07/12/2025
جیکب آباد بلدیہ کی کارکردگی پر پیپلزپارٹی کے ضلعی صدر کا بھی عدم اعتماد،صفائی،روڈ پر تجاوزات سے ٹریفک کی روانی متاثر ہونے پر افسوس کا اظہار سوشل میڈیا پر پیپلزپارٹی کے ضلعی صدر کے بیان کی پزیرائی
جیکب آباد (نامہ نگار) جیکب آباد بلدیہ کی کارکردگی پر پیپلزپارٹی جیکب آباد کے ضلعی صدر لیاقت علی لاشاری نے بھی عدم اعتماد کا اظہار کردیا ہے گزشتہ روز سوشل میڈیا پر اپنی جاری بیان میں پیپلزپارٹی کے ضلعی صدر نے روڈ پر تجاوزات سے ٹریفک مسائل صفائی نہ ہونے اور گندگی سے عوام کو ہونے والی پریشانی کاروبار متاثر ہونے پر افسوس کا اظہار کرتے ہوئے حکام کو ذمہ داری ادا کرنے کی ہدایت کی ہے ضلعی صدر کے اس پوسٹ کو سوشل میڈیا پر بڑی پزیرائی ملی کیونکہ ضلعی صدر نے بڑے عرصے بعد چپ کا روزہ توڑ کر شہری مسائل پر اپنے جذبات کا اظہار کیا ہے انکا کہنا تھا کہ شہر کی حالت بہتر نہیں ہے شہریوں کا کہنا تھا کہ قائد اعظم روڈ پر بلدیہ کی جانب سے ٹھیلوں کو سڑک پر کھڑے کرنے کی اجازت دیکر فیس وصول کی جارہی ہے جس کے باعث ٹریفک جام اس روڈ پر معمول بن گیا ہے شہری پھنس جاتے ہیں روڈ گاڑیاں پارک کرنے والوں کو بھی کوئی روکنے والا نہیں شہر لاوارث ہو گیا ہے شہر کی بہتری کے لئے پیپلزپارٹی کے ضلعی صدر کو اپنا کردار ادا کرنا ہوگا،بلدیہ عوام کو سروس دینے میں ناکام ہے دوکانوں کے کرایوں میں یکدم غیر قانونی 500فیصد اضافہ کیا گیا ٹیکس بھی وصول کیا جارہا ہے لیکن شہر میں بلدیہ نے کوئی ترقی نہ کی ہر سال عوام کی فلاح و بہبود کے لئے کروڑوں کی بجٹ کرپشن کی نذر کی جارہی ہے جس کی شفاف تحقیقات کرکے عوام کی ترقی پر ڈاکہ ڈالنے والوں کو قانون کی گرفت میں لاکر سخت سزا دینا ہوگا تاکہ قانون اور انصاف کا بول بال ہو۔
