FARAN NEWS

09/10/2026

ٹیم ۔۔۔ جلالپور جٹاں پریس کلب پروفیشنلز

08/10/2026

07/10/2026

ممکنہ بلدیاتی انتخابات کا اعلان ہوتے ہی جلالپور جٹاں بالخصوص موہلہ لنگڑیال میں سیاسی سرگرمیوں میں غیر معمولی تیزی دیکھنے میں آ رہی ہے۔ مختلف سیاسی و سماجی شخصیات نے اپنے اپنے سنگ دھڑوں، برادریوں، دوست احباب اور سیاسی رفقا سے رابطوں کا سلسلہ تیز کر دیا ہے۔ جبکہ بند کمروں کی مشاورت سے لے کر باہمی ملاقاتوں تک سیاسی صف بندی کا عمل جاری ہے۔ کئی گروپس بلدیاتی میدان میں اترنے کے لیے اپنے امکانات کا جائزہ لے رہے ہیں اور متوقع امیدواروں کے ناموں پر بھی غور و خوض کیا جا رہا ہے۔جلالپور جٹاں کی سیاسی بساط پر مہرے اپنی اپنی جگہ سنبھالنے لگے ہیں۔ آنے والے دنوں میں یہ سیاسی سرگرمیاں مزید تیز ہونے اور نئی صف بندیوں کے سامنے آنے کا امکان ہے ۔۔۔
موہلہ لنگڑیال سے ایک تگڑے گروپ نے بڑا اعلان کرکے مخالفین کو ورطہ حیرت میں ڈال دیا ہے ۔۔۔ ذرائع

07/10/2026

مقدمہ قتل کی تفتیش میں مبینہ جعلسازی، ریکارڈ میں بے ضابطگیوں اور اختیارات کے ناجائز استعمال /ڈی پی او گجرات کا ایکشن

گجرات ۔ڈی پی او گجرات فیصل شہزاد کے نوٹس پر سابق تفتیشی افسر سب انسپکٹر احمد نواز اور سابق محرر ہیڈکانسٹیبل محمد بلال کے خلاف مقدمہ درج

گجرات ۔مقدمہ قتل کی تفتیش میں بے ضابطگیوں پر انکوائری رپورٹ مرتب

گجرات ۔تھانہ صدر گجرات کے قتل کے مقدمہ کی تفتیش میں مبینہ جعلسازی کا انکشاف سامنے آیا ۔انکوائری رپورٹ

گجرات ۔بیرون ملک روپوش اشتہاری کو مبینہ طور پر بے گناہ قرار دیا گیا۔انکوائری رپورٹ

گجرات ۔قتل کے مقدمہ میں تفتیشی ریکارڈ میں بھی مبینہ بے ضابطگیوں کا انکشاف ہوا۔انکوائری رپورٹ

گجرات ۔چالان پر ایس ایچ او کے جعلی دستخط کرکے عدالت میں جمع کروایا گیا۔انکوائری رپورٹ

گجرات ۔انکوائری رپورٹ کی روشنی میں سابق تفتیشی افسر احمد نواز اور سابق محرر محمد بلال کے خلاف کارروائی عمل میں لائی گئی۔پولیس

گجرات ۔تفتیش کا عمل ہر صورت میرٹ، شفافیت اور غیر جانب داری کے اصولوں کے مطابق کیا جائے گا۔ تفتیش میں کسی بھی قسم کی بے ضابطگی، رشوت ستانی، غفلت یا لاپرواہی ہرگز برداشت نہیں کی جائے گی۔ڈی پی او گجرات

گجرات ۔فرائض میں کوتاہی یا اختیارات کا ناجائز استعمال کرنے والے افسران و اہلکاروں کے خلاف بلاامتیاز سخت قانونی کارروائی عمل میں لائی جائے گی۔ ڈی پی او گجرات فیصل شہزاد

ترجمان گجرات پولیس

06/10/2026

اہم اعلان

مرکزی مہمات اور سرگرمیوں کے پیشِ نظر جلالپور جٹاں میں 9 اکتوبر کو ہونے والا جلسہ عام ملتوی کر دیا گیا ہے۔

جلسہ عام کی **نئی تاریخ کا اعلان بعد میں کیا جائے گا۔

جماعت اسلامی تحصیل جلالپور جٹاں

06/10/2026

Congratulations

04/10/2026

بلدیاتی انتخابات میں اپنا امیدوار میدان میں لائیں گے ۔۔۔ بھرپور قوت سے انتخاب لڑیں گے ۔۔۔ چودھری صغیر لنگڑیال

سابق کونسلر موہلہ لنگڑیال، اوورسیز پاکستانی کمیونٹی آف اسپین کے رہنما چودھری صغیر لنگڑیال نے اپنے میڈیا پیغام میں کہا ہے کہ وہ اپنی سنگت، دھڑے، دوست احباب اور برادری کے معززین سے مسلسل رابطے میں ہیں۔ جبکہ ممکنہ بلدیاتی انتخابات کے حوالے سے مشاورت کا عمل بھی جاری ہے ۔۔۔۔۔۔۔۔۔

چودھری صغیر لنگڑیال نے کہا کہ باہمی مشاورت اور دوست احباب کی رائے کو سامنے رکھتے ہوئے بلدیاتی انتخابات میں اپنا امیدوار میدان میں اتارنے کا فیصلہ کیا جائے گا۔ انہوں نے واضح کیا کہ بلدیاتی انتخابات کا انعقاد جب بھی ہوا ھم اپنے ساتھیوں اور برادری کی مشاورت سے پوری قوت، تیاری اور سیاسی عزم کے ساتھ انتخابی میدان میں اتریں گے ۔۔۔۔۔۔۔۔۔۔

انہوں نے کہا کہ عوامی رابطہ، باہمی مشاورت اور اپنے حلقہ احباب کے اعتماد کو وہ ہمیشہ اہمیت دیتے ہیں۔ اور آنے والے بلدیاتی انتخابات کے حوالے سے بھی تمام فیصلے مشاورت اور اتفاقِ رائے سے کیے جائیں گے ۔۔۔۔۔۔۔۔۔۔۔

شاھد عزیر
ایکسپریس نیوز

04/10/2026

صحت اور فٹنس کا نیا سنگِ میل ۔۔۔ جلالپور جٹاں میں ماہر ڈاکٹرز کی زیرِ نگرانی جدید ترین جم کا شاندار قیام !!!

جلالپور جٹاں میں تندرستی اور فٹنس کے شائقین کے لیے ایک بہترین اور معیاری پیش رفت سامنے آئی ہے۔ جہاں سرکلر روڈ نزد کوٹھی میجر معین نواز وڑائچ پر جدید تقاضوں سے ہم آہنگ Domin8 Gym قائم کر دیا گیا ہے ۔۔۔۔۔۔۔۔۔

اس جم کی نمایاں اور قابلِ اعتماد خصوصیت یہ ہے کہ اسے طبی اور سائنسی اصولوں کو مدِنظر رکھتے ہوئے دو قابل اور پیشہ ور ڈاکٹر بھائی اپنی براہِ راست نگرانی میں چلا رہے ہیں ۔۔۔۔۔۔۔۔۔۔۔

ڈاکٹر علی گل ریز (MBBS سینئر میڈیکل آفیسر) اپنی طبی مہارت کے ساتھ جبکہ ڈاکٹر شاہ زیب (فزیوتھراپسٹ) فزیکل ٹریننگ ورزش اور جسمانی بحالی کے حوالے سے اپنی پیشہ ورانہ مہارت فراہم کر رہے ہیں ۔۔۔۔۔۔۔۔۔۔۔

Domin8 Gym
جدید ترین امپورٹڈ مشینری، پرسکون و خوبصورت ماحول اور باوقار انتظامات سے آراستہ ہے۔ جو نوجوان نسل اور صحت و فٹنس سے متعلق شعور رکھنے والے شہریوں کے لیے ایک منفرد انتخاب بن سکتے ہیں۔
خصوصاً ایسے افراد کے لیے مناسب رہنمائی کی اہمیت بڑھ جاتی ہے جو بلڈ پریشر، شوگر، موٹاپے، فیٹی لیور، انزائٹی یا ڈپریشن جیسے مسائل کے ساتھ صحت مند طرزِ زندگی اپنانا چاہتے ہیں۔ ایسے افراد کے لیے ورزش اور جسمانی سرگرمی کئی صورتوں میں صحت کے مجموعی نظام کو بہتر بنانے میں معاون ثابت ہو سکتی ہے۔ تاہم ہر فرد کی جسمانی کیفیت اور طبی ضرورت مختلف ہوتی ہے۔ اس لیے ماہر ڈاکٹرز کی نگرانی اور مناسب رہنمائی ایک اہم اضافی سہولت فراہم کرتی ہے ۔۔۔۔۔۔۔۔۔۔

خصوصاً ورزش کی نوعیت، شدت اور دورانیہ فرد کی عمر، جسمانی حالت اور طبی پس منظر کو مدِنظر رکھتے ہوئے طے کرنا زیادہ محفوظ اور مؤثر طریقہ ہے۔ یوں Domin8 Gym میں فٹنس کو محض جسمانی مشقت کے بجائے صحت، ورزش اور سائنسی رہنمائی کے امتزاج کے طور پر آگے بڑھانے کی کوشش کی جا رہی ہے ۔۔۔۔۔۔۔۔۔۔۔۔

مقام: سرکلر روڈ نزد کوٹھی میجر معین نواز وڑائچ جلالپور جٹاں ( گجرات )