29/09/2025
کہوٹہ (ندیم آزاد) گورنمنٹ گرلز ہائر سیکنڈری سکول نڑھ مورین میں ایک شاندار تقریب کا انعقاد کیا گیا جس میں میٹرک اور انٹرمیڈیٹ کے امتحانات میں نمایاں کامیابیاں حاصل کرنے والی طالبات کو انعامات سے نوازا گیا۔
گورنمنٹ گرلز ہائر سکنڈری سکول نڑھ میں تقریب تقسیم انعامات کی ایک پروقار تقریب کیا انعقاد کیا گیا جس میں ایجوکیشن ڈیپارٹمنٹ کے افسران، پنجاب ٹیچر یونین کے عہدیداران، نڑھ ویلفیئر سوسائٹی کے ارکان اور معززینِ علاقہ نے بھرپور شرکت کی۔ معزز مہمانوں میں ڈاکٹر گل (ڈی ای او سیکنڈری راولپنڈی)، سید ضمیر حسین (تحصیل کوآرڈینیٹر)، قاضی محمد عمران (مرکزی صدر پنجاب ٹیچر یونین)، راجہ سعادت حبیب (ضلعی صدر پنجاب ٹیچر یونین)، راجہ تیمور اختر (جنرل سیکرٹری ضلع راولپنڈی) سمیت متعدد شخصیات شامل تھیں۔
مہمانانِ گرامی نے کامیاب طالبات کو مبارکباد پیش کی اور ہیڈ مسٹریس میڈم عائشہ سلیم سمیت اساتذہ و اسٹاف کی محنت و خدمات کو سراہا۔ مقررین نے اپنے خطاب میں کہا کہ پنجاب ٹیچر یونین نہ صرف اساتذہ کے حقوق بلکہ فرائض کی انجام دہی پر بھی بھرپور توجہ دیتی ہے، جبکہ دور دراز علاقوں میں تعینات خواتین اساتذہ کی خدمات حقیقی معنوں میں لائقِ تحسین ہیں۔
تقریب میں نمایاں کارکردگی دکھانے والی طالبات کو انعاماتی شیلڈز جبکہ اساتذہ کو ان کی خدمات کے اعتراف میں اپریسی ایشن سرٹیفکیٹس دیے گئے۔
میڈم عائشہ سلیم نے اپنے خطاب میں اسکول کو درپیش مسائل خصوصاً سٹاف کی کمی پر روشنی ڈالی اور کہا کہ اساتذہ کی قلت سے تعلیمی سرگرمیاں متاثر ہو رہی ہیں، جنہیں فوری پورا کرنے کی ضرورت ہے۔
ایجوکیشن ڈیپارٹمنٹ کے افسران نے یقین دلایا کہ ادارے کو درپیش مسائل ترجیحی بنیادوں پر حل کیے جائیں گے تاکہ یہ اسکول اپنی تعلیمی خدمات مزید مؤثر انداز میں جاری رکھ سکے۔
تقریب کے اختتام پر سکول کی بچے اور بچیوں نے ٹیبلو بھی پیش کیا اور حاضرین سے خوب داد وصول کی
