20/07/2023
اللہ تعالیٰ کی بارگاہ میں ٹوٹے پھوٹے ، بے ربط الفاظ کے ساتھ مناجات ۔
مجھ کو اپنی قربت کی نعمت ، میرے مولا دے دے
مع خلوت یہ سعادت ، میرے مولا دے دے
ہو تڑپنا اور پھڑکنا اور آہ نیم شبی
یہ کرامت ہے کرامت میرے مولا دے دے
دے کر لذات دنیا سے نفور مجھے
اپنے ذکر کی چاشنی و حلاوت ، میرے مولا دے دے
مہجوری میں پڑوں کو کیا خبر , وہ ہے کتنا اقرب
ایسی قسوت سے نجات میرے مولا دے دے
پھیر کر قلب کو ہنگامہ دنیا سے
رجوع اس کا اپنی طاعت میں میرے مولا دے دے
چشم تر ، سوز جگر ، آہ سرد ، رقت قلب
بس کافی ہے مجھے یہ دولت ، میرے مولا دے دے
دل کو بھر دے اپنی محبت سے یا رب
ہر لحظہ یہ رہے سرشار و مست ، میرے مولا دے دے
سجدوں کی حضوری میں کیا کیف ہے مولا
غفلت میں پڑوں کو یہ سعادت ، میرے مولا دے دے
عاجز رہے عاطف سدا تیرے حضور ۔
نخوت سے مجھے نجات ، میرے مولا دے دے ۔
