ ہزاروں نوجوان بچوں اور بچیوں کو آئی ٹی کے بالکل مفت کورسز کروائے جارہے ہیں۔ آغاز حافظ نعیم الرحمن نے کراچی سے کیا تھا اور آج اسلام آباد بھی اس میں شامل ہوگیا۔

حقیقت یہ ہے کہ اتنے بڑے پیمانے پر اور اتنے منظم انداز میں ایسے پروگرامات صرف حکومت ہی کرسکتی ہے، اربوں کا بجٹ اس کے لیے درکار ہوتا ہے، لیکن خوشگوار حیرت ہے کہ ایک جماعت اپنے طور پر پورے ملک میں یہ ہزاروں نوجوان اکٹھے کررہی ہے۔ بہت مناسب بجٹ میں۔ بہت مناسب وسائل کے ساتھ۔

یقینا ان کورسز کے ذریعے کوئی آئی ٹی کا ماہر نہیں بن جائے گا لیکن یقینا یہ کورسز نوجوانوں کو ایک راستہ ضرور دکھائیں گے۔ پاکستان جو نوجوانوں میں دنیا کا چوتھا بڑا ملک ہے، کاش نوجوانوں کو ایندھن بنانے والی دیگر سیاسی جماعتیں جماعت اسلامی سے سیکھ کر، اس طرح حصہ ڈالیں۔ چند برس میں ایک ایسا انقلاب آئے گا جسے دنیا دیکھے گی۔

26/10/2025

https://pasbannews.net/7187/

اسلام آباد (پاسبان نیوز) — اسلامی فکر اور آئینی مباحث کے میدان میں نمایاں مقام رکھنے والے مولانا ڈاکٹر اکرام الحق یاسین، سیکرٹری اسلامی نظریاتی کونسل اسلام آباد، کی ...

26/10/2025

26/10/2025

https://pasbannews.net/7176/

اسلام آباد(پاسبان نیوز)اسلامی جمہوریہ ایران کے سفیر جناب رضا امیری مقدم نے ریجنل ٹرانسپورٹ منسٹرز کانفرنس 2025 کی کامیاب میزبانی پر اسلامی جمہوریہ پاکستان کی حکومت کو...

26/10/2025

پاکستان ائیر ڈیفنس سسٹم کی ایک جارہانہ کاروائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انڈیا کو ہنگامی میٹنگ طلب کرنا پڑ گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک فضائیہ زندہ باد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو دن پہلے، یعنی 23-10-2025
تئیس اکتوبر دو ہزار پچیس کو، پاک فضائیہ نے ایک ایسی پیشہ ورانہ عمدگی کا مظاہرہ کیا جو نہ صرف تکنیکی برتری کی عکاسی کرتا ہے بلکہ اس نے علاقائی طاقت کے توازن کو ایک نئی جہت عطا کر دی۔ ایک بھارتی فضائیہ کا خصوصی الیکٹرانک وارفیئر اور انٹیلی جنس جمع کرنے والا جہاز، جو گلف اسٹریم جی فائیو ففٹی کا ای ایل آئی این ٹی اور آئی ایس آر ورژن تھا، ابو ظہبی سے نئی دہلی کی طرف جا رہا تھا۔ یہ جہاز کراچی کے سمندری حدود سے تقریباً اسی ناٹیکل میل مغرب میں پرواز کر رہا تھا جب اس نے اپنے طاقتور ریڈار، سگنل انٹیلی جنس اینٹیناز اور ڈیٹا لنک سسٹم کو فعال کر کے پاکستانی فوجی تنصیبات کی جاسوسی شروع کر دی۔ جہاز چالیس ہزار فٹ کی بلندی پر ماک زیرو پوائنٹ آٹھ دو کی رفتار سے اڑ رہا تھا اور اس کا ای ڈی ایس بی ٹرانسپونڈر آن تھا، یعنی وہ خود کو ایک عام سول ایئرلائنر کے طور پر پیش کر رہا تھا، مگر اس کے فعال ایئر بورن ریڈار اور الیکٹرانک انٹیلی جنس پوڈز پاکستانی الیکٹرانک وارفیئر نیٹ ورک کے لیے ایک واضح خطرہ بن چکے تھے۔

پاک فضائیہ کا ردعمل فوری اور حیران کن تھا۔ کراچی کے قریب سندھ ریجینل ایئر ڈیفنس نیٹ ورک کا حصہ بننے والے گراؤنڈ بیسڈ الیکٹرانک وارفیئر نوڈ نے صرف چھ سیکنڈز میں جہاز کو لاک کر لیا۔ اس کارروائی میں مقامی طور پر تیار کردہ ایکٹو الیکٹرانکلی اسکینڈ ایری جمنگ سویٹ، ڈیجیٹل ریڈیو فریکوئنسی میموری ریپیٹرز، ہائی پاور ناروبینڈ نوائز جیمرز جو ایل بینڈ، ایس بینڈ اور ایکس بینڈ پر کام کرتے ہیں، اور جی پی ایس اسپیوفنگ پوڈ کا استعمال کیا گیا۔ یہ تمام سسٹم ایک مربوط نیٹ ورک کی شکل میں کام کر رہے تھے۔

سب سے پہلے جہاز کے موڈ ایس ٹرانسپونڈر کو اس طرح گمراہ کیا گیا کہ وہ اچانک ہائی جیک کوڈ سکواک سیون فائیو زیرو دکھانے لگا، حالانکہ کوئی ہائی جیکنگ نہیں ہوئی تھی۔ اس کے الیکٹرانک انٹیلی جنس ریسیورز میں منفی ایک سو بیس ڈیسی بل ملي واٹ کا نوائز فلور داخل ہو گیا، جس سے ان کے آلات مکمل طور پر بلیک آؤٹ ہو گئے۔ نیویگیشن کے حوالے سے جہاز کے انرشل نیویگیشن سسٹم اور جی پی ایس کو اس طرح دھوکہ دیا گیا کہ بھوج کی بجائے امرلی کا مقام دکھایا جانے لگا، یعنی جہاز کو لگا کہ وہ اپنے اصل راستے سے ایک سو بیس ناٹیکل میل مشرق میں بھٹک گیا ہے۔ اس کے ساتھ ساتھ بھارتی ایئر بورن وارننگ اینڈ کنٹرول سسٹم سے لنک سولہ ڈیٹا لنک کنکشن صرف چار سیکنڈز میں منقطع ہو گیا۔

نتیجہ یہ نکلا کہ جہاز نے فوری طور پر ایمرجنسی ڈیسینٹ شروع کی اور چالیس ہزار فٹ سے اٹھائیس ہزار فٹ کی بلندی تک چار ہزار فٹ فی منٹ کی شرح سے نیچے آیا۔ امرلی کے قریب پاکستانی حدود سے باہر نکل کر وہ عرب سمندر کی طرف واپس بھاگ گیا۔ پاک فضائیہ نے نہ کوئی میزائل فائر کیا، نہ کوئی وارننگ شاٹ، بلکہ صرف سافٹ ایئر پاور کے ذریعے بھارتی جہاز کو شرمندہ کر کے واپس بھیج دیا۔

بھارتی فضائیہ نے اپنی سول ایوی ایشن اتھارٹی کو رپورٹ دی کہ جہاز کو غیر متوقع جی پی ایس انوملی کا سامنا کرنا پڑا۔ بھارتی فضائیہ کے ہیڈکوارٹرز میں ایک ایمرجنسی میٹنگ ہوئی جہاں ایک سینئر افسر نے تسلیم کیا کہ یہ پاکستانیوں کا نیا ڈیجیٹل ریڈیو فریکوئنسی میموری سسٹم ہے جس نے ان کے جی فائیو ففٹی کے تمام پوڈز کو بیکار کر دیا۔

یہ واقعہ صرف ایک تکنیکی کامیابی نہیں بلکہ ایک اسٹریٹجک پیغام بھی ہے۔ پاک فضائیہ نے یہ واضح کر دیا کہ اس کی فضائی حدود ناقابلِ تسخیر ہیں اور کوئی بھی جاسوسی کی کوشش ناکام بنا دی جائے گی۔ یہ کارروائی اس بات کی عکاسی کرتی ہے کہ پاکستان نے الیکٹرانک وارفیئر کے میدان میں نہ صرف دفاعی صلاحیت حاصل کر لی ہے بلکہ وہ اسے جارحانہ انداز میں استعمال کرنے کی اہلیت بھی رکھتا ہے۔ یہ ایک نئے دور کا آغاز ہے جہاں روایتی فوجی طاقت کے ساتھ ساتھ الیکٹرانک برتری بھی فیصلہ کن کردار ادا کرے گی۔

منقول۔

24/10/2025

گجرات(مدثراقبال سے)جماعت اسلامی پنجاب کے امیرڈاکٹرطارق سلیم نے گزشتہ شب صدرالخدمت فاﺅنڈیشن شمالی پنجاب رضوان احمد کے ہمراہ بنو قابل انٹری ٹیسٹ گجرات کے مقام کادورہ کیا اس موقع پرجماعت اسلامی گجرات کے ا میرچوہدری انصردھول ایڈووکیٹ، صدرالخدمت فاﺅنڈیشن راجہ ساجد شریف بھی موجود تھے۔ڈاکٹرطارق سلیم نے انتظامات کاجائزہ لیا اس موقع پراظہارخیال کرتے ہوئے امیرصوبہ ڈاکٹرطارق سلیم نے کہاکہ یہ منصوبہ نوجوانوں کے لیے ایک انقلابی قدم ہے۔ بنو قابل الخدمت فاو¿نڈیشن اور جماعت اسلامی کا مشترکہ تعلیمی و فلاحی منصوبہ ہے جس کا مقصد نوجوانوں کو جدید آئی ٹی اسکلز سے آراستہ کرنا اور انہیں باعزت روزگار کے مواقع فراہم کرنا ہے۔انہوں نے کہا کہ انٹری ٹیسٹ کے ذریعے اہل طلبہ کا انتخاب کیا جاتا ہے اور انہیں فری کورسز جیسے ویب ڈویلپمنٹ، گرافک ڈیزائننگ، ڈیجیٹل مارکیٹنگ اور ای کامرس میں تربیت دی جاتی ہے تاکہ وہ عملی زندگی میں کامیابی حاصل کر سکیں۔ڈاکٹر طارق سلیم نے الخدمت اور جماعت اسلامی کی مقامی ٹیموں کی محنت اور جذبے کو سراہا اور بنو قابل پروگرام کو نوجوانوں کے روشن مستقبل کی ضمانت قرار دیا۔

24/10/2025

https://pasbannews.net/7155/

غیر ملکی ڈاکٹرز اور میڈیکل ٹیم کو خراجِ تحسین، بین الاقوامی تعاون اور انسانیت کے جذبے کو سراہا گیا لاہور (پاسبان نیوز اسپیشل رپورٹ) — گلوبل رائٹرز ایسوسی ایشن اٹلی ک....

24/10/2025

زندگی کے 6 سال کیوبا میں گزارے ….. کہا جاتا ہے کہ فی زمانہ صرف کیوبا ہی ایک ایسا ملک ہے جہاں سوشلزم اپنی پوری آب و تاب کے ساتھ رائج ہے … صاحب جب میں کیوبا گیا تھا، نہ تو مجھے تب پتہ تھا کہ سوشلزم کس بلا کا نام ہے اور نہ ہی مجھے اب پتہ ہے کہ یہ کیا چیز ہے …. میں فقط اتنا جانتا ہوں کہ کیوبا محبت کرنے والوں کا ملک ہے ….

جن سہولیات کے حصول کے لیے ہم ساری زندگی کولھو کے بیل کی طرح پیسہ کمانے میں جٹے رہتے ہیں، وہ سہولیات ادھر عام عوام کو مفت میسر ہیں، یعنی صحت اور تعلیم … ہاں تنخواہیں کم ہیں مگر ہر شخص کو اپنی تنخواہ اپنی ذات پر خرچ کرنے کو میسر ہے …

بیٹے کی فیس کس طرح ادا ہوگی؟ …. ماں جی کے آپریشن کے پیسے کہاں سے لاؤں؟ … ایسی تمام پریشانیوں کی دیوی کی پوجا کیوبا والوں نے کب کی چھوڑ دی ….

کیوبا میں عام طور پر ہانڈی بجلی کے چولہے پر بنائی جاتی ہے … مگر حکومت ہر اس گھر میں جہاں شوگر کا مریض رہتا ہو، ایک گیس کا سلنڈر بھی مہیا کرتی ہے تاکہ اگر کسی روز اتفاقاً بجلی نہ ہو تو شوگر کا مریض بھوکا نہ رہے کیونکہ بہت زیادہ دیر تک بھوکا رہنا اس کے لیے نقصان دہ ثابت ہو سکتا ہے … اور ہاں گیس ختم ہو جانے پر دوبارہ بھروانا بھی حکومت نے اپنے سر لے رکھا ہے …

2005 میں 3000 کیوبن ڈاکٹرز نے پاکستان کے سخت ترین موسم اور خطرناک ترین علاقوں میں زلزلہ زدگان کو علاج کی سہولت مہیا کی … یہ بات تو شاید آپ کو پتہ ہی ہو … مگر شاید آپ یہ نہ جانتے ہوں کہ کیوبا نے 1000 پاکستانی طلبہ کو اپنے ملک میں رکھ کر 1 روپیہ لیے بغیر ڈاکٹر بھی بنایا …

اگر آپ یہ بات نہیں جانتے تو جانتے ہیں کیوں؟؟ کیوں کہ کیوبا نے یہ سب انسانیت کے ناطے کیا … نہ کہ تشہیر کے لیے … اور ہزاروں باتیں، ہزاروں یادیں ہیں جو لکھ سکتا ہوں … مجھے نہیں پتہ کہ یہ سب سوشلزم کا نتیجہ ہیں یا کسی اور کا …..

میں بس اس بات پر خون روتا ہوں کہ ہر طرف سے پانی میں گھِرے چھوٹے سے جزیرے پر رہتے لوگوں کو کچھ نہ ہوتے ہوئے بھی وہ سب کچھ میسر ہے جو میرے وطن کے باسیوں کو سب کچھ ہوتے ہوئے بھی نہیں میسر…

وسعت اللہ خاں
Omyer Cultan Embassy of Japan in Pakistan