29/09/2026
پاکستان کے آئین و قانون کے تحت ہر شہری اور تاجر برادری کو اپنے جائز حقوق کے لیے آواز اٹھانا اور پرامن احتجاج کرنا مکمل جمہوری اور آئینی حق حاصل ہے۔ تاجر برادری کسی بھی معیشت میں ریڑھ کی ہڈی کی حیثیت رکھتی ہے، اور ان کے مسائل کا حل نکالنا حکومت اور مقامی انتظامیہ کی بنیادی ذمہ داری ہے۔
افسوسناک امر یہ ہے کہ جڑانوالہ میں انتظامیہ نے تاجروں کے درپیش مسائل کو حل کرنے اور ان کی بات سننے کے بجائے، مرکزی انجمن تاجران کے صدر شیخ عبدالغفار اور ان کے دیگر ساتھیوں پر بے بنیاد اور جھوٹی ایف آئی آر (FIR) درج کر دی ہے۔ تاجروں کی آواز کو دبا کر، دہائیوں سے قائم ان کے کاروبار سے بے دخل کرنا اور اس مہنگائی کے دور میں دکانوں کے کرائے بے تحاشا بڑھانا انتہائی غیر مناسب اور ناانصافی پر مبنی رویہ ہے۔ تاجر برادری انہی دکانوں سے حلال روزی کما کر اپنے بچوں کا پیٹ پالتی ہے، ایسے میں ان کے روزگار کو خطرے میں ڈالنا معاشی قتل کے مترادف ہے۔
جماعت اسلامی جڑانوالہ حکومت پنجاب اور مقامی انتظامیہ کے اس غیر جمہوری اور جابرانہ رویے کی پرزور مذمت کرتی ہے۔ ہم حکومت پنجاب سے درج ذیل مطالبات کرتے ہیں:
مرکزی انجمن تاجران کے صدر شیخ عبدالغفار اور ان کے ساتھیوں پر درج تمام بے بنیاد اور جھوٹی ایف آئی آرز کو فوری ختم کیا جائے۔
تاجروں کو درپیش مسائل، بالخصوص بے دخلی کے خدشات اور ناواجب کرایوں کے بوجھ سے فوری ریلیف فراہم کیا جائے۔
انتظامیہ تاجر نمائندوں کے ساتھ بیٹھ کر ان کے جائز مطالبات تسلیم کرے اور ان کی داد رسی کی جائے۔
حکومت کو چاہیے کہ وہ زور زبردستی کے بجائے تاجروں کے ساتھ تعاون کا راستہ اختیار کرے۔ تاجروں کا معاشی تحفظ ہی علاقے کی خوشحالی کا ضامن ہے۔
#جڑانوالہ @
